Rekinn úr starfi fjórum mánuðum eftir að hafa tekið við

Serbinn Vladimir Ivic var maðurinn sem ráðinn var til félagsins í haust og ljóst að honum var ætlað að koma liðinu beinustu leið upp úr Championship deildinni.

Eftir 2-0 tap gegn Huddersfield á útivelli í gær sendi félagið frá sér tilkynningu þess efnis að Ivic hefði verið rekinn úr starfi.

Ivic stýrði Watford í tuttugu deildarleikjum, vann níu leiki, gerði sjö jafntefli og tapaði fjórum en liðið situr í 5.sæti deildarinnar, níu stigum á eftir toppliði Norwich.