Banaslysið í Skötufirði: Sofnaði líklegast undir stýri eftir næturflug Atli Ísleifsson skrifar 8. júní 2022 07:42 Tveir farþegar, kona á þrítugsaldri og eins árs barn, létust í slysinu sem varð í janúar 2021. Rannsóknarnefnd samgönguslysa Rannsóknarnefnd samgönguslysa telur sennilegt að ökumaður bíls, sem missti stjórn á bíl þannig að hann snerist, rann út af veginum og valt niður í sjó á Djúpvegi í Skötufirði í Ísafjarðardjúpi í janúar 2021, hafi sofnað undir stýri eftir að hafa verið á ferðalagi í fimmtán klukkustundir. Tveir farþegar – 29 ára kona og eins árs drengur – létust í slysinu. Nefndin birti skýrslu sína um slysið í gærkvöldi, en það varð þann 16. janúar á síðasta ári. Telur nefndin að ökumaðurinn hafi verið of þreyttur til að aka bílnum. Í skýrslunni leggur nefndin áherslu á að enginn skuli aka bíl langar leiðir eftir næturflug til landsins og að Neyðarlínan og Landspítali hugi að möguleikum og kostum fjarlækninga til aðstoðar og viðbragða í slysum. Á ferðalagi í fimmtán klukkutíma Um slysið segir að bíll af gerðinni Hyundai Santa Fe af árgerð 2004, hafi verið ekið í átt að Ísafirði, en alls hafi þrír verið í bílnum. Segir að fólkið hafi verið að koma beint úr millilandaflugi og verið á ferðalagi í að minnsta kosti fimmtán klukkustundir þegar slysið varð. Voru þau á leið heim á Flateyri í sóttkví vegna kórónuveirufaraldursins. Um aðstæður á veginum segir að það hafi verið snjór og krapi og vegurinn háll. Hiti hafi verið nálægt frostmarki, hægviðri og skyggni ágætt. Frá vettvangi slyssins.Vísir/Hafþór „Rétt utan við eyðibýlið Eyri er mjúk vinstri beygja á veginum. Ummerki eftir bifreiðina benda til að ökumaður hafi ekki rétt stýrið af eftir beygjuna og stefndi því bifreiðin út af veginum vinstra megin. Hjólför eftir bifreiðina sýndu að hún hafði farið yfir á rangan vegarhelming rúmum 200 metrum áður en hún endaði í sjónum,“ segir í skýrslunni. Reyndi að beygja aftur inn á veginn Ummerki hafi verið í vegkantinum um tilraun ökumannsins til að beygja aftur inn á veginn en að hann hafi þá misst stjórn á bílnum með þeim afleiðingum að hann fór að skríða til og snúast á veginum. Bíllinn hafi svo runnið aftur á bak og á hlið út af veginum, niður varnargarð og oltið út í sjó. Bíllinn hafi hafnað á hliðinni á um eins og hálfs metra dýpi, að miklu leyti í kafi. Þá segir að vegurinn liggi rétt ofan sjávarmáls og hafi verið nánast háflóð þegar slysið varð, nokkru fyrir klukkan 11 að morgni dags. Konan og barnið voru í aftursæti bílsins og benda rannsóknarniðurstöður til að þau hafi látist úr ofkælingu. Á leið í sóttkví heima á Flateyri Í skýrslunni segir að flugvélin sem ökumaður og farþegar hafi ferðast með hafi lent á Keflavíkurflugvelli nokkru eftir miðnætti. „Þau bjuggu á Vestfjörðum og hugðust dvelja þar í sóttkví. Þau höfðu ekið frá Keflavíkurflugvelli beint vestur og að sögn ökumanns skiptust tveir á að aka bifreiðinni á leiðinni. Slysið varð þegar strangar sóttvarnarreglur voru í gildi vegna COVID-19. Ferðalöngum var ráðlagt að aka beint til heimilis síns eða þangað sem fyrirhugað var að dvelja í sóttkví, stoppa ekki á leiðinni og virða sóttkví,“ segir í skýrslunni en fólkið bjó á Flateyri. Áætlað sé að þau hafi lagt af stað frá Keflavíkurflugvelli um klukkan þrjú um nóttina og ekið sem leið lá vestur. Slysið hafi orðið um átta tímum síðar, klukkan 10:40, enda hafi ferðin sóst fremur hægt vegna vetrarfærðar. „Þegar slysið varð var liðinn um sólarhringur frá því að ökumaðurinn vaknaði deginum áður. Að hans sögn hafði hann blundað nokkrum sinnum, bæði í flugvélinni og á ferðinni vestur þegar hann var í farþegasæti.“ Nauðsyn hvíldar Ennfremur segir að fyrstu vegfarendur hafi fljótlega komið á vettvang eftir slysið. Stuttur tími hafi liðið áður en samband við haft við Neyðarlínuna og að björgunaraðgerðir voru hafnar. Það hafi þó liðið nokkur stund áður en ökumanni og farþegum var komið í land og undir læknishendur vegna staðsetningar slyssins og því var langt í sjúkrabíla, björgunarfólk og þyrlu. Auk þess var vetrarfærð. Rannsóknarnefndin kemur með tillögur í öryggisátt og leggur áherslu á að enginn skyldi aka bíl langar leiðir eftir næturflug til landsins. „Vegna þessa slyss beinir Rannsóknarnefnd samgönguslysa þeirri tillögu til Almannavarna að gæta sérstaklega að því að í leiðbeiningum um sóttvarnir sé mælt fyrir um nauðsyn hvíldar áður en lagt er upp í ferðalög á bifreiðum eftir næturflug til landsins. Mikilvægt er að benda á hvíldaraðstöðu eftir flug og kynna vandlega upplýsingar þar um.“ Þreyttir og svefnvana Þá segir nefndin að rannsökuð hafi verið nokkur banaslys á undanförnum árum þar sem orsök er rakin til þess að ökumaður fari þreyttur í langferð eftir næturflug. „Líklegt er að farþegar sem koma úr næturflugi séu almennt þreyttir og svefnvana. Við rannsókn RNSA á þessu slysi bárust ábendingar um að ferðalöngum sem komu til landsins hafi á þeim tíma verið ráðlagt að fara beint þangað sem þeir hugðust dvelja í skyldubundinni sóttkví. Við aðstæður eins og komu upp vegna COVID-19 faraldursins þarf sérstaklega að gæta að því að fólki sé ekki gert að aka þreytt heldur sé kynnt aðstaða til hvíldar með aðgengi að nauðsynlegri þjónustu.“ Kostir fjarlækninga Nefndin beinir einnig þeirri tillögu til Neyðarlínunnar og Landsspítala háskólasjúkrahúss að huga að möguleikum og kostum fjarlækninga til aðstoðar og viðbragða í slysum. „Oft verða slys eða atvik á stöðum á landinu þar sem langt er í allar bjargir. Þetta á við bæði um tíma og vegalengdir. Í slíkum tilvikum þegar skjót viðbrögð eru mikilvæg geta fjarlækningar reynst þarfar, fyrir þá sem koma að slysi sem og viðbragðsaðila, til aðstoðar við fyrstu hjálp og undirbúning viðbragða til bjargar. Ef hægt er að koma læknisfræðilegri þekkingu og ráðgjöf hraðar til aðila á slysstað getur það mögulega eflt fyrstu viðbrögð,“ segir í nefndinni. Banaslys í Skötufirði Samgönguslys Ísafjarðarbær Súðavíkurhreppur Tengdar fréttir Þjóðþekktir á meðal hinna hugrökku á slysstað í Skötufirði Lögreglan á Vestfjörðum segir að fjórir vegfarendur sem fyrstir komu á vettvang umferðarslyssins í Skötufirði þann 16. janúar hafi sýnt mikið hugrekki og unnið vel á vettvangi. Fjórmenningarnir eru sumir hverjir þjóðþekktir og segir lögregla að þeir hafi veitt fyrstu hjálp í slysinu. Á endanum kostaði slysið unga móður og barn hennar, sem búsett voru á Flateyri, lífið. 23. janúar 2021 08:00 Tomasz og fjölskylda þakka þeim sem komu að slysinu Lögregla hefur komið á framfæri kæru þakklæti frá Tomasz Majewski og fjölskyldu hans til vegfarenda sem voru fyrstir á vettvang í Skötufirði á laugardag og til allra viðbragðsaðila auk starfsfólks Landspítalans. 22. janúar 2021 14:26 Samfélagið á Flateyri slegið Rannsókn lögreglu á tildrögum banaslyssins í Skötufirði gengur vel en er ekki lokið samkvæmt upplýsingum frá lögreglunni á Vestfjörðum. Bænastund verður haldin í Flateyrarkirkju í kvöld. Sóknarpresturinn segir slysið hafa mikil áhrif á samfélagið. 20. janúar 2021 14:01 Mest lesið „Þetta má aldrei gerast aftur“ Innlent Segir ákvörðun um kæru fyrir nauðgun tekna fyrir andlát flugmanns Innlent Hefur þrisvar komið að 13 ára syni sínum meðvitundarlausum Innlent Sjö Rúmenar gefa ekkert uppi um tugmilljóna króna þýfi Innlent Sextán ára dómur fyrir manndráp í Drangahrauni stendur Innlent Pilturinn áfram bak við lás og slá Innlent Jón Gnarr skráður í Viðreisn og ætlar á Alþingi Innlent Áfrýjaði engu nema ákvörðun um launin og málið fellt niður Innlent Rannsókn á byrlunar- og símamáli Páls skipstjóra úr sögunni Innlent Kristín Benediktsdóttir nýr umboðsmaður Alþingis Innlent Fleiri fréttir Segir Vinstri græn ekki styðja frekari breytingar á útlendingalögum Brynjar ákærður fyrir að brjóta á fleiri stúlkum Samherjaskipstjórinn segir málinu ekki lokið Líklega verði flett ofan af fleirum í rannsókn á brotum Diddy Hvers vegna er skiltið í Kúrlandi svo hátt uppi? Rannsókn lögreglu haft kælingaráhrif á alla blaðamannastéttina Um 100 þúsund fjár slátrað á Selfossi Hefur þrisvar komið að 13 ára syni sínum meðvitundarlausum Hamra járnið meðan það er heitt í mansalsmálum Bein útsending: Upplýsingafundur með íbúum Voga vegna jarðhræringa Nemandinn sem stakk Ingunni áfrýjar dómi Ráðþrota móðir, umtöluð rannsókn og skiltaþjófnaður Fagnar niðurstöðunni en lýsir yfir þungum áhyggjum „Þetta má aldrei gerast aftur“ Hissa ef tillaga um stjórnarslit hefði ekki komið fram Sextán ára dómur fyrir manndráp í Drangahrauni stendur Áfrýjaði engu nema ákvörðun um launin og málið fellt niður Þrjú vilja stýra Minjastofnun Varla komist í kast við lögin fyrr en hann flutti kókaín til landsins Bein útsending: Framtíð menntunar á tímum gervigreindar Bein útsending: Sátt um betra menntakerfi Rannsókn á byrlunar- og símamáli Páls skipstjóra úr sögunni Nýr umboðsmaður og SI svara seðlabankastjóra Sjö Rúmenar gefa ekkert uppi um tugmilljóna króna þýfi Vilja að takmarkanir á starfsmannaleigur verði skoðaðar Kristín Benediktsdóttir nýr umboðsmaður Alþingis Tuttugu lyklar í Árbæjarlaug horfnir Inga segir landið að sökkva í sæ vargaldar Jón Gnarr skráður í Viðreisn og ætlar á Alþingi Svandís Svavarsdóttir mætir í Samtalið Sjá meira
Nefndin birti skýrslu sína um slysið í gærkvöldi, en það varð þann 16. janúar á síðasta ári. Telur nefndin að ökumaðurinn hafi verið of þreyttur til að aka bílnum. Í skýrslunni leggur nefndin áherslu á að enginn skuli aka bíl langar leiðir eftir næturflug til landsins og að Neyðarlínan og Landspítali hugi að möguleikum og kostum fjarlækninga til aðstoðar og viðbragða í slysum. Á ferðalagi í fimmtán klukkutíma Um slysið segir að bíll af gerðinni Hyundai Santa Fe af árgerð 2004, hafi verið ekið í átt að Ísafirði, en alls hafi þrír verið í bílnum. Segir að fólkið hafi verið að koma beint úr millilandaflugi og verið á ferðalagi í að minnsta kosti fimmtán klukkustundir þegar slysið varð. Voru þau á leið heim á Flateyri í sóttkví vegna kórónuveirufaraldursins. Um aðstæður á veginum segir að það hafi verið snjór og krapi og vegurinn háll. Hiti hafi verið nálægt frostmarki, hægviðri og skyggni ágætt. Frá vettvangi slyssins.Vísir/Hafþór „Rétt utan við eyðibýlið Eyri er mjúk vinstri beygja á veginum. Ummerki eftir bifreiðina benda til að ökumaður hafi ekki rétt stýrið af eftir beygjuna og stefndi því bifreiðin út af veginum vinstra megin. Hjólför eftir bifreiðina sýndu að hún hafði farið yfir á rangan vegarhelming rúmum 200 metrum áður en hún endaði í sjónum,“ segir í skýrslunni. Reyndi að beygja aftur inn á veginn Ummerki hafi verið í vegkantinum um tilraun ökumannsins til að beygja aftur inn á veginn en að hann hafi þá misst stjórn á bílnum með þeim afleiðingum að hann fór að skríða til og snúast á veginum. Bíllinn hafi svo runnið aftur á bak og á hlið út af veginum, niður varnargarð og oltið út í sjó. Bíllinn hafi hafnað á hliðinni á um eins og hálfs metra dýpi, að miklu leyti í kafi. Þá segir að vegurinn liggi rétt ofan sjávarmáls og hafi verið nánast háflóð þegar slysið varð, nokkru fyrir klukkan 11 að morgni dags. Konan og barnið voru í aftursæti bílsins og benda rannsóknarniðurstöður til að þau hafi látist úr ofkælingu. Á leið í sóttkví heima á Flateyri Í skýrslunni segir að flugvélin sem ökumaður og farþegar hafi ferðast með hafi lent á Keflavíkurflugvelli nokkru eftir miðnætti. „Þau bjuggu á Vestfjörðum og hugðust dvelja þar í sóttkví. Þau höfðu ekið frá Keflavíkurflugvelli beint vestur og að sögn ökumanns skiptust tveir á að aka bifreiðinni á leiðinni. Slysið varð þegar strangar sóttvarnarreglur voru í gildi vegna COVID-19. Ferðalöngum var ráðlagt að aka beint til heimilis síns eða þangað sem fyrirhugað var að dvelja í sóttkví, stoppa ekki á leiðinni og virða sóttkví,“ segir í skýrslunni en fólkið bjó á Flateyri. Áætlað sé að þau hafi lagt af stað frá Keflavíkurflugvelli um klukkan þrjú um nóttina og ekið sem leið lá vestur. Slysið hafi orðið um átta tímum síðar, klukkan 10:40, enda hafi ferðin sóst fremur hægt vegna vetrarfærðar. „Þegar slysið varð var liðinn um sólarhringur frá því að ökumaðurinn vaknaði deginum áður. Að hans sögn hafði hann blundað nokkrum sinnum, bæði í flugvélinni og á ferðinni vestur þegar hann var í farþegasæti.“ Nauðsyn hvíldar Ennfremur segir að fyrstu vegfarendur hafi fljótlega komið á vettvang eftir slysið. Stuttur tími hafi liðið áður en samband við haft við Neyðarlínuna og að björgunaraðgerðir voru hafnar. Það hafi þó liðið nokkur stund áður en ökumanni og farþegum var komið í land og undir læknishendur vegna staðsetningar slyssins og því var langt í sjúkrabíla, björgunarfólk og þyrlu. Auk þess var vetrarfærð. Rannsóknarnefndin kemur með tillögur í öryggisátt og leggur áherslu á að enginn skyldi aka bíl langar leiðir eftir næturflug til landsins. „Vegna þessa slyss beinir Rannsóknarnefnd samgönguslysa þeirri tillögu til Almannavarna að gæta sérstaklega að því að í leiðbeiningum um sóttvarnir sé mælt fyrir um nauðsyn hvíldar áður en lagt er upp í ferðalög á bifreiðum eftir næturflug til landsins. Mikilvægt er að benda á hvíldaraðstöðu eftir flug og kynna vandlega upplýsingar þar um.“ Þreyttir og svefnvana Þá segir nefndin að rannsökuð hafi verið nokkur banaslys á undanförnum árum þar sem orsök er rakin til þess að ökumaður fari þreyttur í langferð eftir næturflug. „Líklegt er að farþegar sem koma úr næturflugi séu almennt þreyttir og svefnvana. Við rannsókn RNSA á þessu slysi bárust ábendingar um að ferðalöngum sem komu til landsins hafi á þeim tíma verið ráðlagt að fara beint þangað sem þeir hugðust dvelja í skyldubundinni sóttkví. Við aðstæður eins og komu upp vegna COVID-19 faraldursins þarf sérstaklega að gæta að því að fólki sé ekki gert að aka þreytt heldur sé kynnt aðstaða til hvíldar með aðgengi að nauðsynlegri þjónustu.“ Kostir fjarlækninga Nefndin beinir einnig þeirri tillögu til Neyðarlínunnar og Landsspítala háskólasjúkrahúss að huga að möguleikum og kostum fjarlækninga til aðstoðar og viðbragða í slysum. „Oft verða slys eða atvik á stöðum á landinu þar sem langt er í allar bjargir. Þetta á við bæði um tíma og vegalengdir. Í slíkum tilvikum þegar skjót viðbrögð eru mikilvæg geta fjarlækningar reynst þarfar, fyrir þá sem koma að slysi sem og viðbragðsaðila, til aðstoðar við fyrstu hjálp og undirbúning viðbragða til bjargar. Ef hægt er að koma læknisfræðilegri þekkingu og ráðgjöf hraðar til aðila á slysstað getur það mögulega eflt fyrstu viðbrögð,“ segir í nefndinni.
Banaslys í Skötufirði Samgönguslys Ísafjarðarbær Súðavíkurhreppur Tengdar fréttir Þjóðþekktir á meðal hinna hugrökku á slysstað í Skötufirði Lögreglan á Vestfjörðum segir að fjórir vegfarendur sem fyrstir komu á vettvang umferðarslyssins í Skötufirði þann 16. janúar hafi sýnt mikið hugrekki og unnið vel á vettvangi. Fjórmenningarnir eru sumir hverjir þjóðþekktir og segir lögregla að þeir hafi veitt fyrstu hjálp í slysinu. Á endanum kostaði slysið unga móður og barn hennar, sem búsett voru á Flateyri, lífið. 23. janúar 2021 08:00 Tomasz og fjölskylda þakka þeim sem komu að slysinu Lögregla hefur komið á framfæri kæru þakklæti frá Tomasz Majewski og fjölskyldu hans til vegfarenda sem voru fyrstir á vettvang í Skötufirði á laugardag og til allra viðbragðsaðila auk starfsfólks Landspítalans. 22. janúar 2021 14:26 Samfélagið á Flateyri slegið Rannsókn lögreglu á tildrögum banaslyssins í Skötufirði gengur vel en er ekki lokið samkvæmt upplýsingum frá lögreglunni á Vestfjörðum. Bænastund verður haldin í Flateyrarkirkju í kvöld. Sóknarpresturinn segir slysið hafa mikil áhrif á samfélagið. 20. janúar 2021 14:01 Mest lesið „Þetta má aldrei gerast aftur“ Innlent Segir ákvörðun um kæru fyrir nauðgun tekna fyrir andlát flugmanns Innlent Hefur þrisvar komið að 13 ára syni sínum meðvitundarlausum Innlent Sjö Rúmenar gefa ekkert uppi um tugmilljóna króna þýfi Innlent Sextán ára dómur fyrir manndráp í Drangahrauni stendur Innlent Pilturinn áfram bak við lás og slá Innlent Jón Gnarr skráður í Viðreisn og ætlar á Alþingi Innlent Áfrýjaði engu nema ákvörðun um launin og málið fellt niður Innlent Rannsókn á byrlunar- og símamáli Páls skipstjóra úr sögunni Innlent Kristín Benediktsdóttir nýr umboðsmaður Alþingis Innlent Fleiri fréttir Segir Vinstri græn ekki styðja frekari breytingar á útlendingalögum Brynjar ákærður fyrir að brjóta á fleiri stúlkum Samherjaskipstjórinn segir málinu ekki lokið Líklega verði flett ofan af fleirum í rannsókn á brotum Diddy Hvers vegna er skiltið í Kúrlandi svo hátt uppi? Rannsókn lögreglu haft kælingaráhrif á alla blaðamannastéttina Um 100 þúsund fjár slátrað á Selfossi Hefur þrisvar komið að 13 ára syni sínum meðvitundarlausum Hamra járnið meðan það er heitt í mansalsmálum Bein útsending: Upplýsingafundur með íbúum Voga vegna jarðhræringa Nemandinn sem stakk Ingunni áfrýjar dómi Ráðþrota móðir, umtöluð rannsókn og skiltaþjófnaður Fagnar niðurstöðunni en lýsir yfir þungum áhyggjum „Þetta má aldrei gerast aftur“ Hissa ef tillaga um stjórnarslit hefði ekki komið fram Sextán ára dómur fyrir manndráp í Drangahrauni stendur Áfrýjaði engu nema ákvörðun um launin og málið fellt niður Þrjú vilja stýra Minjastofnun Varla komist í kast við lögin fyrr en hann flutti kókaín til landsins Bein útsending: Framtíð menntunar á tímum gervigreindar Bein útsending: Sátt um betra menntakerfi Rannsókn á byrlunar- og símamáli Páls skipstjóra úr sögunni Nýr umboðsmaður og SI svara seðlabankastjóra Sjö Rúmenar gefa ekkert uppi um tugmilljóna króna þýfi Vilja að takmarkanir á starfsmannaleigur verði skoðaðar Kristín Benediktsdóttir nýr umboðsmaður Alþingis Tuttugu lyklar í Árbæjarlaug horfnir Inga segir landið að sökkva í sæ vargaldar Jón Gnarr skráður í Viðreisn og ætlar á Alþingi Svandís Svavarsdóttir mætir í Samtalið Sjá meira
Þjóðþekktir á meðal hinna hugrökku á slysstað í Skötufirði Lögreglan á Vestfjörðum segir að fjórir vegfarendur sem fyrstir komu á vettvang umferðarslyssins í Skötufirði þann 16. janúar hafi sýnt mikið hugrekki og unnið vel á vettvangi. Fjórmenningarnir eru sumir hverjir þjóðþekktir og segir lögregla að þeir hafi veitt fyrstu hjálp í slysinu. Á endanum kostaði slysið unga móður og barn hennar, sem búsett voru á Flateyri, lífið. 23. janúar 2021 08:00
Tomasz og fjölskylda þakka þeim sem komu að slysinu Lögregla hefur komið á framfæri kæru þakklæti frá Tomasz Majewski og fjölskyldu hans til vegfarenda sem voru fyrstir á vettvang í Skötufirði á laugardag og til allra viðbragðsaðila auk starfsfólks Landspítalans. 22. janúar 2021 14:26
Samfélagið á Flateyri slegið Rannsókn lögreglu á tildrögum banaslyssins í Skötufirði gengur vel en er ekki lokið samkvæmt upplýsingum frá lögreglunni á Vestfjörðum. Bænastund verður haldin í Flateyrarkirkju í kvöld. Sóknarpresturinn segir slysið hafa mikil áhrif á samfélagið. 20. janúar 2021 14:01