Sendu hjartahlý skilaboð eftir meinta skipulagningu hryðjuverka Jón Þór Stefánsson skrifar 15. september 2023 14:43 Sakborningarnir tveir í hryðjuverkamálinu, Sindri Snær og Ísidór, fylgjast með dagskrárskjá Héraðsdóms Reykjavíkur. Vísir/Vilhelm Einar Oddur Sigurðsson, verjandi Ísidórs Nathanssonar sakbornings í hryðjuverkamálinu, segir að margt sem umbjóðandi hans sé sakaður um sé hreinn tilbúningur. Hann sakar ákæruvaldið um að leggja fram samtöl mannanna, í mörgum tilfellum, á samhengislausan hátt þannig að ekki sé hægt að lesa það á réttan hátt. Þetta kemur fram í greinargerð sem Einar skilaði til Héraðsdóms Reykjavíkur í gær sem fréttastofa hefur undir höndum. Ísidór hefur játað að hafa framið ákveðin vopnalagabrot og fíkniefnalagabrot sem hann er ákærður fyrir, en hann neitar að hafa, ásamt Sindra Snæ Birgissyni, skipulagt hryðjuverk. Þá krefst Einar frávísunar í einhverjum ákæruliðum. Eitt helsta sönnunargagn málsins eru samskipti milli Ísidórs og Sindra á samskiptamiðlinum Signal. Í greinargerð sinni segir Einar að um sé að ræða „óvarlegt samtal þar sem ýmislegt sem telja má ósmekklegt ber á góma.“ Þó segir hann að um sé að ræða ímyndanir, hugleiðingar og fantasíur, sem séu refsilaus háttsemi sem feli ekki í sér ásetning. „Dreymi þig fallega elskulegur“ Greint hefur verið frá því að sakborningarnir séu grunaðir um að skipuleggja hryðjuverk á Hinsegin dögum. Í samskiptum sínum hafi mennirnir talað m að aka vörubíl á „lágmarki 100“ manns og „spreyja 500 skotum og beila á næsta location.“ Í greinargerðinni er efast um að um sé að ræða skipulagða fyrirætlun þar sem að umrætt samtal hafi tekið um það bil eina mínútu. Þá hafi þeir aldrei rætt málefni Hinsegin daga aftur. Þar að auki er bent á að þegar Sindri hafi sent Ísidóri skilaboð varðandi þessa meintu fyrirætlun hafi sá síðarnefndi sýnt takmarkaðan áhuga og svarað háðslega. „Sjáumst í fyrramálið sofðu rótt“ sendi Sindri ásamt hjartatákni (e. emoji) eftir að hafa rætt um að skjóta áðurnefndum 500 skotum. Ísidór svaraði: „Sömuleiðis. Og dreymi þig fallega elskulegur“. Grínuðust með Breivik Í öðru máli þar sem Einar sakar ákæruvaldið um að taka samskipti mannanna úr samhengi, þar sem að sakborningarnir tveir séu í raun að gantast sín á milli, varðar mynd af norska hryðjuverkamanninum Anders Breivik. Sindri sendi mynd af Breivik í einkennisbúningi og Ísidór svaraði: „þvílíkur sjarmur“. Og þá sendi Sindri tilvísanir í hryðjuverkamanninn. „Venju samkvæmt vantar inn í ákæruskjalið allt samhengi.“ segir í greinagerðinni þar sem er bent á að á fyrir umrædd samskipti hafi Sindri grínast með „haustlínuna hjá hugo boss 1937“ og Ísidór svarað: „tímalaus hönnun“ og „krakkinn minn fermir sig svona“. Einnig hafi Sindri sent „minn fermist í justiciar knight uniforminu“ áður en hann sendi myndina. Í greinargerðinni segir að þeir séu „bersýnilega að halda hinum markalausa húmor gangandi.“ Ekki að senda dulinn undirróður Í einum ákæruliðnum er minnst á að Ísidór hafi sent Sindra myndir af þekktum hryðjuverkamönnum. Í greinargerðinni er gefið til kynna að um meme (orð yfir ákveðna tegund skopmynda og brandara sem finna má á netinu) sé að ræða. Þó er tekið fram að á myndum þessum hafi ekki verið að finna textaskilaboð, heldur samsetta mynd þar sem höfuð hryðjuverkamannanna hafi verið klippt yfir á aðra mynd. Því er haldið fram í greinargerðinni að um sé að ræða „sama ósmekklega húmorinn“ sem umlyki allt samtal sakborninganna. Ekki sé um að ræða „einhverskonar dulinn hlutdeildarverknað“ Þá er tekið fram að Ísidór hafni því og telji fjarstæðukennt að um sé að ræða undirróður eða „miðlun á upplýsingum“ sem hafi styrkt þá í meintri skipulagningu sinni á hryðjuverkum. Grunaðir um skipulagningu hryðjuverka Hryðjuverk í Útey Dómsmál Skotvopn Mest lesið Með nettengingu í trássi við öryggisreglur til að komast inn á Signal Erlent Árásarmaðurinn sagður aðhyllast hugmyndir Hitler Erlent Meintir hópnauðgarar á bannlista skemmtistaðar Innlent Neituðu sök en viðurkenna nú að hafa drepið hjálparstarfsmann Erlent Vagga Akureyrarflugs er á Melgerðismelum Innlent Alvarlegt ef þrefalda á strandveiðikvóta á kostnað annarra Innlent Setja þurfi skýrar reglur um sæðisgjöf á Íslandi Innlent Leigubílstjóri og vinur hans dæmdir fyrir nauðgun Innlent Sýknaður af ákæru fyrir kynferðisáreitni gegn barni Innlent „Vladímír, HÆTTU!“ Erlent Fleiri fréttir Vagga Akureyrarflugs er á Melgerðismelum Setja þurfi skýrar reglur um sæðisgjöf á Íslandi Alvarlegt ef þrefalda á strandveiðikvóta á kostnað annarra „Fúsi, aldur og fyrri störf” á Sólheimum um helgina Meintir hópnauðgarar á bannlista skemmtistaðar Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Ármann Leifsson nýr forseti Röskvu Einn handtekinn þegar sérsveitin aðstoðaði í Árnessýslu Svara ákalli foreldra Fjölbreytt dagskrá á vorhátíð í Árborg Umræða um gróf kynferðisbrot eigi ekki að snúast um þjóðerni gerenda Miður að hópnauðganir séu nýttar til að kynda undir útlendingahatur Leigubílstjóri og vinur hans dæmdir fyrir nauðgun Kastaði eggjum í bíl Þurrt og léttskýjað á sumardaginn fyrsta „Það er leitt að sjá á eftir góðu baráttufólki“ Rannsóknaraðgerð lokið en málið enn til rannsóknar Þrír menn til rannsóknar vegna tveggja hópnauðgana Hafa vísað hundrað leigubílstjórum á brott frá flugstöðinni vegna brota á reglum Gríðarlegir fjármunir sveitarfélaga í öryggisvistanir Sérsveitin aðstoðar lögregluna á Suðurlandi Milljarður í kostnað vegna öryggisvistunar og húðflúr í beinni Eva Georgs ráðin dagskrárstjóri sjónvarps hjá RÚV Mótmæla hagræðingum og segja þær bitna á konum Skóflustunga að padelveislu í Kópavogi Sólveig Anna segir skilið við Sósíalista Ríkissaksóknari staðfestir niðurfellingu í stórri slysasleppingu Sjá meira
Þetta kemur fram í greinargerð sem Einar skilaði til Héraðsdóms Reykjavíkur í gær sem fréttastofa hefur undir höndum. Ísidór hefur játað að hafa framið ákveðin vopnalagabrot og fíkniefnalagabrot sem hann er ákærður fyrir, en hann neitar að hafa, ásamt Sindra Snæ Birgissyni, skipulagt hryðjuverk. Þá krefst Einar frávísunar í einhverjum ákæruliðum. Eitt helsta sönnunargagn málsins eru samskipti milli Ísidórs og Sindra á samskiptamiðlinum Signal. Í greinargerð sinni segir Einar að um sé að ræða „óvarlegt samtal þar sem ýmislegt sem telja má ósmekklegt ber á góma.“ Þó segir hann að um sé að ræða ímyndanir, hugleiðingar og fantasíur, sem séu refsilaus háttsemi sem feli ekki í sér ásetning. „Dreymi þig fallega elskulegur“ Greint hefur verið frá því að sakborningarnir séu grunaðir um að skipuleggja hryðjuverk á Hinsegin dögum. Í samskiptum sínum hafi mennirnir talað m að aka vörubíl á „lágmarki 100“ manns og „spreyja 500 skotum og beila á næsta location.“ Í greinargerðinni er efast um að um sé að ræða skipulagða fyrirætlun þar sem að umrætt samtal hafi tekið um það bil eina mínútu. Þá hafi þeir aldrei rætt málefni Hinsegin daga aftur. Þar að auki er bent á að þegar Sindri hafi sent Ísidóri skilaboð varðandi þessa meintu fyrirætlun hafi sá síðarnefndi sýnt takmarkaðan áhuga og svarað háðslega. „Sjáumst í fyrramálið sofðu rótt“ sendi Sindri ásamt hjartatákni (e. emoji) eftir að hafa rætt um að skjóta áðurnefndum 500 skotum. Ísidór svaraði: „Sömuleiðis. Og dreymi þig fallega elskulegur“. Grínuðust með Breivik Í öðru máli þar sem Einar sakar ákæruvaldið um að taka samskipti mannanna úr samhengi, þar sem að sakborningarnir tveir séu í raun að gantast sín á milli, varðar mynd af norska hryðjuverkamanninum Anders Breivik. Sindri sendi mynd af Breivik í einkennisbúningi og Ísidór svaraði: „þvílíkur sjarmur“. Og þá sendi Sindri tilvísanir í hryðjuverkamanninn. „Venju samkvæmt vantar inn í ákæruskjalið allt samhengi.“ segir í greinagerðinni þar sem er bent á að á fyrir umrædd samskipti hafi Sindri grínast með „haustlínuna hjá hugo boss 1937“ og Ísidór svarað: „tímalaus hönnun“ og „krakkinn minn fermir sig svona“. Einnig hafi Sindri sent „minn fermist í justiciar knight uniforminu“ áður en hann sendi myndina. Í greinargerðinni segir að þeir séu „bersýnilega að halda hinum markalausa húmor gangandi.“ Ekki að senda dulinn undirróður Í einum ákæruliðnum er minnst á að Ísidór hafi sent Sindra myndir af þekktum hryðjuverkamönnum. Í greinargerðinni er gefið til kynna að um meme (orð yfir ákveðna tegund skopmynda og brandara sem finna má á netinu) sé að ræða. Þó er tekið fram að á myndum þessum hafi ekki verið að finna textaskilaboð, heldur samsetta mynd þar sem höfuð hryðjuverkamannanna hafi verið klippt yfir á aðra mynd. Því er haldið fram í greinargerðinni að um sé að ræða „sama ósmekklega húmorinn“ sem umlyki allt samtal sakborninganna. Ekki sé um að ræða „einhverskonar dulinn hlutdeildarverknað“ Þá er tekið fram að Ísidór hafni því og telji fjarstæðukennt að um sé að ræða undirróður eða „miðlun á upplýsingum“ sem hafi styrkt þá í meintri skipulagningu sinni á hryðjuverkum.
Grunaðir um skipulagningu hryðjuverka Hryðjuverk í Útey Dómsmál Skotvopn Mest lesið Með nettengingu í trássi við öryggisreglur til að komast inn á Signal Erlent Árásarmaðurinn sagður aðhyllast hugmyndir Hitler Erlent Meintir hópnauðgarar á bannlista skemmtistaðar Innlent Neituðu sök en viðurkenna nú að hafa drepið hjálparstarfsmann Erlent Vagga Akureyrarflugs er á Melgerðismelum Innlent Alvarlegt ef þrefalda á strandveiðikvóta á kostnað annarra Innlent Setja þurfi skýrar reglur um sæðisgjöf á Íslandi Innlent Leigubílstjóri og vinur hans dæmdir fyrir nauðgun Innlent Sýknaður af ákæru fyrir kynferðisáreitni gegn barni Innlent „Vladímír, HÆTTU!“ Erlent Fleiri fréttir Vagga Akureyrarflugs er á Melgerðismelum Setja þurfi skýrar reglur um sæðisgjöf á Íslandi Alvarlegt ef þrefalda á strandveiðikvóta á kostnað annarra „Fúsi, aldur og fyrri störf” á Sólheimum um helgina Meintir hópnauðgarar á bannlista skemmtistaðar Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Ármann Leifsson nýr forseti Röskvu Einn handtekinn þegar sérsveitin aðstoðaði í Árnessýslu Svara ákalli foreldra Fjölbreytt dagskrá á vorhátíð í Árborg Umræða um gróf kynferðisbrot eigi ekki að snúast um þjóðerni gerenda Miður að hópnauðganir séu nýttar til að kynda undir útlendingahatur Leigubílstjóri og vinur hans dæmdir fyrir nauðgun Kastaði eggjum í bíl Þurrt og léttskýjað á sumardaginn fyrsta „Það er leitt að sjá á eftir góðu baráttufólki“ Rannsóknaraðgerð lokið en málið enn til rannsóknar Þrír menn til rannsóknar vegna tveggja hópnauðgana Hafa vísað hundrað leigubílstjórum á brott frá flugstöðinni vegna brota á reglum Gríðarlegir fjármunir sveitarfélaga í öryggisvistanir Sérsveitin aðstoðar lögregluna á Suðurlandi Milljarður í kostnað vegna öryggisvistunar og húðflúr í beinni Eva Georgs ráðin dagskrárstjóri sjónvarps hjá RÚV Mótmæla hagræðingum og segja þær bitna á konum Skóflustunga að padelveislu í Kópavogi Sólveig Anna segir skilið við Sósíalista Ríkissaksóknari staðfestir niðurfellingu í stórri slysasleppingu Sjá meira