Sagðist í fyrstu skýrslutöku hafa átt að fá greiddar 30 milljónir Kolbeinn Tumi Daðason skrifar 21. nóvember 2022 16:52 Kókaínið sem fannst í trjádrumbum í Hollandi á leið sinni frá Brasilíu til Íslands. Um er að ræða hundrað kíló af efni með styrkleika 81-90 prósent. LRH Karlmaður á sjötugsaldri sem sætir ákæru í stærsta kókaínmáli Íslandssögunnar viðurkenndi í fyrstu skýrslutöku hjá lögreglu að hann hefði átt að fá þrjátíu milljónir króna fyrir sinn hlut í innflutningnum. Í næstu yfirheyrslum dró hann úr framburði sínum og sagði óljóst hve há greiðslan hefði átt að vera. Þetta kemur fram í gæsluvarðhaldsúrskurði yfir honum sem gerður hefur verið opinber á vef Landsréttar. Málið er komið til meðferðar í Héraðsdómi Reykjavíkur og því ekki lengur rannsóknarhagsmunir í húfi varðandi birtingu upplýsinga í gæsluvarðhaldsúrskurðinum. Um er að ræða timburinnflytjandann Pál Jónsson sem var handtekinn ásamt öðrum þann 4. ágúst. Daginn eftir var hann úrskurðaður í gæsluvarðhald og hefur hann verið í því síðan. Við þingfestingu málsins í síðustu viku byrjaði Páll á því að játa brot sitt að hluta. Unnsteinn Elvarsson, lögmaður hans, greip orðið og áréttaði að hans umbjóðandi neitaði sök hvað þennan hluta málsins ræddi. Átti að fá tíu milljónir, eða fimm Daði Björnsson, þrítugur karlmaður sem er sömuleiðis ákærður, sagðist við þingfestingu í liðinni viku hafa viljað játa sök í þeim þætti ákærunnar sem sneri að fíkniefnainnflutningnum. Hann sagði orðalag í ákærunni ekki gefa honum kost á því og neitaði því sök. Fram kemur í gæsluvarðhaldsúrskurði yfir Daða frá 22. ágúst að Daði hafi skýrt frá aðkomu sinni að málinu í skýrslutöku daginn eftir handtöku þann 4. ágúst. Hann hafi leigt iðnaðarpláss og hans hlutverk verið að opna drumba sem innihéldu einhver ólögleg efni og koma því áleiðis. Daði skýrði frá því að honum hafi verið tjáð að það væri kókaín í drumbunum. Aðspurður hvað þetta var mikið sagðist hann ekki hafa fengið nákvæma tölu, en það átti að vera einhverjir tugir kílóa. Kvaðst hann hafa átt að fá 10 milljónir fyrir þetta. Aftur var tekin skýrsla af kærða 15. ágúst. Þá skýrði Daði frá því að hann hafi átt að fá fimm milljónir fyrir en ekki tíu. Hann hafi farið eftir þeim fyrirmælum sem hann hafi fengið frá samverkamanni sínum. Hann hafi sjálfur ekki vitað magnið af kókaíni. Neitaði fyrst en játaði svo aðild Í gæsluvarðhaldsúrskurði yfir Jóhannesi Páli Durr frá 22. ágúst sem einnig er ákærður í málinu kemur fram að hann hafi upphaflega neitað sök. Aftur hafi verið tekin skýrsla af honum, með viku millibili, og þá hafi hann játað aðild sína að málinu og greint frá hlutverki sínu. Það hafi falist í því að afhenda peninga og koma skilaboðum á milli manna. Þá sæi hann um að útvega farsíma fyrir ákærða Birgi Halldórsson, 27 ára karlmann, og setja upp samskiptaforrit í símum þeirra beggja, sem notuð voru við skipulagningu brotsins. Birgir sagðist við þingfestinguna ekki vera tilbúinn að taka afstöðu til ákærunnar. Ragnar Björgvinsson, verjandi Birgis, boðaði greinargerð þar sem tekin yrði afstaða til málsins. Ekki hefur verið birtur gæsluvarðhaldsúrskurður yfir Birgi. Það gæti einfaldlega skýrst af því að verjandi hans hafi ekki kært gæsluvarðhaldsúrskurð úr héraði til Landsréttar. Aðalmeðferð í málinu fer fram í upphafi janúar. Fréttin hefur verið uppfærð. Stóra kókaínmálið 2022 Fíkniefnabrot Dómsmál Tengdar fréttir Sakborningar í stóra kókaínmálinu spjölluðu allir við dómara á Skype Sakborningarnir fjórir í stóra kókaínmálinu tóku allir afstöðu til ákærunnar í gegnum fjarfundabúnaðinn Skype þegar málið var þingfest í Héraðsdómi Reykjavíkur í morgun. Þeir sæta ákæru fyrir innflutning á tæplega hundrað kílóum af kókaíni hingað til lands. Þeir voru handteknir í ágúst síðastliðnum. 16. nóvember 2022 10:26 Fjórir ákærðir í stóra kókaínmálinu Héraðssaksóknari hefur ákært fjóra menn í langstærsta kókaínmáli sem upp hefur komið á Íslandi. Farið verður fram á áframhaldandi gæsluvarðhald yfir mönnunum í dag. 28. október 2022 12:45 Mest lesið Dæmdur fyrir að pína konu dögum saman Innlent Vildi birta upptökur af ofbeldinu: „Fólk þarf að sjá til að skilja“ Innlent Segist bera fulla ábyrgð... en samt ekki Erlent Laun bæjarstjóra vanvirðing við íbúa Innlent Tveir neita sök og þriðji hugsar sig um í Teslu-íkveikjumáli Innlent Fara í mál við íslenska ríkið og Arctic Sea Farm Innlent Hún er sögð með fagrar línur, vel byggð, háfætt og rennileg Innlent Áhyggjur af dýravelferð í réttum: Lömb troðast undir í margmenni Innlent Ungmenni kýldi lögreglumann við eftirlit og beit annan Innlent „Fall er fararheill“ Innlent Fleiri fréttir Hvert og eitt sveitarfélag ákveður laun sinna bæjarstjóra „Fall er fararheill“ Börn upplifi sig vanmáttug í samskiptum við réttarkerfið Áhyggjur af dýravelferð í réttum: Lömb troðast undir í margmenni Óttast afleiðingar hærri veiðigjalda Tveir neita sök og þriðji hugsar sig um í Teslu-íkveikjumáli Fara í mál við íslenska ríkið og Arctic Sea Farm Undirbúa viljayfirlýsingu um jarðgöng í gegnum Reynisfjall Bein útsending: Blaðamannafundur um málefni kennara Dæmdur fyrir að pína konu dögum saman Atvinnuleysi jókst um 0,6 prósentustig á milli mánaða „Fráleitt að halda því fram að þetta muni knésetja útgerðina” Ungmenni kýldi lögreglumann við eftirlit og beit annan Hún er sögð með fagrar línur, vel byggð, háfætt og rennileg Rannsaka neysluvatn í Hveragerði Ósammála hvort að um leiðréttingu sé að ræða Vildi birta upptökur af ofbeldinu: „Fólk þarf að sjá til að skilja“ Laun bæjarstjóra vanvirðing við íbúa Gerandinn ákærður fyrir manndrápstilraun á Vopnafirði Myndefni af heimilisofbeldi, vanvirðing við skattgreiðendur og fegurðardís „Þessi leiðrétting er hið rétta í stöðunni“ Tvíburaforeldrar fái hálft ár í viðbótarorlof Tveimur konum sleppt en fimm dúsa enn inni Ár frá þjófnaðinum í Hamraborg og enginn verið ákærður Líklegast að næsta gos verði stærra en fyrri gos Fólk ekki fasistar þó það eigi Teslu Lýsti áralöngu heimilisofbeldi í pontu Alþingis MAST kærir Kaldvík til lögreglu Aukin harka að færast í undirheimana Lögregla muni reyna að vera orðvarari í samræðum á vettvangi Sjá meira
Þetta kemur fram í gæsluvarðhaldsúrskurði yfir honum sem gerður hefur verið opinber á vef Landsréttar. Málið er komið til meðferðar í Héraðsdómi Reykjavíkur og því ekki lengur rannsóknarhagsmunir í húfi varðandi birtingu upplýsinga í gæsluvarðhaldsúrskurðinum. Um er að ræða timburinnflytjandann Pál Jónsson sem var handtekinn ásamt öðrum þann 4. ágúst. Daginn eftir var hann úrskurðaður í gæsluvarðhald og hefur hann verið í því síðan. Við þingfestingu málsins í síðustu viku byrjaði Páll á því að játa brot sitt að hluta. Unnsteinn Elvarsson, lögmaður hans, greip orðið og áréttaði að hans umbjóðandi neitaði sök hvað þennan hluta málsins ræddi. Átti að fá tíu milljónir, eða fimm Daði Björnsson, þrítugur karlmaður sem er sömuleiðis ákærður, sagðist við þingfestingu í liðinni viku hafa viljað játa sök í þeim þætti ákærunnar sem sneri að fíkniefnainnflutningnum. Hann sagði orðalag í ákærunni ekki gefa honum kost á því og neitaði því sök. Fram kemur í gæsluvarðhaldsúrskurði yfir Daða frá 22. ágúst að Daði hafi skýrt frá aðkomu sinni að málinu í skýrslutöku daginn eftir handtöku þann 4. ágúst. Hann hafi leigt iðnaðarpláss og hans hlutverk verið að opna drumba sem innihéldu einhver ólögleg efni og koma því áleiðis. Daði skýrði frá því að honum hafi verið tjáð að það væri kókaín í drumbunum. Aðspurður hvað þetta var mikið sagðist hann ekki hafa fengið nákvæma tölu, en það átti að vera einhverjir tugir kílóa. Kvaðst hann hafa átt að fá 10 milljónir fyrir þetta. Aftur var tekin skýrsla af kærða 15. ágúst. Þá skýrði Daði frá því að hann hafi átt að fá fimm milljónir fyrir en ekki tíu. Hann hafi farið eftir þeim fyrirmælum sem hann hafi fengið frá samverkamanni sínum. Hann hafi sjálfur ekki vitað magnið af kókaíni. Neitaði fyrst en játaði svo aðild Í gæsluvarðhaldsúrskurði yfir Jóhannesi Páli Durr frá 22. ágúst sem einnig er ákærður í málinu kemur fram að hann hafi upphaflega neitað sök. Aftur hafi verið tekin skýrsla af honum, með viku millibili, og þá hafi hann játað aðild sína að málinu og greint frá hlutverki sínu. Það hafi falist í því að afhenda peninga og koma skilaboðum á milli manna. Þá sæi hann um að útvega farsíma fyrir ákærða Birgi Halldórsson, 27 ára karlmann, og setja upp samskiptaforrit í símum þeirra beggja, sem notuð voru við skipulagningu brotsins. Birgir sagðist við þingfestinguna ekki vera tilbúinn að taka afstöðu til ákærunnar. Ragnar Björgvinsson, verjandi Birgis, boðaði greinargerð þar sem tekin yrði afstaða til málsins. Ekki hefur verið birtur gæsluvarðhaldsúrskurður yfir Birgi. Það gæti einfaldlega skýrst af því að verjandi hans hafi ekki kært gæsluvarðhaldsúrskurð úr héraði til Landsréttar. Aðalmeðferð í málinu fer fram í upphafi janúar. Fréttin hefur verið uppfærð.
Stóra kókaínmálið 2022 Fíkniefnabrot Dómsmál Tengdar fréttir Sakborningar í stóra kókaínmálinu spjölluðu allir við dómara á Skype Sakborningarnir fjórir í stóra kókaínmálinu tóku allir afstöðu til ákærunnar í gegnum fjarfundabúnaðinn Skype þegar málið var þingfest í Héraðsdómi Reykjavíkur í morgun. Þeir sæta ákæru fyrir innflutning á tæplega hundrað kílóum af kókaíni hingað til lands. Þeir voru handteknir í ágúst síðastliðnum. 16. nóvember 2022 10:26 Fjórir ákærðir í stóra kókaínmálinu Héraðssaksóknari hefur ákært fjóra menn í langstærsta kókaínmáli sem upp hefur komið á Íslandi. Farið verður fram á áframhaldandi gæsluvarðhald yfir mönnunum í dag. 28. október 2022 12:45 Mest lesið Dæmdur fyrir að pína konu dögum saman Innlent Vildi birta upptökur af ofbeldinu: „Fólk þarf að sjá til að skilja“ Innlent Segist bera fulla ábyrgð... en samt ekki Erlent Laun bæjarstjóra vanvirðing við íbúa Innlent Tveir neita sök og þriðji hugsar sig um í Teslu-íkveikjumáli Innlent Fara í mál við íslenska ríkið og Arctic Sea Farm Innlent Hún er sögð með fagrar línur, vel byggð, háfætt og rennileg Innlent Áhyggjur af dýravelferð í réttum: Lömb troðast undir í margmenni Innlent Ungmenni kýldi lögreglumann við eftirlit og beit annan Innlent „Fall er fararheill“ Innlent Fleiri fréttir Hvert og eitt sveitarfélag ákveður laun sinna bæjarstjóra „Fall er fararheill“ Börn upplifi sig vanmáttug í samskiptum við réttarkerfið Áhyggjur af dýravelferð í réttum: Lömb troðast undir í margmenni Óttast afleiðingar hærri veiðigjalda Tveir neita sök og þriðji hugsar sig um í Teslu-íkveikjumáli Fara í mál við íslenska ríkið og Arctic Sea Farm Undirbúa viljayfirlýsingu um jarðgöng í gegnum Reynisfjall Bein útsending: Blaðamannafundur um málefni kennara Dæmdur fyrir að pína konu dögum saman Atvinnuleysi jókst um 0,6 prósentustig á milli mánaða „Fráleitt að halda því fram að þetta muni knésetja útgerðina” Ungmenni kýldi lögreglumann við eftirlit og beit annan Hún er sögð með fagrar línur, vel byggð, háfætt og rennileg Rannsaka neysluvatn í Hveragerði Ósammála hvort að um leiðréttingu sé að ræða Vildi birta upptökur af ofbeldinu: „Fólk þarf að sjá til að skilja“ Laun bæjarstjóra vanvirðing við íbúa Gerandinn ákærður fyrir manndrápstilraun á Vopnafirði Myndefni af heimilisofbeldi, vanvirðing við skattgreiðendur og fegurðardís „Þessi leiðrétting er hið rétta í stöðunni“ Tvíburaforeldrar fái hálft ár í viðbótarorlof Tveimur konum sleppt en fimm dúsa enn inni Ár frá þjófnaðinum í Hamraborg og enginn verið ákærður Líklegast að næsta gos verði stærra en fyrri gos Fólk ekki fasistar þó það eigi Teslu Lýsti áralöngu heimilisofbeldi í pontu Alþingis MAST kærir Kaldvík til lögreglu Aukin harka að færast í undirheimana Lögregla muni reyna að vera orðvarari í samræðum á vettvangi Sjá meira
Sakborningar í stóra kókaínmálinu spjölluðu allir við dómara á Skype Sakborningarnir fjórir í stóra kókaínmálinu tóku allir afstöðu til ákærunnar í gegnum fjarfundabúnaðinn Skype þegar málið var þingfest í Héraðsdómi Reykjavíkur í morgun. Þeir sæta ákæru fyrir innflutning á tæplega hundrað kílóum af kókaíni hingað til lands. Þeir voru handteknir í ágúst síðastliðnum. 16. nóvember 2022 10:26
Fjórir ákærðir í stóra kókaínmálinu Héraðssaksóknari hefur ákært fjóra menn í langstærsta kókaínmáli sem upp hefur komið á Íslandi. Farið verður fram á áframhaldandi gæsluvarðhald yfir mönnunum í dag. 28. október 2022 12:45