Richarlison staðfesti þetta við ESPN í Brasilíu en hann var ónotaður varamaður í leik Tottenham og Chelsea í ensku úrvalsdeildinni í gærkvöldi.
Brasilíski framherjinn hefur ekki náð sér á strik og meiðslin hafa þar mikið um að segja.
„Síðustu mánuðir hafa ekki verið auðveldir fyrir mig,“ sagði Richarlison við ESPN Brasil.
BREAKING: Richarlison has confirmed he is set for surgery on a long-term issue with his pubic bone pic.twitter.com/W1p7sKCJ5E
— Sky Sports News (@SkySportsNews) November 7, 2023
„Ég hef verið í vandræðum með heilsuna. Ég ræddi við læknana og ég fer fljótlega í aðgerð á mjöðm,“ sagði Richarlison.
„Ég hef verið þjáður. Ég hef verið að berjast um sæti mitt í bæði landsliðinu og félagsliðinu undanfarna átta mánuði og hef ekki hugsað nógu vel um mig,“ sagði Richarlison.
„Ég held að það sé best fyrir mig að hvíla og hætta um tíma. Ég mun hugsa um það í nokkra daga og tek síðan þá ákvörðun sem er best fyrir mig,“ sagði Richarlison.
Richarlison komst ekki í nýjasta landsliðshóp Brasilímanna.
„Auðvitað var ég leiður yfir því en ég skil Diniz (Landsliðsþjálfari Brasilíu). Ef ég væri hann þá hefði ég ekki valið mig heldur. Ég hef ekki verið að spila góðan fótbolta. Ég hef bætt mig í síðustu leikjum en á enn langa leið fyrir höndum áður en ég kemst í landsliðstreyjuna aftur,“ sagði Richarlison.
Richarlison concedeu entrevista a @j_castelobranco, foi sincero ao falar sobre sua ausência na lista de convocados por Diniz e afirmou que vai voltar a vestir a camisa da seleção brasileira: 'Não cheguei aqui à toa.'#PremierLeagueNaESPN #FutebolNaESPN pic.twitter.com/LY9JnYph7P
— ESPN Brasil (@ESPNBrasil) November 7, 2023