„Orkumál eru loftslagsmál“ Smári Jökull Jónsson skrifar 12. desember 2021 13:12 Halla Hrund Logadóttir er orkumálastjóri. Vísir/Vilhelm Orkumálastjóri segir tækifæri liggja í nýjum stjórnarsáttamála og segir gott að loftslags- og orkumál heyri nú undir sama ráðuneyti. Halla Hrund Logadóttir orkumálastjóri mætti til Kristjáns Kristjánssonar á Sprengisand í morgun þar sem þau fóru yfir víðan völl varðandi orkumál. Orkumálin hafa verið mikið í fréttum undanfarið vegna raforkuskorts. Halla Hrund segir að það ástand, að eftirspurn sé meiri en framboð, sé komið til að vera. „Tímabundið núna erum við að horfa í að við erum með þessa endurnýtanlegu orkugjafa og þeir sveiflast til eftir veðrinu okkar,“ segir Halla og bætir við að nú sé slæmt vatnsár og álagið sé því tímabundið. Hún segir að eitt af stóru verkefnunum sé að horfa á hvernig regluverkið sé skilgreint. Rafmagnslínur norðan Skjaldbreiðar.Vísir/Vilhelm „Ástandið að það sé meiri umframeftirspurn en framboð er komið til að vera vegna þess að það er mjög mikil eftirspurn eftir grænum orkugjöfum. Þess vegna þurfum við að skoða regluverkið vel og passa sérstaklega upp á það að almenningur, fyrirtæki og annað hafi greiðan aðgang að orku.“ „Við erum með þannig orkumarkað að það er ekki endilega þannig að laus orka í kerfinu ratar nákvæmlega í þau verkefni eða til þeirra sem við viljum. Það fer eftir því hverjir eru tilbúnir að borga fyrir vöruna.“ Þarf að skoða hvort aðrar lausnir séu til en að byggja sterkara flutningskerfi Eitt af því sem hefur verið nefnt sem ástæða raforkuskorts er flutningskerfi raforku. Halla Hrund segir að nauðsynlegt sé að skoða aðrar lausnir. „Landsnet er með sína kerfisáætlun og það hefur verið sú þróun að við höfum verið að bæta við varaafli. Þetta er tímabundinn álagspunktur og við vitum aldrei nákvæmlega hvenær álagið verður. Þetta eru dýrar fjárfestingar og maður leysir ekki vandamálin varðandi flutningskerfið á stuttum tíma.“ Guðlaugur Þór Þórðarson er ráðhera umhverfis-, loftslags- og orkumála.Vísir/Vilhelm „Við þurfum að hugsa aðra og fjölbreyttari möguleika. Tækninni fleygir fram hvað varðar orkumálin í heild. Nú þegar allar þjóðir eru að horfa á nýtni, nýsköpun og fjölbreyttari kerfi. Stóra spurningin er hvernig við getum horft á hluta þeirra nýju lausna og staðbundnari útfærslur.“ Þarf að skoða regluverkið með gagnrýnum augum Halla sagði að hröð þróun hefði orðið undanfarið í regluverki orkumála. Hún sagði mikilvægt að skoða jafnvægi milli nýtingar og verndar. „Við erum komin í það landslag að eftirspurn verður líklega alltaf meiri en framboðið sem við getum boðið hverju sinni. Mikilvægt að horfa á heildarorkuþörf og það snýst um rammaáætlun og fleira, jafnvægi milli nýtingar og verndar.“ „Ef eftirspurn er endalaus og við getum selt endalaust inn á kerfið og við vitum ekki hvort orkan ratar í samfélagsleg mikilvæg verkefni þá er mikilvægt að skilgreina markaðinn betur og passa að leikreglurnar okkar geri það að verkum að forgangur sé skýr.“ Orkuverið í Svartsengi á Reykjanesi.Vísir/Vilhelm Hún segir margt spennandi í nýjum stjórnarsáttmála. „Við hljótum að vilja horfa á regluverkið með gagnrýnum augum og passa að styrkja það með þeim hætti að við séum að ná þeim árangri sem við viljum.“ Verkefnin krefjast meiri orku Halla segir að það þurfi að horfa á heildarmengið þegar skoðað er hversu mikillar orku þurfi að afla, það fari eftir því hvað sé verið að að gera á ólíkum sviðum. Hún nefnir þrjár leiðir varðandi það hvaðan sú orka gæti komið. „Eitt er að skoða núverandi framleiðslu og horfa á þegar samningar renna út. Það er fyrirtækjanna að taka þær ákvarðanir því markaðnum er ekki handstýrt eins og var meira áður fyrr.“ „Síðan er það að horfa á nýtni og nýsköpun. Við erum að snjallvæðamæla öll heimili og erum að horfa á það að ná fram sparnaði. Við vitum að tæknin mun vinna með okkur og hjálpa okkur að nota minna af orku fyrir sem flest. Nýtni á núverandi virkjunum og líka hvernig við horfum á framleiðsluferla mun eflaust vinna með okkur þannig að við getum sparað eitthvað af orku þar.“ Flutningskerfi raforku kom til umræðu í Sprengisandi í morgun.Vísir/Vilhelm „Síðan eru það framtíðarvirkjunarkostir. Við þurfum að horfa á þessa blöndu og átta okkur á að orkuskipti gerist i skrefum. Nú þekkjum við vel og það er bara spurning um innleiðingu þegar kemur að orkuskiptum á landi. Hvað varðar orkuskipti í flugi og á hafi þá er ekki ljóst hvaða tækni veðrur raunverulega ofan á. Misjöfn tækni felur í sér misjafna orkuþörf.“ Þarf að auka skilning á báða bóga í tengslum við rammaáætlun Kristján nefndi þá staðreynd að rammaáætlun væri búin að vera strand í dágóðan tíma. Halla sagði að eitt af markmiðum í nýjum stjórnarsáttmála væri að endurskoða þau mál og að þar væru tækifæri. „Nú erum við komin með nýtt ráðuneyti þar sem báðir málaflokkar eiga heima undir sama þaki, ráðuneyti umhverfis-, orku- og loftslagsmála. Ég held að það sé gott að loftslags- og orkumálin séu saman því orkumál eru loftslagsmál,“ sagði Halla en fréttir af því að þessi mál heyrðu nú undir sama ráðuneyti vakti ekki mikla lukku hjá umhverfissinnum þegar stjórnarsáttmáli ríkisstjórnarinnar var kynntur. „Varðandi rammaáætlun og nýtingu og vernd þá er allt samtal gagnlegt. Það eru tækifæri að sami ráðherra sé að vinna í því, maður leysir svo margt með skilningi. Hluti af því að áætlunin hefur verið strand er að það þurfi að auka skilning á báða bóga.“ „Við þurfum að meta virði orkunnar okkar með öðrum hætti svo áætlunin geti gengið eftir, finna jafnvægi milli nýtingar og verndar. Hvernig getum við fengið sem mest fyrir það sem við ákveðum að nýta? Aukið alla virðiskeðjuna, ekki bara framleiðslu og beina sölu, heldur í gegnum það að efla nýsköpun og horfa á þekkingariðnað í kringum verkefni. Það á að vera stóra verkefnið og þar eru tækifæri.“ Orkumál Ríkisstjórn Katrínar Jakobsdóttur Sprengisandur Mest lesið „Ef þessi maður kemst út úr fangelsi mun hann drepa barnið mitt“ Innlent „Ef þið haldið mér áfram í fangelsi þá verður vandamál“ Innlent Ein leið í og úr hverfinu dragi úr öryggi íbúa Innlent Kourani sjái ekki eftir neinu og eigi skilið sex til átta ár í fangelsi Innlent Þrír af hverjum fjórum sitja eftir með sárt ennið Innlent Vaknaði með tíu ósvöruð símtöl og frétti svo af uppsögninni Innlent Segja Ásgeir Helga hafa verið 20 mínútur í stæðinu Innlent „Að láta taka sig ósmurt? Takk, en nei takk“ Innlent Gámur fluttur án leyfis eiganda og öllu stolið úr honum Innlent Hlaut of þunga refsingu fyrir mistök Innlent Fleiri fréttir Tvö þúsund skora á Guðrúnu að hætta við brottvísunina Skilur ekki hægagang dómsmálaráðuneytisins Gámur fluttur án leyfis eiganda og öllu stolið úr honum Syngjandi hundur í Mosfellsbæ Vaknaði með tíu ósvöruð símtöl og frétti svo af uppsögninni Mátti ekki pissa á starfsmann svo hann meig á glugga Alvarlega slasaður eftir mótorhjólaslys Akranesbær í sárum eftir gjaldþrot eins stærsta vinnustaðarins Fimmtán mánaða skilorð fyrir vörslu barnaníðsefnis Kirkjan skaðabótaskyld gagnvart Kristni Tuttugu stéttarfélög skrifuðu undir kjarasamninga Býður þingmönnum að „fá hrollkaldan veruleikan í andlitið“ Slæleg vinnubrögð álagi og tímapressu að kenna Fundu sautján poka af ónýtum kannabisplöntum og úrgangi Sigmundur Davíð þvær hendur sínar af Mannréttindastofnun Íslands Kolbeinn fer ekki fyrir Landsrétt Fulltrúar sérhagsmuna létu formanninn einan um orðið Fólk geti verið með fleiri en einn kynsjúkdóm Skjálfandafljót verði ekki virkjað á næstunni Mikill meirihluti þjóðarinnar styður aðildarviðræður við ESB Kourani sjái ekki eftir neinu og eigi skilið sex til átta ár í fangelsi Sjúklingur réðst á lækni sem fær ekki bætur frá ríkinu Lauginni lokað eftir að lögn fór í sundur Gremja vegna golfbíla á meistaramóti Lögreglan kölluð til er hundur lék lausum hala á Reykjanesbrautinni Yfir 190 gestir Fabrikkunnar með nóróveiru síðasta sumar Engin gögn bendi til tengsla við Hamas Mikil fjölgun í greiningum á sárasótt og lekanda Leggja til íbúakosningu vegna framkvæmda Carbfix Hlaut of þunga refsingu fyrir mistök Sjá meira
Halla Hrund Logadóttir orkumálastjóri mætti til Kristjáns Kristjánssonar á Sprengisand í morgun þar sem þau fóru yfir víðan völl varðandi orkumál. Orkumálin hafa verið mikið í fréttum undanfarið vegna raforkuskorts. Halla Hrund segir að það ástand, að eftirspurn sé meiri en framboð, sé komið til að vera. „Tímabundið núna erum við að horfa í að við erum með þessa endurnýtanlegu orkugjafa og þeir sveiflast til eftir veðrinu okkar,“ segir Halla og bætir við að nú sé slæmt vatnsár og álagið sé því tímabundið. Hún segir að eitt af stóru verkefnunum sé að horfa á hvernig regluverkið sé skilgreint. Rafmagnslínur norðan Skjaldbreiðar.Vísir/Vilhelm „Ástandið að það sé meiri umframeftirspurn en framboð er komið til að vera vegna þess að það er mjög mikil eftirspurn eftir grænum orkugjöfum. Þess vegna þurfum við að skoða regluverkið vel og passa sérstaklega upp á það að almenningur, fyrirtæki og annað hafi greiðan aðgang að orku.“ „Við erum með þannig orkumarkað að það er ekki endilega þannig að laus orka í kerfinu ratar nákvæmlega í þau verkefni eða til þeirra sem við viljum. Það fer eftir því hverjir eru tilbúnir að borga fyrir vöruna.“ Þarf að skoða hvort aðrar lausnir séu til en að byggja sterkara flutningskerfi Eitt af því sem hefur verið nefnt sem ástæða raforkuskorts er flutningskerfi raforku. Halla Hrund segir að nauðsynlegt sé að skoða aðrar lausnir. „Landsnet er með sína kerfisáætlun og það hefur verið sú þróun að við höfum verið að bæta við varaafli. Þetta er tímabundinn álagspunktur og við vitum aldrei nákvæmlega hvenær álagið verður. Þetta eru dýrar fjárfestingar og maður leysir ekki vandamálin varðandi flutningskerfið á stuttum tíma.“ Guðlaugur Þór Þórðarson er ráðhera umhverfis-, loftslags- og orkumála.Vísir/Vilhelm „Við þurfum að hugsa aðra og fjölbreyttari möguleika. Tækninni fleygir fram hvað varðar orkumálin í heild. Nú þegar allar þjóðir eru að horfa á nýtni, nýsköpun og fjölbreyttari kerfi. Stóra spurningin er hvernig við getum horft á hluta þeirra nýju lausna og staðbundnari útfærslur.“ Þarf að skoða regluverkið með gagnrýnum augum Halla sagði að hröð þróun hefði orðið undanfarið í regluverki orkumála. Hún sagði mikilvægt að skoða jafnvægi milli nýtingar og verndar. „Við erum komin í það landslag að eftirspurn verður líklega alltaf meiri en framboðið sem við getum boðið hverju sinni. Mikilvægt að horfa á heildarorkuþörf og það snýst um rammaáætlun og fleira, jafnvægi milli nýtingar og verndar.“ „Ef eftirspurn er endalaus og við getum selt endalaust inn á kerfið og við vitum ekki hvort orkan ratar í samfélagsleg mikilvæg verkefni þá er mikilvægt að skilgreina markaðinn betur og passa að leikreglurnar okkar geri það að verkum að forgangur sé skýr.“ Orkuverið í Svartsengi á Reykjanesi.Vísir/Vilhelm Hún segir margt spennandi í nýjum stjórnarsáttmála. „Við hljótum að vilja horfa á regluverkið með gagnrýnum augum og passa að styrkja það með þeim hætti að við séum að ná þeim árangri sem við viljum.“ Verkefnin krefjast meiri orku Halla segir að það þurfi að horfa á heildarmengið þegar skoðað er hversu mikillar orku þurfi að afla, það fari eftir því hvað sé verið að að gera á ólíkum sviðum. Hún nefnir þrjár leiðir varðandi það hvaðan sú orka gæti komið. „Eitt er að skoða núverandi framleiðslu og horfa á þegar samningar renna út. Það er fyrirtækjanna að taka þær ákvarðanir því markaðnum er ekki handstýrt eins og var meira áður fyrr.“ „Síðan er það að horfa á nýtni og nýsköpun. Við erum að snjallvæðamæla öll heimili og erum að horfa á það að ná fram sparnaði. Við vitum að tæknin mun vinna með okkur og hjálpa okkur að nota minna af orku fyrir sem flest. Nýtni á núverandi virkjunum og líka hvernig við horfum á framleiðsluferla mun eflaust vinna með okkur þannig að við getum sparað eitthvað af orku þar.“ Flutningskerfi raforku kom til umræðu í Sprengisandi í morgun.Vísir/Vilhelm „Síðan eru það framtíðarvirkjunarkostir. Við þurfum að horfa á þessa blöndu og átta okkur á að orkuskipti gerist i skrefum. Nú þekkjum við vel og það er bara spurning um innleiðingu þegar kemur að orkuskiptum á landi. Hvað varðar orkuskipti í flugi og á hafi þá er ekki ljóst hvaða tækni veðrur raunverulega ofan á. Misjöfn tækni felur í sér misjafna orkuþörf.“ Þarf að auka skilning á báða bóga í tengslum við rammaáætlun Kristján nefndi þá staðreynd að rammaáætlun væri búin að vera strand í dágóðan tíma. Halla sagði að eitt af markmiðum í nýjum stjórnarsáttmála væri að endurskoða þau mál og að þar væru tækifæri. „Nú erum við komin með nýtt ráðuneyti þar sem báðir málaflokkar eiga heima undir sama þaki, ráðuneyti umhverfis-, orku- og loftslagsmála. Ég held að það sé gott að loftslags- og orkumálin séu saman því orkumál eru loftslagsmál,“ sagði Halla en fréttir af því að þessi mál heyrðu nú undir sama ráðuneyti vakti ekki mikla lukku hjá umhverfissinnum þegar stjórnarsáttmáli ríkisstjórnarinnar var kynntur. „Varðandi rammaáætlun og nýtingu og vernd þá er allt samtal gagnlegt. Það eru tækifæri að sami ráðherra sé að vinna í því, maður leysir svo margt með skilningi. Hluti af því að áætlunin hefur verið strand er að það þurfi að auka skilning á báða bóga.“ „Við þurfum að meta virði orkunnar okkar með öðrum hætti svo áætlunin geti gengið eftir, finna jafnvægi milli nýtingar og verndar. Hvernig getum við fengið sem mest fyrir það sem við ákveðum að nýta? Aukið alla virðiskeðjuna, ekki bara framleiðslu og beina sölu, heldur í gegnum það að efla nýsköpun og horfa á þekkingariðnað í kringum verkefni. Það á að vera stóra verkefnið og þar eru tækifæri.“
Orkumál Ríkisstjórn Katrínar Jakobsdóttur Sprengisandur Mest lesið „Ef þessi maður kemst út úr fangelsi mun hann drepa barnið mitt“ Innlent „Ef þið haldið mér áfram í fangelsi þá verður vandamál“ Innlent Ein leið í og úr hverfinu dragi úr öryggi íbúa Innlent Kourani sjái ekki eftir neinu og eigi skilið sex til átta ár í fangelsi Innlent Þrír af hverjum fjórum sitja eftir með sárt ennið Innlent Vaknaði með tíu ósvöruð símtöl og frétti svo af uppsögninni Innlent Segja Ásgeir Helga hafa verið 20 mínútur í stæðinu Innlent „Að láta taka sig ósmurt? Takk, en nei takk“ Innlent Gámur fluttur án leyfis eiganda og öllu stolið úr honum Innlent Hlaut of þunga refsingu fyrir mistök Innlent Fleiri fréttir Tvö þúsund skora á Guðrúnu að hætta við brottvísunina Skilur ekki hægagang dómsmálaráðuneytisins Gámur fluttur án leyfis eiganda og öllu stolið úr honum Syngjandi hundur í Mosfellsbæ Vaknaði með tíu ósvöruð símtöl og frétti svo af uppsögninni Mátti ekki pissa á starfsmann svo hann meig á glugga Alvarlega slasaður eftir mótorhjólaslys Akranesbær í sárum eftir gjaldþrot eins stærsta vinnustaðarins Fimmtán mánaða skilorð fyrir vörslu barnaníðsefnis Kirkjan skaðabótaskyld gagnvart Kristni Tuttugu stéttarfélög skrifuðu undir kjarasamninga Býður þingmönnum að „fá hrollkaldan veruleikan í andlitið“ Slæleg vinnubrögð álagi og tímapressu að kenna Fundu sautján poka af ónýtum kannabisplöntum og úrgangi Sigmundur Davíð þvær hendur sínar af Mannréttindastofnun Íslands Kolbeinn fer ekki fyrir Landsrétt Fulltrúar sérhagsmuna létu formanninn einan um orðið Fólk geti verið með fleiri en einn kynsjúkdóm Skjálfandafljót verði ekki virkjað á næstunni Mikill meirihluti þjóðarinnar styður aðildarviðræður við ESB Kourani sjái ekki eftir neinu og eigi skilið sex til átta ár í fangelsi Sjúklingur réðst á lækni sem fær ekki bætur frá ríkinu Lauginni lokað eftir að lögn fór í sundur Gremja vegna golfbíla á meistaramóti Lögreglan kölluð til er hundur lék lausum hala á Reykjanesbrautinni Yfir 190 gestir Fabrikkunnar með nóróveiru síðasta sumar Engin gögn bendi til tengsla við Hamas Mikil fjölgun í greiningum á sárasótt og lekanda Leggja til íbúakosningu vegna framkvæmda Carbfix Hlaut of þunga refsingu fyrir mistök Sjá meira