Kvenkyns dómari, Juventus rankar við sér og Zlatan í ráðherrastól? Björn Már Ólafsson skrifar 7. október 2022 12:31 Maria Sole Ferrieri Caputi skráði sig í sögubækur ítalskrar knattspyrnu um liðna helgi. EPA-EFE/SERENA CAMPANINI Blað var brotið í knattspyrnusögu Ítalíu um helgina þegar Maria Sole Ferrieri Caputi dæmdi leik Sassuolo og Salernitana. Maria Sole var þar með fyrsta konan í 124 ára sögu knattspyrnunnar í landinu til að dæma leik í efstu deild karla. Frammistaða hennar var til fyrirmyndar rétt eins og frammistaða heimamanna í Sassuolo sem völtuðu yfir Salernitana 5-0. Eftir leikinn fékk dómarinn opinbera kveðju frá annarri konu sem er í þann mund að skrifa nafn sitt í sögubækurnar sem fyrsti kvenkyns forsætisráðherra landsins, Giorgia Meloni. Meloni er ótvíræður sigurvegari kosninganna sem fóru fram um síðustu helgi og með stuðningi Silvios Berlusconis og Salvinis er líklegast að hún hreppi æðsta pólitíska embætti landsins. Það er ekki ætlunin að fjalla um stjórnmálin á Ítalíu í þessari grein en stjórnmálin eiga það til að teygja anga sína inn í knattspyrnuheiminn því í vikunni fagnaði Zlatan Ibrahimovic afmæli sínu með því að birta mynd af sér og Silvio Berlusconi saman á góðri stundu. Vilja einhverjir meina að Zlatan sé mögulegur kandídat í nýja ríkisstjórn landsins fyrir hönd flokks Berlusconis. Það yrði að teljast ein ótrúlegasta pólitíska flétta síðari ára í Evrópu. View this post on Instagram A post shared by Zlatan Ibrahimovi (@iamzlatanibrahimovic) Lengt í hengingaról Inzaghis En aftur að knattspyrnunni. Stóri leikur síðustu helgar var leikur Internazionale og Roma í Mílanóborg. Inter er í basli í deildinni og sögusagnir eru á kreiki um að Simone Inzaghi sé orðinn valtur í sessi sem þjálfari liðsins. Inter hefur verið með gott tak á Roma undanfarin misseri og það vakti því mikla undrun þegar Rómverjar unnu leikinn 2-1. Sigurmarkið sá Chris Smalling um að skora með skalla eftir aukaspyrnu og Rómverjar eru nú mættir aftur í toppbaráttuna, aðeins fjórum stigum á eftir Napoli á toppnum. Sigurmarkið í uppsiglingu.EPA-EFE/MATTEO BAZZI Inzaghi var allt annað en sáttur eftir leikinn og vildi meina að hans menn hefðu átt meira skilið en núll stig. Hann getur þó huggað sig við það að liðið vann Barcelona í Meistaradeildinni í vikunni og þar með keypti hann sér líklegast aðeins lengri vinnufrið. Það er ekki á hverjum degi sem ítölsk lið vinna Barcelona. Ólíkleg hetja í uppbótatíma Rafael Leao heldur áfram að sýna snilli sína fyrir AC Milan. Um helgina mætti liðið á útivöll til Empoli og átti í stökustu vandræðum. AC Milan komst yfir áður en Empoli jafnaði leikinn í uppbótatíma, og útlit var fyrir svekkjandi jafntefli fyrir rauðsvörtu djöflana. En AC Milan barst aðstoð úr óvæntri átt, því það tók varnarmanninn Fode Ballo-Toure aðeins átta sekúndur að koma AC Milan aftur yfir með góðu slútti. Ballo-Toure hefur sjaldan átt erindi inn í vítateig andstæðinganna en það var ekki að sjá á yfirveguðu skoti hans. Rafael Leao innsiglaði svo enn einn seiglusigurinn fyrir AC Milan með snoturri vippu í uppbótatíma uppbótatímans. AC Milan er því aðeins þremur stigum á eftir toppliði Napoli. Rafael Leao hefur skorað fjögur og lagt upp fjögur í aðeins sjö leikjum í Serie A á leiktíðinni.EPA-EFE/MATTEO BAZZI Skemmtilegasta lið Evrópu Skemmtilegasta lið Evrópu um þessar mundir er Napoli. Svo einfalt er það. Hvort sem það er í deildinni heimafyrir eða undir ljóskösturunum á Evrópukvöldum um miðjar vikur þá er flæðandi sóknarleikurinn töfrandi og glænýja varnarlínan fær varla á sig mörk. Um síðustu helgi var það varnarsinnað lið Torino sem fékk að finna fyrir sóknarþunga þeirra bláklæddu. Andre Zambo Anguissa skoraði tvö mörk í fyrri hálfleik úr sinni djúpu miðjustöðu áður en Maradona Kákasusfjallanna, Khvicha Kvaratskhelia, rak smiðshöggið í 3-1 sigri liðsins. Í vikunni mætti liðið svo Ajax á útivelli en hollenska stórveldið var engin fyrirstaða. Bókstaflega engin fyrirstaða, því Napoli vann auðveldan 1-6 sigur sem hefði hæglega getað verið stærri. Helsti sóknarmaður Napoli Victor Osimhen er meiddur en það virðist engin áhrif hafa. Giacomo Raspadori er að sanna sig sem einn klókasti framherjinn á Ítalíu með frammistöðum sínum fyrir Napoli og landsliðið og Georgíubúinn geðþekki á vinstri kantinum er óstöðvandi. Khvicha Kvaratskhelia, leggið nafnið á minnið.EPA-EFE/MAURICE VAN STEEN Ítalska leiðin sannar gildi sitt fyrir Íslendinga Mikael Egill Ellertsson og félagar í Spezia mættu Lazio um liðna helgi og það dró heldur betur til tíðinda fyrir Mikael því hann lék í fyrsta sinn í byrjunarliði Spezia í deildinni. Hann fékk þó enga draumabyrjun á sínum fyrsta byrjunarliðsleik því það tók liðsfélaga hans aðeins 45 sekúndur að gefa vítaspyrnu og í hálfleik var Lazio búið að gera út um leikinn 2-0. Mikael lék alls 65 mínútur í leiknum og fékk þokkalega einkunn fyrir frammistöðu sína í ítölsku götublöðunum. Vonandi fáum við að sjá hann sem oftast í byrjunarliði Spezia á tímabilinu, Mikael flutti til Ítalíu árið 2018 þegar hann gekk til liðs við unglingalið Spal frá Fram. Hann var annar Íslendingurinn sem fór í unglingalið á Ítalíu á eftir Herði Björgvini Magnússyni sem fór á sínum tíma til Juventus. Mikael Egill í leiknum gegn Lazio.Matteo Ciambelli/Getty Images Ári síðar fór svo Andri Fannar Baldursson til Bologna og boltinn fór að rúlla. Alls hafa um 20 íslenskir strákar leikið í unglingaliðum á Ítalíu og margir eru þar enn. Athygli vekur að allir þrír fyrstu íslendingarnir í unglingaliðum á Ítalíu, Mikael, Andri og Hörður Björgvin, fengu allir tækifærið í Serie A. Það skal því engan undra að Íslendingum hafi fjölgað svo mikið á Ítalíu á undanförnum misserum. Þórir Jóhann sat allan tímann á bekknum í 1-1 jafntefli nýliðanna Lecce og Cremonese. Serbneskir bjargvættir Juventus Hefur gæfan loksins snúist Juventus í vil eftir brösuga byrjun á tímabilinu? Svarið er já, ef marka má marga stuðningsmenn liðsins. Liðið vann afar sannfærandi 3-0 sigur á Bologna um liðna helgi þar sem serbneska tvíeykið Filip Kostic og Dusan Vlahovic fóru á kostum. Þeir mættu til leiks fullir sjálfstrausts eftir glæstan sigur á Norðmönnum í síðasta landsleikjahléi þar sem Erling Haaland lenti í skugga Dusans Vlahovic. Gegn Bologna lagði Vlahovic upp mark fyrir Kostic áður en Vlahovic sjálfur tvöfaldaði forystuna. Í síðari hálfleik innsiglaði svo Arek Milik sigurinn með flottu marki. Um helgina á Juventus svo AC Milan á útivelli. EF sá leikur vinnst, er heldur betur hægt að gera ráð fyrir Juventus í toppbaráttunni. Við höfum áður séð Juventus byrja tímabil illa, áður en þeir birtast allt í einu í toppbaráttuna bakdyramegin. Í toppbaráttunni auk Napoli finnum við ólíkindatólin Udinese og Atalanta. Udinese vann 1-2 sigur á Hellas Verona. Allir virðast bara vera að bíða eftir því að Udinese misstígi sig en þeir sýna ótrúlega seiglu og trú á verkefnið. Atalanta hins vegar hefur farið í gegnum ótrúlega endurnýjun í boði Gasperinis þjálfara. Eftir að hafa verið eitt fallegasta sóknarlið deildarinnar undanfarin ár er liðið nú farið að spila dúndrandi varnarleik. Aðeins þrjú mörk hefur liðið fengið á sig í deildinni í fyrstu átta leikjunum. Um helgina vannst enn einn 1-0 sigurinn, í þetta skiptið á Fiorentina á heimavelli. Á botni deildarinnar finnum við hins vegar lið Sampdoria sem tapaði 3-0 gegn nýliðum Monza um helgina. Tapið varð dopinn sem fyllti mælinn því Marco Giampaolo þjálfari liðsins var rekinn strax eftir leik og Dejan Stankovic hefur verið ráðinn eftirmaður hans. Stankovic bíður ærið verkefni enda er liðið lánlaust á botninum með aðeins 2 stig eftir átta leiki. Fótbolti Ítalski boltinn Mest lesið „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti „Blikaleikir eru aldrei búnir fyrr en það er búið að flauta af“ Fótbolti KR kærir og segir KSÍ mismuna félögum Íslenski boltinn Zirkzee hetjan í sínum fyrsta leik Enski boltinn „Það sjá allir hve mikilvægir varamenn eru“ Enski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn „Gefur okkur bara meiri eld í það að taka stóra bikarinn“ Fótbolti Spánverji til Vestra þremur dögum eftir að glugginn lokaði Íslenski boltinn Albert kynntur til leiks í Flórens Fótbolti Fleiri fréttir „Gefur okkur bara meiri eld í það að taka stóra bikarinn“ „Við erum bikarmeistarar þannig það skiptir ekki máli“ „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Hafa eytt fjörutíu milljörðum í fyrrum lærisveina stjórans Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt Ed Sheeran eignast hlut í ensku félagi en frábiður sér kvart og kvein „Maður er bara stoltur af liðinu“ Sjá meira
Eftir leikinn fékk dómarinn opinbera kveðju frá annarri konu sem er í þann mund að skrifa nafn sitt í sögubækurnar sem fyrsti kvenkyns forsætisráðherra landsins, Giorgia Meloni. Meloni er ótvíræður sigurvegari kosninganna sem fóru fram um síðustu helgi og með stuðningi Silvios Berlusconis og Salvinis er líklegast að hún hreppi æðsta pólitíska embætti landsins. Það er ekki ætlunin að fjalla um stjórnmálin á Ítalíu í þessari grein en stjórnmálin eiga það til að teygja anga sína inn í knattspyrnuheiminn því í vikunni fagnaði Zlatan Ibrahimovic afmæli sínu með því að birta mynd af sér og Silvio Berlusconi saman á góðri stundu. Vilja einhverjir meina að Zlatan sé mögulegur kandídat í nýja ríkisstjórn landsins fyrir hönd flokks Berlusconis. Það yrði að teljast ein ótrúlegasta pólitíska flétta síðari ára í Evrópu. View this post on Instagram A post shared by Zlatan Ibrahimovi (@iamzlatanibrahimovic) Lengt í hengingaról Inzaghis En aftur að knattspyrnunni. Stóri leikur síðustu helgar var leikur Internazionale og Roma í Mílanóborg. Inter er í basli í deildinni og sögusagnir eru á kreiki um að Simone Inzaghi sé orðinn valtur í sessi sem þjálfari liðsins. Inter hefur verið með gott tak á Roma undanfarin misseri og það vakti því mikla undrun þegar Rómverjar unnu leikinn 2-1. Sigurmarkið sá Chris Smalling um að skora með skalla eftir aukaspyrnu og Rómverjar eru nú mættir aftur í toppbaráttuna, aðeins fjórum stigum á eftir Napoli á toppnum. Sigurmarkið í uppsiglingu.EPA-EFE/MATTEO BAZZI Inzaghi var allt annað en sáttur eftir leikinn og vildi meina að hans menn hefðu átt meira skilið en núll stig. Hann getur þó huggað sig við það að liðið vann Barcelona í Meistaradeildinni í vikunni og þar með keypti hann sér líklegast aðeins lengri vinnufrið. Það er ekki á hverjum degi sem ítölsk lið vinna Barcelona. Ólíkleg hetja í uppbótatíma Rafael Leao heldur áfram að sýna snilli sína fyrir AC Milan. Um helgina mætti liðið á útivöll til Empoli og átti í stökustu vandræðum. AC Milan komst yfir áður en Empoli jafnaði leikinn í uppbótatíma, og útlit var fyrir svekkjandi jafntefli fyrir rauðsvörtu djöflana. En AC Milan barst aðstoð úr óvæntri átt, því það tók varnarmanninn Fode Ballo-Toure aðeins átta sekúndur að koma AC Milan aftur yfir með góðu slútti. Ballo-Toure hefur sjaldan átt erindi inn í vítateig andstæðinganna en það var ekki að sjá á yfirveguðu skoti hans. Rafael Leao innsiglaði svo enn einn seiglusigurinn fyrir AC Milan með snoturri vippu í uppbótatíma uppbótatímans. AC Milan er því aðeins þremur stigum á eftir toppliði Napoli. Rafael Leao hefur skorað fjögur og lagt upp fjögur í aðeins sjö leikjum í Serie A á leiktíðinni.EPA-EFE/MATTEO BAZZI Skemmtilegasta lið Evrópu Skemmtilegasta lið Evrópu um þessar mundir er Napoli. Svo einfalt er það. Hvort sem það er í deildinni heimafyrir eða undir ljóskösturunum á Evrópukvöldum um miðjar vikur þá er flæðandi sóknarleikurinn töfrandi og glænýja varnarlínan fær varla á sig mörk. Um síðustu helgi var það varnarsinnað lið Torino sem fékk að finna fyrir sóknarþunga þeirra bláklæddu. Andre Zambo Anguissa skoraði tvö mörk í fyrri hálfleik úr sinni djúpu miðjustöðu áður en Maradona Kákasusfjallanna, Khvicha Kvaratskhelia, rak smiðshöggið í 3-1 sigri liðsins. Í vikunni mætti liðið svo Ajax á útivelli en hollenska stórveldið var engin fyrirstaða. Bókstaflega engin fyrirstaða, því Napoli vann auðveldan 1-6 sigur sem hefði hæglega getað verið stærri. Helsti sóknarmaður Napoli Victor Osimhen er meiddur en það virðist engin áhrif hafa. Giacomo Raspadori er að sanna sig sem einn klókasti framherjinn á Ítalíu með frammistöðum sínum fyrir Napoli og landsliðið og Georgíubúinn geðþekki á vinstri kantinum er óstöðvandi. Khvicha Kvaratskhelia, leggið nafnið á minnið.EPA-EFE/MAURICE VAN STEEN Ítalska leiðin sannar gildi sitt fyrir Íslendinga Mikael Egill Ellertsson og félagar í Spezia mættu Lazio um liðna helgi og það dró heldur betur til tíðinda fyrir Mikael því hann lék í fyrsta sinn í byrjunarliði Spezia í deildinni. Hann fékk þó enga draumabyrjun á sínum fyrsta byrjunarliðsleik því það tók liðsfélaga hans aðeins 45 sekúndur að gefa vítaspyrnu og í hálfleik var Lazio búið að gera út um leikinn 2-0. Mikael lék alls 65 mínútur í leiknum og fékk þokkalega einkunn fyrir frammistöðu sína í ítölsku götublöðunum. Vonandi fáum við að sjá hann sem oftast í byrjunarliði Spezia á tímabilinu, Mikael flutti til Ítalíu árið 2018 þegar hann gekk til liðs við unglingalið Spal frá Fram. Hann var annar Íslendingurinn sem fór í unglingalið á Ítalíu á eftir Herði Björgvini Magnússyni sem fór á sínum tíma til Juventus. Mikael Egill í leiknum gegn Lazio.Matteo Ciambelli/Getty Images Ári síðar fór svo Andri Fannar Baldursson til Bologna og boltinn fór að rúlla. Alls hafa um 20 íslenskir strákar leikið í unglingaliðum á Ítalíu og margir eru þar enn. Athygli vekur að allir þrír fyrstu íslendingarnir í unglingaliðum á Ítalíu, Mikael, Andri og Hörður Björgvin, fengu allir tækifærið í Serie A. Það skal því engan undra að Íslendingum hafi fjölgað svo mikið á Ítalíu á undanförnum misserum. Þórir Jóhann sat allan tímann á bekknum í 1-1 jafntefli nýliðanna Lecce og Cremonese. Serbneskir bjargvættir Juventus Hefur gæfan loksins snúist Juventus í vil eftir brösuga byrjun á tímabilinu? Svarið er já, ef marka má marga stuðningsmenn liðsins. Liðið vann afar sannfærandi 3-0 sigur á Bologna um liðna helgi þar sem serbneska tvíeykið Filip Kostic og Dusan Vlahovic fóru á kostum. Þeir mættu til leiks fullir sjálfstrausts eftir glæstan sigur á Norðmönnum í síðasta landsleikjahléi þar sem Erling Haaland lenti í skugga Dusans Vlahovic. Gegn Bologna lagði Vlahovic upp mark fyrir Kostic áður en Vlahovic sjálfur tvöfaldaði forystuna. Í síðari hálfleik innsiglaði svo Arek Milik sigurinn með flottu marki. Um helgina á Juventus svo AC Milan á útivelli. EF sá leikur vinnst, er heldur betur hægt að gera ráð fyrir Juventus í toppbaráttunni. Við höfum áður séð Juventus byrja tímabil illa, áður en þeir birtast allt í einu í toppbaráttuna bakdyramegin. Í toppbaráttunni auk Napoli finnum við ólíkindatólin Udinese og Atalanta. Udinese vann 1-2 sigur á Hellas Verona. Allir virðast bara vera að bíða eftir því að Udinese misstígi sig en þeir sýna ótrúlega seiglu og trú á verkefnið. Atalanta hins vegar hefur farið í gegnum ótrúlega endurnýjun í boði Gasperinis þjálfara. Eftir að hafa verið eitt fallegasta sóknarlið deildarinnar undanfarin ár er liðið nú farið að spila dúndrandi varnarleik. Aðeins þrjú mörk hefur liðið fengið á sig í deildinni í fyrstu átta leikjunum. Um helgina vannst enn einn 1-0 sigurinn, í þetta skiptið á Fiorentina á heimavelli. Á botni deildarinnar finnum við hins vegar lið Sampdoria sem tapaði 3-0 gegn nýliðum Monza um helgina. Tapið varð dopinn sem fyllti mælinn því Marco Giampaolo þjálfari liðsins var rekinn strax eftir leik og Dejan Stankovic hefur verið ráðinn eftirmaður hans. Stankovic bíður ærið verkefni enda er liðið lánlaust á botninum með aðeins 2 stig eftir átta leiki.
Fótbolti Ítalski boltinn Mest lesið „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti „Blikaleikir eru aldrei búnir fyrr en það er búið að flauta af“ Fótbolti KR kærir og segir KSÍ mismuna félögum Íslenski boltinn Zirkzee hetjan í sínum fyrsta leik Enski boltinn „Það sjá allir hve mikilvægir varamenn eru“ Enski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn „Gefur okkur bara meiri eld í það að taka stóra bikarinn“ Fótbolti Spánverji til Vestra þremur dögum eftir að glugginn lokaði Íslenski boltinn Albert kynntur til leiks í Flórens Fótbolti Fleiri fréttir „Gefur okkur bara meiri eld í það að taka stóra bikarinn“ „Við erum bikarmeistarar þannig það skiptir ekki máli“ „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Hafa eytt fjörutíu milljörðum í fyrrum lærisveina stjórans Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt Ed Sheeran eignast hlut í ensku félagi en frábiður sér kvart og kvein „Maður er bara stoltur af liðinu“ Sjá meira