Saka Facebook um að valda usla í Ástralíu til að hafa áhrif á löggjöf Eiður Þór Árnason skrifar 6. maí 2022 15:09 Meta, móðurfélag Facebook, og forstjórinn Mark Zuckerberg hafa verið undir smásjá bandarískra þingnefnda og samkeppnisyfirvalda. EPA Á meðan ástralska þingið fjallaði í fyrra um nýtt lagafrumvarp sem myndi krefja tæknirisa á borð við Facebook og Google um að greiða fjölmiðlum fyrir notkun á efni þeirra lokaði Facebook fyrir aðgang að áströlskum fjölmiðlum og tók niður síður ástralskra spítala, stofnana og góðgerðarfélaga. Að sögn Facebook var markmiðið einungis að loka á fréttasíður og aðrar teknar niður fyrir mistök. Ný gögn og framburður uppljóstrara eru nú sögð benda til að um hafi verið að ræða viljaverk til að auka þrýsting á áströlsk stjórnvöld. Talsmaður Facebook hafnar ásökununum. Fram kemur í umfjöllun The Wall Street Journal að Facebook sé sakað um að hafa meðvitað kastað of víðu neti og notast við hroðvirknislega aðferð til að taka niður síður með þeim afleiðingum að fjöldi ástralskra ríkis- og heilbrigðisstofnana hurfu af samfélagsmiðlinum um það leyti sem þarlend stjórnvöld hófu bólusetningarátak gegn Covid-19. Starfsmenn reyndu að vara við afleiðingunum Gögnin og framburðurinn sem bandarísk og áströlsk yfirvöld hafa undir höndum eru sögð sýna að markmiðið hafi verið að styrkja samningsstöðu Facebook gagnvart ástralska þinginu sem var í þann mund að greiða atkvæði um fyrstu löggjöfina í heiminum sem myndi neyða samfélagsmiðla á borð við Facebook og leitarvélar á borð við Google til að greiða fyrir dreifingu og birtingu fréttaefnis. Að sögn The Wall Street Journal benda gögnin til að þrátt fyrir fullyrðingar um að sjónum væri einungis beint að fréttamiðlum hafi Facebook notast við algóritma til að ákveða hvaða síður yrðu teknar niður, vitandi að hann myndi ekki einungis hafa áhrif á fjölmiðla. Stjórnendur Facebook-síðanna voru ekki varaðir við því að lokað yrði fyrir aðgang að þeim og Facebook veitti þeim ekki tækifæri til að áfrýja ákvörðuninni. Gögnin sýna einnig að starfsmenn Facebook hafi reynt að vara við afleiðingunum og leggja til aðrar lausnir en þær umleitanir hafi fengið lítil eða sein viðbrögð frá stjórnendum. Fram kemur í frétt The Wall Street Journal að fimm dögum eftir að aðgerðir Facebook hófust hafi ástralska þingið gert umtalsverðar breytingar á lagafrumvarpinu sem leiddu meðal annars til þess að Facebook hefur ekki enn þurft að undirgangast mest íþyngjandi hluta löggjafarinnar, ári eftir að hún var samþykkt af þinginu. Voru sátt með niðurstöðuna „Við lentum nákvæmlega þar sem vildum,“ skrifaði Campell Brown, stjórnandi hjá Facebook, í tölvupósti sem hún sendi teymi sínu nokkrum mínútum eftir að ástralska öldungadeildin samþykkti útvatnað lagafrumvarpið í lok febrúar 2021. Mark Zuckerberg, forstjóri móðurfélags Facebook, og Sheryl Sandberg, framkvæmdastjóri fyrirtækisins, fögnuðu sömuleiðis niðurstöðunni. Sandberg hrósaði teyminu sérstaklega fyrir útfærslu aðgerðanna og Zuckerberg sagði þau með þessu sennilega náð fram bestu mögulegu niðurstöðu í málinu. Facebook hafnar því alfarið í yfirlýsingu til The Wall Street Journal að um hafi verið að ræða samningaaðferð. Andy Stone, talsmaður Facebook, segir gögnin þvert á móti sýna að fyrirtækið hafi viljað undanskilja síður ástralska stofnana. „Þegar við náðum því ekki vegna tæknilegra örðugleika báðumst við afsökunar og unnum að því að leiðrétta þetta. Allar ásakanir um hið gagnstæða eru gersamlega rangar.“ Facebook Ástralía Fjölmiðlar Tengdar fréttir Facebook semur við yfirvöld í Ástralíu Samfélagsmiðlarisinn Facebook tilkynnti í morgun að samningar hefðu náðst við áströlsk yfirvöld sem gera það að verkum að opnað verður á ný fyrir streymi frétta á miðlinum í Ástralíu. 23. febrúar 2021 06:54 Facebook lokar á fréttir í Ástralíu Samfélagsmiðlarisinn Facebook hefur lokað á þann möguleika að notendur í Ástralíu geti deilt eða skoðað fréttir í gegnum miðilinn. 18. febrúar 2021 07:04 Google hótar að loka á leitarvél sína í Ástralíu Tæknirisinn Google segir að ef stjórnvöld í Ástralíu haldi því til streitu að rukka Google og Facebook sérstaklega fyrir það þegar fréttum er deilt á síðunum, muni Google einfaldlega hætta starfsemi í Ástralíu og loka á síðuna í landinu. 22. janúar 2021 07:58 Mest lesið „Sérkennileg“ hækkun íbúðaverðs á tímum hárra vaxta Viðskipti innlent Áföstu tapparnir stóðust ekki gæðapróf Neytendur Taylor Swift talin valda verðbólgu í Bretlandi Viðskipti erlent Flytur fyrirtækin vegna löggjafar um trans börn Viðskipti erlent Leiguverð heldur áfram að hækka Viðskipti innlent Dýr smjörvi á Egilsstöðum vekur mikla athygli Neytendur Ólöglegt bleikiefni í hveitinu Neytendur „Það er verið að ríkisvæða húsnæðismarkaðinn“ Viðskipti innlent Umferðarofsi stofnar vegfarendum í hættu Samstarf Leggja upp laupana í Lundúnum Viðskipti innlent Fleiri fréttir Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Kjarnorkubréf Einsteins til sölu Nvidia verðmætasta skráða fyrirtæki heims Ekki lengur hægt að sjá hvað aðrir „læka“ Lætur mál gegn OpenAI niður falla Danir höndla ekki kóresku pakkanúðlurnar ChatGPT og endurbætt Siri væntanlegar nýjungar Apple Lækkuðu stýrivexti í Evrópu í fyrsta sinn síðan 2019 Írskur matsölustaður hafði betur í vörumerkjadeilum við McDonalds Bein útsending: Fjórða flugferð Starship Prufa að neyða notendur til að horfa á auglýsingar Vangaveltur um að vinkona Ásdísar hafi verið myrt og hent í sjóinn Sjá meira
Að sögn Facebook var markmiðið einungis að loka á fréttasíður og aðrar teknar niður fyrir mistök. Ný gögn og framburður uppljóstrara eru nú sögð benda til að um hafi verið að ræða viljaverk til að auka þrýsting á áströlsk stjórnvöld. Talsmaður Facebook hafnar ásökununum. Fram kemur í umfjöllun The Wall Street Journal að Facebook sé sakað um að hafa meðvitað kastað of víðu neti og notast við hroðvirknislega aðferð til að taka niður síður með þeim afleiðingum að fjöldi ástralskra ríkis- og heilbrigðisstofnana hurfu af samfélagsmiðlinum um það leyti sem þarlend stjórnvöld hófu bólusetningarátak gegn Covid-19. Starfsmenn reyndu að vara við afleiðingunum Gögnin og framburðurinn sem bandarísk og áströlsk yfirvöld hafa undir höndum eru sögð sýna að markmiðið hafi verið að styrkja samningsstöðu Facebook gagnvart ástralska þinginu sem var í þann mund að greiða atkvæði um fyrstu löggjöfina í heiminum sem myndi neyða samfélagsmiðla á borð við Facebook og leitarvélar á borð við Google til að greiða fyrir dreifingu og birtingu fréttaefnis. Að sögn The Wall Street Journal benda gögnin til að þrátt fyrir fullyrðingar um að sjónum væri einungis beint að fréttamiðlum hafi Facebook notast við algóritma til að ákveða hvaða síður yrðu teknar niður, vitandi að hann myndi ekki einungis hafa áhrif á fjölmiðla. Stjórnendur Facebook-síðanna voru ekki varaðir við því að lokað yrði fyrir aðgang að þeim og Facebook veitti þeim ekki tækifæri til að áfrýja ákvörðuninni. Gögnin sýna einnig að starfsmenn Facebook hafi reynt að vara við afleiðingunum og leggja til aðrar lausnir en þær umleitanir hafi fengið lítil eða sein viðbrögð frá stjórnendum. Fram kemur í frétt The Wall Street Journal að fimm dögum eftir að aðgerðir Facebook hófust hafi ástralska þingið gert umtalsverðar breytingar á lagafrumvarpinu sem leiddu meðal annars til þess að Facebook hefur ekki enn þurft að undirgangast mest íþyngjandi hluta löggjafarinnar, ári eftir að hún var samþykkt af þinginu. Voru sátt með niðurstöðuna „Við lentum nákvæmlega þar sem vildum,“ skrifaði Campell Brown, stjórnandi hjá Facebook, í tölvupósti sem hún sendi teymi sínu nokkrum mínútum eftir að ástralska öldungadeildin samþykkti útvatnað lagafrumvarpið í lok febrúar 2021. Mark Zuckerberg, forstjóri móðurfélags Facebook, og Sheryl Sandberg, framkvæmdastjóri fyrirtækisins, fögnuðu sömuleiðis niðurstöðunni. Sandberg hrósaði teyminu sérstaklega fyrir útfærslu aðgerðanna og Zuckerberg sagði þau með þessu sennilega náð fram bestu mögulegu niðurstöðu í málinu. Facebook hafnar því alfarið í yfirlýsingu til The Wall Street Journal að um hafi verið að ræða samningaaðferð. Andy Stone, talsmaður Facebook, segir gögnin þvert á móti sýna að fyrirtækið hafi viljað undanskilja síður ástralska stofnana. „Þegar við náðum því ekki vegna tæknilegra örðugleika báðumst við afsökunar og unnum að því að leiðrétta þetta. Allar ásakanir um hið gagnstæða eru gersamlega rangar.“
Facebook Ástralía Fjölmiðlar Tengdar fréttir Facebook semur við yfirvöld í Ástralíu Samfélagsmiðlarisinn Facebook tilkynnti í morgun að samningar hefðu náðst við áströlsk yfirvöld sem gera það að verkum að opnað verður á ný fyrir streymi frétta á miðlinum í Ástralíu. 23. febrúar 2021 06:54 Facebook lokar á fréttir í Ástralíu Samfélagsmiðlarisinn Facebook hefur lokað á þann möguleika að notendur í Ástralíu geti deilt eða skoðað fréttir í gegnum miðilinn. 18. febrúar 2021 07:04 Google hótar að loka á leitarvél sína í Ástralíu Tæknirisinn Google segir að ef stjórnvöld í Ástralíu haldi því til streitu að rukka Google og Facebook sérstaklega fyrir það þegar fréttum er deilt á síðunum, muni Google einfaldlega hætta starfsemi í Ástralíu og loka á síðuna í landinu. 22. janúar 2021 07:58 Mest lesið „Sérkennileg“ hækkun íbúðaverðs á tímum hárra vaxta Viðskipti innlent Áföstu tapparnir stóðust ekki gæðapróf Neytendur Taylor Swift talin valda verðbólgu í Bretlandi Viðskipti erlent Flytur fyrirtækin vegna löggjafar um trans börn Viðskipti erlent Leiguverð heldur áfram að hækka Viðskipti innlent Dýr smjörvi á Egilsstöðum vekur mikla athygli Neytendur Ólöglegt bleikiefni í hveitinu Neytendur „Það er verið að ríkisvæða húsnæðismarkaðinn“ Viðskipti innlent Umferðarofsi stofnar vegfarendum í hættu Samstarf Leggja upp laupana í Lundúnum Viðskipti innlent Fleiri fréttir Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Kjarnorkubréf Einsteins til sölu Nvidia verðmætasta skráða fyrirtæki heims Ekki lengur hægt að sjá hvað aðrir „læka“ Lætur mál gegn OpenAI niður falla Danir höndla ekki kóresku pakkanúðlurnar ChatGPT og endurbætt Siri væntanlegar nýjungar Apple Lækkuðu stýrivexti í Evrópu í fyrsta sinn síðan 2019 Írskur matsölustaður hafði betur í vörumerkjadeilum við McDonalds Bein útsending: Fjórða flugferð Starship Prufa að neyða notendur til að horfa á auglýsingar Vangaveltur um að vinkona Ásdísar hafi verið myrt og hent í sjóinn Sjá meira
Facebook semur við yfirvöld í Ástralíu Samfélagsmiðlarisinn Facebook tilkynnti í morgun að samningar hefðu náðst við áströlsk yfirvöld sem gera það að verkum að opnað verður á ný fyrir streymi frétta á miðlinum í Ástralíu. 23. febrúar 2021 06:54
Facebook lokar á fréttir í Ástralíu Samfélagsmiðlarisinn Facebook hefur lokað á þann möguleika að notendur í Ástralíu geti deilt eða skoðað fréttir í gegnum miðilinn. 18. febrúar 2021 07:04
Google hótar að loka á leitarvél sína í Ástralíu Tæknirisinn Google segir að ef stjórnvöld í Ástralíu haldi því til streitu að rukka Google og Facebook sérstaklega fyrir það þegar fréttum er deilt á síðunum, muni Google einfaldlega hætta starfsemi í Ástralíu og loka á síðuna í landinu. 22. janúar 2021 07:58