Segja augljóst að ríkið þurfi að aðstoða Icelandair Elín Margrét Böðvarsdóttir skrifar 30. apríl 2020 20:57 Rósa Björk Brynjólfsdóttir, þingmaður Vinstri grænna og Þorgerður Katrín Gunnarsdóttir, formaður Viðreisnar. vísir/samsett Þorgerður Katrín Gunnarsdóttir, formaður Viðreisnar, kveðst ekki hrifin af þeirri hugmynd að ríkið eignist hlut í Icelandair. Aftur á móti, ætli ríkið að leggja fyrirtækinu til fjármagn með beinum hætti, sé alveg ljóst að það þurfi að vera í formi hlutafjár. Rósa Björk Brynjólfsdóttir, þingmaður Vinstri grænna, telur að ríkið þurfi að stíga inn í með meira afgerandi hætti en stjórnvöld gáfu til kynna í dag. Sjá einnig: Útilokar enga möguleika um hvort ríkið eignist hlut í Icelandair „Ég fagna því nú að ríkisstjórnin hafi tekið ákvörðun um það að styðja við fyrirtækið með einhverjum hætti. Mér finnst hins vegar að sá stuðningur mætti vera meiri og skýrari. Ríkisstuðningur við flugfélag að þessari stærðargráðu er náttúrlega stuðningur úr sjóðum almennings, til þess að fyrirtækið geti haldið áfram sinni starfsemi og fólk geti haldið áfram sínum störfum, þá finnst mér að sá stuðningur þurfi að vera bundinn einhverjum skýrum skilyrðum eins og við erum að sjá evrópskar ríkisstjórnir gera í sínum stuðningi við evrópsk flugfélög,“ segir Rósa Björk. Ríkið verði þá að setja þau skilyrði fyrir sínum stuðningi að félagið stundi ábyrga starfshætti, laun og bónusgreiðslur til æðstu stjórnenda sem og arðgreiðslur verði teknar til endurskoðunar og að umhverfissjónarmið verði höfð að leiðarljósi. Rósa Björk Brynjólfsdóttir, þingmaður Vinstri grænna.Vísir/Vilhelm „Það er alveg ljóst að ef að ríkið kemur til með afgerandi hætti, eins og kannski miklar líkur eru á að gerist, meiri heldur en að við sáum í dag, að þá verði þeim stuðningi breytt í hlutafé í félaginu og þá er náttúrlega viðbúið að ríkið geri skýr skilyrði fyrir þeirri aðstoð, líkt og við erum að sjá alls staðar í Evrópu,“ segir Rósa. Spurð hvort hún telji þá ólíku hugmyndafræði sem einkennir þá flokka sem mynda ríkisstjórn geta orðið til þess að erfitt verði að komast að sameiginlegri niðurstöðu segist Rósa vona að svo verði ekki. „Ég held að það skipti gríðarlega miklu máli fyrir íslenskt efnahagslíf og atvinnulíf og við erum að sjá gríðarlega háar tölur þegar kemur að atvinnuleysistölum bara í dag sem er ótrúlega dapurlegt að sjá. En ég vona að það náist eitthvað samkomulag um aðkomu ríkisins og ég vona það besta,“ segir Rósa. Þorgerður Katrín segir það mikil forréttindi fyrir Íslendinga að vera með innlent og öflugt flugfélag. „Þá skiptir miklu núna á þessum tímum þar sem við erum ekki alveg að sjá hlutina fyrir að varðveita þekkinguna, reynsluna, tengslin og leyfin meðal annars sem Icelandair hefur yfir að ráða. Þess vegna fagna ég því að ríkisstjórnin, hún má stíga fram með afgerandi hætti, meira heldur en hún hefur gert í dag, að það verði allt gert til þess að reyna að stuðla að því að starfsemi Icelandair haldi áfram,“ segir Þorgerður. Þorgerður Katrín fylgdist með óundirbúnum fyrirspurnum á Alþingi í dag.Visir/Vilhelm Sjálf sé hún þó ekki mjög hrifin af því að ríkið fari og eignist hlut í flugfélagi. „En á hinn bóginn er það alveg skýrt að ef að ríkið kemur að einhverjum hætti að með lánum að þá verða veðin að vera örugg og veðin verða að vera sterk og trygg. Og ef að ríkisstjórnin ætlar að fara að koma með fjármagn inn í fyrirtæki þá liggur alveg ljóst fyrir að þá verður það að vera í formi hlutafjár,“ segir Þorgerður. Best ef hluthafar klára dæmið sjálfir Fýsilegasti kosturinn væri þó sá að hluthafarnir myndu klára málið sjálfir og reyna að fjármagna þá viðbót sem uppá vantar. „Hún er mikil og nýjustu tölur herma að það þurfi að vera að minnsta kosti 22 til 28 milljarðar, þetta eru risa fjárhæðir. Það blasir nokkurn veginn við að íslenska ríkið þarf að koma að þessu eins og alls staðar annars staðar er verið að gera í Evrópu,“ segir Þorgerður. „Ég hefði kosið hina leiðina en það er alveg skýrt, ég tek undir það sem Rósa segir, skilyrðin þurfa að vera mjög skýr, en það er ekki þannig að íslenska ríkið eigi að fara að gefa pening, það er ekki þannig og það verður að tala skýrt í þeim efnum,“ bætir hún við. Hún kveðst ekki skilja þá sem tali á þá leið að setja eigi félagið í þrot. „Mér finnst galið að heyra þetta. Það væri glapræði í dag ef íslenska ríkið myndi ekki stíga inn í núna og hjálpa félaginu. Það væri glapræði. Við eigum að gera allt en með skýrar reglur og skýrar kröfur,“ segir Þorgerður. Icelandair Alþingi Faraldur kórónuveiru (COVID-19) Mest lesið „Þetta eru í rauninni mjög sorglegar niðurstöður“ Innlent Joe Biden með Covid Erlent Sautján milljóna króna greiðslan vekur hneykslan Innlent Hinn látni í Suðursveit ungur pólskur maður Innlent Þrettán þúsund krónur fyrir nótt í tjaldi Innlent Hefja viðgerðir þó það gæti gosið á næstu dögum eða vikum Innlent Dósent við HÍ „óskaði þess að árásarmaðurinn hefði hitt“ Innlent Dvaldi lengi í Engey áður en hún synti til baka í flasið á hvalaskoðunarskipi Innlent Samfélagið þurfi á börnum að halda Innlent Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent Fleiri fréttir „Þetta eru í rauninni mjög sorglegar niðurstöður“ Hefja viðgerðir þó það gæti gosið á næstu dögum eða vikum Samfélagið þurfi á börnum að halda Viðgerðir á meðan búist er við gosi og skötuveisla um hásumar Hinn látni í Suðursveit ungur pólskur maður Hengdu Palestínufána á Hallgrímskirkjuturn Mótmælir gjaldtöku við Egilsstaðaflugvöll með gagnkvæmu skutli Sautján milljóna króna greiðslan vekur hneykslan Dósent við HÍ „óskaði þess að árásarmaðurinn hefði hitt“ Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Þrettán þúsund krónur fyrir nótt í tjaldi Íslendingur á sextugsaldri fannst látinn í Taílandi Dvaldi lengi í Engey áður en hún synti til baka í flasið á hvalaskoðunarskipi Metfjöldi sérsveitarmanna á Þjóðhátíð í sumar Ákærður fyrir að stinga mann í heimahúsi í Súðavík Veitingamenn berjist í bökkum Stórhættulegur framúrakstur á Holtavörðuheiði Íslensk kona og fjölskylda hennar á sjúkrahúsi eftir árás á Krít Diljá Mist segir hræsni einkenna íslenska femínista Sérsveit þurfti ekki að skerast í leikinn vegna ferðamanns á tjaldstæði Frjósemi á Íslandi aldrei verið minni en í fyrra Telur ekki trúlegt að komið verði á samkomutakmörkunum Laðar fjárfesta að til að halda Skaganum á Skaganum Þrjár líkamsárásir, vinnuslys og mannlaus bíll á ferð „Væri ekki að fara ef ekki væri fyrir góðvild fólks“ Fyrsta heimasmíðaða útvarp landsins til sýnis „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Sjá meira
Þorgerður Katrín Gunnarsdóttir, formaður Viðreisnar, kveðst ekki hrifin af þeirri hugmynd að ríkið eignist hlut í Icelandair. Aftur á móti, ætli ríkið að leggja fyrirtækinu til fjármagn með beinum hætti, sé alveg ljóst að það þurfi að vera í formi hlutafjár. Rósa Björk Brynjólfsdóttir, þingmaður Vinstri grænna, telur að ríkið þurfi að stíga inn í með meira afgerandi hætti en stjórnvöld gáfu til kynna í dag. Sjá einnig: Útilokar enga möguleika um hvort ríkið eignist hlut í Icelandair „Ég fagna því nú að ríkisstjórnin hafi tekið ákvörðun um það að styðja við fyrirtækið með einhverjum hætti. Mér finnst hins vegar að sá stuðningur mætti vera meiri og skýrari. Ríkisstuðningur við flugfélag að þessari stærðargráðu er náttúrlega stuðningur úr sjóðum almennings, til þess að fyrirtækið geti haldið áfram sinni starfsemi og fólk geti haldið áfram sínum störfum, þá finnst mér að sá stuðningur þurfi að vera bundinn einhverjum skýrum skilyrðum eins og við erum að sjá evrópskar ríkisstjórnir gera í sínum stuðningi við evrópsk flugfélög,“ segir Rósa Björk. Ríkið verði þá að setja þau skilyrði fyrir sínum stuðningi að félagið stundi ábyrga starfshætti, laun og bónusgreiðslur til æðstu stjórnenda sem og arðgreiðslur verði teknar til endurskoðunar og að umhverfissjónarmið verði höfð að leiðarljósi. Rósa Björk Brynjólfsdóttir, þingmaður Vinstri grænna.Vísir/Vilhelm „Það er alveg ljóst að ef að ríkið kemur til með afgerandi hætti, eins og kannski miklar líkur eru á að gerist, meiri heldur en að við sáum í dag, að þá verði þeim stuðningi breytt í hlutafé í félaginu og þá er náttúrlega viðbúið að ríkið geri skýr skilyrði fyrir þeirri aðstoð, líkt og við erum að sjá alls staðar í Evrópu,“ segir Rósa. Spurð hvort hún telji þá ólíku hugmyndafræði sem einkennir þá flokka sem mynda ríkisstjórn geta orðið til þess að erfitt verði að komast að sameiginlegri niðurstöðu segist Rósa vona að svo verði ekki. „Ég held að það skipti gríðarlega miklu máli fyrir íslenskt efnahagslíf og atvinnulíf og við erum að sjá gríðarlega háar tölur þegar kemur að atvinnuleysistölum bara í dag sem er ótrúlega dapurlegt að sjá. En ég vona að það náist eitthvað samkomulag um aðkomu ríkisins og ég vona það besta,“ segir Rósa. Þorgerður Katrín segir það mikil forréttindi fyrir Íslendinga að vera með innlent og öflugt flugfélag. „Þá skiptir miklu núna á þessum tímum þar sem við erum ekki alveg að sjá hlutina fyrir að varðveita þekkinguna, reynsluna, tengslin og leyfin meðal annars sem Icelandair hefur yfir að ráða. Þess vegna fagna ég því að ríkisstjórnin, hún má stíga fram með afgerandi hætti, meira heldur en hún hefur gert í dag, að það verði allt gert til þess að reyna að stuðla að því að starfsemi Icelandair haldi áfram,“ segir Þorgerður. Þorgerður Katrín fylgdist með óundirbúnum fyrirspurnum á Alþingi í dag.Visir/Vilhelm Sjálf sé hún þó ekki mjög hrifin af því að ríkið fari og eignist hlut í flugfélagi. „En á hinn bóginn er það alveg skýrt að ef að ríkið kemur að einhverjum hætti að með lánum að þá verða veðin að vera örugg og veðin verða að vera sterk og trygg. Og ef að ríkisstjórnin ætlar að fara að koma með fjármagn inn í fyrirtæki þá liggur alveg ljóst fyrir að þá verður það að vera í formi hlutafjár,“ segir Þorgerður. Best ef hluthafar klára dæmið sjálfir Fýsilegasti kosturinn væri þó sá að hluthafarnir myndu klára málið sjálfir og reyna að fjármagna þá viðbót sem uppá vantar. „Hún er mikil og nýjustu tölur herma að það þurfi að vera að minnsta kosti 22 til 28 milljarðar, þetta eru risa fjárhæðir. Það blasir nokkurn veginn við að íslenska ríkið þarf að koma að þessu eins og alls staðar annars staðar er verið að gera í Evrópu,“ segir Þorgerður. „Ég hefði kosið hina leiðina en það er alveg skýrt, ég tek undir það sem Rósa segir, skilyrðin þurfa að vera mjög skýr, en það er ekki þannig að íslenska ríkið eigi að fara að gefa pening, það er ekki þannig og það verður að tala skýrt í þeim efnum,“ bætir hún við. Hún kveðst ekki skilja þá sem tali á þá leið að setja eigi félagið í þrot. „Mér finnst galið að heyra þetta. Það væri glapræði í dag ef íslenska ríkið myndi ekki stíga inn í núna og hjálpa félaginu. Það væri glapræði. Við eigum að gera allt en með skýrar reglur og skýrar kröfur,“ segir Þorgerður.
Icelandair Alþingi Faraldur kórónuveiru (COVID-19) Mest lesið „Þetta eru í rauninni mjög sorglegar niðurstöður“ Innlent Joe Biden með Covid Erlent Sautján milljóna króna greiðslan vekur hneykslan Innlent Hinn látni í Suðursveit ungur pólskur maður Innlent Þrettán þúsund krónur fyrir nótt í tjaldi Innlent Hefja viðgerðir þó það gæti gosið á næstu dögum eða vikum Innlent Dósent við HÍ „óskaði þess að árásarmaðurinn hefði hitt“ Innlent Dvaldi lengi í Engey áður en hún synti til baka í flasið á hvalaskoðunarskipi Innlent Samfélagið þurfi á börnum að halda Innlent Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent Fleiri fréttir „Þetta eru í rauninni mjög sorglegar niðurstöður“ Hefja viðgerðir þó það gæti gosið á næstu dögum eða vikum Samfélagið þurfi á börnum að halda Viðgerðir á meðan búist er við gosi og skötuveisla um hásumar Hinn látni í Suðursveit ungur pólskur maður Hengdu Palestínufána á Hallgrímskirkjuturn Mótmælir gjaldtöku við Egilsstaðaflugvöll með gagnkvæmu skutli Sautján milljóna króna greiðslan vekur hneykslan Dósent við HÍ „óskaði þess að árásarmaðurinn hefði hitt“ Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Þrettán þúsund krónur fyrir nótt í tjaldi Íslendingur á sextugsaldri fannst látinn í Taílandi Dvaldi lengi í Engey áður en hún synti til baka í flasið á hvalaskoðunarskipi Metfjöldi sérsveitarmanna á Þjóðhátíð í sumar Ákærður fyrir að stinga mann í heimahúsi í Súðavík Veitingamenn berjist í bökkum Stórhættulegur framúrakstur á Holtavörðuheiði Íslensk kona og fjölskylda hennar á sjúkrahúsi eftir árás á Krít Diljá Mist segir hræsni einkenna íslenska femínista Sérsveit þurfti ekki að skerast í leikinn vegna ferðamanns á tjaldstæði Frjósemi á Íslandi aldrei verið minni en í fyrra Telur ekki trúlegt að komið verði á samkomutakmörkunum Laðar fjárfesta að til að halda Skaganum á Skaganum Þrjár líkamsárásir, vinnuslys og mannlaus bíll á ferð „Væri ekki að fara ef ekki væri fyrir góðvild fólks“ Fyrsta heimasmíðaða útvarp landsins til sýnis „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Sjá meira
Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent
Óvenjulegi tölvupósturinn birtur: Spurði dómarann hvaða starfsmann hann ætti að reka fyrir jólin Innlent