Arnar Þór Viðarsson – þjálfari U21 árs landsliðs Íslands í knattspyrnu - hefur valið hópinn fyrir komandi verkefni en liðið mætir Ítalíu og Lúxemborg í undankeppni EM 2021 í þessum mánuði. Stærð hópsins vekur athygli en eðlilegar skýringar eru á því.
Næstkomandi föstudag, þann 9. október, fer leikur Íslands og Ítalíu fram á Víkingsvelli. Hefst leikurinn klukkan 15.30 og er í beinni útsendingu Stöðvar 2 Sport. Fjórum dögum síðar, þriðjudaginn 13. október, fer fram leikur Lúxemborgar og Íslands fram ytra.
Í síðari leiknum verða aðeins leikmenn sem spila erlendis til taks.
„Hópurinn sem við erum að velja í þetta verkefni er augljóslega töluvert stærri en venjulega. Ástæðan fyrir þessu er einfaldlega sú að þeir leikmenn sem spila með liðum á Íslandi munu ekki ferðast með liðinu til Lúxemborgar í seinni leikinn vegna sóttvarnareglna á landamærum Íslands, því þeir þyrftu að fara í 5-6 daga sóttkví við heimkomuna með tilheyrandi áhrifum á mótahaldið innanlands,“ sagði Arnar Þór á vef KSÍ um valið.
Hópur U21 karla fyrir leiki gegn Ítalíu og Lúxemborg - Knattspyrnusamband Íslands https://t.co/xO0Q5bZb47
— Knattspyrnusambandið (@footballiceland) October 2, 2020
Athygli vekur að þrír leikmenn hópsins eru aðeins 17 ára að aldri. Ísak Bergmann Jóhannesson – sem hefur gert frábæra hluti með Norrköping í Svíþjóð, ásamt Danijel Dejan Djuric [Midtjylland í Danmörku] og Hákoni Arnari Haraldssyni [FC Kaupmannahöfn].
„Þeir leikmenn sem koma inn í hópinn fyrir seinni leikinn eru allt strákar sem við erum mjög spenntir fyrir að fá að vinna með og við treystum þeim 100 prósent fyrir því að klára verkefnið með sóma. Þetta eru leikmenn sem annað hvort hafa verið í hóp hjá okkur áður, verið mjög nálægt því að komast í hóp, eða þá aðeins yngri leikmenn sem hafa staðið sig vel með U17 og U19 ára liðunum okkar. Við búum einfaldlega við þann lúxus að geta valið marga mjög góða leikmenn í þetta U21 lið,“ sagði Arnar að lokum.
Athugið að leikmenn eru stjörnumerktir eftir því í hvaða leik eða leikjum þeir taka þátt.
* bara leikur gegn Ítalíu.
** leikir gegn Ítalíu og Lúxemborg.
*** bara leikur gegn Lúxemborg.
Hópurinn
Markverðir
Patrik Sigurður Gunnarsson ** | Viborg FF
Elías Rafn Ólafsson ** | Fredericia
Hákon Rafn Valdimarsson * | Grótta
Útileikmenn
Jón Dagur Þorsteinsson * | AGF
Alex Þór Hauksson * | Stjarnan
Hörður Ingi Gunnarsson * | FH
Stefán Teitur Þórðarson * | ÍA
Brynjólfur Andersen Willumsson * | Breiðablik
Arnór Sigurðsson * | CSKA Moscow
Þórir Jóhann Helgason * | FH
Finnur Tómas Pálmason * | KR
Róbert Orri Þorkelsson * | Breiðablik
Valgeir Lunddal Friðriksson * | Valur
Alfons Sampsted ** | Bodö Glimt
Ari Leifsson ** | Strömgodset
Willum Þór Willumsson ** | BATE
Kolbeinn Birgir Finnsson ** | Dortmund
Sveinn Aron Guðjohnsen ** | OB
Ísak Óli Ólafsson ** | Sonderjyske
Valdimar Þór Ingimundarson ** | Strömgodset
Kolbeinn Þórðarson ** | Lommel
Ísak Bergmann Jóhannesson ** | IFK Norrköping
Andri Fannar Baldursson ** | Bologna
Axel Óskar Andrésson *** | Viking
Kristófer Ingi Kristinsson *** | PSV Eindhoven
Birkir Valur Jónsson *** | Spartak Trnava
Bjarki Steinn Bjarkason *** | Venezia
Danijel Dejan Djuric *** | FC Midtjylland
Hákon Arnar Haraldsson *** | FC Köbenhavn
Mikael Egill Ellertsson *** | SPAL