Martinez skoraði er Inter tapaði stigum Sigurður Orri Kristjánsson skrifar 12. september 2021 12:00 Lautaro Martinez skoraði í dag EPA-EFE/SIMONE ARVEDA Sampdoria og Ítalíumeistarar Inter frá Milanó skildu jöfn, 2-2, í þriðju umferð ítölsku úrvalsdeildarinnar í fótbolta, Serie A. Það voru gestirnir frá Inter sem að skoruðu fyrsta mark leiksins á 18. mínútu og var þar á ferðinni Frederico Dimarco sem skoraði stórglæsilegt mark beint úr aukaspyrnu rétt fyrir utan teig. Dimarco smellti honum rakleiðis upp í samskeytin markmannsmegin. Maya Yoshida jafnaði leikinn korteri seinna með skoti úr teignum. Inter komust aftur yfir með marki frá Lautaro Martinez á 44. mínútu. Martinez skoraði þá með viðstöðulausu skoti eftir fyrirgjöf frá Nicolo Barella. Sampdoria náði að jafna leikinn á nýjan leik. Var það Tommaso Augello sem gerði það með virkilega fínni afgreiðslu á 47. mínútu og þar við sat, niðurstaðan 2-2. Inter er með sjö stig eftir þrjá leiki og Sampdoria er með tvö. Fótbolti Ítalski boltinn
Sampdoria og Ítalíumeistarar Inter frá Milanó skildu jöfn, 2-2, í þriðju umferð ítölsku úrvalsdeildarinnar í fótbolta, Serie A. Það voru gestirnir frá Inter sem að skoruðu fyrsta mark leiksins á 18. mínútu og var þar á ferðinni Frederico Dimarco sem skoraði stórglæsilegt mark beint úr aukaspyrnu rétt fyrir utan teig. Dimarco smellti honum rakleiðis upp í samskeytin markmannsmegin. Maya Yoshida jafnaði leikinn korteri seinna með skoti úr teignum. Inter komust aftur yfir með marki frá Lautaro Martinez á 44. mínútu. Martinez skoraði þá með viðstöðulausu skoti eftir fyrirgjöf frá Nicolo Barella. Sampdoria náði að jafna leikinn á nýjan leik. Var það Tommaso Augello sem gerði það með virkilega fínni afgreiðslu á 47. mínútu og þar við sat, niðurstaðan 2-2. Inter er með sjö stig eftir þrjá leiki og Sampdoria er með tvö.
„Maður er partur af þessum stóra fótboltaheimi og þar eru upphæðir sem erfitt er að útskýra“ Fótbolti
„Maður er partur af þessum stóra fótboltaheimi og þar eru upphæðir sem erfitt er að útskýra“ Fótbolti