Hælisleitendur: Skýr skilaboð frá Norðurlöndum Ólafur Ísleifsson skrifar 21. febrúar 2021 09:00 Norðurlöndin hafa söðlað um í stefnu sinni í málefnum hælisleitenda. Sterkur samhljómur er með Dönum og Norðmönnum í þessum málum. Nýja stefnan felst í að veita fólki hjálp með atbeina alþjóðlegra stofnana. Styðja beri við fólk á heimaslóð þar sem fé nýtist sem best og gagnast sem flestum og taka við kvótaflóttamönnum í samvinnu við Sameinuðu þjóðirnar. Hælisleitendur sæki um í móttökustöðvum utan Evrópu. Þetta kemur skýrt fram í stefnu danska jafnaðarmannaflokksins sem mætti þýða sem Réttlát og raunhæf - Heildaráætlun um danska útlendingastefnu. Stjórnarsáttmáli norsku ríkisstjórnarinnar er skýr um þetta. Danskir stjórnarandstöðuþingmenn, t.d. úr mið-hægriflokknum Venstre, ráku á eftir efndum af hálfu ríkisstjórnarinnar í umræðum í þjóðþinginu undir lok liðins árs. Stefnan mistök – kerfið hrunið Danski jafnaðarmannaflokkurinn segir fólk á flótta setja sig í lífshættu þar sem menn af misjöfnu sauðahúsi hagnist um stórfé á ógæfu annarra. Tíu þúsund börn, konur og karlar hafa farist eða týnst í Miðjarðarhafinu. Þessi harmleikur kalli á réttlátara hælisleitendakerfi. Danski forsætisráðherrann, Mette Fredriksen, segir stefnu fortíðar mistök. Hún segir evrópska hælisleitendakerfið hrunið. Hér á landi sækja sexfalt fleiri um hæli en í Danmörku og Noregi. Þessar tölur Útlendingastofnunar bera vitni um að við höfum orðið viðskila við Norðurlöndin. Íslenskir ráðamenn geta ekki látið sem þeir hafa ekki tekið eftir stefnubreytingu Norðurlanda í málaflokknum. Í þoku Málaflokkurinn kom til umræðu á Alþingi í vikunni í tilefni af frumvarpi Ásmundar Einars Daðasonar félagsmálaráðherra. Þingmenn gagnrýndu frumvarpið fyrir að fela í sér skilaboð um að hér væri vænlegt að sækja um hæli. Yfirlýsing um að hælisleitendur standi jafnfætis kvótaflóttamönnum gæti verið vatn á myllu glæpamanna sem selja ferðir á manndrápsfleytum yfir Miðjarðarhafið með stefnu á þau lönd sem sýnast opnust. Ráðherrann þóttist lítið skilja og spurði eins og í þoku hvort þingmenn vildu ekki að fólk fengi námskeið í íslensku. Kostnaður vegna frumvarpsins er ekki rakinn til aukinnar íslenskukennslu. Þessi framganga ráðherrans er óboðleg. Honum ber að taka málefnið alvarlega og taka mið af reynslu nágrannaþjóða. Danir í frelsisbaráttu (já, þið lásuð rétt) Vönduð og ítarleg stefnuyfirlýsing danska jafnaðarmannaflokksins liggur til grundvallar stefnu ríkisstjórnar flokksins í málaflokknum. Lokakafli yfirlýsingarinnar í fimm liðum ber athyglisverða yfirskrift, Hin nýja frelsisbarátta (Den nye frihedskamp). Aðskilnaði hafnað Fyrst segir að danskt samfélag njóti góðs af mörgum þeirra sem komið hafi til landsins í áranna rás. Margir standi sig vel, hafi lært dönsku, menntað sig, séu í vinnu og taki undir dönsk gildi, m.a. lýðræði og jafnrétti kynjanna, eins og rakið er í skjalinu. Þeir séu Danir. En því miður hafi of margir komið til Danmerkur án þess að verða hluti af samfélaginu. Þessu vilji jafnaðarmenn breyta og vilji Danmörku sem reist sé á samfélagi. Aðskilnaði er hafnað. Allir eigi að leggja fram til samfélagsins og styðja lýðræðisleg gildi. Enginn eigi að lifa í hliðarsamfélagi utan hins danska samfélags (d. parallelsamfund). Skylda eigi alla innflytjendur sem njóti bóta til að leggja fram til samfélagsins eins og nánar er rakið í yfirlýsingunni. Í öðru lagi segir að binda eigi enda á opinber framlög til svonefndra frískóla utan danska skólakerfisins. Segir að ýmis dæmi séu um að slíkir skólar stuðli að hliðarsamfélögum þar sem gildi aðrar leikreglur en í skólakerfinu og dönsku samfélagi. Þar sé drengjum og stúlkum ekki gert jafn hátt undir höfði og nemendum bannað að eiga danska vini. Í þriðja lagi vilja danskir jafnaðarmenn að börn læri dönsku og dönsk gildi frá blautu barnsbeini. Öll börn eigi að skrá í ungbarnaleikskóla frá eins árs aldri. Í fjórða lagi vilja danskir jafnaðarmenn að talsmenn trúarsafnaða kunni skil á danskri tungu, löggjöf og menningu og að þeir viðurkenni undirstöðugildi um lýðræði, jafnrétti og frelsi. Um prédikanir ríki gagnsæi og þær séu aðgengilegar á danskri tungu. Í fimmta lagi minna danskir jafnaðarmenn á að Danmörk er reist á traustum lýðræðislegum réttindum eins og tjáningar-, funda- og trúfrelsi. Jafnaðarmenn vilja að algjört bann verði lagt við erlendum fjárstuðningi við trúarsamfélög í Danmörku frá ríkjum sem sjálf hvorki virða né ástunda trúfrelsi. Heyra þau hvorki né sjá? Stefnuyfirlýsing danskra jafnaðarmanna dregur fram viðfangsefni sem Danir telja sig standa frammi fyrir eftir að hafa fylgt of lengi stefnu sem forsætisráðherra þeirra lýsir sem mistökum. Íslenskir ráðamenn geta ekki látið eins og þeir hafi ekki heyrt þetta. Höfundur er alþingismaður Miðflokksins. Viltu birta grein á Vísi? Sendu okkur póst. Senda grein Ólafur Ísleifsson Hælisleitendur Alþingi Skoðun: Kosningar 2021 Mest lesið Íslendingar flytja út fisk og líka ofbeldismenn Guðný S. Bjarnadóttir Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun Hver ætlar að bera ábyrgð á mannslífi? Sævar Þór Jónsson Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun Saga Israa á Gaza og hvernig hægt er að verða að liði Katrín Harðardóttir,Israa Saed Skoðun Frans páfi kvaddur eða meðtekinn? Bjarni Karlsson Skoðun Horfumst í augu Kristín Thoroddsen Skoðun Er aldur bara tala? Teitur Guðmundsson Skoðun Lægjum öldurnar Halla Hrund Logadóttir Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir Skoðun Skoðun Skoðun Hver ætlar að bera ábyrgð á mannslífi? Sævar Þór Jónsson skrifar Skoðun Horfumst í augu Kristín Thoroddsen skrifar Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir skrifar Skoðun Saga Israa á Gaza og hvernig hægt er að verða að liði Katrín Harðardóttir,Israa Saed skrifar Skoðun Fordómar frá sálfélagslegu sjónarhorni Sóley Dröfn Davíðsdóttir skrifar Skoðun Er aldur bara tala? Teitur Guðmundsson skrifar Skoðun Íslendingar flytja út fisk og líka ofbeldismenn Guðný S. Bjarnadóttir skrifar Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir skrifar Skoðun Frans páfi kvaddur eða meðtekinn? Bjarni Karlsson skrifar Skoðun Lægjum öldurnar Halla Hrund Logadóttir skrifar Skoðun Að hata einhvern sem þú þarft á að halda? Katrín Pétursdóttir skrifar Skoðun Íslenskar pyndingar Guðmundur Ingi Þóroddsson skrifar Skoðun SFS, Exit og norska leiðin þeirra Jón Kaldal skrifar Skoðun Friður - í framsöguhætti eða viðtengingarhætti? Bryndís Schram skrifar Skoðun Næringarfræði er lykillinn að betri heilsu, viltu vera með? Guðrún Nanna Egilsdóttir skrifar Skoðun Löngu þarft samtal um hóp sem gleymist! Katarzyna Kubiś skrifar Skoðun Menntun fyrir öll – nema okkur Haukur Guðmundsson skrifar Skoðun Það er ekki hægt að loka augunum fyrir þessum veruleika Davíð Bergmann skrifar Skoðun Kirkjugarðsballið: Eiga Íslendingar að mæta þar? Birgir Dýrfjörð skrifar Skoðun Að sækja gullið (okkar) Þröstur Friðfinnsson skrifar Skoðun Til hamingju blaðamenn! Hjálmar Jónsson skrifar Skoðun Stormur í Þjóðleikhúsinu Bubbi Morthens skrifar Skoðun Börn í skugga stríðs Hólmfríður Jennýjar Árnadóttir skrifar Skoðun Opið bréf til mennta- og barnamálaráðherra Gunnar Örn Vopnfjörð Þorsteinsson skrifar Skoðun Hvernig gerum við Grundarhverfi enn betra? Ævar Harðarson skrifar Skoðun Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson skrifar Skoðun 120km hraði á Keflavíkurveginum og netsölur með áfengi Jón Páll Haraldsson skrifar Skoðun Lausnin liggur fyrir – Landspítali þarf að stíga skrefið Sandra B. Franks skrifar Skoðun Auðbeldi SFS Örn Bárður Jónsson skrifar Sjá meira
Norðurlöndin hafa söðlað um í stefnu sinni í málefnum hælisleitenda. Sterkur samhljómur er með Dönum og Norðmönnum í þessum málum. Nýja stefnan felst í að veita fólki hjálp með atbeina alþjóðlegra stofnana. Styðja beri við fólk á heimaslóð þar sem fé nýtist sem best og gagnast sem flestum og taka við kvótaflóttamönnum í samvinnu við Sameinuðu þjóðirnar. Hælisleitendur sæki um í móttökustöðvum utan Evrópu. Þetta kemur skýrt fram í stefnu danska jafnaðarmannaflokksins sem mætti þýða sem Réttlát og raunhæf - Heildaráætlun um danska útlendingastefnu. Stjórnarsáttmáli norsku ríkisstjórnarinnar er skýr um þetta. Danskir stjórnarandstöðuþingmenn, t.d. úr mið-hægriflokknum Venstre, ráku á eftir efndum af hálfu ríkisstjórnarinnar í umræðum í þjóðþinginu undir lok liðins árs. Stefnan mistök – kerfið hrunið Danski jafnaðarmannaflokkurinn segir fólk á flótta setja sig í lífshættu þar sem menn af misjöfnu sauðahúsi hagnist um stórfé á ógæfu annarra. Tíu þúsund börn, konur og karlar hafa farist eða týnst í Miðjarðarhafinu. Þessi harmleikur kalli á réttlátara hælisleitendakerfi. Danski forsætisráðherrann, Mette Fredriksen, segir stefnu fortíðar mistök. Hún segir evrópska hælisleitendakerfið hrunið. Hér á landi sækja sexfalt fleiri um hæli en í Danmörku og Noregi. Þessar tölur Útlendingastofnunar bera vitni um að við höfum orðið viðskila við Norðurlöndin. Íslenskir ráðamenn geta ekki látið sem þeir hafa ekki tekið eftir stefnubreytingu Norðurlanda í málaflokknum. Í þoku Málaflokkurinn kom til umræðu á Alþingi í vikunni í tilefni af frumvarpi Ásmundar Einars Daðasonar félagsmálaráðherra. Þingmenn gagnrýndu frumvarpið fyrir að fela í sér skilaboð um að hér væri vænlegt að sækja um hæli. Yfirlýsing um að hælisleitendur standi jafnfætis kvótaflóttamönnum gæti verið vatn á myllu glæpamanna sem selja ferðir á manndrápsfleytum yfir Miðjarðarhafið með stefnu á þau lönd sem sýnast opnust. Ráðherrann þóttist lítið skilja og spurði eins og í þoku hvort þingmenn vildu ekki að fólk fengi námskeið í íslensku. Kostnaður vegna frumvarpsins er ekki rakinn til aukinnar íslenskukennslu. Þessi framganga ráðherrans er óboðleg. Honum ber að taka málefnið alvarlega og taka mið af reynslu nágrannaþjóða. Danir í frelsisbaráttu (já, þið lásuð rétt) Vönduð og ítarleg stefnuyfirlýsing danska jafnaðarmannaflokksins liggur til grundvallar stefnu ríkisstjórnar flokksins í málaflokknum. Lokakafli yfirlýsingarinnar í fimm liðum ber athyglisverða yfirskrift, Hin nýja frelsisbarátta (Den nye frihedskamp). Aðskilnaði hafnað Fyrst segir að danskt samfélag njóti góðs af mörgum þeirra sem komið hafi til landsins í áranna rás. Margir standi sig vel, hafi lært dönsku, menntað sig, séu í vinnu og taki undir dönsk gildi, m.a. lýðræði og jafnrétti kynjanna, eins og rakið er í skjalinu. Þeir séu Danir. En því miður hafi of margir komið til Danmerkur án þess að verða hluti af samfélaginu. Þessu vilji jafnaðarmenn breyta og vilji Danmörku sem reist sé á samfélagi. Aðskilnaði er hafnað. Allir eigi að leggja fram til samfélagsins og styðja lýðræðisleg gildi. Enginn eigi að lifa í hliðarsamfélagi utan hins danska samfélags (d. parallelsamfund). Skylda eigi alla innflytjendur sem njóti bóta til að leggja fram til samfélagsins eins og nánar er rakið í yfirlýsingunni. Í öðru lagi segir að binda eigi enda á opinber framlög til svonefndra frískóla utan danska skólakerfisins. Segir að ýmis dæmi séu um að slíkir skólar stuðli að hliðarsamfélögum þar sem gildi aðrar leikreglur en í skólakerfinu og dönsku samfélagi. Þar sé drengjum og stúlkum ekki gert jafn hátt undir höfði og nemendum bannað að eiga danska vini. Í þriðja lagi vilja danskir jafnaðarmenn að börn læri dönsku og dönsk gildi frá blautu barnsbeini. Öll börn eigi að skrá í ungbarnaleikskóla frá eins árs aldri. Í fjórða lagi vilja danskir jafnaðarmenn að talsmenn trúarsafnaða kunni skil á danskri tungu, löggjöf og menningu og að þeir viðurkenni undirstöðugildi um lýðræði, jafnrétti og frelsi. Um prédikanir ríki gagnsæi og þær séu aðgengilegar á danskri tungu. Í fimmta lagi minna danskir jafnaðarmenn á að Danmörk er reist á traustum lýðræðislegum réttindum eins og tjáningar-, funda- og trúfrelsi. Jafnaðarmenn vilja að algjört bann verði lagt við erlendum fjárstuðningi við trúarsamfélög í Danmörku frá ríkjum sem sjálf hvorki virða né ástunda trúfrelsi. Heyra þau hvorki né sjá? Stefnuyfirlýsing danskra jafnaðarmanna dregur fram viðfangsefni sem Danir telja sig standa frammi fyrir eftir að hafa fylgt of lengi stefnu sem forsætisráðherra þeirra lýsir sem mistökum. Íslenskir ráðamenn geta ekki látið eins og þeir hafi ekki heyrt þetta. Höfundur er alþingismaður Miðflokksins.
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun
Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir Skoðun
Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar
Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir skrifar
Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir skrifar
Skoðun Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson skrifar
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun
Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir Skoðun