Tekjur tvöfölduðust á kórónuveiruárinu Kolbeinn Tumi Daðason skrifar 17. febrúar 2021 16:25 Ragnar stofnaði AwareGo með eiginkonu sinni Helgu Steinþórsdóttur árið 2007. Aðsend Tekjur netöryggisfyrirtækisins AwareGo rúmlega tvöfölduðust frá árinu 2019 til 2020. Fyrirtækið þakkar vöxtinn að mestu stórum langtímasamningum við erlend fyrirtæki og endursöluaðila sem hlaupi á milljónum dollara, hundruðum milljóna króna. Framkvæmdastjóri AwareGo segir vöxt fyrirtækisins undanfarin tvö ár hafa verið ævintýralegan. AwareGO hefur verið starfandi frá 2007 og sérhæfir sig í gerð myndbanda og kennsluhugbúnaðar sem nýtist fyrirtækjum og stofnunum við að auka netöryggi með þjálfun starfsfólks. Hugbúnaðurinn er allur í skýinu sem þýðir að engra kerfisbreytinga er þörf af hálfu notenda og er hann hannaður til að tengjast öðrum hugbúnaðarlausnum. Meðal viðskiptavina AwareGO eru stofnanir og fyrirtæki á borð við Credit Suisse, Barclays, General Electric, UN Women og Nethope. Í tilkynningu frá AwareGo segir að eftirspurn eftir netöryggislausnum og þjálfun fyrir starfsfólk hafi stóraukist vegna Covid-19 auk þess sem innleiðing á svokallaðri GDPR-löggjöf og öðrum svipuðum persónuverndarreglugerðum skylda fyrirtæki til að þjálfa starfsfólk til að koma í veg fyrir leka á persónuupplýsingum og að læra að forðast tölvuárásir. Þörfin fyrir slíkt hafi orðið sérstaklega augljós í heimsfaraldri Covid-19 sem jók heimavinnu starfsfólks sem þar með fór úr nokkuð öruggu umhverfi skrifstofunnar í heimahús þar sem erfiðara er að tryggja netöryggi auk þess sem fólk umgengst netið á annan hátt heima við en á vinnustöðum. „Síðasta ár var óvenjulegt fyrir okkur öll en þó frekar spennandi fyrir AwareGO. Við unnum heima eins og svo margir aðrir en þörfin fyrir vörurnar okkar var gríðarleg og við náðum að landa stórum samningum þrátt fyrir að geta aldrei hitt neinn í eigin persónu. Það má segja að fjarfundir hafi styrkt samkeppnisstöðu minni fyrirtækja. Nú sitja allir, stórir sem smáir, við sama borð og það borð kann að vera eldhús- eða borðstofuborðið. Það eina sem skiptir máli er varan og hugvitið á bak við hana. Stórir erlendir aðilar hafa að auki sýnt AwareGO áhuga sem fjárfestingartækifæri á undanförnum 12 mánuðum og þær viðræður hafa einnig farið fram í gegnum fjarfundi,“ segir Ragnar Sigurðsson, framkvæmdastjóri AwareGO sem stofnaði fyrirtækið ásamt eiginkonu sinni Helgu Steinþórsdóttur. Í tilkynningu segir að notendafjöldi AwareGO hafi meira en sjöfaldast á síðastliðnum tveimur árum og 99% viðskiptavina hafi endurnýjað samninga sína við fyrirtækið eftir að fyrstu áskrift líkur. „Stækkun AwareGO hefur verið ævintýraleg undanfarin tvö ár eða allt frá því að við settum hugbúnaðarlausnina okkar á markað. Við vorum áður með vinsælt kennsluefni en okkur vantaði skalanlega leið til að selja það og dreifa. Með því að hafa allt í skýjalausn náum við betur að hjálpa viðskiptavinum okkar að þjálfa sitt starfsfólk með markvissum og mælanlegum hætti. Stöðug fjölgun viðskiptavina auk stórra viðskiptasamninga og útboða sem við höfum náð að landa á undanförnu ári sýna að varan okkar er algjörlega á pari við það besta sem býðst frá mun stærri og þekktari fyrirtækjum í þessum geira,“ segir Ragnar. Hann segir vöxt AwareGo greinilegastan þegar komi að mælingum á endurteknum mánaðarlegum tekjum sem hafi þrefaldast árið 2020. Bein sala í gegnum netið til lítilla og millistórra fyrirtækja hafi aukist nokkuð á meðan tekjur í gegnum endursöluaðila og beinar sölur til stórfyrirtækja hafa stóraukist. „Stór hluti vaxtarins hjá AwareGO kemur til vegna aukinnar áherslu á samstarf við endursöluaðila. Aukinn kraftur var settur í þennan hluta viðskiptamódelsins í lok árs 2019. Tekjur vegna endursöluaðila sem selja efni og hugbúnað AwareGO áfram til sinna viðskiptavina hafa þrefaldast á undanförnum 12 mánuðum. Meðal endursöluaðila sem vinna með AwareGO eru þekkt fyrirtæki á borð við TrendMicro, Advania, Eloomi og Cofense. Stærstur hluti mánaðarlegra tekna AwareGO kemur þó enn í gegnum beinar sölur og hafa tekjur vegna beinnar sölu til stórfyrirtækja fimmfaldast. Þyngst vega þar stórir samningar við Fortune 500 stórfyrirtæki með gríðarlegan fjölda starfsmanna,“ segir í tilkynningunni. Faraldur kórónuveiru (COVID-19) Netöryggi Mest lesið Frumkvöðlar í áratugi: „Launalaus sjálfboðavinna fyrstu árin“ Atvinnulíf Ísfélagið greiðir út tveggja milljarða arð Viðskipti innlent Gefur eftir í tollastríði við Kína Viðskipti erlent Nýjar íbúðir seljast verr en aðrar vegna stærðar Viðskipti innlent Ætlar að einbeita sér að Tesla eftir slæmt uppgjör Viðskipti erlent Notendur þurfi að bregðast við vilji þeir ekki að gögn verði notuð Viðskipti erlent Ummæli Trumps um „meiriháttar lúser“ leggjast illa í markaðinn Viðskipti erlent Að komast aftur í vinnugírinn eftir geggjað páskafrí Atvinnulíf ESB sektar Apple og Meta um rúma hundrað milljarða Viðskipti erlent Elskar kaffi að ítölskum sið og línulega dagskrá Atvinnulíf Fleiri fréttir Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Nýjar íbúðir seljast verr en aðrar vegna stærðar Bærinn vildi húsið en þurfti svo að borga tvöfalt meira Aðalgeir frá Lucinity til Símans Latabæjarnammið vel þekkt um allan heim Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Þriggja ára fangelsi og tveggja milljarða sekt Stofnandinn búinn að eignast Mandi á ný Matvælastofnun gerir ekki athugsemdir við kjötvinnslu í Álfabakka Íslandshótel taka að óbreyttu yfir rekstur Nordica og Natura Ánægjulegt að breið sátt liggi fyrir um uppgjör vegna ÍL-sjóðs Hafa samþykkt tillögu um uppgjör ríkisins á bréfum ÍL-sjóðs Icelandair skrúfar fyrir fría gosið Sjá meira
AwareGO hefur verið starfandi frá 2007 og sérhæfir sig í gerð myndbanda og kennsluhugbúnaðar sem nýtist fyrirtækjum og stofnunum við að auka netöryggi með þjálfun starfsfólks. Hugbúnaðurinn er allur í skýinu sem þýðir að engra kerfisbreytinga er þörf af hálfu notenda og er hann hannaður til að tengjast öðrum hugbúnaðarlausnum. Meðal viðskiptavina AwareGO eru stofnanir og fyrirtæki á borð við Credit Suisse, Barclays, General Electric, UN Women og Nethope. Í tilkynningu frá AwareGo segir að eftirspurn eftir netöryggislausnum og þjálfun fyrir starfsfólk hafi stóraukist vegna Covid-19 auk þess sem innleiðing á svokallaðri GDPR-löggjöf og öðrum svipuðum persónuverndarreglugerðum skylda fyrirtæki til að þjálfa starfsfólk til að koma í veg fyrir leka á persónuupplýsingum og að læra að forðast tölvuárásir. Þörfin fyrir slíkt hafi orðið sérstaklega augljós í heimsfaraldri Covid-19 sem jók heimavinnu starfsfólks sem þar með fór úr nokkuð öruggu umhverfi skrifstofunnar í heimahús þar sem erfiðara er að tryggja netöryggi auk þess sem fólk umgengst netið á annan hátt heima við en á vinnustöðum. „Síðasta ár var óvenjulegt fyrir okkur öll en þó frekar spennandi fyrir AwareGO. Við unnum heima eins og svo margir aðrir en þörfin fyrir vörurnar okkar var gríðarleg og við náðum að landa stórum samningum þrátt fyrir að geta aldrei hitt neinn í eigin persónu. Það má segja að fjarfundir hafi styrkt samkeppnisstöðu minni fyrirtækja. Nú sitja allir, stórir sem smáir, við sama borð og það borð kann að vera eldhús- eða borðstofuborðið. Það eina sem skiptir máli er varan og hugvitið á bak við hana. Stórir erlendir aðilar hafa að auki sýnt AwareGO áhuga sem fjárfestingartækifæri á undanförnum 12 mánuðum og þær viðræður hafa einnig farið fram í gegnum fjarfundi,“ segir Ragnar Sigurðsson, framkvæmdastjóri AwareGO sem stofnaði fyrirtækið ásamt eiginkonu sinni Helgu Steinþórsdóttur. Í tilkynningu segir að notendafjöldi AwareGO hafi meira en sjöfaldast á síðastliðnum tveimur árum og 99% viðskiptavina hafi endurnýjað samninga sína við fyrirtækið eftir að fyrstu áskrift líkur. „Stækkun AwareGO hefur verið ævintýraleg undanfarin tvö ár eða allt frá því að við settum hugbúnaðarlausnina okkar á markað. Við vorum áður með vinsælt kennsluefni en okkur vantaði skalanlega leið til að selja það og dreifa. Með því að hafa allt í skýjalausn náum við betur að hjálpa viðskiptavinum okkar að þjálfa sitt starfsfólk með markvissum og mælanlegum hætti. Stöðug fjölgun viðskiptavina auk stórra viðskiptasamninga og útboða sem við höfum náð að landa á undanförnu ári sýna að varan okkar er algjörlega á pari við það besta sem býðst frá mun stærri og þekktari fyrirtækjum í þessum geira,“ segir Ragnar. Hann segir vöxt AwareGo greinilegastan þegar komi að mælingum á endurteknum mánaðarlegum tekjum sem hafi þrefaldast árið 2020. Bein sala í gegnum netið til lítilla og millistórra fyrirtækja hafi aukist nokkuð á meðan tekjur í gegnum endursöluaðila og beinar sölur til stórfyrirtækja hafa stóraukist. „Stór hluti vaxtarins hjá AwareGO kemur til vegna aukinnar áherslu á samstarf við endursöluaðila. Aukinn kraftur var settur í þennan hluta viðskiptamódelsins í lok árs 2019. Tekjur vegna endursöluaðila sem selja efni og hugbúnað AwareGO áfram til sinna viðskiptavina hafa þrefaldast á undanförnum 12 mánuðum. Meðal endursöluaðila sem vinna með AwareGO eru þekkt fyrirtæki á borð við TrendMicro, Advania, Eloomi og Cofense. Stærstur hluti mánaðarlegra tekna AwareGO kemur þó enn í gegnum beinar sölur og hafa tekjur vegna beinnar sölu til stórfyrirtækja fimmfaldast. Þyngst vega þar stórir samningar við Fortune 500 stórfyrirtæki með gríðarlegan fjölda starfsmanna,“ segir í tilkynningunni.
Faraldur kórónuveiru (COVID-19) Netöryggi Mest lesið Frumkvöðlar í áratugi: „Launalaus sjálfboðavinna fyrstu árin“ Atvinnulíf Ísfélagið greiðir út tveggja milljarða arð Viðskipti innlent Gefur eftir í tollastríði við Kína Viðskipti erlent Nýjar íbúðir seljast verr en aðrar vegna stærðar Viðskipti innlent Ætlar að einbeita sér að Tesla eftir slæmt uppgjör Viðskipti erlent Notendur þurfi að bregðast við vilji þeir ekki að gögn verði notuð Viðskipti erlent Ummæli Trumps um „meiriháttar lúser“ leggjast illa í markaðinn Viðskipti erlent Að komast aftur í vinnugírinn eftir geggjað páskafrí Atvinnulíf ESB sektar Apple og Meta um rúma hundrað milljarða Viðskipti erlent Elskar kaffi að ítölskum sið og línulega dagskrá Atvinnulíf Fleiri fréttir Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Nýjar íbúðir seljast verr en aðrar vegna stærðar Bærinn vildi húsið en þurfti svo að borga tvöfalt meira Aðalgeir frá Lucinity til Símans Latabæjarnammið vel þekkt um allan heim Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Ekkert samtal í gangi milli stjórnvalda og sjávarútvegs VÍS opnar aftur skrifstofu á Akranesi KS fyrstir til að nýta sér nýja varaleið um gervihnetti Jón Guðni tekur við formennsku Algengast að óljósar starfslýsingar valdi togstreitu og gremju Sigurjón Örn tekur við af Sveini hjá Kletti „Þar skeikar milljörðum í vanmati ráðuneytisins“ Hætta við flug til Madeira, Pula, Düsseldorf og Hamborgar Allri stjórn Landsvirkjunar skipt út Um 80 prósent vilja að gjöld útgerða taki mið af raunverulegu aflaverðmæti Álögur ríkisins á bankana lendi að miklu leyti á almenningi Þriggja ára fangelsi og tveggja milljarða sekt Stofnandinn búinn að eignast Mandi á ný Matvælastofnun gerir ekki athugsemdir við kjötvinnslu í Álfabakka Íslandshótel taka að óbreyttu yfir rekstur Nordica og Natura Ánægjulegt að breið sátt liggi fyrir um uppgjör vegna ÍL-sjóðs Hafa samþykkt tillögu um uppgjör ríkisins á bréfum ÍL-sjóðs Icelandair skrúfar fyrir fría gosið Sjá meira