Umfjöllun og viðtöl: Keflavík - Valur 1-2 | Meistararnir unnu nýliðana í hörkuleik Atli Arason skrifar 24. maí 2021 22:15 Rasmus Christiansen kom Val yfir í fyrri hálfleik. Visir/Hulda Margrét Valur sótti stigin þrjú í Keflavík með 1-2 sigri. Rasmus Christiansen og Birkir Már Sævarsson sáu um mörkin fyrir gestina en Joey Gibbs minnkaði muninn fyrir heimamenn. Leikurinn í kvöld byrjaði að gífurlega miklu fjöri og bæði lið sóttu til skiptis. Valsmenn voru hættulegri í upphafi og fengu fleiri færi en Keflvíkingar voru alltaf stórhættulegir í skyndisóknum sínum. Eftir fyrstu 20 mínúturnar tekur Valur öll völd á leiknum og sótti án afláts. Sindri Kristinn var frábær í marki Keflavíkur og varði allt sem Valsmenn settu á hann, þangað til á 37 mínútu. Þá tekur Birkir Heimis hornspyrnu, Kristinn Freyr kastar sér á boltann og nær að flikka honum lengra inn í markteig þar sem Rasmus Christiansen er mættur og stýrir boltanum í netið með hægri fæti! 1-0 fyrir Val. Valsmenn bættu bara í eftir mark sitt en áfram hélt Sindri Kristinn að verja vel í marki heimamanna. Það var ekki mikið liðið af síðari hálfleik áður en að Valur tvöfaldaði forystuna. Birkir Heimisson tekur þá hornspyrnu vinstra megin. Boltinn skýst á milli leikmanna beggja liða innan vítateigs Keflavíkur. Rasmus Christiansen fellur við inn í vítateig og einhverjir Valsarar biðja um vítaspyrnu, það virðist sem svo að heimamenn gleyma sér eitthvað í öllu havaríinu því allt í einu í kjölfarið dettur boltinn fyrir Birki Má sem var aleinn innan vítateigs Keflavíkur og Birkir þakkar pent fyrir sig með því að skila boltanum í netið. Það var þó eins og heimamenn hefðu eflst við þetta seina mark Vals því Keflavík var í raun öflugra það sem eftir lifði seinni hálfleiks. Keflavík fékk fleiri færi, þó svo að Hannes hafi séð við öllum marktilraunum þeirra án þess að hafa eitthvað mikið fyrir því. Hinu megin fékk Patrick Pedersen tvær tilraunir til að skora með skömmu millibili þegar rúmt korter var eftir af leiknum, í bæði skiptin eftir hornspyrnu frá Guðmundi Andra Tryggvasyni sem kom inn af varamannabekknum í kvöld. Í uppbótatíma síðari hálfleiks berst knötturinn til Joey Gibbs sem skýtur knettinum í varnarmann Vals, nær sínu eigin frákasti og skallar boltan yfir Hannes í markinu og tekst að minnka muninn niður í eitt mark. Þetta mark Gibbs kom aðeins of seint fyrir heimamenn, því stuttu síðar flautaði Vilhjálmur Alvar leikinn af og 1-2 sigur Íslandsmeistaranna staðreynd. Af hverju vann Valur? Gestirnir stjórnuðu leiknum lengst af. Bæði mörk þeirra komu úr föstum leikatriðum og óhætt er að segja að Valur búi yfir flottum spyrnumönnum í Sigurði Agli og Birki Heimissyni sem voru ógnandi í allan dag með fyrirgjöfum sínum. Hverjir stóðu upp úr? Sindri Kristinn, markvörður Keflavíkur, verður að fá smá hrós hér. Þrátt fyrir að fá tvö mörk á sig þá fékk Sindri aragrúa af skotum á sig og tap Keflavíkur hefði hæglega getað verið stærra í kvöld ef það hefði ekki verið fyrir margar vörslur frá Sindra. Rasmus Christiansen er þó maður leiksins. Rasmus stjórnaði varnarleik Vals eins og herforingi í dag ásamt því að skora fyrsta mark leiksins. Hvað gekk illa? Varnarleikur Keflavíkur leit ekki vel út í mörkunum sem Valur skoraði. Um leið og einhver Valsari náði fyrstu snertingu á knöttinn þá virtist mest allt varnarskipulag Keflavíkur riðlast til. Hvað gerist næst? Valsmenn eiga næst fyrir höndum sér toppbaráttuslag við Víkinga frá Reykjavík núna á laugardaginn. Degi síðar fara Keflvíkingar í Hafnarfjörðinn í heimsókn til FH-inga. Eysteinn Húni: Þetta er búið að vera rosaleg törn Eysteinn Húni Hauksson (t.v.) og Sigurður Ragnar Eyjólfsson, þjálfarar KeflavíkurVÍSIR/VILHELM „Það er ekki hægt að biðja um neitt mikið meira frá liðinu. Við vorum mjög agaðir í okkar leik og héldum okkar skipulagi. Við börðumst fyrir hvorn annan, við erum að eiga við gríðarlega sterkt lið en því miður þá var það sem við komum með í dag ekki alveg nóg,“ sagði Eysteinn Húni Hauksson, einn af þjálfurum Keflavíkur, í viðtali við Vísi eftir leik áður en hann bætti við, „þeir ná aðeins að taka yfir leikinn. Þeir skora tvö mörk úr föstum leikatriðum sem er mjög sárt. Í öðru þeirra er of mikill ákafi að keyra í boltann sem verður til þess að annar leikmaður þeirra verður laus. Ég er náttúrlega ekki ánægður með að ekki skuli vera dekkað manninn sem skoraði í fyrra horninu en svona hlutir gerast. Þeir hafa fram yfir okkur þessa litlu reynslu hluti alls staðar á vellinum.“ Þrátt fyrir tapið í dag þá eru einhver batamerki á leik Keflavíkur, eftir að liðið fékk á sig 12 mörk í síðustu þremur leikjum. „Við erum aldrei ánægðir með að tapa en það er þessi frammistöðu framför. Við vorum nokkuð solid varnarlega. Þetta er kannski skref upp á við þó það sé skrítið að segja það eftir tapleik,“ svaraði Eysteinn Húni aðspurður um framför milli leikja. Næsti leikur Keflavíkur er líklega gegn FH, en einhver umræða hefur þó verið um að fresta þeim leik vegna landsleiks Íslands við Mexíkó. „Það er bara áfram. Við þurfum líka bara að vera klárir á því að þó við séum að fá á okkur högg eftir högg eftir högg að við séum áfram að þróa okkur sem einstaklinga og sem lið. FH er bara frábært verkefni fyrir okkur að ráðast í og við förum í það bara eins og alla aðra leiki, til þess að taka þrjú stig,“ sagði Eysteinn Húni áður en hann var spurður að því hvort hann myndi vilja fresta FH leiknum, ef hann fengi að ráða. „Þetta er ekki mín deild, við erum með aðra sem eru akkúrat í þessu. Þetta er búið að vera rosaleg törn og mér finnst það mjög sérstakt að í þremur síðustu leikjum á undan þessum þá fáum við hvíldardegi minna en andstæðingarnir okkar og það hefur ekki hjálpað okkur með okkar óreynda lið. Ég er til í að mæta FH hvenær sem er en það er svo sem allt í lagi að þessi törn sem er búinn að vera núna verði ekki lengri, sem sagt að þessi leikur komi ekki strax eftir þennan leik.“ Heimir: Við erum ánægðir með stigin þrjú Heimi Guðjónsson, þjálfari Vals Heimir Guðjónsson var glaður með sigurinn í Keflavík í kvöld. „Við erum ánægðir með stigin þrjú, við vissum að þeir hafa verið að byrja leikina sína vel og þeir gerðu það í þessum leik. Þeir eru góðir í að fara í svæði á milli varnar, sóknar og miðju. Þeir eru einnig hættulegir í skyndisóknum. Svo þegar það leið á fyrri hálfleikinn og sérstaklega síðasta korterið þá fannst mér við ná góðum tökum á leiknum. Mér fannst við svo bara spila nokkuð vel í seinni hálfleik.“ Guðmundur Andri Tryggvason var mjög umtalaður þegar Valur fékk hann fyrr í sumar frá Start í Noregi, en margir voru að velta sér upphæðunum sem Valur greiddi fyrir hann sem gæti verið um tugur milljóna. Guðmundur Andri hefur ekki enn þá byrjað leik með Vals liðinu en hann kom inn á af bekknum í dag. „Hann er öflugur fótboltamaður. Við þurfum bara að gefa honum tíma til að koma sér inn í þetta. Hann hefur verið að koma af bekknum í síðustu leikjum og bara staðið sig fínt. Við höldum bara áfram þeirri vinnu,“ svarði Heimir aðspurður út í Guðmund Andra. Næsti leikur Valsmanna er toppslagur gegn Víkingi Reykjavík. Heimir er býst við hörku leik. „Víkingarnir eru alltaf erfiðir. Þetta er flott fótboltalið og vel þjálfaðir. Þeir hafa bætt varnarleikinn í vetur eins og Arnar [Gunnlaugsson, þjálfari Víkings] hefur talað um. Kári [Árnason] er farinn að spila þann leik sem hann þekkir best. Þetta verður bara hörku leikur,“ sagði Heimir Guðjónsson að lokum. Pepsi Max-deild karla Keflavík ÍF Valur Mest lesið „Ég er mögulega búinn að spila minn síðasta leik“ Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn Zirkzee hetjan í sínum fyrsta leik Enski boltinn Cailtin Clark áritaði kornabarn Körfubolti „Við erum bikarmeistarar þannig það skiptir ekki máli“ Fótbolti Dagskráin í dag: Fyrsti leikur Óskars Hrafns með KR Sport „Ekki gott að við séum með 43 leikmenn“ Enski boltinn „Það sjá allir hve mikilvægir varamenn eru“ Enski boltinn KR kærir og segir KSÍ mismuna félögum Íslenski boltinn Myndaveisla: Mjólkin flæddi þegar Valskonur fögnuðu bikartitlinum Íslenski boltinn Fleiri fréttir Sjáðu þegar dómarinn vísaði ljósmyndara Víkings af velli Myndaveisla: Mjólkin flæddi þegar Valskonur fögnuðu bikartitlinum „Ég er mögulega búinn að spila minn síðasta leik“ Uppgjörið: Sanngjarnt þegar Valskonur tryggðu sér bikarinn Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ „Mikill fengur fyrir okkur að fá hana inn“ Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ „Þetta er aðeins meira en bara fótboltaleikur“ „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt „Maður er bara stoltur af liðinu“ „Allir leikir sem Valur spilar eru úrslitaleikir“ Uppgjörið: Víkingur - Tindastóll 5-1 | Sýning í Víkinni „Vorum ekki tilbúnar og það skrifast á þjálfarann“ Uppgjörið: Þór/KA - Stjarnan 2-2 | Sandra tryggði heimakonum stig „Karakter að koma til baka“ Uppgjörið: Keflavík - FH 3-4 | Stórkostleg endurkoma hjá FH-liðinu gegn lánlausum Keflvíkingum Uppgjörið: Valur - Breiðablik 0-2 | Blikar halda í við toppinn en Valur að missa af lestinni KR kærir og segir KSÍ mismuna félögum Pálmi kallaður á skrifstofuna og Óskar Hrafn tekur við Besta upphitunin: „Auðvitað fylgir maður alltaf börnunum“ „Drengilega leikið en samt opið og skemmtilegt, það er draumurinn“ Gylfi fór illa með gamla félagið sitt síðast „Á erfitt með að sjá og skilja lætin í kringum þetta“ Sjá meira
Leikurinn í kvöld byrjaði að gífurlega miklu fjöri og bæði lið sóttu til skiptis. Valsmenn voru hættulegri í upphafi og fengu fleiri færi en Keflvíkingar voru alltaf stórhættulegir í skyndisóknum sínum. Eftir fyrstu 20 mínúturnar tekur Valur öll völd á leiknum og sótti án afláts. Sindri Kristinn var frábær í marki Keflavíkur og varði allt sem Valsmenn settu á hann, þangað til á 37 mínútu. Þá tekur Birkir Heimis hornspyrnu, Kristinn Freyr kastar sér á boltann og nær að flikka honum lengra inn í markteig þar sem Rasmus Christiansen er mættur og stýrir boltanum í netið með hægri fæti! 1-0 fyrir Val. Valsmenn bættu bara í eftir mark sitt en áfram hélt Sindri Kristinn að verja vel í marki heimamanna. Það var ekki mikið liðið af síðari hálfleik áður en að Valur tvöfaldaði forystuna. Birkir Heimisson tekur þá hornspyrnu vinstra megin. Boltinn skýst á milli leikmanna beggja liða innan vítateigs Keflavíkur. Rasmus Christiansen fellur við inn í vítateig og einhverjir Valsarar biðja um vítaspyrnu, það virðist sem svo að heimamenn gleyma sér eitthvað í öllu havaríinu því allt í einu í kjölfarið dettur boltinn fyrir Birki Má sem var aleinn innan vítateigs Keflavíkur og Birkir þakkar pent fyrir sig með því að skila boltanum í netið. Það var þó eins og heimamenn hefðu eflst við þetta seina mark Vals því Keflavík var í raun öflugra það sem eftir lifði seinni hálfleiks. Keflavík fékk fleiri færi, þó svo að Hannes hafi séð við öllum marktilraunum þeirra án þess að hafa eitthvað mikið fyrir því. Hinu megin fékk Patrick Pedersen tvær tilraunir til að skora með skömmu millibili þegar rúmt korter var eftir af leiknum, í bæði skiptin eftir hornspyrnu frá Guðmundi Andra Tryggvasyni sem kom inn af varamannabekknum í kvöld. Í uppbótatíma síðari hálfleiks berst knötturinn til Joey Gibbs sem skýtur knettinum í varnarmann Vals, nær sínu eigin frákasti og skallar boltan yfir Hannes í markinu og tekst að minnka muninn niður í eitt mark. Þetta mark Gibbs kom aðeins of seint fyrir heimamenn, því stuttu síðar flautaði Vilhjálmur Alvar leikinn af og 1-2 sigur Íslandsmeistaranna staðreynd. Af hverju vann Valur? Gestirnir stjórnuðu leiknum lengst af. Bæði mörk þeirra komu úr föstum leikatriðum og óhætt er að segja að Valur búi yfir flottum spyrnumönnum í Sigurði Agli og Birki Heimissyni sem voru ógnandi í allan dag með fyrirgjöfum sínum. Hverjir stóðu upp úr? Sindri Kristinn, markvörður Keflavíkur, verður að fá smá hrós hér. Þrátt fyrir að fá tvö mörk á sig þá fékk Sindri aragrúa af skotum á sig og tap Keflavíkur hefði hæglega getað verið stærra í kvöld ef það hefði ekki verið fyrir margar vörslur frá Sindra. Rasmus Christiansen er þó maður leiksins. Rasmus stjórnaði varnarleik Vals eins og herforingi í dag ásamt því að skora fyrsta mark leiksins. Hvað gekk illa? Varnarleikur Keflavíkur leit ekki vel út í mörkunum sem Valur skoraði. Um leið og einhver Valsari náði fyrstu snertingu á knöttinn þá virtist mest allt varnarskipulag Keflavíkur riðlast til. Hvað gerist næst? Valsmenn eiga næst fyrir höndum sér toppbaráttuslag við Víkinga frá Reykjavík núna á laugardaginn. Degi síðar fara Keflvíkingar í Hafnarfjörðinn í heimsókn til FH-inga. Eysteinn Húni: Þetta er búið að vera rosaleg törn Eysteinn Húni Hauksson (t.v.) og Sigurður Ragnar Eyjólfsson, þjálfarar KeflavíkurVÍSIR/VILHELM „Það er ekki hægt að biðja um neitt mikið meira frá liðinu. Við vorum mjög agaðir í okkar leik og héldum okkar skipulagi. Við börðumst fyrir hvorn annan, við erum að eiga við gríðarlega sterkt lið en því miður þá var það sem við komum með í dag ekki alveg nóg,“ sagði Eysteinn Húni Hauksson, einn af þjálfurum Keflavíkur, í viðtali við Vísi eftir leik áður en hann bætti við, „þeir ná aðeins að taka yfir leikinn. Þeir skora tvö mörk úr föstum leikatriðum sem er mjög sárt. Í öðru þeirra er of mikill ákafi að keyra í boltann sem verður til þess að annar leikmaður þeirra verður laus. Ég er náttúrlega ekki ánægður með að ekki skuli vera dekkað manninn sem skoraði í fyrra horninu en svona hlutir gerast. Þeir hafa fram yfir okkur þessa litlu reynslu hluti alls staðar á vellinum.“ Þrátt fyrir tapið í dag þá eru einhver batamerki á leik Keflavíkur, eftir að liðið fékk á sig 12 mörk í síðustu þremur leikjum. „Við erum aldrei ánægðir með að tapa en það er þessi frammistöðu framför. Við vorum nokkuð solid varnarlega. Þetta er kannski skref upp á við þó það sé skrítið að segja það eftir tapleik,“ svaraði Eysteinn Húni aðspurður um framför milli leikja. Næsti leikur Keflavíkur er líklega gegn FH, en einhver umræða hefur þó verið um að fresta þeim leik vegna landsleiks Íslands við Mexíkó. „Það er bara áfram. Við þurfum líka bara að vera klárir á því að þó við séum að fá á okkur högg eftir högg eftir högg að við séum áfram að þróa okkur sem einstaklinga og sem lið. FH er bara frábært verkefni fyrir okkur að ráðast í og við förum í það bara eins og alla aðra leiki, til þess að taka þrjú stig,“ sagði Eysteinn Húni áður en hann var spurður að því hvort hann myndi vilja fresta FH leiknum, ef hann fengi að ráða. „Þetta er ekki mín deild, við erum með aðra sem eru akkúrat í þessu. Þetta er búið að vera rosaleg törn og mér finnst það mjög sérstakt að í þremur síðustu leikjum á undan þessum þá fáum við hvíldardegi minna en andstæðingarnir okkar og það hefur ekki hjálpað okkur með okkar óreynda lið. Ég er til í að mæta FH hvenær sem er en það er svo sem allt í lagi að þessi törn sem er búinn að vera núna verði ekki lengri, sem sagt að þessi leikur komi ekki strax eftir þennan leik.“ Heimir: Við erum ánægðir með stigin þrjú Heimi Guðjónsson, þjálfari Vals Heimir Guðjónsson var glaður með sigurinn í Keflavík í kvöld. „Við erum ánægðir með stigin þrjú, við vissum að þeir hafa verið að byrja leikina sína vel og þeir gerðu það í þessum leik. Þeir eru góðir í að fara í svæði á milli varnar, sóknar og miðju. Þeir eru einnig hættulegir í skyndisóknum. Svo þegar það leið á fyrri hálfleikinn og sérstaklega síðasta korterið þá fannst mér við ná góðum tökum á leiknum. Mér fannst við svo bara spila nokkuð vel í seinni hálfleik.“ Guðmundur Andri Tryggvason var mjög umtalaður þegar Valur fékk hann fyrr í sumar frá Start í Noregi, en margir voru að velta sér upphæðunum sem Valur greiddi fyrir hann sem gæti verið um tugur milljóna. Guðmundur Andri hefur ekki enn þá byrjað leik með Vals liðinu en hann kom inn á af bekknum í dag. „Hann er öflugur fótboltamaður. Við þurfum bara að gefa honum tíma til að koma sér inn í þetta. Hann hefur verið að koma af bekknum í síðustu leikjum og bara staðið sig fínt. Við höldum bara áfram þeirri vinnu,“ svarði Heimir aðspurður út í Guðmund Andra. Næsti leikur Valsmanna er toppslagur gegn Víkingi Reykjavík. Heimir er býst við hörku leik. „Víkingarnir eru alltaf erfiðir. Þetta er flott fótboltalið og vel þjálfaðir. Þeir hafa bætt varnarleikinn í vetur eins og Arnar [Gunnlaugsson, þjálfari Víkings] hefur talað um. Kári [Árnason] er farinn að spila þann leik sem hann þekkir best. Þetta verður bara hörku leikur,“ sagði Heimir Guðjónsson að lokum.
Pepsi Max-deild karla Keflavík ÍF Valur Mest lesið „Ég er mögulega búinn að spila minn síðasta leik“ Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn Zirkzee hetjan í sínum fyrsta leik Enski boltinn Cailtin Clark áritaði kornabarn Körfubolti „Við erum bikarmeistarar þannig það skiptir ekki máli“ Fótbolti Dagskráin í dag: Fyrsti leikur Óskars Hrafns með KR Sport „Ekki gott að við séum með 43 leikmenn“ Enski boltinn „Það sjá allir hve mikilvægir varamenn eru“ Enski boltinn KR kærir og segir KSÍ mismuna félögum Íslenski boltinn Myndaveisla: Mjólkin flæddi þegar Valskonur fögnuðu bikartitlinum Íslenski boltinn Fleiri fréttir Sjáðu þegar dómarinn vísaði ljósmyndara Víkings af velli Myndaveisla: Mjólkin flæddi þegar Valskonur fögnuðu bikartitlinum „Ég er mögulega búinn að spila minn síðasta leik“ Uppgjörið: Sanngjarnt þegar Valskonur tryggðu sér bikarinn Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ „Mikill fengur fyrir okkur að fá hana inn“ Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ „Þetta er aðeins meira en bara fótboltaleikur“ „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt „Maður er bara stoltur af liðinu“ „Allir leikir sem Valur spilar eru úrslitaleikir“ Uppgjörið: Víkingur - Tindastóll 5-1 | Sýning í Víkinni „Vorum ekki tilbúnar og það skrifast á þjálfarann“ Uppgjörið: Þór/KA - Stjarnan 2-2 | Sandra tryggði heimakonum stig „Karakter að koma til baka“ Uppgjörið: Keflavík - FH 3-4 | Stórkostleg endurkoma hjá FH-liðinu gegn lánlausum Keflvíkingum Uppgjörið: Valur - Breiðablik 0-2 | Blikar halda í við toppinn en Valur að missa af lestinni KR kærir og segir KSÍ mismuna félögum Pálmi kallaður á skrifstofuna og Óskar Hrafn tekur við Besta upphitunin: „Auðvitað fylgir maður alltaf börnunum“ „Drengilega leikið en samt opið og skemmtilegt, það er draumurinn“ Gylfi fór illa með gamla félagið sitt síðast „Á erfitt með að sjá og skilja lætin í kringum þetta“ Sjá meira