Ók á miklum hraða á þrjá mann­lausa bíla á Soga­vegi

Í skýrslu lögreglu segir að maðurinn hafi verið lagður inn á slysadeild og talið að hann hafi hlotið svokallaðan háorkuáverka.

Tveir bílar gjöreyðilögðust í árekstrinum og hinir tveir skemmdust töluvert að sögn lögreglu. Maðurinn er grunaður um að hafa ekið undir áhrifum vímuefna.

Um klukkustund áður hafði lögregla fengið tilkynningu um innbrot í bát sem stóð við Skarfabakka. Munum var stolið úr bátnum en þýfið fannst laust fyrir miðnætti og telst málið upplýst.