Dagskráin í dag: Úrslitastund á Wembley, Pepsi Max-deildin, golf og NBA

EM 2020

Komið er að úrslitastund á EM karla í fótbolta. Ítalía, sem vann Spán eftir vítaspyrnukeppni í undanúrslitum í vikunni, mætir heimamönnum Englands, sem lögðu Dani eftir framlengdan leik, á Wembley í Lundúnum klukkan 19:00.

Upphitun fyrir leikinn hefst klukkan 18:10 á bæði Stöð 2 EM og Stöð 2 Sport 2. Leikurinn sjálfur klukkan 19:00 og þá verður allt mótið gert upp í EM í dag klukkan 21:30.

Pepsi Max-deild kvenna

Tveir leikir eru á dagskrá í Pepsi Max-deild kvenna í fótbolta í dag. Leikur Þór/KA og ÍBV á Akureyri hefst klukkan 14:00 og verður í beinni útsendingu frá 13:50 á Stöð 2 Sport.

Að honum loknum hefst svo leikur Þróttar frá Reykjavík við Tindastól í Laugardal og má nálgast beina útsendingu frá þeim leik klukkan 15:50 á stod.is.

Golf

Lokadagur Opna skoska mótsins í golfi er í dag og hefst bein útsending frá honum klukkan 11:00 á Stöð 2 Golf.

Lokahringurinn á John Deere Classic-mótinu á PGA-mótaröðinni tekur svo við klukkan 17:00 á Stöð 2 Golf.

LPGA-mótaröðin er á sínum stað þar sem lokahringur Marathon Classic-mótsins er á dagskrá klukkan 17:00 á Stöð 2 Sport 4.

NBA

Phoenix Suns eru með 2-0 forystu í úrslitaeinvígi sínu við Milwaukee Bucks um NBA-meistaratitilinn í körfubolta vestanhafs. Phoenix spilaði fyrstu tvo leikina á heimavelli en Milwaukee fær nú tækifæri til að svara fyrir sig í fyrsta leiknum á þeirra heimavelli. Leikur kvöldsins hefst á miðnætti á Stöð 2 Sport 2.