„Í okkar hugarfari um aldir alda að bregðast við kreppum og krísum“ Ingvi Þór Sæmundsson skrifar 9. október 2020 14:03 Jón Þór Hauksson segir að ástandið í þjóðfélaginu setji vissulega strik í reikninginn fyrir undirbúning leiksins mikilvæga gegn Svíþjóð. vísir/vilhelm Jón Þór Hauksson, þjálfari íslenska kvennalandsliðsins í fótbolta, tilkynnti í dag hópinn fyrir leikinn mikilvæga gegn Svíþjóð í undankeppni EM. Hann gerir eina breytingu á hópnum frá síðasta verkefni; Andrea Rán Snæfeld Hauksdóttir kemur inn fyrir samherja sinn hjá Breiðabliki, Rakel Hönnudóttur. „Andrea hefur staðið sig frábærlega vel í deildinni hérna heima í sumar. Hún var með okkur í mörgum verkefnum í fyrra og þekkir hópinn og við þekkjum hana. Það er ánægjulegt að hún komi til baka í hópinn og gleðitíðindi. Rakel gaf ekki kost á sér í þetta verkefni þannig að Andrea kemur inn í staðinn,“ sagði Jón Þór í samtali við Svövu Kristínu Grétarsdóttur. Hópur Íslands fyrir leikinn gegn Svíþjóð 27. október.Our squad for the game against Sweden in the @WEUROEngland22 qualifying.#LeiðinTilEnglands #dottir pic.twitter.com/LepvTvTBJW— Knattspyrnusambandið (@footballiceland) October 9, 2020 Í síðustu landsleikjahrinu vann Ísland 9-0 sigur á Lettlandi og gerði 1-1 jafntefli við Svíþjóð. Framundan er leikur gegn Svíum 27. október sem ræður væntanlega úrslitum um það hvort liðið endar í 1. sæti F-riðils undankeppninnar. Leitin að takti „Okkar markmið er að halda áfram að bæta og þróa leik liðsins. Síðan ég tók við fyrir tveimur árum hefur þetta verið slitrótt, löng hlé á milli leikja og verkefna, og við erum að leita að takti og samfellu í því sem við erum að gera,“ sagði Jón Þór. „Við ætlum að halda leið okkar áfram. Okkar markmið er að komast í úrslitakeppnina í Englandi og sú leið heldur áfram.“ Sveindís Jane Jónsdóttir stimplaði sig inn í landsliðið með látum í síðasta mánuði. Hún skoraði tvö mörk gegn Lettum og lagði upp jöfnunarmarkið gegn Svíum. „Sveindís kom frábærlega inn í þetta og stóð sig virkilega vel innan vallar sem utan. Það er frábært að vinna með henni og það eru fleiri leikmenn í okkar liði sem komu af miklum krafti inn í þessa tvo leiki, eins og Karólína Lea [Vilhjálmsdóttir],“ sagði Jón Þór. Í skýjunum með hópinn Skagamaðurinn hrósaði eldri og reynslumeiri leikmönnum íslenska liðsins og hvernig þær hafa hjálpað yngri leikmönnum landsliðsins. „Við erum með frábæra reynslu í þessu liði, karaktera og leiðtoga sem sást í þessum leikjum og gera það að verkum að þessar stelpur koma inn og geta nýtt sína styrkleika fyrir liðið. Við vorum í skýjunum með hópinn í heild sinni, andinn og stemmningin í honum var frábær í þessu verkefni. Það eru 23 leikmenn sem eiga hrós skilið hvernig þær komu inn, hvernig liðið spilaði o.s.frv.,“ sagði Jón Þór. Gerir okkur erfitt fyrir í undirbúningnum Meirihluti íslenska hópsins spilar hér á landi. Kórónuveirufaraldurinn hefur sett mótahald úr skorðum og ekki liggur fyrir hvenær hægt verður að klára tímabilið. „Eins og staðan er núna er keppnis- og æfingabann til 19. október. Landsliðið kemur saman 19. eða 20. október. Það er ljóst að stelpurnar sem spila hér heima spila enga leiki fyrir þennan stóra leik gegn Svíþjóð. Auðvitað gerir það okkur erfitt fyrir í undirbúningnum. En á móti kemur að við höfum allavega smá reynslu af þessu frá því í vor þar sem félögin gerðu virkilega vel í því að bregðast við ástandinu og þjálfa sína leikmenn upp,“ sagði Jón Þór. „Í þjálfuninni höfum við auðvitað tæki og tól til að fylgjast með og þjálfa leikmenn þrátt fyrir að liðin geti ekki æft í hópum. Við þurfum að bregðast við því. Auðvitað er það í okkar hugarfari, og hefur verið um aldir alda, að bregðast við kreppum og krísum. Þjóðin stendur saman og þjappar sér saman þegar um erfiðleika er að ræða. Við höfum verið þekkt fyrir það og höldum því áfram.“ Viðtalið í heild sinni má sjá hér fyrir neðan. Klippa: Viðtal við Jón Þór EM 2021 í Englandi Mest lesið „Ég bara snappaði í hálfleik“ Íslenski boltinn Anton Sveinn hélt tilfinningaþrungna ræðu eftir lokasundið á ÓL: „Guðirnir öfunda okkur“ Sport Grét eftir rifrildi við dómara: „Finnst alltaf eins og það sé verið að svindla á mér“ Sport Wembanyama mætti 57 sentímetra minni manni Körfubolti Ósáttur við dómarann: „Hann var bara eitthvað illa fyrir kallaður greyið“ Íslenski boltinn „Kvarta ekki þegar við siglum þessu heim eitt-núll“ Íslenski boltinn „Vonandi getum við búið til alls konar vesen hérna á heimavelli“ Íslenski boltinn Uppgjörið: Fylkir - Stjarnan 0-1 | Annar sigur Garðbæinga í röð Íslenski boltinn „Ég varð fyrir vonbrigðum með Gylfa“ Íslenski boltinn Ólafur um dómgæsluna: „Happa og glappa hvað kemur upp úr hattinum“ Íslenski boltinn Fleiri fréttir „Ég bara snappaði í hálfleik“ „Kvarta ekki þegar við siglum þessu heim eitt-núll“ Ósáttur við dómarann: „Hann var bara eitthvað illa fyrir kallaður greyið“ Uppgjörið: Fylkir - Stjarnan 0-1 | Annar sigur Garðbæinga í röð „Vonandi getum við búið til alls konar vesen hérna á heimavelli“ Uppgjörið: Tindastóll - Þór/KA 3-3 | Ótrúleg endurkoma Stólanna Þrenna Omars Sowe kom Leikni upp úr fallsæti Uppgjörið: Þróttur - Keflavík 4-2 | Endurkomusigur Þróttar Ólafur um dómgæsluna: „Happa og glappa hvað kemur upp úr hattinum“ HK búið að finna markvörð Argentína tryggði efsta sætið í uppbótartíma Uppgjörið: Drita - Breiðablik 1-0 | Evrópusumarið á enda runnið Fulham kaupir Smith Rowe og skilur Liverpool eitt eftir „Leka inn mörkum hér og þar þannig að þetta verður áhugaverð barátta“ Þór kaupir Aron frá KR KR-ingar féllu þegar þeir léku síðast níu leiki í röð án sigurs Gylfi ekki með Val til Skotlands Selma Sól aftur til Þrándheims „Ég varð fyrir vonbrigðum með Gylfa“ Steve Bruce gæti tekið við gamla starfi Heimis Hallgríms Sjáðu Viðar Örn skora loksins fyrir KA og Finn Tómas bjarga KR í blálokin Áfrýja stigafrádrættinum en ekki leikbanni þjálfarans fyrrverandi Matthías frá keppni næstu átta vikurnar Orri Steinn í bréfaskiptum við framherja sem einnig vill gullskóinn Glódís Perla bætti meistaraskildinum við í ótrúlegt bikarsafn Bayern Grétar Snær rifbeinsbrotinn „Þurfum að fara að spila fyrir merkið“ Áframhaldandi meiðslavandræði KR: Stefán tognaður Uppgjör: KR - KA 2-2 | Finnur Tómas bjargaði stigi fyrir KR á síðustu stundu Heldur kyrru fyrir í Kópavogi Sjá meira
Jón Þór Hauksson, þjálfari íslenska kvennalandsliðsins í fótbolta, tilkynnti í dag hópinn fyrir leikinn mikilvæga gegn Svíþjóð í undankeppni EM. Hann gerir eina breytingu á hópnum frá síðasta verkefni; Andrea Rán Snæfeld Hauksdóttir kemur inn fyrir samherja sinn hjá Breiðabliki, Rakel Hönnudóttur. „Andrea hefur staðið sig frábærlega vel í deildinni hérna heima í sumar. Hún var með okkur í mörgum verkefnum í fyrra og þekkir hópinn og við þekkjum hana. Það er ánægjulegt að hún komi til baka í hópinn og gleðitíðindi. Rakel gaf ekki kost á sér í þetta verkefni þannig að Andrea kemur inn í staðinn,“ sagði Jón Þór í samtali við Svövu Kristínu Grétarsdóttur. Hópur Íslands fyrir leikinn gegn Svíþjóð 27. október.Our squad for the game against Sweden in the @WEUROEngland22 qualifying.#LeiðinTilEnglands #dottir pic.twitter.com/LepvTvTBJW— Knattspyrnusambandið (@footballiceland) October 9, 2020 Í síðustu landsleikjahrinu vann Ísland 9-0 sigur á Lettlandi og gerði 1-1 jafntefli við Svíþjóð. Framundan er leikur gegn Svíum 27. október sem ræður væntanlega úrslitum um það hvort liðið endar í 1. sæti F-riðils undankeppninnar. Leitin að takti „Okkar markmið er að halda áfram að bæta og þróa leik liðsins. Síðan ég tók við fyrir tveimur árum hefur þetta verið slitrótt, löng hlé á milli leikja og verkefna, og við erum að leita að takti og samfellu í því sem við erum að gera,“ sagði Jón Þór. „Við ætlum að halda leið okkar áfram. Okkar markmið er að komast í úrslitakeppnina í Englandi og sú leið heldur áfram.“ Sveindís Jane Jónsdóttir stimplaði sig inn í landsliðið með látum í síðasta mánuði. Hún skoraði tvö mörk gegn Lettum og lagði upp jöfnunarmarkið gegn Svíum. „Sveindís kom frábærlega inn í þetta og stóð sig virkilega vel innan vallar sem utan. Það er frábært að vinna með henni og það eru fleiri leikmenn í okkar liði sem komu af miklum krafti inn í þessa tvo leiki, eins og Karólína Lea [Vilhjálmsdóttir],“ sagði Jón Þór. Í skýjunum með hópinn Skagamaðurinn hrósaði eldri og reynslumeiri leikmönnum íslenska liðsins og hvernig þær hafa hjálpað yngri leikmönnum landsliðsins. „Við erum með frábæra reynslu í þessu liði, karaktera og leiðtoga sem sást í þessum leikjum og gera það að verkum að þessar stelpur koma inn og geta nýtt sína styrkleika fyrir liðið. Við vorum í skýjunum með hópinn í heild sinni, andinn og stemmningin í honum var frábær í þessu verkefni. Það eru 23 leikmenn sem eiga hrós skilið hvernig þær komu inn, hvernig liðið spilaði o.s.frv.,“ sagði Jón Þór. Gerir okkur erfitt fyrir í undirbúningnum Meirihluti íslenska hópsins spilar hér á landi. Kórónuveirufaraldurinn hefur sett mótahald úr skorðum og ekki liggur fyrir hvenær hægt verður að klára tímabilið. „Eins og staðan er núna er keppnis- og æfingabann til 19. október. Landsliðið kemur saman 19. eða 20. október. Það er ljóst að stelpurnar sem spila hér heima spila enga leiki fyrir þennan stóra leik gegn Svíþjóð. Auðvitað gerir það okkur erfitt fyrir í undirbúningnum. En á móti kemur að við höfum allavega smá reynslu af þessu frá því í vor þar sem félögin gerðu virkilega vel í því að bregðast við ástandinu og þjálfa sína leikmenn upp,“ sagði Jón Þór. „Í þjálfuninni höfum við auðvitað tæki og tól til að fylgjast með og þjálfa leikmenn þrátt fyrir að liðin geti ekki æft í hópum. Við þurfum að bregðast við því. Auðvitað er það í okkar hugarfari, og hefur verið um aldir alda, að bregðast við kreppum og krísum. Þjóðin stendur saman og þjappar sér saman þegar um erfiðleika er að ræða. Við höfum verið þekkt fyrir það og höldum því áfram.“ Viðtalið í heild sinni má sjá hér fyrir neðan. Klippa: Viðtal við Jón Þór
EM 2021 í Englandi Mest lesið „Ég bara snappaði í hálfleik“ Íslenski boltinn Anton Sveinn hélt tilfinningaþrungna ræðu eftir lokasundið á ÓL: „Guðirnir öfunda okkur“ Sport Grét eftir rifrildi við dómara: „Finnst alltaf eins og það sé verið að svindla á mér“ Sport Wembanyama mætti 57 sentímetra minni manni Körfubolti Ósáttur við dómarann: „Hann var bara eitthvað illa fyrir kallaður greyið“ Íslenski boltinn „Kvarta ekki þegar við siglum þessu heim eitt-núll“ Íslenski boltinn „Vonandi getum við búið til alls konar vesen hérna á heimavelli“ Íslenski boltinn Uppgjörið: Fylkir - Stjarnan 0-1 | Annar sigur Garðbæinga í röð Íslenski boltinn „Ég varð fyrir vonbrigðum með Gylfa“ Íslenski boltinn Ólafur um dómgæsluna: „Happa og glappa hvað kemur upp úr hattinum“ Íslenski boltinn Fleiri fréttir „Ég bara snappaði í hálfleik“ „Kvarta ekki þegar við siglum þessu heim eitt-núll“ Ósáttur við dómarann: „Hann var bara eitthvað illa fyrir kallaður greyið“ Uppgjörið: Fylkir - Stjarnan 0-1 | Annar sigur Garðbæinga í röð „Vonandi getum við búið til alls konar vesen hérna á heimavelli“ Uppgjörið: Tindastóll - Þór/KA 3-3 | Ótrúleg endurkoma Stólanna Þrenna Omars Sowe kom Leikni upp úr fallsæti Uppgjörið: Þróttur - Keflavík 4-2 | Endurkomusigur Þróttar Ólafur um dómgæsluna: „Happa og glappa hvað kemur upp úr hattinum“ HK búið að finna markvörð Argentína tryggði efsta sætið í uppbótartíma Uppgjörið: Drita - Breiðablik 1-0 | Evrópusumarið á enda runnið Fulham kaupir Smith Rowe og skilur Liverpool eitt eftir „Leka inn mörkum hér og þar þannig að þetta verður áhugaverð barátta“ Þór kaupir Aron frá KR KR-ingar féllu þegar þeir léku síðast níu leiki í röð án sigurs Gylfi ekki með Val til Skotlands Selma Sól aftur til Þrándheims „Ég varð fyrir vonbrigðum með Gylfa“ Steve Bruce gæti tekið við gamla starfi Heimis Hallgríms Sjáðu Viðar Örn skora loksins fyrir KA og Finn Tómas bjarga KR í blálokin Áfrýja stigafrádrættinum en ekki leikbanni þjálfarans fyrrverandi Matthías frá keppni næstu átta vikurnar Orri Steinn í bréfaskiptum við framherja sem einnig vill gullskóinn Glódís Perla bætti meistaraskildinum við í ótrúlegt bikarsafn Bayern Grétar Snær rifbeinsbrotinn „Þurfum að fara að spila fyrir merkið“ Áframhaldandi meiðslavandræði KR: Stefán tognaður Uppgjör: KR - KA 2-2 | Finnur Tómas bjargaði stigi fyrir KR á síðustu stundu Heldur kyrru fyrir í Kópavogi Sjá meira