Galið að MS hafi aðgang að upplýsingum um nýfædd börn og herji á foreldra Vésteinn Örn Pétursson skrifar 10. apríl 2023 20:48 Hulda gerir athugasemdir við að MS beini spjótum sínum að nýbökuðum foreldrum í þeim tilgangi að selja þeim stoðmjólk. Aðsend Móðir ungs barns er gagnrýnin á bæklinga sem Mjólkursamsalan hefur sent á foreldra ungra barna, þar sem Stoðmjólk, vara frá fyrirtækinu, er auglýst. „Þetta er bæklingur sem ég veit að ég á von á. Ég fékk þetta þegar dóttir mín fæddist fyrir fimm árum og vinkonur mínar sem eru með lítil börn hafa verið að fá þessa bæklinga,“ segir Hulda Jónsdóttir Tölgyes sálfræðingur í samtali við fréttastofu. Hún segist hafa heyrt af því að nýbakaðir foreldrar hafi nýlega fengið stoðmjólkurbæklinga senda heim. Hún segir bæklingasendingar MS koma undarlega fyrir sjónir. Framan á bæklingnum, sem skartar mynd af ungu barni með pela, stendur „MS-stoðmjólk. Barnsins stoð og stytta.“ Hulda vakti fyrst máls á bæklingasendingunum á Twitter. Ég mun sturlast ef MS sendir mér aftur bækling heim um að litla barnið mitt þurfi stoðmjólk úr kú.Í fyrsta lagi: hvernig veit MS að ég var að eignast barn?Í öðru lagi, hafa þau leyfi til að senda mér póst, merktan mér eða nýfæddu barni mínu í markaðsskyni?Þetta er ógeðslegt.— Hulda Tölgyes (@hulda_tolgyes) April 9, 2023 „Ég nota ekki mjólkurvörur og það er örugglega þess vegna sem þetta slær mig svona óþægilega. Það virðist vera að MS fái upplýsingar um hver eignast börn á Íslandi og hvenær, og sé að senda heim til foreldra sex til sjö mánaða barna auglýsingabækling um stoðmjólk, sem er vara frá þeim. Sem er bara galið,“ segir Hulda. Ekki fengust viðbrögð frá MS við vinnslu fréttarinnar en Þjóðskrá býður fyrirtækjum, stofnunum og einstaklingum aðgang að upplýsingum um nýfædd börn gegn gjaldi. Ekki liggur fyrir hvort MS nýti sér þessa þjónustu í markaðsstarfi sínu. Hulda minnist í þessu samhengi á Eimskipahjálmamálið sem vakti mikla athygli fyrir nokkrum árum. Þá kom Reykjavíkurborg í veg fyrir að skólabörn í 1. bekk fengi gefins hjálma frá Eimskipum í samstarfi við Kiwanis-félagið, þar sem hjálmarnir voru merktir félaginu. „Í samhengi við þetta, þá er inni á Heilsuveru talað um Krakkalýsi, sem er vörumerki. Það er mælt með Smjörva, sem er líka vörumerki. Og þetta miðar að börnum, sem mér finnst galið,“ segir Hulda. Hún hefur sent Persónuvernd fyrirspurn vegna málsins. „Ég spyr hvaðan MS fær þessar upplýsingar, af hverju þau hafi aðgang að þeim, og hvers vegna þetta fyrirtæki megi senda svona,“ segir Hulda. Hún tekur þá dæmi og spyr hvers vegna barnavöruverslanir megi ekki senda nýbökuðum foreldrum auglýsingaskeyti inn um lúguna. „Mæður bera oft höfuðábyrgð á næringu ungbarna sinna og það að senda markaðsefni eins og þetta heim til þreyttra mæðra eða feðra í orlofi sem hafa ef til vill ekki tíma og þrek í að setja mörk, tilkynna eða kvarta, er svo mikill yfirgangur.“ Breyttir tímar Hulda segir að það sem mestu máli skipti í þessu samhengi sé að ekki sé um lífsnauðsynlega vöru að ræða. „Umhverfi okkar er þannig í dag að við getum lesið okkur til, valið hvaða næringu við ætlum að gefa og það þarf ekki að ota ákveðinni vöru frá MS að okkur,“ segir Hulda. Í bæklingnum er meðal annars að leiðbeiningar um hvernig stoðmjólkur skal neytt. Neðst í horninu má svo sjá glaðbeitt barn.Aðsend Hulda er vegan, og neytir því engra dýraafurða. Hún segir að í vegansamfélaginu sé fólk alveg meðvitað um að börn þurfi fitusýrur, járn og önnur mikilvæg næringarefni. „En að vera að ota að okkur einhverjum ákveðnum vörum, bara af því að það var þannig í gamla daga, það er bara gamaldags finnst mér og gerir lítið úr þeirri þekkingu sem fólk getur aflað sér sjálft.“ Hún segist þó skilja að um sé að ræða einhverskonar leifar af gömlum tímum. „Við þurftum þetta í gamla daga, sem er skiljanlegt. Við þurftum þetta til að lifa af og það er eitthvað þjóðarstolt í þessu. Maður skilur menninguna og hefðina í þessu, en það eru bara breyttir tímar,“ segir Hulda. Börn og uppeldi Auglýsinga- og markaðsmál Persónuvernd Mest lesið Kínverskir ferðamenn aldrei fleiri: Beint flug hefjist von bráðar Viðskipti innlent Jaguar Land Rover stöðvar sendingar vegna tollahækkana Viðskipti erlent Allt eða ekkert gellan sem er sjúk í Love is Blind Atvinnulíf Eldrauð Kauphöll: Bandaríkjamenn horfi fram á lakari lífskjör Viðskipti innlent Lítið sem ekkert fékkst upp í kröfur í þrotabú bakarísins Viðskipti innlent Fyrsta íslenska grænkera ostagerðin í hættu Viðskipti innlent Guðmundur í Brimi nýr formaður Viðskipti innlent Leiðtogar ESB íhuga háa sekt á X og Musk Viðskipti erlent Verðfall á Wall Street Viðskipti erlent Sættast við Fjármálaeftirlitið og greiða fimmtán milljóna sekt Viðskipti innlent Fleiri fréttir Kínverskir ferðamenn aldrei fleiri: Beint flug hefjist von bráðar Eldrauð Kauphöll: Bandaríkjamenn horfi fram á lakari lífskjör Sættast við Fjármálaeftirlitið og greiða fimmtán milljóna sekt Guðmundur í Brimi nýr formaður Einar Hrafn og Díana Dögg til Reon Kristjana til ÍSÍ Nánast allir telja útgerðirnar geta greitt hærri veiðigjöld Lítið sem ekkert fékkst upp í kröfur í þrotabú bakarísins Kaupmáttur jókst á milli ára Tollastríð geti haft áhrif á vaxtalækkunarferli og íslenska ferðaþjónustu Trump-tollarnir muni ekki kollsteypa útflutningsgreinum Íslands „Svartari sviðsmynd en flestir bjuggust við“ ÍL-sjóður sýknaður í níu dómsmálum Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Sjá meira
„Þetta er bæklingur sem ég veit að ég á von á. Ég fékk þetta þegar dóttir mín fæddist fyrir fimm árum og vinkonur mínar sem eru með lítil börn hafa verið að fá þessa bæklinga,“ segir Hulda Jónsdóttir Tölgyes sálfræðingur í samtali við fréttastofu. Hún segist hafa heyrt af því að nýbakaðir foreldrar hafi nýlega fengið stoðmjólkurbæklinga senda heim. Hún segir bæklingasendingar MS koma undarlega fyrir sjónir. Framan á bæklingnum, sem skartar mynd af ungu barni með pela, stendur „MS-stoðmjólk. Barnsins stoð og stytta.“ Hulda vakti fyrst máls á bæklingasendingunum á Twitter. Ég mun sturlast ef MS sendir mér aftur bækling heim um að litla barnið mitt þurfi stoðmjólk úr kú.Í fyrsta lagi: hvernig veit MS að ég var að eignast barn?Í öðru lagi, hafa þau leyfi til að senda mér póst, merktan mér eða nýfæddu barni mínu í markaðsskyni?Þetta er ógeðslegt.— Hulda Tölgyes (@hulda_tolgyes) April 9, 2023 „Ég nota ekki mjólkurvörur og það er örugglega þess vegna sem þetta slær mig svona óþægilega. Það virðist vera að MS fái upplýsingar um hver eignast börn á Íslandi og hvenær, og sé að senda heim til foreldra sex til sjö mánaða barna auglýsingabækling um stoðmjólk, sem er vara frá þeim. Sem er bara galið,“ segir Hulda. Ekki fengust viðbrögð frá MS við vinnslu fréttarinnar en Þjóðskrá býður fyrirtækjum, stofnunum og einstaklingum aðgang að upplýsingum um nýfædd börn gegn gjaldi. Ekki liggur fyrir hvort MS nýti sér þessa þjónustu í markaðsstarfi sínu. Hulda minnist í þessu samhengi á Eimskipahjálmamálið sem vakti mikla athygli fyrir nokkrum árum. Þá kom Reykjavíkurborg í veg fyrir að skólabörn í 1. bekk fengi gefins hjálma frá Eimskipum í samstarfi við Kiwanis-félagið, þar sem hjálmarnir voru merktir félaginu. „Í samhengi við þetta, þá er inni á Heilsuveru talað um Krakkalýsi, sem er vörumerki. Það er mælt með Smjörva, sem er líka vörumerki. Og þetta miðar að börnum, sem mér finnst galið,“ segir Hulda. Hún hefur sent Persónuvernd fyrirspurn vegna málsins. „Ég spyr hvaðan MS fær þessar upplýsingar, af hverju þau hafi aðgang að þeim, og hvers vegna þetta fyrirtæki megi senda svona,“ segir Hulda. Hún tekur þá dæmi og spyr hvers vegna barnavöruverslanir megi ekki senda nýbökuðum foreldrum auglýsingaskeyti inn um lúguna. „Mæður bera oft höfuðábyrgð á næringu ungbarna sinna og það að senda markaðsefni eins og þetta heim til þreyttra mæðra eða feðra í orlofi sem hafa ef til vill ekki tíma og þrek í að setja mörk, tilkynna eða kvarta, er svo mikill yfirgangur.“ Breyttir tímar Hulda segir að það sem mestu máli skipti í þessu samhengi sé að ekki sé um lífsnauðsynlega vöru að ræða. „Umhverfi okkar er þannig í dag að við getum lesið okkur til, valið hvaða næringu við ætlum að gefa og það þarf ekki að ota ákveðinni vöru frá MS að okkur,“ segir Hulda. Í bæklingnum er meðal annars að leiðbeiningar um hvernig stoðmjólkur skal neytt. Neðst í horninu má svo sjá glaðbeitt barn.Aðsend Hulda er vegan, og neytir því engra dýraafurða. Hún segir að í vegansamfélaginu sé fólk alveg meðvitað um að börn þurfi fitusýrur, járn og önnur mikilvæg næringarefni. „En að vera að ota að okkur einhverjum ákveðnum vörum, bara af því að það var þannig í gamla daga, það er bara gamaldags finnst mér og gerir lítið úr þeirri þekkingu sem fólk getur aflað sér sjálft.“ Hún segist þó skilja að um sé að ræða einhverskonar leifar af gömlum tímum. „Við þurftum þetta í gamla daga, sem er skiljanlegt. Við þurftum þetta til að lifa af og það er eitthvað þjóðarstolt í þessu. Maður skilur menninguna og hefðina í þessu, en það eru bara breyttir tímar,“ segir Hulda.
Börn og uppeldi Auglýsinga- og markaðsmál Persónuvernd Mest lesið Kínverskir ferðamenn aldrei fleiri: Beint flug hefjist von bráðar Viðskipti innlent Jaguar Land Rover stöðvar sendingar vegna tollahækkana Viðskipti erlent Allt eða ekkert gellan sem er sjúk í Love is Blind Atvinnulíf Eldrauð Kauphöll: Bandaríkjamenn horfi fram á lakari lífskjör Viðskipti innlent Lítið sem ekkert fékkst upp í kröfur í þrotabú bakarísins Viðskipti innlent Fyrsta íslenska grænkera ostagerðin í hættu Viðskipti innlent Guðmundur í Brimi nýr formaður Viðskipti innlent Leiðtogar ESB íhuga háa sekt á X og Musk Viðskipti erlent Verðfall á Wall Street Viðskipti erlent Sættast við Fjármálaeftirlitið og greiða fimmtán milljóna sekt Viðskipti innlent Fleiri fréttir Kínverskir ferðamenn aldrei fleiri: Beint flug hefjist von bráðar Eldrauð Kauphöll: Bandaríkjamenn horfi fram á lakari lífskjör Sættast við Fjármálaeftirlitið og greiða fimmtán milljóna sekt Guðmundur í Brimi nýr formaður Einar Hrafn og Díana Dögg til Reon Kristjana til ÍSÍ Nánast allir telja útgerðirnar geta greitt hærri veiðigjöld Lítið sem ekkert fékkst upp í kröfur í þrotabú bakarísins Kaupmáttur jókst á milli ára Tollastríð geti haft áhrif á vaxtalækkunarferli og íslenska ferðaþjónustu Trump-tollarnir muni ekki kollsteypa útflutningsgreinum Íslands „Svartari sviðsmynd en flestir bjuggust við“ ÍL-sjóður sýknaður í níu dómsmálum Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Sjá meira