Tveir fyrrverandi forsætisráðherrar tókust á um hugsjónir og mannaveiðar Heimir Már Pétursson skrifar 9. desember 2021 19:30 Þeir sátu áður saman í ríkisstjórn undir forsæti Sigmundar Davíðs Gunnlaugssonar. En nú takast þeir á um hugsjónir í stjórn og stjórnarandstöðu. Vísir/Vilhelm Formaður Miðflokksins segir Sjálfstæðisflokkinn góðan í mannaveiðum en dregur í efa að margir séu eftir í flokknum sem kenna megi við hugmyndafræði hans. Hann spurði fjármálaráðherra á Alþingi í dag um kostnaðinn við fjölgun ráðuneyta. Sigmundur Davíð Gunnlaugsson fyrrverandi forsætisráðherra og formaður minnsta þingflokksins á Alþingi í dag hélt uppi pólitískri stríðni gagnvart Bjarna Benediktssyni fyrrverandi fjármálaráðherra í ríkisstjórn hans og formanns stærsta þingflokksins á Alþingi í dag. Í fyrirspurn Sigmundar Davíðs til Bjarna var greinilegt að hann sér eftir einum þriðja af þingflokki sínum sem gekk í þingflokk Sjálfstæðisflokksins strax að loknum síðustu kosningum. Þá gekk fyrrverandi varaborgarfulltrúi Miðflokksins í Sjálfstæðisflokkinn í dag. „Mér hefur nú sýnst að þótt hæstvirtur ráðherra og flokkur hans séu ágætis mannaveiðarar eins og dæmin sanna þá vilji kvarnast úr hugsjónunum þegar menn eru komnir í þennan flokk. Eða að minnska kosti komnir í embætti,“ sagði Sigmundur Davíð. Bjarni svaraði því til að sitt yrði að sýnast hverjum í þessum efnum. „Það er að minnsta kosti ekki þannig að það sé að kvarnast úr þingflokknum hjá okkur. Eða úr hópi fylgismanna Sjálfstæðisflokksins. Það skiptir máli,“ sagði formaður Sjálfstæðisflokksins ánægður með sinn hlut. Sigmundur Davíð Gunnlaugsson sagði Sjálfstæðisflokkinn duglegan við mannaveiðar á Alþingi í dag en það færi minna fyrir hugsjónum flokksins.Vísir/Vilhelm Hvað kostar að stækka stjórnarráðið Bjarni? „Hver verður kostnaðurinn við þær breytingar á ráðuneytum sem áformaðar eru og að einhverju leyti komnar til framkvæmda með skipan ráðherra án þess að embættismenn og stjórnkerfið að öðru leyti hafi færst til á sama hátt,“ spurði þá formaður Miðflokksins. Bjarni sagðist ekki treysta sér til að setja nákvæma tölu á það. „En það er ljóst að með því að stofna nýtt ráðuneyti, fleiri en eitt, þá mun verða kostnaður. Hann getur hlaupið á hundruðum milljóna,“ sagði fjármálaráðherrann sem alla jafna vill halda fast í fjármuni ríkissjóðs. „Ég vænti þess að það sé hægt að fara nánar ofan í saumana á þessu þegar þingsályktun um þetta efni verður lögð fyrir Alþingi,“ sagði fjármálaráðherrann og bætti við að stofnun nýrra ráðuneyti yrði ekki að raunveruleika fyrr en þingið hefði samþykkt það. Bjarni var ekki með kostnaðinn við stækkun stjórnarráðsins samkvæmt stjórnarsáttmála á takteinum en hann hlypi á hundruðum milljóna króna.Vísir/Vilhelm Sagði báknið hafa bólgnað út undir stjórn Bjarna Sigmundur Davíð gaf ekki mikið fyrir þau orð Bjarna að það skipti máli að hafa fylgi til að hrinda hugsjónum í framkvæmd og spurði hvort Sjálfstæðisflokkurinn hefði verið að gera það á undanförnum árum. Það skipti flokkinn meira máli að hafa fylgi til að skipa menn í embætti. Enda hefði opinberum starfsmönnum fjölgað um níu þúsund í tíð ríkisstjórnarinnar og báknið og ríkisútgjöld bólgnað út. „Og kynnir nú einhverjar svakalegar breytingar í skipulagi stjórnarráðs Íslands sem hæstvirtur fjármálaráðherra hefur ekki hugmynd um hvað muni kosta,“ sagði Sigmundur Davíð máli sínu til stuðnings. Bjarni lét hins vegar forsætisráðherrann fyrrverandi ekki slá sig út af laginu. „Það getur verið að það sé misskilningur hjá mér að það skipti máli að hafa fylgi til að hrinda hugmyndum í framkvæmd. Ég skal þá bara hugsa það aftur. Það kann að vera að það sé ekkert samhengi þar á milli. En ég hélt ekki, ég hélt að þetta héldist í hendur,“ sagði Bjarni. Hann ítrekaði síðan að kostnaðurinn við breytingar á stjórnarráðinu yrði lagður fyrir Alþingi. „En nákvæmur kostnaður við það að koma á fót nýjum ráðuneytum verður ræddur hér þegar þingsályktunartillagan kemur fram. En ég segi bara fyrirfram; það er alveg hægt að gera ráð fyrir að því fylgi kostnaður upp á hundruð milljóna,“ sagði Bjarni Benediktsson. Alþingi Miðflokkurinn Sjálfstæðisflokkurinn Ríkisstjórn Katrínar Jakobsdóttur Mest lesið Mjög gjarnan kölluð nasisti og fasisti Innlent Barn á óskoðuðum bíl á 151 kílómetra hraða Innlent Páskaeggjaframleiðandi fagnar gagnrýni á málshætti Innlent Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent Vildi „tagga“ Frans páfa en niðurstaðan reyndist slysaleg Innlent Drottningin lögð inn vegna veikinda Erlent „Skrítið og óeðlilegt“ að Ísrael fái að vera með í Eurovision Innlent Gallar í nýbyggingum: Eigendur nýrra íbúða eigi ríkari rétt Innlent „Til hamingju hálfvitar“ Innlent Valdatafl í Vatíkaninu: Hver verður næsti páfi? Erlent Fleiri fréttir Lofar betra sumri en í fyrra Fagnar umræðu um þátttöku Ísraels og segir útspil ráðherra gagnlegt Oscar þori varla út úr húsi af ótta við að vera sendur úr landi Breytingar á gosvirkni, júró-þrýstingur og umdeildir málshættir Missti vélarafl suður af Snæfellsnesi Reiknar með að sækja útför Frans páfa Páskaeggjaframleiðandi fagnar gagnrýni á málshætti Vildi „tagga“ Frans páfa en niðurstaðan reyndist slysaleg „Hér hefur verið unninn skaði sem þarf að stöðva“ Landris heldur áfram en dregið hefur úr hraðanum „Skrítið og óeðlilegt“ að Ísrael fái að vera með í Eurovision Barn á óskoðuðum bíl á 151 kílómetra hraða Gallar í nýbyggingum: Eigendur nýrra íbúða eigi ríkari rétt Ráðherra ræðir þátttöku Ísraels í Eurovision Vill að allir flokkar hafi hlutverk í borgarstjórn Mótmæltu brottvísun Oscars við dómsmálaráðuneytið Reyndu að fá Ingu á sitt band með fötu af „extra crispy“ kjúklingavængjum Mjög gjarnan kölluð nasisti og fasisti Stöðvaður á 116 kílómetra hraða Þrjátíu prestar krefjast dvalarleyfis fyrir Oscar Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Frans páfi, forsætisráðherra um fangelsismál og villtur páfagaukur Dæmi um að fyrirtæki tapi tugum milljóna í „forstjórasvindli“ Halla Tómasdóttir minnist „Pope Francis“ Lögmaður þurfi ekki að hafa áhyggjur af þekkingu ráðherra Andlát páfa og svikahrappar sem herja á fólk og fyrirtæki Sjá meira
Sigmundur Davíð Gunnlaugsson fyrrverandi forsætisráðherra og formaður minnsta þingflokksins á Alþingi í dag hélt uppi pólitískri stríðni gagnvart Bjarna Benediktssyni fyrrverandi fjármálaráðherra í ríkisstjórn hans og formanns stærsta þingflokksins á Alþingi í dag. Í fyrirspurn Sigmundar Davíðs til Bjarna var greinilegt að hann sér eftir einum þriðja af þingflokki sínum sem gekk í þingflokk Sjálfstæðisflokksins strax að loknum síðustu kosningum. Þá gekk fyrrverandi varaborgarfulltrúi Miðflokksins í Sjálfstæðisflokkinn í dag. „Mér hefur nú sýnst að þótt hæstvirtur ráðherra og flokkur hans séu ágætis mannaveiðarar eins og dæmin sanna þá vilji kvarnast úr hugsjónunum þegar menn eru komnir í þennan flokk. Eða að minnska kosti komnir í embætti,“ sagði Sigmundur Davíð. Bjarni svaraði því til að sitt yrði að sýnast hverjum í þessum efnum. „Það er að minnsta kosti ekki þannig að það sé að kvarnast úr þingflokknum hjá okkur. Eða úr hópi fylgismanna Sjálfstæðisflokksins. Það skiptir máli,“ sagði formaður Sjálfstæðisflokksins ánægður með sinn hlut. Sigmundur Davíð Gunnlaugsson sagði Sjálfstæðisflokkinn duglegan við mannaveiðar á Alþingi í dag en það færi minna fyrir hugsjónum flokksins.Vísir/Vilhelm Hvað kostar að stækka stjórnarráðið Bjarni? „Hver verður kostnaðurinn við þær breytingar á ráðuneytum sem áformaðar eru og að einhverju leyti komnar til framkvæmda með skipan ráðherra án þess að embættismenn og stjórnkerfið að öðru leyti hafi færst til á sama hátt,“ spurði þá formaður Miðflokksins. Bjarni sagðist ekki treysta sér til að setja nákvæma tölu á það. „En það er ljóst að með því að stofna nýtt ráðuneyti, fleiri en eitt, þá mun verða kostnaður. Hann getur hlaupið á hundruðum milljóna,“ sagði fjármálaráðherrann sem alla jafna vill halda fast í fjármuni ríkissjóðs. „Ég vænti þess að það sé hægt að fara nánar ofan í saumana á þessu þegar þingsályktun um þetta efni verður lögð fyrir Alþingi,“ sagði fjármálaráðherrann og bætti við að stofnun nýrra ráðuneyti yrði ekki að raunveruleika fyrr en þingið hefði samþykkt það. Bjarni var ekki með kostnaðinn við stækkun stjórnarráðsins samkvæmt stjórnarsáttmála á takteinum en hann hlypi á hundruðum milljóna króna.Vísir/Vilhelm Sagði báknið hafa bólgnað út undir stjórn Bjarna Sigmundur Davíð gaf ekki mikið fyrir þau orð Bjarna að það skipti máli að hafa fylgi til að hrinda hugsjónum í framkvæmd og spurði hvort Sjálfstæðisflokkurinn hefði verið að gera það á undanförnum árum. Það skipti flokkinn meira máli að hafa fylgi til að skipa menn í embætti. Enda hefði opinberum starfsmönnum fjölgað um níu þúsund í tíð ríkisstjórnarinnar og báknið og ríkisútgjöld bólgnað út. „Og kynnir nú einhverjar svakalegar breytingar í skipulagi stjórnarráðs Íslands sem hæstvirtur fjármálaráðherra hefur ekki hugmynd um hvað muni kosta,“ sagði Sigmundur Davíð máli sínu til stuðnings. Bjarni lét hins vegar forsætisráðherrann fyrrverandi ekki slá sig út af laginu. „Það getur verið að það sé misskilningur hjá mér að það skipti máli að hafa fylgi til að hrinda hugmyndum í framkvæmd. Ég skal þá bara hugsa það aftur. Það kann að vera að það sé ekkert samhengi þar á milli. En ég hélt ekki, ég hélt að þetta héldist í hendur,“ sagði Bjarni. Hann ítrekaði síðan að kostnaðurinn við breytingar á stjórnarráðinu yrði lagður fyrir Alþingi. „En nákvæmur kostnaður við það að koma á fót nýjum ráðuneytum verður ræddur hér þegar þingsályktunartillagan kemur fram. En ég segi bara fyrirfram; það er alveg hægt að gera ráð fyrir að því fylgi kostnaður upp á hundruð milljóna,“ sagði Bjarni Benediktsson.
Alþingi Miðflokkurinn Sjálfstæðisflokkurinn Ríkisstjórn Katrínar Jakobsdóttur Mest lesið Mjög gjarnan kölluð nasisti og fasisti Innlent Barn á óskoðuðum bíl á 151 kílómetra hraða Innlent Páskaeggjaframleiðandi fagnar gagnrýni á málshætti Innlent Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent Vildi „tagga“ Frans páfa en niðurstaðan reyndist slysaleg Innlent Drottningin lögð inn vegna veikinda Erlent „Skrítið og óeðlilegt“ að Ísrael fái að vera með í Eurovision Innlent Gallar í nýbyggingum: Eigendur nýrra íbúða eigi ríkari rétt Innlent „Til hamingju hálfvitar“ Innlent Valdatafl í Vatíkaninu: Hver verður næsti páfi? Erlent Fleiri fréttir Lofar betra sumri en í fyrra Fagnar umræðu um þátttöku Ísraels og segir útspil ráðherra gagnlegt Oscar þori varla út úr húsi af ótta við að vera sendur úr landi Breytingar á gosvirkni, júró-þrýstingur og umdeildir málshættir Missti vélarafl suður af Snæfellsnesi Reiknar með að sækja útför Frans páfa Páskaeggjaframleiðandi fagnar gagnrýni á málshætti Vildi „tagga“ Frans páfa en niðurstaðan reyndist slysaleg „Hér hefur verið unninn skaði sem þarf að stöðva“ Landris heldur áfram en dregið hefur úr hraðanum „Skrítið og óeðlilegt“ að Ísrael fái að vera með í Eurovision Barn á óskoðuðum bíl á 151 kílómetra hraða Gallar í nýbyggingum: Eigendur nýrra íbúða eigi ríkari rétt Ráðherra ræðir þátttöku Ísraels í Eurovision Vill að allir flokkar hafi hlutverk í borgarstjórn Mótmæltu brottvísun Oscars við dómsmálaráðuneytið Reyndu að fá Ingu á sitt band með fötu af „extra crispy“ kjúklingavængjum Mjög gjarnan kölluð nasisti og fasisti Stöðvaður á 116 kílómetra hraða Þrjátíu prestar krefjast dvalarleyfis fyrir Oscar Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Frans páfi, forsætisráðherra um fangelsismál og villtur páfagaukur Dæmi um að fyrirtæki tapi tugum milljóna í „forstjórasvindli“ Halla Tómasdóttir minnist „Pope Francis“ Lögmaður þurfi ekki að hafa áhyggjur af þekkingu ráðherra Andlát páfa og svikahrappar sem herja á fólk og fyrirtæki Sjá meira
Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent
Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent