Tuttugu ár frá ákvörðuninni sem Sir Alex sér hvað mest eftir Runólfur Trausti Þórhallsson skrifar 26. ágúst 2021 16:30 Jaap Stam og Sir Alex Ferguson þegar allt lék í lyndi. Dave Kendall/Getty Images Sir Alex Ferguson gerði ekki mörg mistök er hann vann titil eftir titil með Manchester United. Í dag eru hins vegar 20 ár frá þeirri ákvörðun sem Skotinn sér hvað mest eftir á 26 ára stjóratíð sinni í Manchester-borg. Sir Alex telur að ákvörðunin sem var tekin þann 26. ágúst 2001 hafi gefið Arsene Wenger og Arsenal-liði hans yfirhöndina í ensku úrvalsdeildinni. Síðan mætti José Mourinho til Englands og vann deildina tvö ár í röð með Chelsea. Fyrir 20 árum, upp á dag, var hollenski miðvörðurinn Jaap Stam ekki í byrjunarliði Man United er liðið heimsótti Aston Villa á Villa Park. Stam hafði verið einn besti miðvörður heims frá því hann gekk í raðir Man Utd árið 1999 en árið 2001 gaf hann út ævisögu þar sem hann opnaði sig varðandi hluti sem hann hefði betur sleppt. #OTD in 2001: Sir Alex's biggest mistake?He's admitted so himself https://t.co/KCFenrzKxZ pic.twitter.com/WmdyNPhseI— Mirror Football (@MirrorFootball) August 26, 2021 Stam gaf til kynna að Sir Alex hefði talað við hann þegar hann var enn samningsbundinn PSV í Hollandi. Ef það var ekki nóg til að reita Sir Alex til reiði þá sagði Stam líka að þjálfarinn hefði hvatt leikmenn til að dýfa sér. „Það var komið á þann stað að hann sagði okkur að reyna ekki að standa í lappirnar ef við værum inn í vítateig og fyndum fyrir minnstu snertingu. Hann vill að við hermum eftir þeim liðum sem við mætum í Evrópu og fara niður til að sækja vítaspyrnur,“ skrifaði Stam í bók sinni, Head to Head. Fyrir leikinn gegn Villa sagði Ferguson að hann hefði samþykkt tilboð Lazio í Stam og það væri undir leikmanninum komið hvort hann færi þangað eða ekki. Þá hafði Sir Alex þegar samið við reynsluboltann Laurent Blanc um að fylla skarðið sem Stam myndi skilja eftir sig. Jaap Stam í leik með Lazio gegn Juventus.EPA/ANTONIO SCALISE „Við vitum að Wes Brown verður frábær leikmaður. Að mínu mati verður hann besti miðvörður landsins og hann fær nú tækifæri til að sýna hvað hann getur,“ sagði Sir Alex einnig. Stam og Sir Alex lenti saman á æfingu og miðvörðurinn fór heim í fússi. Ritari Sir Alex hringdi í hann að æfingu lokinni og rétti Ferguson svo símann. Þjálfarinn vildi vita hvar Stam væri niðurkominn. Eftir að hafa sagst vera á bensínstöð rétt hjá heimili sínu sagði Sir Alex honum að vera þar því hann væri á leiðinni. „Þegar hann kom á bensínstöðina lagði hann bílnum sínum og kom inn í bíl til mín. Hann sagði mér að ég þyrfti að skipta um lið. Svo bað hann mig um að fara til Lazio, eins fljótt og hægt væri. Ég samþykkti það á staðnum.“ Stam vann ensku úrvalsdeildina öll þrjú tímabilin sín í Manchester ásamt því að vera hluti af hinu fræga 1999-liði sem vann þrennuna eftirsóttu. Eftir að hann fór til Lazio átti Man Utd hins vegar erfitt uppdráttar. Liðið vann ekki deildina næstu þrjú tímabil. Stam var einkar sigursæll þau þrjú ár sem hann spilaði með Manchester United.Getty Images Það var ekki fyrr en tólf árum síðar, árið 2013, sem Ferguson viðurkenndi að hafa gert mistök þegar hann losaði sig við Stam. „Þegar ég hugsa um vonbrigði þá hugsa ég um Jaap Stam. Ég gerði slæm mistök þar,“ sagði Ferguson sem gerði ekki mörg mistök á sínum 26 árum hjá Manchester United. Fótbolti Enski boltinn Mest lesið Kæra KR tekin fyrir á morgun Íslenski boltinn Fulham tekur Berge fram yfir McTominay Enski boltinn Uppgjörið: Víkingur R. - ÍA 1-2 | Skagamenn fyrstir til að vinna í Víkinni Íslenski boltinn „Ég ætla rétt að vona að menn hafi ekki verið að spara sig“ Íslenski boltinn Jóhann Berg á leið til Sádi-Arabíu Fótbolti Atli Barkar spenntur fyrir næsta kafla Fótbolti Uppgjörið: Breiðablik - Fram 3-1 | Jafna Víking að stigum á toppnum Íslenski boltinn Síungur Vardy tryggði nýliðunum stig Enski boltinn Uppgjörið og viðöl: FH - Valur 2-2 | Ótrúleg dramatík í Kaplakrika Íslenski boltinn „Við vorum tilbúnir að þjást“ Íslenski boltinn Fleiri fréttir Fulham tekur Berge fram yfir McTominay Síungur Vardy tryggði nýliðunum stig Félix á leið til Chelsea á meðan Gallagher fer í hina áttina Guardiola: Haaland líður betur en á sama tíma í fyrra Þurftu að stækka klefann hjá Chelsea Segir Sterling hafa brugðist liðsfélögum sínum Söngurinn um Haaland kom í bakið á honum: „Fyndinn náungi“ Meistararnir byrja á sterkum sigri Brentford byrjar tímabilið á sigri Stefán Teitur fær þriðja þjálfarann í jafn mörgum leikjum Brady ánægður með ráðherrasoninn „Engar áhyggjur, við hittumst aftur“ Slot sammála Klopp varðandi hádegisleiki Durán sökkti Hömrunum Íslendingar á Englandi: Jóhann Berg og Willum Þór á skotskónum Milner sló met Giggs og tíu Newcastle-menn lönduðu sigri Havertz og Saka afgreiddu Úlfana „Ansi mikið breytt“ með komu Slots Sagði eyrnabólgu skýra fjarveru Sancho Salah sjóðheitur af stað að vanda „Ekki gott að við séum með 43 leikmenn“ „Það sjá allir hve mikilvægir varamenn eru“ Zirkzee hetjan í sínum fyrsta leik Schmeichel skammar Shaw fyrir að spila á EM Man. City dottið niður í ellefta sætið yfir mestu eyðsluna Ten Hag um kaupin á öllum þessum Ajax mönnum: Ekki bara mín ákvörðun Hafa eytt fjörutíu milljörðum í fyrrum lærisveina stjórans Ed Sheeran eignast hlut í ensku félagi en frábiður sér kvart og kvein Spurs setur Bissouma í bann fyrir hláturgasmyndbandið Liverpool selur einn af ungu strákunum sínum Sjá meira
Sir Alex telur að ákvörðunin sem var tekin þann 26. ágúst 2001 hafi gefið Arsene Wenger og Arsenal-liði hans yfirhöndina í ensku úrvalsdeildinni. Síðan mætti José Mourinho til Englands og vann deildina tvö ár í röð með Chelsea. Fyrir 20 árum, upp á dag, var hollenski miðvörðurinn Jaap Stam ekki í byrjunarliði Man United er liðið heimsótti Aston Villa á Villa Park. Stam hafði verið einn besti miðvörður heims frá því hann gekk í raðir Man Utd árið 1999 en árið 2001 gaf hann út ævisögu þar sem hann opnaði sig varðandi hluti sem hann hefði betur sleppt. #OTD in 2001: Sir Alex's biggest mistake?He's admitted so himself https://t.co/KCFenrzKxZ pic.twitter.com/WmdyNPhseI— Mirror Football (@MirrorFootball) August 26, 2021 Stam gaf til kynna að Sir Alex hefði talað við hann þegar hann var enn samningsbundinn PSV í Hollandi. Ef það var ekki nóg til að reita Sir Alex til reiði þá sagði Stam líka að þjálfarinn hefði hvatt leikmenn til að dýfa sér. „Það var komið á þann stað að hann sagði okkur að reyna ekki að standa í lappirnar ef við værum inn í vítateig og fyndum fyrir minnstu snertingu. Hann vill að við hermum eftir þeim liðum sem við mætum í Evrópu og fara niður til að sækja vítaspyrnur,“ skrifaði Stam í bók sinni, Head to Head. Fyrir leikinn gegn Villa sagði Ferguson að hann hefði samþykkt tilboð Lazio í Stam og það væri undir leikmanninum komið hvort hann færi þangað eða ekki. Þá hafði Sir Alex þegar samið við reynsluboltann Laurent Blanc um að fylla skarðið sem Stam myndi skilja eftir sig. Jaap Stam í leik með Lazio gegn Juventus.EPA/ANTONIO SCALISE „Við vitum að Wes Brown verður frábær leikmaður. Að mínu mati verður hann besti miðvörður landsins og hann fær nú tækifæri til að sýna hvað hann getur,“ sagði Sir Alex einnig. Stam og Sir Alex lenti saman á æfingu og miðvörðurinn fór heim í fússi. Ritari Sir Alex hringdi í hann að æfingu lokinni og rétti Ferguson svo símann. Þjálfarinn vildi vita hvar Stam væri niðurkominn. Eftir að hafa sagst vera á bensínstöð rétt hjá heimili sínu sagði Sir Alex honum að vera þar því hann væri á leiðinni. „Þegar hann kom á bensínstöðina lagði hann bílnum sínum og kom inn í bíl til mín. Hann sagði mér að ég þyrfti að skipta um lið. Svo bað hann mig um að fara til Lazio, eins fljótt og hægt væri. Ég samþykkti það á staðnum.“ Stam vann ensku úrvalsdeildina öll þrjú tímabilin sín í Manchester ásamt því að vera hluti af hinu fræga 1999-liði sem vann þrennuna eftirsóttu. Eftir að hann fór til Lazio átti Man Utd hins vegar erfitt uppdráttar. Liðið vann ekki deildina næstu þrjú tímabil. Stam var einkar sigursæll þau þrjú ár sem hann spilaði með Manchester United.Getty Images Það var ekki fyrr en tólf árum síðar, árið 2013, sem Ferguson viðurkenndi að hafa gert mistök þegar hann losaði sig við Stam. „Þegar ég hugsa um vonbrigði þá hugsa ég um Jaap Stam. Ég gerði slæm mistök þar,“ sagði Ferguson sem gerði ekki mörg mistök á sínum 26 árum hjá Manchester United.
Fótbolti Enski boltinn Mest lesið Kæra KR tekin fyrir á morgun Íslenski boltinn Fulham tekur Berge fram yfir McTominay Enski boltinn Uppgjörið: Víkingur R. - ÍA 1-2 | Skagamenn fyrstir til að vinna í Víkinni Íslenski boltinn „Ég ætla rétt að vona að menn hafi ekki verið að spara sig“ Íslenski boltinn Jóhann Berg á leið til Sádi-Arabíu Fótbolti Atli Barkar spenntur fyrir næsta kafla Fótbolti Uppgjörið: Breiðablik - Fram 3-1 | Jafna Víking að stigum á toppnum Íslenski boltinn Síungur Vardy tryggði nýliðunum stig Enski boltinn Uppgjörið og viðöl: FH - Valur 2-2 | Ótrúleg dramatík í Kaplakrika Íslenski boltinn „Við vorum tilbúnir að þjást“ Íslenski boltinn Fleiri fréttir Fulham tekur Berge fram yfir McTominay Síungur Vardy tryggði nýliðunum stig Félix á leið til Chelsea á meðan Gallagher fer í hina áttina Guardiola: Haaland líður betur en á sama tíma í fyrra Þurftu að stækka klefann hjá Chelsea Segir Sterling hafa brugðist liðsfélögum sínum Söngurinn um Haaland kom í bakið á honum: „Fyndinn náungi“ Meistararnir byrja á sterkum sigri Brentford byrjar tímabilið á sigri Stefán Teitur fær þriðja þjálfarann í jafn mörgum leikjum Brady ánægður með ráðherrasoninn „Engar áhyggjur, við hittumst aftur“ Slot sammála Klopp varðandi hádegisleiki Durán sökkti Hömrunum Íslendingar á Englandi: Jóhann Berg og Willum Þór á skotskónum Milner sló met Giggs og tíu Newcastle-menn lönduðu sigri Havertz og Saka afgreiddu Úlfana „Ansi mikið breytt“ með komu Slots Sagði eyrnabólgu skýra fjarveru Sancho Salah sjóðheitur af stað að vanda „Ekki gott að við séum með 43 leikmenn“ „Það sjá allir hve mikilvægir varamenn eru“ Zirkzee hetjan í sínum fyrsta leik Schmeichel skammar Shaw fyrir að spila á EM Man. City dottið niður í ellefta sætið yfir mestu eyðsluna Ten Hag um kaupin á öllum þessum Ajax mönnum: Ekki bara mín ákvörðun Hafa eytt fjörutíu milljörðum í fyrrum lærisveina stjórans Ed Sheeran eignast hlut í ensku félagi en frábiður sér kvart og kvein Spurs setur Bissouma í bann fyrir hláturgasmyndbandið Liverpool selur einn af ungu strákunum sínum Sjá meira