Marokkó, Spánn og Portúgal munu halda HM 2030 en fyrstu þrír leikir mótsins fara fram í Úrúgvæ, Argentínu og Paragvæ.
Það er vegna hundrað ára afmælis heimsmeistaramótsins. Það fyrsta fór fram í Úrúgvæ 1930 þar sem heimamenn urðu meistarar eftir sigur á Argentínumönnum í úrslitaleik.
Úrúgvæ, Argentína, Paragvæ, Marokkó, Spánn og Portúgal komast öll sjálfkrafa á HM 2030. Þátttökulið á mótinu verða alls 48.
