Þórir Hergeirsson er þjálfari norska liðsins líkt og undanfarin ár.
Leik Noregs og Japan lauk með 12 marka sigri þeirra norsku og eins og tölurnar gefa til kynna var sigurinn aldrei í hættu.
Norska liðið var búið að tryggja sér efsta sæti A-riðils þegar kom að leiknum í dag en liðið er það eina sem enn er með fullt hús stiga eftir riðlakeppnina.
Ungverjaland bíður norska liðsins í 8-liða úrslitum sem fram fara næstkomandi miðvikudag.
