„Verð ekkert kominn fyrr út á völl þó ég sé leiður eða reiður“ Runólfur Trausti Þórhallsson skrifar 1. september 2022 09:00 Kristall Máni fagnar einu af fjórum mörkum sínum fyrir U-21 árs landsliðið. Vísir/Hulda Margrét Þrátt fyrir að axlarbrotna er hann fékk tækifæri í byrjunarliði norska stórliðsins Rosenborgar þá er Kristall Máni Ingason nokkuð brattur og segist ekki þurfa að fara í aðgerð vegna meiðslanna. Vísir heyrði í honum hljóðið en meiðslin hefðu vart geta komið á verri tíma. Kristall Máni var án efa einn albesti leikmaður Íslandsmótsins á síðustu leiktíð er hann spilaði stóra rullu í liði Víkings sem varð Íslands- og bikarmeistari. Hann hafði spilað eins og engill í sumar er Rosenborg ákvað að kaupa kappann. Hann hafði aðallega komið inn af bekknum en gegn Tromsö um liðna helgi var hann í byrjunarliðinu. Segja má að Kristall Máni hafi nýtt tækifærið þó Rosenborg hafi tapað en hann skoraði tvö mörk í leiknum. Það síðari skoraði hann axlarbrotinn en hann lenti illa á stönginni er hann skoraði fyrra mark sitt. Ljóst er að Kristall Máni verður frá keppni næstu vikurnar en hann lætur það lítið á sig fá. „Heilsan er bara nokkuð góð. Ég slepp við aðgerð svo það má segja að þetta hafi farið betur en á horfðist. Ég er samt í fatla núna og þarf að hvíla öxlina sem mest næstu daga. Þetta á samt að gróa að sjálfu sér, ég fer svo aftur í myndatöku eftir viku og þá sjáum við hvort þetta sé að gróa rétt. Ef ekki þá þarf ég að fara í aðgerð.“ „Ég lá í svona 15 sekúndur eftir að ég skoraði. Sjúkraþjálfarinn kom og spurði hvernig mér liði, ég sagði strax að ég væri brotinn en ég veit ekkert hvort hann trúði mér. Hann skoðaði mig en ég lét hann bara vita að ég væri að fara halda áfram. Ég var ekki að fara af velli þegar ég var nýbúinn að skora og minnka muninn í 2-1. Á þeim tímapunkti ertu bara með fókusinn á að skora annað mark.“ Það var nákvæmlega það sem Kristall Máni gerði en ásamt því að spila tæpar 50 mínútur með brotna öxl þá skoraði hann af gríðarlegu öryggi úr vítaspyrnu sem Rosenborg fékk skömmu eftir að Kristall Máni hafði minnkað muninn. „Ég byrjaði frammi af því annar af framherjunum okkar var veikur. Var ekki viss hvort ég hefði átt að byrja á miðjunni en ég byrjaði leikinn allavega frammi í hans stað. Sá leikmaður hefur verið vítaskyttan okkar en á fundinum okkar fyrir leik sagði þjálfarinn að ég yrði vítaskyttan í dag,“ sagði Kristall Máni aðspurður hvernig það hefði komið til að hann færi á punktinn í sínum fyrsta byrjunarliðsleik. Bæði mörkin sem og þegar Kristall Máni lendir á stönginni má sjá í spilaranum hér fyrir neðan. Ætlar að nýta tækifærið til að styrkja aðra þætti Eins og áður sagði er tímasetningin á meiðslunum frekar ömurleg þar sem hinn tvítugi Kristall Máni er tiltölulega nýkominn út í atvinnumennsku á nýjan leik og U-21 árs landslið Íslands mætir Tékklandi í umspili um sæti á lokamóti EM í lok septembermánaðar. „Ég er ekkert búinn að vera pirraður, svona bara gerist og maður getur ekkert verið að pirra sig á því. Ég verð ekkert kominn fyrr út á völl þó ég sé leiður eða reiður. Auðvitað er þetta alveg erfitt því maður er nýkominn af stað hérna úti en ég get farið að æfa mig í öðru, orðið sterkari. Ég horfi á þetta sem tækifæri til að verða betri í öðrum þáttum.“ „Ég er ekkert stressaður fyrir þessum umspilsleikjum, strákarnir vinna alltaf Tékkland,“ sagði Kristall Máni um umspilsleikina mikilvægu. Kristall Máni í leik með U-21 landsliði Íslands gegn Portúgal.Vísir/Vilhelm „Vildi fara í lið sem væri á leiðinni upp“ Rosenborg er án efa eitt af stærstu liðum Norðurlanda en liðið hefur alls orðið Noregsmeistari 26 sinnum, síðast þó árið 2018. Liðið hefur verið í lægð en í kristalkúlu sinni sér Kristall Máni fram á bjarta tíma, er það ein helsta ástæða þess að hann samdi við liðið. Það og góða stemningin í stúkunni en hún skiptir þennan stórskemmtilega leikmann miklu máli. „Ég vildi fara í lið sem væri á leiðinni upp frekar en á leiðinni niður. Held að Rosenborg sé rétta liðið hvað það varðar. Vildi vera partur af því og svo vissi ég að stuðningsmennirnir hérna væru geggjaðir. Er mikill stemningsmaður og vill vera í stemningu.“ Að endingu var Kristall Máni spurður hvernig lífið í Noregi væri. Hann sagðist finna sig nokkuð vel í Þrándheimi. First training for @RBKfotball pic.twitter.com/Wvn3nLXyMw— Kristall Máni Ingason (@KristallMani) July 31, 2022 „Mér líður mjög vel hérna. Þetta er ekkert það stór borg en mjög fín og frekar róleg. Það er smá eins og allt sé í slow motion hérna, sem er bara fínt. Ég bý einn en það er leikmaður í liðinu hérna við hliðina á mér og við erum mjög nálægt æfingasvæðinu sem er bara mjög þægilegt.“ Fótbolti Norski boltinn Mest lesið Andri Rafn fimmti í þrjú hundruð leikja klúbbinn Íslenski boltinn „Erfitt að spila á móti liði sem fær þrjár villur í seinni“ Körfubolti Hvergerðingar í úrslit umspilsins Körfubolti KA Íslandsmeistari og tók alla titlana Sport Uppgjörið: Breiðablik - Stjarnan 2-1 | Fyrirliðinn kom heimamönnum til bjargar Íslenski boltinn Embla og Eva Björk í ham þegar Stjarnan komst yfir Handbolti Jafnt á Emirates og Liverpool þarf að bíða Enski boltinn „Adam Ægir hefði alveg mátt gefa á mig“ Fótbolti Tryggvi Evrópumeistari með Bilbao Basket Körfubolti „Ég fer bara sáttur á koddann“ Íslenski boltinn Fleiri fréttir Andri Rafn fimmti í þrjú hundruð leikja klúbbinn Uppgjörið: Breiðablik - Stjarnan 2-1 | Fyrirliðinn kom heimamönnum til bjargar Öruggt hjá Milan og þrennudraumur Inter úr sögunni Real Madrid pressar á Barcelona en Orri og félagar í vandræðum „Ég fer bara sáttur á koddann“ „Adam Ægir hefði alveg mátt gefa á mig“ Jafnt á Emirates og Liverpool þarf að bíða Uppgjörið: ÍA - Vestri 0-2 | Taplausir Vestramenn sóttu sigur á Skagann „Byrjum ekki leikinn fyrr en eftir 20 mínútur“ „Kærkominn sigur eftir vonbrigðin í fyrstu umferðunum“ „Gæti vel verið en það er bara fókus á næsta leik“ Uppgjörið: FH - KR 2-2 | Bæði lið enn án sigurs Uppgjörið: Valur - KA 3-1 | Jónatan Ingi sýndi sínar bestu hliðar í fyrsta sigri Vals Ari á skotskónum í dramatískum sigri Elfsborg Meistaradeildarvonir Alberts og félaga vænkast Arteta ætlar ekki að hvíla Saka fyrir Meistaradeildina Þórdís Hrönn með stoðsendingu fyrir sjötta félagið í efstu deild Sagan segir að Arsenal vinni Meistaradeildina Real Madrid fer liða verst út úr myndbandsdómgæslunni Rekstur Chelsea: Eins og að tapa sextíu milljónum á dag í tíu ár „Ekki fallegt að sjá hvernig farið er með Ancelotti“ „Vilhjálmur Birgisson vill meina að hann hafi uppgötvað mig sem þjálfara“ Velta því fyrir sér hvort níska Liverpool komi í veg fyrir að Nunez spili Klásúlan virkjuð en enn óvíst hvort Chelsea kaupi Sancho Fresta fleiri fótboltaleikjum vegna fráfalls Frans páfa Tveir úrskurðaðir í bann fyrir sextán liða úrslitin Uppgjörið: Þróttur - Breiðablik 2-2 | Samantha bjargaði stigi „Fótbolti er þannig að allir þurfa að taka ábyrgð“ Uppgjörið: Stjarnan - Víkingur 2-6 | Áslaug Dóra með þrennu í stórsigri Víkinga „Skoraði síðast þrennu í sjöunda flokki“ Sjá meira
Kristall Máni var án efa einn albesti leikmaður Íslandsmótsins á síðustu leiktíð er hann spilaði stóra rullu í liði Víkings sem varð Íslands- og bikarmeistari. Hann hafði spilað eins og engill í sumar er Rosenborg ákvað að kaupa kappann. Hann hafði aðallega komið inn af bekknum en gegn Tromsö um liðna helgi var hann í byrjunarliðinu. Segja má að Kristall Máni hafi nýtt tækifærið þó Rosenborg hafi tapað en hann skoraði tvö mörk í leiknum. Það síðari skoraði hann axlarbrotinn en hann lenti illa á stönginni er hann skoraði fyrra mark sitt. Ljóst er að Kristall Máni verður frá keppni næstu vikurnar en hann lætur það lítið á sig fá. „Heilsan er bara nokkuð góð. Ég slepp við aðgerð svo það má segja að þetta hafi farið betur en á horfðist. Ég er samt í fatla núna og þarf að hvíla öxlina sem mest næstu daga. Þetta á samt að gróa að sjálfu sér, ég fer svo aftur í myndatöku eftir viku og þá sjáum við hvort þetta sé að gróa rétt. Ef ekki þá þarf ég að fara í aðgerð.“ „Ég lá í svona 15 sekúndur eftir að ég skoraði. Sjúkraþjálfarinn kom og spurði hvernig mér liði, ég sagði strax að ég væri brotinn en ég veit ekkert hvort hann trúði mér. Hann skoðaði mig en ég lét hann bara vita að ég væri að fara halda áfram. Ég var ekki að fara af velli þegar ég var nýbúinn að skora og minnka muninn í 2-1. Á þeim tímapunkti ertu bara með fókusinn á að skora annað mark.“ Það var nákvæmlega það sem Kristall Máni gerði en ásamt því að spila tæpar 50 mínútur með brotna öxl þá skoraði hann af gríðarlegu öryggi úr vítaspyrnu sem Rosenborg fékk skömmu eftir að Kristall Máni hafði minnkað muninn. „Ég byrjaði frammi af því annar af framherjunum okkar var veikur. Var ekki viss hvort ég hefði átt að byrja á miðjunni en ég byrjaði leikinn allavega frammi í hans stað. Sá leikmaður hefur verið vítaskyttan okkar en á fundinum okkar fyrir leik sagði þjálfarinn að ég yrði vítaskyttan í dag,“ sagði Kristall Máni aðspurður hvernig það hefði komið til að hann færi á punktinn í sínum fyrsta byrjunarliðsleik. Bæði mörkin sem og þegar Kristall Máni lendir á stönginni má sjá í spilaranum hér fyrir neðan. Ætlar að nýta tækifærið til að styrkja aðra þætti Eins og áður sagði er tímasetningin á meiðslunum frekar ömurleg þar sem hinn tvítugi Kristall Máni er tiltölulega nýkominn út í atvinnumennsku á nýjan leik og U-21 árs landslið Íslands mætir Tékklandi í umspili um sæti á lokamóti EM í lok septembermánaðar. „Ég er ekkert búinn að vera pirraður, svona bara gerist og maður getur ekkert verið að pirra sig á því. Ég verð ekkert kominn fyrr út á völl þó ég sé leiður eða reiður. Auðvitað er þetta alveg erfitt því maður er nýkominn af stað hérna úti en ég get farið að æfa mig í öðru, orðið sterkari. Ég horfi á þetta sem tækifæri til að verða betri í öðrum þáttum.“ „Ég er ekkert stressaður fyrir þessum umspilsleikjum, strákarnir vinna alltaf Tékkland,“ sagði Kristall Máni um umspilsleikina mikilvægu. Kristall Máni í leik með U-21 landsliði Íslands gegn Portúgal.Vísir/Vilhelm „Vildi fara í lið sem væri á leiðinni upp“ Rosenborg er án efa eitt af stærstu liðum Norðurlanda en liðið hefur alls orðið Noregsmeistari 26 sinnum, síðast þó árið 2018. Liðið hefur verið í lægð en í kristalkúlu sinni sér Kristall Máni fram á bjarta tíma, er það ein helsta ástæða þess að hann samdi við liðið. Það og góða stemningin í stúkunni en hún skiptir þennan stórskemmtilega leikmann miklu máli. „Ég vildi fara í lið sem væri á leiðinni upp frekar en á leiðinni niður. Held að Rosenborg sé rétta liðið hvað það varðar. Vildi vera partur af því og svo vissi ég að stuðningsmennirnir hérna væru geggjaðir. Er mikill stemningsmaður og vill vera í stemningu.“ Að endingu var Kristall Máni spurður hvernig lífið í Noregi væri. Hann sagðist finna sig nokkuð vel í Þrándheimi. First training for @RBKfotball pic.twitter.com/Wvn3nLXyMw— Kristall Máni Ingason (@KristallMani) July 31, 2022 „Mér líður mjög vel hérna. Þetta er ekkert það stór borg en mjög fín og frekar róleg. Það er smá eins og allt sé í slow motion hérna, sem er bara fínt. Ég bý einn en það er leikmaður í liðinu hérna við hliðina á mér og við erum mjög nálægt æfingasvæðinu sem er bara mjög þægilegt.“
Fótbolti Norski boltinn Mest lesið Andri Rafn fimmti í þrjú hundruð leikja klúbbinn Íslenski boltinn „Erfitt að spila á móti liði sem fær þrjár villur í seinni“ Körfubolti Hvergerðingar í úrslit umspilsins Körfubolti KA Íslandsmeistari og tók alla titlana Sport Uppgjörið: Breiðablik - Stjarnan 2-1 | Fyrirliðinn kom heimamönnum til bjargar Íslenski boltinn Embla og Eva Björk í ham þegar Stjarnan komst yfir Handbolti Jafnt á Emirates og Liverpool þarf að bíða Enski boltinn „Adam Ægir hefði alveg mátt gefa á mig“ Fótbolti Tryggvi Evrópumeistari með Bilbao Basket Körfubolti „Ég fer bara sáttur á koddann“ Íslenski boltinn Fleiri fréttir Andri Rafn fimmti í þrjú hundruð leikja klúbbinn Uppgjörið: Breiðablik - Stjarnan 2-1 | Fyrirliðinn kom heimamönnum til bjargar Öruggt hjá Milan og þrennudraumur Inter úr sögunni Real Madrid pressar á Barcelona en Orri og félagar í vandræðum „Ég fer bara sáttur á koddann“ „Adam Ægir hefði alveg mátt gefa á mig“ Jafnt á Emirates og Liverpool þarf að bíða Uppgjörið: ÍA - Vestri 0-2 | Taplausir Vestramenn sóttu sigur á Skagann „Byrjum ekki leikinn fyrr en eftir 20 mínútur“ „Kærkominn sigur eftir vonbrigðin í fyrstu umferðunum“ „Gæti vel verið en það er bara fókus á næsta leik“ Uppgjörið: FH - KR 2-2 | Bæði lið enn án sigurs Uppgjörið: Valur - KA 3-1 | Jónatan Ingi sýndi sínar bestu hliðar í fyrsta sigri Vals Ari á skotskónum í dramatískum sigri Elfsborg Meistaradeildarvonir Alberts og félaga vænkast Arteta ætlar ekki að hvíla Saka fyrir Meistaradeildina Þórdís Hrönn með stoðsendingu fyrir sjötta félagið í efstu deild Sagan segir að Arsenal vinni Meistaradeildina Real Madrid fer liða verst út úr myndbandsdómgæslunni Rekstur Chelsea: Eins og að tapa sextíu milljónum á dag í tíu ár „Ekki fallegt að sjá hvernig farið er með Ancelotti“ „Vilhjálmur Birgisson vill meina að hann hafi uppgötvað mig sem þjálfara“ Velta því fyrir sér hvort níska Liverpool komi í veg fyrir að Nunez spili Klásúlan virkjuð en enn óvíst hvort Chelsea kaupi Sancho Fresta fleiri fótboltaleikjum vegna fráfalls Frans páfa Tveir úrskurðaðir í bann fyrir sextán liða úrslitin Uppgjörið: Þróttur - Breiðablik 2-2 | Samantha bjargaði stigi „Fótbolti er þannig að allir þurfa að taka ábyrgð“ Uppgjörið: Stjarnan - Víkingur 2-6 | Áslaug Dóra með þrennu í stórsigri Víkinga „Skoraði síðast þrennu í sjöunda flokki“ Sjá meira