Rúnar skoraði í þriðja leiknum í röð

Þetta er þriðji leikurinn í röð sem Rúnar skorar í, en hann kom heimamönnum á bragðið um miðjan fyrri hálfleikinn.

Rúnar var svo tekinn af velli þegar um tíu mínútur voru til leiksloka áður en Portúgalinn Ricardinho gulltryggði sigur liðsins með marki á fjórðu mínútu uppbótartíma.

Rúnar og félagar sitja nú í öðru sæti neðri hluta deildarinnar þegar liðið hefur leikið átta leiki eftir að deildinni var skipt upp. Samtals er liðið með 33 stig, einu stigi á eftir Petrolul sem hefur leikið einum leik minna, en tvö efstu liðin úr neðri hlutanum vinna sér inn þátttökurétt í forkeppni Sambandsdeildar Evrópu.