Afrek gullkynslóðarinnar efla U-21 drengina sem ætla sér ekki bara að vera með á EM Ingvi Þór Sæmundsson skrifar 11. mars 2021 10:01 Patrik Sigurður Gunnarsson hefur leikið tíu leiki fyrir U-21 árs landsliðið. vísir/Vilhelm Patrik Sigurður Gunnarsson mun standa á milli stanganna hjá íslenska U-21 árs landsliðinu í fótbolta á EM síðar í þessum mánuði. Hann segir að Íslendingar ætli sér ekki bara að vera með á mótinu og vonast til að góð frammistaða þar opni dyr fyrir hann í framtíðinni. „Maður er orðinn mjög spenntur fyrir þessu og veit að það styttist í þetta,“ sagði Patrik í samtali við Vísi. Hann hefur verið á mála hjá enska B-deildarliðinu Brentford síðan 2018 en hefur verið á láni hjá danska B-deildarliðinu Silkeborg frá því í byrjun þessa árs. Ísland er í sterkum riðli á EM, með Frakklandi, Danmörku og Rússlandi. Þrátt fyrir óárennilega andstæðinga er hugur í íslenska liðinu. „Þetta er erfiður riðill með stórum liðum en við sjáum möguleika í þessu fyrir okkur. Við stefnum á að gera eitthvað. Við viljum ekki bara vera saddir og ánægðir að vera komnir á mótið. Við viljum gera eitthvað meira og taka það sem við gerðum í undankeppninni með okkur inn í mótið,“ sagði Patrik sem lék alla leiki Íslands í undankeppninni. Ekki liggur alveg ljóst fyrir hvaða leikmenn verða með íslenska liðinu á EM þar sem A-landsliðið á leiki á nákvæmlega sömu dögum og U-21 árs landsliðið, það er 25., 28. og 31. mars. Patrik segist lítið hafa leitt hugann að því hverjir samherjar hans á EM verða. „Ég hef í sjálfu sér ekki pælt í því. Það verður bara að koma í ljós en við verðum með eins sterkt lið og við getum,“ sagði Patrik. Liðið þekkir sína styrkleika Leikirnir á EM verða þeir fyrstu undir stjórn nýs þjálfara U-21 árs liðsins, Davíðs Snorra Jónassonar sem tók við því af Arnari Þór Viðarssyni eftir að hann var hækkaður í tign og ráðinn þjálfari A-landsliðsins. Íslenska U-21 árs liðið stillir sér upp fyrir leikinn gegn Írlandi síðasta haust. Sigur þar tryggði Íslandi sæti á EM.getty/Harry Murphy „Ég hef heyrt nokkrum sinnum í Davíð síðan hann tók við,“ sagði Patrik sem þekkir Davíð frá fyrri tíð. „Hann var aðstoðarþjálfari þegar ég var í U-19 ára landsliðinu. Ég veit alveg við hverju má búast og hann hefur talað um að við ætlum okkur að gera eitthvað. Við ætlum ekki bara að vera saddir og ánægðir. Við þurfum bara að gera það sem virkaði vel í undankeppninni. Davíð kemur inn með sínar áherslur eins og allir nýir þjálfarar en við sem lið þekkjum okkar styrkleika.“ Vilja feta í fótspor gullkynslóðarinnar Þetta er í annað sinn sem Ísland tekur þátt á EM U-21 árs. Það gerðist fyrst fyrir áratug þegar gullkynslóðin okkar svokallaða keppti á EM í Danmörku. Þá var Patrik aðeins tíu ára en man vel eftir mótinu. „Þegar maður horfir til baka sá maður að þetta gerði fullt fyrir þessa leikmenn. Ég held að þetta geti orðið lyftistöng fyrir marga leikmenn, sérstaklega ef við gerum vel,“ sagði Patrik. Augu margra útsendara verða á EM og leikmennirnir sem spila þar eru í eins konar búðarglugga á meðan mótinu stendur ef svo má segja. „Ég held að allir leikmenn líti þannig á þetta. Það sýndi sig hjá liðinu fyrir tíu árum að þetta hjálpaði þeim leikmönnum. Þetta er stór gluggi og margir að fylgjast með,“ sagði Patrik. Betri deild en ég hélt Eins og áður sagði leikur Patrik með Silkeborg um þessar mundir. Liðið er í 2. sæti dönsku B-deildarinnar og öruggt með sæti í sex liða úrslitakeppni um sæti í úrvalsdeildinni. „Það eru tveir leikir eftir af deildinni og eftir EM tekur við úrslitakeppni þar sem verður nóg af góðum leikjum. Danska B-deildin hefur aldrei verið jafn sterk og í ár því það féllu þrjú lið úr úrvalsdeildinni í fyrra. Getustigið hérna er mjög hátt og miklu hærra en ég gerði mér grein fyrir,“ sagði Patrik og bætti við að styrkleikinn á dönsku B-deildinni væri svipaður og á ensku C-deildinni þar sem hann lék sem lánsmaður með Southend United. Dönsku áhrifin hjá Brentford Patrik leikur með Silkeborg út tímabilið en óvíst er hvað tekur við eftir það. „Tíminn verður að leiða það í ljós,“ sagði Patrik. „Brentford á góða möguleika á að komast upp í ensku úrvalsdeildina og svo getur Silkeborg líka komist upp. Þetta veltur mest á þessu tvennu,“ sagði markvörðurinn sem er spenntur fyrir því að spila með Silkeborg í dönsku úrvalsdeildinni ef liðið kemst þangað. Patrik hefur leikið einn keppnisleik fyrir aðallið Brentford.getty/Ker Robertson Í fyrra var Patrik á láni hjá Viborg í dönsku B-deildinni. Brentford er með sterka tengingu við Danmörku en stjóri liðsins, Thomas Frank, er danskur sem og aðstoðarþjálfarinn. „Það spilar klárlega inn í. Þegar við töluðum um það að fara á lán síðasta sumar sögðu þjálfararnir mér að þetta Danmörk væri alls ekki síðri en neðri deildirnar á Englandi.“ Bíður enn eftir fyrsta leiknum fyrir Blika Patrik, sem er tvítugur, er uppalinn hjá Breiðabliki en náði aldrei að spila keppnisleik með liðinu. „Ég fór á mína fyrstu æfingu með meistaraflokki fimmtán eða sextán ára og fékk svo samning. Ég fór á lán til ÍR í 1. deildina þegar ég var búinn að vera þriðji markvörður Breiðabliks í um eitt og hálft ár og stundum á bekknum. Svo var ég farinn til Englands áður en ég gat spilað minn fyrsta alvöruleik fyrir Breiðablik,“ sagði Patrik og bætti við að Brentford hafi sýnt sér áhuga snemma árs 2018 og hann hafi vitað að hann væri á leið þangað áður en hann var lánaður til ÍR. Patrik spilaði nokkra leiki með Breiðhyltingum í Inkasso-deildinni áður en hann fór svo til Brentford þar sem þónokkrir Íslendingar hafa leikið í gegnum tíðina. EM U21 í fótbolta 2021 Mest lesið Búast við gullregni með sölu á Stefáni til Englands Fótbolti „Líður eins og ég hafi svikið þjóð mína“ Fótbolti Sjáðu fernu og dans Viktors, Valsara í stuði og tæpt jöfnunarmark KR Íslenski boltinn Vistaskipti Kilman gætu breytt framtíð E-deildarliðs Maidenhead Enski boltinn „Ég hef aldrei skammast mín jafn mikið“ Íslenski boltinn Dagskráin í dag: Barist í Bestu deildunum og í tímatöku á Silverstone Sport Sky biður Nottingham Forest afsökunar Enski boltinn Hollendingar lentu undir en mæta Englandi Fótbolti Fyrsta mark Bryndísar skipti sköpum Fótbolti Dagskráin í dag: Hörð titilbarátta í Bestu deild og Verstappen berst við Bretana Sport Fleiri fréttir Vistaskipti Kilman gætu breytt framtíð E-deildarliðs Maidenhead Búast við gullregni með sölu á Stefáni til Englands Sjáðu fernu og dans Viktors, Valsara í stuði og tæpt jöfnunarmark KR „Líður eins og ég hafi svikið þjóð mína“ Fyrsta mark Bryndísar skipti sköpum FHL jók forskotið og dýrmætur sigur Þróttar Hollendingar lentu undir en mæta Englandi „Ég hef aldrei skammast mín jafn mikið“ Viktor með fernu: „Eitthvað sem ég vissi alltaf að byggi í mér“ Fyrsta mark Eggerts eftir mínútu á vellinum Uppgjör og viðtöl: Valur-Fylkir 4-0 | Valsmenn ekki í vandræðum með botnliðið Uppgjörið: Vestri-Breiðablik 2-2 | Fyrsta stig Vestra á Ísafirði en eru Blikar að missa af lestinni? Uppgjörið og viðtöl: KR-Stjarnan 1-1 | Axel Óskar tryggði heimamönnum stig Uppgjörið: ÍA-HK 8-0 | HK-ingar hnepptir í þrældóm á Írskum dögum Uppgjörið: Tindastóll-Stjarnan 0-0 | Víti í súginn og markalaust í Skagafirði Öll vítin inn og England í undanúrslit Íslenskur markvörður orðaður við Frey og félaga Jóhann Berg áfram hjá Burnley Fyrirliðinn Morata ekki í banni í undanúrslitunum Lehmann elti kærastann til Ítalíu: „Draumur að geta verið hjá sama félagi“ Sky biður Nottingham Forest afsökunar Saka og Trippier vængbakverðir gegn Sviss Frakkar í undanúrslit án þess að skora mark í opnum leik Kanada óvænt í undanúrslitin Man. Utd bannað að kaupa varnarmann en leyft að spila Þessi ömurlega sápuópera haldi áfram þar til Ronaldo segi stopp Frakkar sluppu inn í undanúrslit Hetja Spánar hermdi eftir pabba á sama stað Shaw gæti mætt Sviss en Trippier frábær í að tala Áfram fullkomið hjá Guðrúnu Sjá meira
„Maður er orðinn mjög spenntur fyrir þessu og veit að það styttist í þetta,“ sagði Patrik í samtali við Vísi. Hann hefur verið á mála hjá enska B-deildarliðinu Brentford síðan 2018 en hefur verið á láni hjá danska B-deildarliðinu Silkeborg frá því í byrjun þessa árs. Ísland er í sterkum riðli á EM, með Frakklandi, Danmörku og Rússlandi. Þrátt fyrir óárennilega andstæðinga er hugur í íslenska liðinu. „Þetta er erfiður riðill með stórum liðum en við sjáum möguleika í þessu fyrir okkur. Við stefnum á að gera eitthvað. Við viljum ekki bara vera saddir og ánægðir að vera komnir á mótið. Við viljum gera eitthvað meira og taka það sem við gerðum í undankeppninni með okkur inn í mótið,“ sagði Patrik sem lék alla leiki Íslands í undankeppninni. Ekki liggur alveg ljóst fyrir hvaða leikmenn verða með íslenska liðinu á EM þar sem A-landsliðið á leiki á nákvæmlega sömu dögum og U-21 árs landsliðið, það er 25., 28. og 31. mars. Patrik segist lítið hafa leitt hugann að því hverjir samherjar hans á EM verða. „Ég hef í sjálfu sér ekki pælt í því. Það verður bara að koma í ljós en við verðum með eins sterkt lið og við getum,“ sagði Patrik. Liðið þekkir sína styrkleika Leikirnir á EM verða þeir fyrstu undir stjórn nýs þjálfara U-21 árs liðsins, Davíðs Snorra Jónassonar sem tók við því af Arnari Þór Viðarssyni eftir að hann var hækkaður í tign og ráðinn þjálfari A-landsliðsins. Íslenska U-21 árs liðið stillir sér upp fyrir leikinn gegn Írlandi síðasta haust. Sigur þar tryggði Íslandi sæti á EM.getty/Harry Murphy „Ég hef heyrt nokkrum sinnum í Davíð síðan hann tók við,“ sagði Patrik sem þekkir Davíð frá fyrri tíð. „Hann var aðstoðarþjálfari þegar ég var í U-19 ára landsliðinu. Ég veit alveg við hverju má búast og hann hefur talað um að við ætlum okkur að gera eitthvað. Við ætlum ekki bara að vera saddir og ánægðir. Við þurfum bara að gera það sem virkaði vel í undankeppninni. Davíð kemur inn með sínar áherslur eins og allir nýir þjálfarar en við sem lið þekkjum okkar styrkleika.“ Vilja feta í fótspor gullkynslóðarinnar Þetta er í annað sinn sem Ísland tekur þátt á EM U-21 árs. Það gerðist fyrst fyrir áratug þegar gullkynslóðin okkar svokallaða keppti á EM í Danmörku. Þá var Patrik aðeins tíu ára en man vel eftir mótinu. „Þegar maður horfir til baka sá maður að þetta gerði fullt fyrir þessa leikmenn. Ég held að þetta geti orðið lyftistöng fyrir marga leikmenn, sérstaklega ef við gerum vel,“ sagði Patrik. Augu margra útsendara verða á EM og leikmennirnir sem spila þar eru í eins konar búðarglugga á meðan mótinu stendur ef svo má segja. „Ég held að allir leikmenn líti þannig á þetta. Það sýndi sig hjá liðinu fyrir tíu árum að þetta hjálpaði þeim leikmönnum. Þetta er stór gluggi og margir að fylgjast með,“ sagði Patrik. Betri deild en ég hélt Eins og áður sagði leikur Patrik með Silkeborg um þessar mundir. Liðið er í 2. sæti dönsku B-deildarinnar og öruggt með sæti í sex liða úrslitakeppni um sæti í úrvalsdeildinni. „Það eru tveir leikir eftir af deildinni og eftir EM tekur við úrslitakeppni þar sem verður nóg af góðum leikjum. Danska B-deildin hefur aldrei verið jafn sterk og í ár því það féllu þrjú lið úr úrvalsdeildinni í fyrra. Getustigið hérna er mjög hátt og miklu hærra en ég gerði mér grein fyrir,“ sagði Patrik og bætti við að styrkleikinn á dönsku B-deildinni væri svipaður og á ensku C-deildinni þar sem hann lék sem lánsmaður með Southend United. Dönsku áhrifin hjá Brentford Patrik leikur með Silkeborg út tímabilið en óvíst er hvað tekur við eftir það. „Tíminn verður að leiða það í ljós,“ sagði Patrik. „Brentford á góða möguleika á að komast upp í ensku úrvalsdeildina og svo getur Silkeborg líka komist upp. Þetta veltur mest á þessu tvennu,“ sagði markvörðurinn sem er spenntur fyrir því að spila með Silkeborg í dönsku úrvalsdeildinni ef liðið kemst þangað. Patrik hefur leikið einn keppnisleik fyrir aðallið Brentford.getty/Ker Robertson Í fyrra var Patrik á láni hjá Viborg í dönsku B-deildinni. Brentford er með sterka tengingu við Danmörku en stjóri liðsins, Thomas Frank, er danskur sem og aðstoðarþjálfarinn. „Það spilar klárlega inn í. Þegar við töluðum um það að fara á lán síðasta sumar sögðu þjálfararnir mér að þetta Danmörk væri alls ekki síðri en neðri deildirnar á Englandi.“ Bíður enn eftir fyrsta leiknum fyrir Blika Patrik, sem er tvítugur, er uppalinn hjá Breiðabliki en náði aldrei að spila keppnisleik með liðinu. „Ég fór á mína fyrstu æfingu með meistaraflokki fimmtán eða sextán ára og fékk svo samning. Ég fór á lán til ÍR í 1. deildina þegar ég var búinn að vera þriðji markvörður Breiðabliks í um eitt og hálft ár og stundum á bekknum. Svo var ég farinn til Englands áður en ég gat spilað minn fyrsta alvöruleik fyrir Breiðablik,“ sagði Patrik og bætti við að Brentford hafi sýnt sér áhuga snemma árs 2018 og hann hafi vitað að hann væri á leið þangað áður en hann var lánaður til ÍR. Patrik spilaði nokkra leiki með Breiðhyltingum í Inkasso-deildinni áður en hann fór svo til Brentford þar sem þónokkrir Íslendingar hafa leikið í gegnum tíðina.
EM U21 í fótbolta 2021 Mest lesið Búast við gullregni með sölu á Stefáni til Englands Fótbolti „Líður eins og ég hafi svikið þjóð mína“ Fótbolti Sjáðu fernu og dans Viktors, Valsara í stuði og tæpt jöfnunarmark KR Íslenski boltinn Vistaskipti Kilman gætu breytt framtíð E-deildarliðs Maidenhead Enski boltinn „Ég hef aldrei skammast mín jafn mikið“ Íslenski boltinn Dagskráin í dag: Barist í Bestu deildunum og í tímatöku á Silverstone Sport Sky biður Nottingham Forest afsökunar Enski boltinn Hollendingar lentu undir en mæta Englandi Fótbolti Fyrsta mark Bryndísar skipti sköpum Fótbolti Dagskráin í dag: Hörð titilbarátta í Bestu deild og Verstappen berst við Bretana Sport Fleiri fréttir Vistaskipti Kilman gætu breytt framtíð E-deildarliðs Maidenhead Búast við gullregni með sölu á Stefáni til Englands Sjáðu fernu og dans Viktors, Valsara í stuði og tæpt jöfnunarmark KR „Líður eins og ég hafi svikið þjóð mína“ Fyrsta mark Bryndísar skipti sköpum FHL jók forskotið og dýrmætur sigur Þróttar Hollendingar lentu undir en mæta Englandi „Ég hef aldrei skammast mín jafn mikið“ Viktor með fernu: „Eitthvað sem ég vissi alltaf að byggi í mér“ Fyrsta mark Eggerts eftir mínútu á vellinum Uppgjör og viðtöl: Valur-Fylkir 4-0 | Valsmenn ekki í vandræðum með botnliðið Uppgjörið: Vestri-Breiðablik 2-2 | Fyrsta stig Vestra á Ísafirði en eru Blikar að missa af lestinni? Uppgjörið og viðtöl: KR-Stjarnan 1-1 | Axel Óskar tryggði heimamönnum stig Uppgjörið: ÍA-HK 8-0 | HK-ingar hnepptir í þrældóm á Írskum dögum Uppgjörið: Tindastóll-Stjarnan 0-0 | Víti í súginn og markalaust í Skagafirði Öll vítin inn og England í undanúrslit Íslenskur markvörður orðaður við Frey og félaga Jóhann Berg áfram hjá Burnley Fyrirliðinn Morata ekki í banni í undanúrslitunum Lehmann elti kærastann til Ítalíu: „Draumur að geta verið hjá sama félagi“ Sky biður Nottingham Forest afsökunar Saka og Trippier vængbakverðir gegn Sviss Frakkar í undanúrslit án þess að skora mark í opnum leik Kanada óvænt í undanúrslitin Man. Utd bannað að kaupa varnarmann en leyft að spila Þessi ömurlega sápuópera haldi áfram þar til Ronaldo segi stopp Frakkar sluppu inn í undanúrslit Hetja Spánar hermdi eftir pabba á sama stað Shaw gæti mætt Sviss en Trippier frábær í að tala Áfram fullkomið hjá Guðrúnu Sjá meira
Uppgjörið: Vestri-Breiðablik 2-2 | Fyrsta stig Vestra á Ísafirði en eru Blikar að missa af lestinni?