Elínborg sakfelld: „Þetta eru mjög skýr skilaboð til mín um að hafa mig hæga“ Eiður Þór Árnason skrifar 4. maí 2021 10:34 Elínborg Harpa hefur síðustu ár meðal annars verið áberandi fulltrúi No Borders hreyfingarinnar. Vísir Elínborg Harpa Önundardóttir, aðgerðasinni og baráttukona fyrir réttindum flóttafólks, var í dag sakfelld í Héraðsdómi Reykjavíkur fyrir brot gegn valdstjórninni og fyrir að óhlýðnast fyrirmælum lögreglunnar. Var hún sakfelld í öllum ákæruliðum og dæmd til að greiða 1.150.000 krónur í málskostnað. Henni var einnig gert að sæta tveggja mánaða skilorðsbundnu fangelsi. Þetta staðfestir Elínborg í samtali við Vísi og segir um að ræða mjög þunga refsingu fyrir þátttöku í mótmælum. Fréttablaðið greindi fyrst frá dómsuppkvaðningunni. Elínborg segist ekki hafa tekið ákvörðun um það hvort hún hyggist áfrýja dómunum þar sem slíkt ferli sé mjög kostnaðarsamt. „Ég bjóst alveg við þessu. Þetta er alveg í takt við það hvernig ríkisvaldið er búið að koma fram við aðgerðasinna síðustu áratugi. Þetta eru mjög skýr skilaboð til mín um að hafa mig hæga og nýta ekki mitt frelsi til að mótmæla og ekki mitt tjáningarfrelsi heldur ef það fer í taugarnar á lögreglunni. Núna ef ég efast eitthvað um lögregluna á einhverjum mótmælum, eða á göngu eins og á Hinsegin dögum þar sem ég var handtekin, og er dæmd sek þá geta þau stungið mér í steininn í tvo mánuði og þetta gildir um mig næstu tvö ár. Það eru bara ótrúlega skýr skilaboð frá þeim að það megi ekki efast um um rétt lögreglunnar til að binda enda á friðsæl mótmæli.“ Sakfelld fyrir að sparka í lögreglumann Elínborg var sakfelld í þremur ákæruliðum. Í fyrsta lagi var hún ákærð fyrir brot gegn valdstjórninni og gert að sök að hafa sparkað þrisvar í fætur lögreglumanns á mótmælum fyrir utan Alþingishúsið þann 11. mars 2019. Sama dag kom til átaka milli mótmælenda og lögreglu á Austurvelli og beitti lögregla piparúða. Elínborg hefur alla tíð neitað því að hafa sparkað í lögreglumanninn og segir að myndbönd af atvikinu og sjónarvottar staðfesti þá frásögn. Vitnisburður lögreglumannsins og annars, sem sneri baki í þau að sögn Elínborgar, hafi þó dugað til að sakfella hana fyrir að brotið. Einnig var Elínborg sakfelld fyrir brot gegn 19. grein lögreglulaga sem kveður á um skyldu til að fylgja fyrirmælum lögreglunnar þegar hún var beðin um að færa sig frá dyrum Alþingishússins þennan sama dag. Hún segist hafa verið búin að færa sig frá dyrunum þegar hún var handtekin. „Við vorum í listrænum gjörningi með límband fyrir munninum og hendur upp í loft. Þá var ég að biðja hann um að gefa fyrirmæli á ensku þegar hann byrjaði að hóta því að handtaka fólk. Þá var ég handtekin en var ekki gefin skýr skipun,“ segir Elínborg en tveir aðrir voru handteknir. Mótmæltu í dómsmálaráðuneytinu Í þriðja ákærulið var Elínborg sakfelld fyrir að hafa ekki fylgt fyrirmælum lögreglu um að yfirgefa anddyri dómsmálaráðuneytisins þann 5. apríl 2019 þar sem hún tók þátt í setuverkfalli og fyrir að hafa yfirgefa ekki vettvang og halda för sinni áfram þegar lögregla hafði afskipti af almennum borgara við verslun 10-11 í Austurstræti þann 29. júlí 2019. Að sögn Elínborgar gerðu mótmælendurnir í dómsmálaráðuneytinu sér upphaflega ekki grein fyrir því að lögreglu væri heimilt að vísa þeim úr anddyri opinberar byggingar. Þá segist hún hafa ákveðið að standa hjá manni sem glímdi við andleg veikindi á meðan lögregla hafði afskipti af honum eftir að hafa spurt hvort hann vildi hafa hana viðstadda. Segir réttarkerfið vera úldið Elínborg segist hafa borið lítið traust til íslensks réttarkerfis fyrir dóminn og það hafi ekki aukist með þessari niðurstöðu. „Ástæðan fyrir því að ég mun mögulega ekki áfrýja er af því að ég treysti kerfinu svo ótrúlega takmarkað. Og þá fyrst og fremst eftir að hafa séð meðferðina á Ragnheiði [Freyju Kristínardóttur] og Jórunni [Eddu Helgadóttur], meðferðina á Freyju Haraldsdóttur og meðferðina á vinum mínum sem eru á flótta og hafa sótt sinn rétt til dómstóla. Líka hvernig komið var fram við Gálgahraunsfólkið og Erna Reka sem var tveggja ára stúlka frá Albaníu. Öll þessi mál sýna mér bara hvað kerfið er ógeðslega úldið að innan. Það er slæmt að þetta sé það sem við treystum fyrir réttlætinu.“ Fréttin hefur verið uppfærð. Dómsmál Flóttafólk á Íslandi Gleðigangan Tengdar fréttir Lögreglan fór ekki fram úr valdheimildum sínum við handtökur á Austurvelli og í Gleðigöngunni Nefnd um eftirlit með lögreglu hefur skilað niðurstöðum sínum úr tveimur málum sem komu inn á borð nefndarinnar. Málin urðu bæði mikill fréttamatur. 9. nóvember 2019 16:00 Það er ekkert sport að láta handtaka sig Elínborg Harpa Önundardóttir aktívisti lýsir reynslu sinni af því að liðsinna hælisleitendum, viðmóti fólks og vinnubrögðum lögreglu. Olivia Bockob er fædd í Kamerún og fékk vernd á Íslandi eftir nærri tveggja ára baráttu og lýsir erfiðri reynslu sinni. 4. maí 2019 07:30 Mest lesið Kvikugangur frá Krýsuvík gæti náð inn í Heiðmörk Innlent Belgískum prins synjað um félagslegar bætur Erlent Lýsa eftir Svövu Lydiu Innlent Tíðir Esjufarar hryggir vegna örlaga Steins Innlent Stjórnarandstaðan gekk á dyr: Tekist á um þingskjalið í beinni Innlent Tvímennir fangaklefar og frekara húsnæði til skoðunar til að leysa plássleysi Innlent Mikilvægur fundur með Íran framundan Erlent Aflýstu blaðamannafundi skyndilega Erlent Segist afhjúpa sannleikann í „tengdamömmumálinu“ Innlent Kominn tími til að rapparar og áhrifavaldar axli ábyrgð Innlent Fleiri fréttir Tíðir Esjufarar hryggir vegna örlaga Steins Kvikugangur frá Krýsuvík gæti náð inn í Heiðmörk Tvímennir fangaklefar og frekara húsnæði til skoðunar til að leysa plássleysi Blés til skyndifundar vegna innflutnings gerviópíóða Stjórnarandstaðan gekk á dyr: Tekist á um þingskjalið í beinni Blóðbað, þingmenn ganga á dyr og ógnin við Reykjavík Forsetahjónin á leið til Noregs Lýsa eftir Svövu Lydiu Kristrún ein í framboði til formanns Bæjarstjóri og bæjarfulltrúi saka hvor aðra um brot á siðareglum „Það eru ekki skattahækkanir“ Hvalfjarðargöng lokuð vegna bilaðs bíls Áfrýja og stofna félag um réttinn til að mótmæla Munu ekki hlaupa síðustu metrana í Geirsgötu fyrr en 2026 Allir og amma þeirra keppast um að skilgreina „woke“ Borgarfulltrúi Pírata í veikindaleyfi Óvenjumargir sem sæta gæsluvarðhaldi í fangelsum landsins Ber ekki ábyrgð á tjóni stuðningsfulltrúa sem nemandi beitti ofbeldi Óbólusettir ættu að huga að sinni stöðu fyrir ferðalög „Sá merkasti sem ég hef nokkurn tímann kynnst“ Rauðir markaðir og yfirfull fangelsi Dæla tölvupóstum á ráðherra Segir stjórn sósíalista ræða „pólitískar hreinsanir“ fyrir flokksþing Segist afhjúpa sannleikann í „tengdamömmumálinu“ Bændur fá bætur fyrir hörmungasumarið í fyrra Björguðu dreng úr gjótu Kominn tími til að rapparar og áhrifavaldar axli ábyrgð Friðrik Ólafsson er látinn Órói mældist við Torfajökul Oddviti ætlar ekki að hætta sem formaður Veiðifélags Þjórsár Sjá meira
Var hún sakfelld í öllum ákæruliðum og dæmd til að greiða 1.150.000 krónur í málskostnað. Henni var einnig gert að sæta tveggja mánaða skilorðsbundnu fangelsi. Þetta staðfestir Elínborg í samtali við Vísi og segir um að ræða mjög þunga refsingu fyrir þátttöku í mótmælum. Fréttablaðið greindi fyrst frá dómsuppkvaðningunni. Elínborg segist ekki hafa tekið ákvörðun um það hvort hún hyggist áfrýja dómunum þar sem slíkt ferli sé mjög kostnaðarsamt. „Ég bjóst alveg við þessu. Þetta er alveg í takt við það hvernig ríkisvaldið er búið að koma fram við aðgerðasinna síðustu áratugi. Þetta eru mjög skýr skilaboð til mín um að hafa mig hæga og nýta ekki mitt frelsi til að mótmæla og ekki mitt tjáningarfrelsi heldur ef það fer í taugarnar á lögreglunni. Núna ef ég efast eitthvað um lögregluna á einhverjum mótmælum, eða á göngu eins og á Hinsegin dögum þar sem ég var handtekin, og er dæmd sek þá geta þau stungið mér í steininn í tvo mánuði og þetta gildir um mig næstu tvö ár. Það eru bara ótrúlega skýr skilaboð frá þeim að það megi ekki efast um um rétt lögreglunnar til að binda enda á friðsæl mótmæli.“ Sakfelld fyrir að sparka í lögreglumann Elínborg var sakfelld í þremur ákæruliðum. Í fyrsta lagi var hún ákærð fyrir brot gegn valdstjórninni og gert að sök að hafa sparkað þrisvar í fætur lögreglumanns á mótmælum fyrir utan Alþingishúsið þann 11. mars 2019. Sama dag kom til átaka milli mótmælenda og lögreglu á Austurvelli og beitti lögregla piparúða. Elínborg hefur alla tíð neitað því að hafa sparkað í lögreglumanninn og segir að myndbönd af atvikinu og sjónarvottar staðfesti þá frásögn. Vitnisburður lögreglumannsins og annars, sem sneri baki í þau að sögn Elínborgar, hafi þó dugað til að sakfella hana fyrir að brotið. Einnig var Elínborg sakfelld fyrir brot gegn 19. grein lögreglulaga sem kveður á um skyldu til að fylgja fyrirmælum lögreglunnar þegar hún var beðin um að færa sig frá dyrum Alþingishússins þennan sama dag. Hún segist hafa verið búin að færa sig frá dyrunum þegar hún var handtekin. „Við vorum í listrænum gjörningi með límband fyrir munninum og hendur upp í loft. Þá var ég að biðja hann um að gefa fyrirmæli á ensku þegar hann byrjaði að hóta því að handtaka fólk. Þá var ég handtekin en var ekki gefin skýr skipun,“ segir Elínborg en tveir aðrir voru handteknir. Mótmæltu í dómsmálaráðuneytinu Í þriðja ákærulið var Elínborg sakfelld fyrir að hafa ekki fylgt fyrirmælum lögreglu um að yfirgefa anddyri dómsmálaráðuneytisins þann 5. apríl 2019 þar sem hún tók þátt í setuverkfalli og fyrir að hafa yfirgefa ekki vettvang og halda för sinni áfram þegar lögregla hafði afskipti af almennum borgara við verslun 10-11 í Austurstræti þann 29. júlí 2019. Að sögn Elínborgar gerðu mótmælendurnir í dómsmálaráðuneytinu sér upphaflega ekki grein fyrir því að lögreglu væri heimilt að vísa þeim úr anddyri opinberar byggingar. Þá segist hún hafa ákveðið að standa hjá manni sem glímdi við andleg veikindi á meðan lögregla hafði afskipti af honum eftir að hafa spurt hvort hann vildi hafa hana viðstadda. Segir réttarkerfið vera úldið Elínborg segist hafa borið lítið traust til íslensks réttarkerfis fyrir dóminn og það hafi ekki aukist með þessari niðurstöðu. „Ástæðan fyrir því að ég mun mögulega ekki áfrýja er af því að ég treysti kerfinu svo ótrúlega takmarkað. Og þá fyrst og fremst eftir að hafa séð meðferðina á Ragnheiði [Freyju Kristínardóttur] og Jórunni [Eddu Helgadóttur], meðferðina á Freyju Haraldsdóttur og meðferðina á vinum mínum sem eru á flótta og hafa sótt sinn rétt til dómstóla. Líka hvernig komið var fram við Gálgahraunsfólkið og Erna Reka sem var tveggja ára stúlka frá Albaníu. Öll þessi mál sýna mér bara hvað kerfið er ógeðslega úldið að innan. Það er slæmt að þetta sé það sem við treystum fyrir réttlætinu.“ Fréttin hefur verið uppfærð.
Dómsmál Flóttafólk á Íslandi Gleðigangan Tengdar fréttir Lögreglan fór ekki fram úr valdheimildum sínum við handtökur á Austurvelli og í Gleðigöngunni Nefnd um eftirlit með lögreglu hefur skilað niðurstöðum sínum úr tveimur málum sem komu inn á borð nefndarinnar. Málin urðu bæði mikill fréttamatur. 9. nóvember 2019 16:00 Það er ekkert sport að láta handtaka sig Elínborg Harpa Önundardóttir aktívisti lýsir reynslu sinni af því að liðsinna hælisleitendum, viðmóti fólks og vinnubrögðum lögreglu. Olivia Bockob er fædd í Kamerún og fékk vernd á Íslandi eftir nærri tveggja ára baráttu og lýsir erfiðri reynslu sinni. 4. maí 2019 07:30 Mest lesið Kvikugangur frá Krýsuvík gæti náð inn í Heiðmörk Innlent Belgískum prins synjað um félagslegar bætur Erlent Lýsa eftir Svövu Lydiu Innlent Tíðir Esjufarar hryggir vegna örlaga Steins Innlent Stjórnarandstaðan gekk á dyr: Tekist á um þingskjalið í beinni Innlent Tvímennir fangaklefar og frekara húsnæði til skoðunar til að leysa plássleysi Innlent Mikilvægur fundur með Íran framundan Erlent Aflýstu blaðamannafundi skyndilega Erlent Segist afhjúpa sannleikann í „tengdamömmumálinu“ Innlent Kominn tími til að rapparar og áhrifavaldar axli ábyrgð Innlent Fleiri fréttir Tíðir Esjufarar hryggir vegna örlaga Steins Kvikugangur frá Krýsuvík gæti náð inn í Heiðmörk Tvímennir fangaklefar og frekara húsnæði til skoðunar til að leysa plássleysi Blés til skyndifundar vegna innflutnings gerviópíóða Stjórnarandstaðan gekk á dyr: Tekist á um þingskjalið í beinni Blóðbað, þingmenn ganga á dyr og ógnin við Reykjavík Forsetahjónin á leið til Noregs Lýsa eftir Svövu Lydiu Kristrún ein í framboði til formanns Bæjarstjóri og bæjarfulltrúi saka hvor aðra um brot á siðareglum „Það eru ekki skattahækkanir“ Hvalfjarðargöng lokuð vegna bilaðs bíls Áfrýja og stofna félag um réttinn til að mótmæla Munu ekki hlaupa síðustu metrana í Geirsgötu fyrr en 2026 Allir og amma þeirra keppast um að skilgreina „woke“ Borgarfulltrúi Pírata í veikindaleyfi Óvenjumargir sem sæta gæsluvarðhaldi í fangelsum landsins Ber ekki ábyrgð á tjóni stuðningsfulltrúa sem nemandi beitti ofbeldi Óbólusettir ættu að huga að sinni stöðu fyrir ferðalög „Sá merkasti sem ég hef nokkurn tímann kynnst“ Rauðir markaðir og yfirfull fangelsi Dæla tölvupóstum á ráðherra Segir stjórn sósíalista ræða „pólitískar hreinsanir“ fyrir flokksþing Segist afhjúpa sannleikann í „tengdamömmumálinu“ Bændur fá bætur fyrir hörmungasumarið í fyrra Björguðu dreng úr gjótu Kominn tími til að rapparar og áhrifavaldar axli ábyrgð Friðrik Ólafsson er látinn Órói mældist við Torfajökul Oddviti ætlar ekki að hætta sem formaður Veiðifélags Þjórsár Sjá meira
Lögreglan fór ekki fram úr valdheimildum sínum við handtökur á Austurvelli og í Gleðigöngunni Nefnd um eftirlit með lögreglu hefur skilað niðurstöðum sínum úr tveimur málum sem komu inn á borð nefndarinnar. Málin urðu bæði mikill fréttamatur. 9. nóvember 2019 16:00
Það er ekkert sport að láta handtaka sig Elínborg Harpa Önundardóttir aktívisti lýsir reynslu sinni af því að liðsinna hælisleitendum, viðmóti fólks og vinnubrögðum lögreglu. Olivia Bockob er fædd í Kamerún og fékk vernd á Íslandi eftir nærri tveggja ára baráttu og lýsir erfiðri reynslu sinni. 4. maí 2019 07:30