Flóðgáttirnar opnuðust hjá Tottenham Smári Jökull Jónsson skrifar 4. janúar 2023 22:01 Heung-Min Son fékk loksins að fagna í kvöld. Vísir/Getty Tottenham Hotspur vann 4-0 stórsigur á útivelli gegn Crystal Palace í ensku úrvalsdeildinni í kvöld. Þetta er fyrsti sigur Tottenham eftir að deildin fór af stað á nýjan leik eftir hlé. Tottenham hefur ekki farið neitt sérlega vel af stað í deildinni eftir að hún hófst að nýju í kjölfar pásunnar vegna heimsmeistaramótsins í Katar. Liðið gerði jafntefli gegn Brentford á annan í jólum og tapaði svo fyrir Aston Villa á heimavelli í síðustu umferð. Eftir fyrri hálfleikinn var heldur ekki mikið sem benti til að hlutirnir væru að fara að breytast. Staðan var þá 0-0 og eflaust farið að fara um einhverja stuðningsmenn Tottenham sem og Antonio Conte á hliðarlínunni. Í seinni hálfleik brast hins vegar stíflan. Harry Kane skoraði tvö mörk strax í upphafi seinni hálfleiks, fyrst á 48.mínútu eftir sendingu Ivan Perisic og svo annað mark fimm mínútum seinna eftir sendingu hins unga Bryan Gil. Bakvörðurinn Matt Doherty skoraði þriðja mark Spurs á 68.mínútu og Suður-Kóreumaðurinn Heung-Min Son bætti fjórða markinu við á 72.mínútu. Lokatölur 4-0 Tottenham í vil sem er nú fimm stigum á undan Liverpool í fimmta sæti deildarinnar sem reyndar á leik til góða. Enski boltinn
Tottenham Hotspur vann 4-0 stórsigur á útivelli gegn Crystal Palace í ensku úrvalsdeildinni í kvöld. Þetta er fyrsti sigur Tottenham eftir að deildin fór af stað á nýjan leik eftir hlé. Tottenham hefur ekki farið neitt sérlega vel af stað í deildinni eftir að hún hófst að nýju í kjölfar pásunnar vegna heimsmeistaramótsins í Katar. Liðið gerði jafntefli gegn Brentford á annan í jólum og tapaði svo fyrir Aston Villa á heimavelli í síðustu umferð. Eftir fyrri hálfleikinn var heldur ekki mikið sem benti til að hlutirnir væru að fara að breytast. Staðan var þá 0-0 og eflaust farið að fara um einhverja stuðningsmenn Tottenham sem og Antonio Conte á hliðarlínunni. Í seinni hálfleik brast hins vegar stíflan. Harry Kane skoraði tvö mörk strax í upphafi seinni hálfleiks, fyrst á 48.mínútu eftir sendingu Ivan Perisic og svo annað mark fimm mínútum seinna eftir sendingu hins unga Bryan Gil. Bakvörðurinn Matt Doherty skoraði þriðja mark Spurs á 68.mínútu og Suður-Kóreumaðurinn Heung-Min Son bætti fjórða markinu við á 72.mínútu. Lokatölur 4-0 Tottenham í vil sem er nú fimm stigum á undan Liverpool í fimmta sæti deildarinnar sem reyndar á leik til góða.
Uppgjörið og viðtöl: Stjarnan - Fylkir 1-2 | Fylkir strengdi sterkari líflínu með sigri í Garðabænum Íslenski boltinn
Uppgjörið og viðtöl: Stjarnan - Fylkir 1-2 | Fylkir strengdi sterkari líflínu með sigri í Garðabænum
Uppgjörið og viðtöl: Stjarnan - Fylkir 1-2 | Fylkir strengdi sterkari líflínu með sigri í Garðabænum Íslenski boltinn