Sprengja í doktorsnámi við HÍ undanfarin ár Kolbeinn Tumi Daðason skrifar 30. maí 2022 12:10 Qiong Wang varði doktorsritgerð sína þann. Andmælendur voru dr. Sarah-Maria Fendt, prófessor við VIB Center for Cancer Biology, KU Leuven í Belgíu og dr. Paolo Ceppi, dósent við Syddansk Universitet í Danmörku. Umsjónarkennari og leiðbeinandi var dr. Óttar Rolfsson, prófessor. Auk hans sátu í doktorsnefnd Margrét Þorsteinsdóttir, prófessor, Skarphéðinn Halldórsson, prófessor og Sævar Ingþórsson, dósent. Kristinn Ingvarsson Qiong Wang, nemandi við Læknadeild Háskóla Íslands, varð á dögunum þúsundasti doktorsneminn til þess að verja ritgerð sína við skólann frá stofnun hans árið 1911. Aðeins sjö ár eru síðan fimm hundraðasti doktorsneminn lauk námi við skólann. Í tilkynningu frá HÍ segir að það sé til marks um breytta tíma í kjölfar kórónuveirufaraldursins og sterka stöðu Háskóla Íslands sem alþjóðlegs rannsóknarháskóla að þúsundasti doktorsneminn sé frá Kína. Þar að auki hafi vörnin farið fram um netið þar sem bæði doktorsefnið og andmælendur voru stödd úti í heimi. Aðeins stjórnandi varnarinnar, Þórarinn Guðjónsson, prófessor og deildarforseti við Læknadeild, og leiðbeinendur Qiong Wang voru staddir í Hátíðasal Háskóla Íslands þegar vörnin fór fram. Doktorsritgerð Qiong Wang er á sviði líf- og læknavísinda og ber heitið „Auðkenning efnaskiptabreytinga samfara EMT í brjóstaþekjuvef“. Markmið rannsóknarinnar var að auka skilning á framgangi brjóstakrabbameina sem eru helsta dánarorsök meðal kvenna af völdum krabbameins á Íslandi og um heim allan. Rannsóknin hverfðist um svokallaða bandvefsumbreytingu (EMT) sem er frumuþroskunarferli sem talið er að æxlisfrumur geti virkjað. EMT er jafnframt talið geta aukið dreifingu æxlisfrumna milli vefja og þar með myndun meinvarpa. Umsjónarkennari og leiðbeinandi Qiong Wang var Óttar Rolfsson prófessor. Auk hans sátu í doktorsnefnd Margrét Þorsteinsdóttir prófessor, Skarphéðinn Halldórsson prófessor og Sævar Ingþórsson dósent. Hundrað og þrjú ár eru síðan fyrsta doktorsvörnin fór fram við Háskóla Íslands en það var Páll Eggert Ólason, lögfræðingur og fyrrverandi prófessor og rektor HÍ, sem fyrstur hlaut doktorsnafnbót við skólann fyrir rit sitt um Jón biskup Arason. Fyrst kvenna til að ljúka doktorsprófi var Selma Jónsdóttir, listfræðingur og fyrsti forstöðumaður Listasafns Íslands, árið 1960. Doktorsverkefni hennar fjallaði um býzanska dómsdagsmynd í Flatatungu. „Mikið vatn hefur runnið til sjávar frá því að fyrsta vörnin fór fram árið 1919 og óhætt er að segja að doktorsnám við Háskóla Íslands hafi sprungið út á síðustu tveimur áratugum. Undanfarin ár hafa á bilinu 60-90 doktorsnemar varið ritgerðir sínar við skólann og aðeins eru tæp sjö ár síðan 500. doktorinn lauk námi frá skólanum,“ segir í tilkynningunni. Þessa stundina stunda um 700 nemendur doktorsnám við Háskóla Íslands og leggja þannig sitt af mörkum til þekkingarleitar hins alþjóðlega vísindasamfélags um leið og þau gera Háskóla Íslands kleift að rækja samfélagshlutverk sitt sem stærsti og víðtækasti háskóli landsins. „Þetta eru mjög merk og ánægjuleg tíðindi og nýja doktornum fylgja að sjálfsögðu bestu hamingjuóskir,“ segir Jón Atli Benediktsson, rektor Háskóla Íslands. „Það er ljóst að efling doktorsnámsins við Háskóla Íslands hefur styrkt verulega stöðu hans á sviði rannsókna og nýsköpunar og þess sér ótvírætt stað á alþjóðlegum vettvangi. Þann góða árangur ber ekki síst að þakka áherslu á doktorsnám og framlagi doktorsnema til aukinna rannsókna við skólann.“ Tölfræði um doktorsnám Háskóla Íslands má finna á vef skólans. Myndir Kristins Ingvarssonar frá vörninni fylgja. Á annari má sjá doktorsefnið á skjá í Hátíðasal en á hinni má sjá doktorsefnið og andmælendur á skjá og Þórarin Guðjónsson, prófessor og deildarforseta við Læknadeild, og þá Óttar Rolfsson og Sævar Ingþórsson úr hópi leiðbeinenda Qiong Wang í Hátíðasal þegar vörnin fór fram. Skóla - og menntamál Háskólar Mest lesið „Hann tók algjörlega völdin yfir lífi mínu“ Innlent Kosningavaktin: Íslendingar ganga að kjörborðinu Innlent Þiggja milljónir í húsnæðisstyrk þótt þau búi nálægt Alþingi Innlent Þórdís svarar gagnrýni vegna húsnæðisstyrks Innlent Tveir á slysadeild í kjölfar bruna á Stuðlum Innlent Nokkrir foreldrar sóttu börn á lögreglustöð Innlent Vistmaður og starfsmaður Stuðla fluttir á bráðamóttöku Innlent Snorri vill leiða Miðflokkinn í Reykjavík Innlent Átti samtal við Höllu Hrund fyrir stjórnarslitin Innlent Grunaður um alvarlega líkamsárás gegn fyrrverandi sambýliskonu Innlent Fleiri fréttir Fluttur á spítala vegna alvarlegs efnabruna af völdum ætandi efnis Slátur og stuð í félagsheimilinu á Blönduósi Alma vill leiða Samfylkinguna í Kraganum Nektarmyndir gerðar óskýrar sjálfkrafa á Instagram Grunaður um alvarlega líkamsárás gegn fyrrverandi sambýliskonu Hannes snýr baki við Sjálfstæðisflokknum og fer fram fyrir Samfylkingu Átti samtal við Höllu Hrund fyrir stjórnarslitin Vendingar í pólitíkinni og áhrif frestunar bankasölu á markaðinn Guðmundur Árni hættur við og styður Ölmu Vistmaður og starfsmaður Stuðla fluttir á bráðamóttöku Bilun í brunaboða á Keflavíkurflugvelli Snorri vill leiða Miðflokkinn í Reykjavík Þórdís svarar gagnrýni vegna húsnæðisstyrks Slagurinn harðnar í Suðvestur hjá Sjálfstæðisflokki „Hann tók algjörlega völdin yfir lífi mínu“ Formaður Framsóknar segir ríkisstjórnina hafa talað sjálfa sig niður Tveir á slysadeild í kjölfar bruna á Stuðlum Nokkrir foreldrar sóttu börn á lögreglustöð „Það þarf að nýta auðlindir landsins, það er alveg ljóst“ Þiggja milljónir í húsnæðisstyrk þótt þau búi nálægt Alþingi Fleiri þvottavélar en pólitíkusar á skjánum vikuna fyrir kosningar Hefur sett saman um 100 módelbíla í Hveragerði Dæmi um að menntaðir kennarar nái ekki endum saman Óvænt og taktískt útspil Sigurðar Inga Páll Valur vill forystusæti fyrir Samfylkinguna í Suðurkjördæmi Fyrstu skoðanakannanir eftir stjórnarslit og öll auglýsingapláss uppbókuð Lætur af störfum sem bæjarstjóri Voga Vill leiða Viðreisn í Suðurkjördæmi Eldur kviknaði í bílskúr Helgi hættur á Heimildinni Sjá meira
Í tilkynningu frá HÍ segir að það sé til marks um breytta tíma í kjölfar kórónuveirufaraldursins og sterka stöðu Háskóla Íslands sem alþjóðlegs rannsóknarháskóla að þúsundasti doktorsneminn sé frá Kína. Þar að auki hafi vörnin farið fram um netið þar sem bæði doktorsefnið og andmælendur voru stödd úti í heimi. Aðeins stjórnandi varnarinnar, Þórarinn Guðjónsson, prófessor og deildarforseti við Læknadeild, og leiðbeinendur Qiong Wang voru staddir í Hátíðasal Háskóla Íslands þegar vörnin fór fram. Doktorsritgerð Qiong Wang er á sviði líf- og læknavísinda og ber heitið „Auðkenning efnaskiptabreytinga samfara EMT í brjóstaþekjuvef“. Markmið rannsóknarinnar var að auka skilning á framgangi brjóstakrabbameina sem eru helsta dánarorsök meðal kvenna af völdum krabbameins á Íslandi og um heim allan. Rannsóknin hverfðist um svokallaða bandvefsumbreytingu (EMT) sem er frumuþroskunarferli sem talið er að æxlisfrumur geti virkjað. EMT er jafnframt talið geta aukið dreifingu æxlisfrumna milli vefja og þar með myndun meinvarpa. Umsjónarkennari og leiðbeinandi Qiong Wang var Óttar Rolfsson prófessor. Auk hans sátu í doktorsnefnd Margrét Þorsteinsdóttir prófessor, Skarphéðinn Halldórsson prófessor og Sævar Ingþórsson dósent. Hundrað og þrjú ár eru síðan fyrsta doktorsvörnin fór fram við Háskóla Íslands en það var Páll Eggert Ólason, lögfræðingur og fyrrverandi prófessor og rektor HÍ, sem fyrstur hlaut doktorsnafnbót við skólann fyrir rit sitt um Jón biskup Arason. Fyrst kvenna til að ljúka doktorsprófi var Selma Jónsdóttir, listfræðingur og fyrsti forstöðumaður Listasafns Íslands, árið 1960. Doktorsverkefni hennar fjallaði um býzanska dómsdagsmynd í Flatatungu. „Mikið vatn hefur runnið til sjávar frá því að fyrsta vörnin fór fram árið 1919 og óhætt er að segja að doktorsnám við Háskóla Íslands hafi sprungið út á síðustu tveimur áratugum. Undanfarin ár hafa á bilinu 60-90 doktorsnemar varið ritgerðir sínar við skólann og aðeins eru tæp sjö ár síðan 500. doktorinn lauk námi frá skólanum,“ segir í tilkynningunni. Þessa stundina stunda um 700 nemendur doktorsnám við Háskóla Íslands og leggja þannig sitt af mörkum til þekkingarleitar hins alþjóðlega vísindasamfélags um leið og þau gera Háskóla Íslands kleift að rækja samfélagshlutverk sitt sem stærsti og víðtækasti háskóli landsins. „Þetta eru mjög merk og ánægjuleg tíðindi og nýja doktornum fylgja að sjálfsögðu bestu hamingjuóskir,“ segir Jón Atli Benediktsson, rektor Háskóla Íslands. „Það er ljóst að efling doktorsnámsins við Háskóla Íslands hefur styrkt verulega stöðu hans á sviði rannsókna og nýsköpunar og þess sér ótvírætt stað á alþjóðlegum vettvangi. Þann góða árangur ber ekki síst að þakka áherslu á doktorsnám og framlagi doktorsnema til aukinna rannsókna við skólann.“ Tölfræði um doktorsnám Háskóla Íslands má finna á vef skólans. Myndir Kristins Ingvarssonar frá vörninni fylgja. Á annari má sjá doktorsefnið á skjá í Hátíðasal en á hinni má sjá doktorsefnið og andmælendur á skjá og Þórarin Guðjónsson, prófessor og deildarforseta við Læknadeild, og þá Óttar Rolfsson og Sævar Ingþórsson úr hópi leiðbeinenda Qiong Wang í Hátíðasal þegar vörnin fór fram.
Skóla - og menntamál Háskólar Mest lesið „Hann tók algjörlega völdin yfir lífi mínu“ Innlent Kosningavaktin: Íslendingar ganga að kjörborðinu Innlent Þiggja milljónir í húsnæðisstyrk þótt þau búi nálægt Alþingi Innlent Þórdís svarar gagnrýni vegna húsnæðisstyrks Innlent Tveir á slysadeild í kjölfar bruna á Stuðlum Innlent Nokkrir foreldrar sóttu börn á lögreglustöð Innlent Vistmaður og starfsmaður Stuðla fluttir á bráðamóttöku Innlent Snorri vill leiða Miðflokkinn í Reykjavík Innlent Átti samtal við Höllu Hrund fyrir stjórnarslitin Innlent Grunaður um alvarlega líkamsárás gegn fyrrverandi sambýliskonu Innlent Fleiri fréttir Fluttur á spítala vegna alvarlegs efnabruna af völdum ætandi efnis Slátur og stuð í félagsheimilinu á Blönduósi Alma vill leiða Samfylkinguna í Kraganum Nektarmyndir gerðar óskýrar sjálfkrafa á Instagram Grunaður um alvarlega líkamsárás gegn fyrrverandi sambýliskonu Hannes snýr baki við Sjálfstæðisflokknum og fer fram fyrir Samfylkingu Átti samtal við Höllu Hrund fyrir stjórnarslitin Vendingar í pólitíkinni og áhrif frestunar bankasölu á markaðinn Guðmundur Árni hættur við og styður Ölmu Vistmaður og starfsmaður Stuðla fluttir á bráðamóttöku Bilun í brunaboða á Keflavíkurflugvelli Snorri vill leiða Miðflokkinn í Reykjavík Þórdís svarar gagnrýni vegna húsnæðisstyrks Slagurinn harðnar í Suðvestur hjá Sjálfstæðisflokki „Hann tók algjörlega völdin yfir lífi mínu“ Formaður Framsóknar segir ríkisstjórnina hafa talað sjálfa sig niður Tveir á slysadeild í kjölfar bruna á Stuðlum Nokkrir foreldrar sóttu börn á lögreglustöð „Það þarf að nýta auðlindir landsins, það er alveg ljóst“ Þiggja milljónir í húsnæðisstyrk þótt þau búi nálægt Alþingi Fleiri þvottavélar en pólitíkusar á skjánum vikuna fyrir kosningar Hefur sett saman um 100 módelbíla í Hveragerði Dæmi um að menntaðir kennarar nái ekki endum saman Óvænt og taktískt útspil Sigurðar Inga Páll Valur vill forystusæti fyrir Samfylkinguna í Suðurkjördæmi Fyrstu skoðanakannanir eftir stjórnarslit og öll auglýsingapláss uppbókuð Lætur af störfum sem bæjarstjóri Voga Vill leiða Viðreisn í Suðurkjördæmi Eldur kviknaði í bílskúr Helgi hættur á Heimildinni Sjá meira