Neyðarleg staða ef Ísland vinnur í kvöld Sindri Sverrisson skrifar 1. desember 2023 11:30 Íslenska landsliðið vann Wales 1-0 í haust með glæsilegu skallamarki Glódísar Perlu Viggósdóttur. VÍSIR/HULDA MARGRÉT Það er mikið undir hjá íslenska kvennalandsliðinu í fótbolta í kvöld þegar það mætir Wales í hálfgerðum úrslitaleik um að forðast fall niður í B-deild Þjóðadeildar UEFA. Leikdagur! Ísland mætir Wales í dag í Þjóðadeild UEFA. Cardiff City Stadium kl. 19:15. Bein útsending á RÚV. Gameday! We play Wales today in the UEFA Nations League.#dottir pic.twitter.com/x8aUnl6dqd— Knattspyrnusambandið (@footballiceland) December 1, 2023 Liðin eiga ekki lengur von um að ná hinum tveimur liðunum í riðlinum, Danmörku eða Þýskalandi, sem einnig mætast í kvöld í hálfgerðum úrslitaleik um efsta sætið. Í lokaumferð riðilsins næsta þriðjudag sækir Ísland lið Danmerkur heim en Þýskaland mætir Wales. Neðsta liðið í riðlinum fellur niður í B-deild en næstneðsta liðið getur enn haldið sér uppi með sigri í umspili í lok febrúar, gegn liði úr B-deild, og yrði þá í A-deildinni í undankeppni EM á næsta ári. Staðan í riðli Íslands í A-deild Þjóðadeildar þegar tvær umferðir eru eftir. Innbyrðis úrslit ráða ef lið verða jöfn að stigum. Vantar völl ef til umspils kæmi Ísland stendur ágætlega að vígi í baráttunni við Wales, eftir 1-0 sigur á Laugardalsvelli í haust, en ef að Wales vinnur tveggja marka sigur í kvöld dregst Ísland niður í neðsta sæti. Sigur Íslands eða jafntefli tryggir Íslandi hins vegar 3. sætið og þar með sæti í umspilinu. Umspilið fer fram 21. og 28. febrúar, og ef að Ísland fer í það er ljóst að stelpurnar okkar ættu seinni leikinn á heimavelli, 28. febrúar. Það sem er hins vegar ekki ljóst er hvar sá leikur myndi fara fram í ljósi þess aðstöðuleysis sem íslensk knattspyrnulandslið búa við. Laugardalsvöllur er ekki leikhæfur á þessum tíma árs og KSÍ hefur leitað að velli erlendis til að bregðast við þessari neyðarlegu stöðu. Það er fyrsti kostur að spila erlendis, segir Klara Bjartmarz framkvæmdastjóri KSÍ. Mögulega væri þó hægt að fá undanþágu frá UEFA til að spila á gervigrasvelli hér á landi en það þyrfti þá að vera snemma dags vegna þess að flóðlýsing stenst ekki kröfur. „Komi til þess að kvennalandsliðið lendi í þriðja sæti í riðlinum og þurfi að spila heima og heiman í febrúar, höfum við sagt áður, við höfum verið að skoða hvort það þurfi að leika okkar heimaleiki erlendis. Sem væri náttúrulega ótrúlega leiðinlegt - að þær séu að spila gríðarlega mikilvægan leik og geta ekki verið hérna heima með allt okkar fólk að styðja stelpurnar. Það er eitthvað sem neyðin er í raun að reka okkur út í þó okkur langi alls ekki að gera það,“ sagði Vanda Sigurgeirsdóttir, formaður KSÍ, við Vísi í haust. Þau lið sem núna sitja í 2. sæti riðlanna í B-deild, og gætu mögulega dregist gegn Íslandi í umspilinu, eru Ungverjaland, Slóvakía, Serbía og Tékkland. Það skýrist þó betur að lokinni keppni í Þjóðadeildinni næsta þriðjudag. Dýrmætt að halda sér í A-deild Undankeppni EM 2025, sem fram fer í Sviss, verður svo spiluð á næsta ári, með Þjóðadeildarfyrirkomulagi. Aðeins lið úr A-deild munu geta komist beint á EM, þau átta sem enda í efstu tveimur sætum riðlanna fjögurra. Hin átta liðin í A-deildinni fara í tveggja hluta umspil, fyrst við lið úr C-deild og svo við lið úr B-deild. Lið úr B-deild geta í besta falli komist í umspil og myndu þá mæta fyrst öðru liði úr B-deild og svo að öllum líkindum liði úr A-deild. Með því að forðast tap í kvöld, og vinna umspilið í febrúar, myndi Ísland því auðvelda sér mjög leiðina á næsta stórmót. Leikur Wales og Íslands hefst klukkan 19.15 í kvöld og verður í beinni textalýsingu á Vísi. Þjóðadeild kvenna í fótbolta Landslið kvenna í fótbolta Mest lesið Danir ósáttir með mötuneytið í Ólympíuþorpinu: Langar raðir og kjötið kláraðist Handbolti Argentínumenn rændir á meðan þeir voru á æfingu á ÓL Fótbolti Tekur ábyrgð á njósnunum og stýrir Kanada ekki í fyrsta leik Fótbolti Kvennalið Man. Utd. býr og starfar á æfingasvæði enska landsliðsins Enski boltinn „Eðlilegt að leikmenn séu uppgefnir“ Íslenski boltinn Gummi Ben um bekk KR og skilaboð þjálfarans: Það eru krakkar þarna Íslenski boltinn Frönsku stjörnurnar skoruðu í öruggum sigri á Bandaríkjunum Fótbolti Stelpur frá Malaví ryðja brautina á Rey Cup: „Þetta er risastórt“ Fótbolti „Ég held að þetta hafi verið óður til ræstingafólksins“ Íslenski boltinn Mark dæmt af Argentínu löngu eftir leik: „Mesti sirkus sem ég hef orðið vitni að“ Fótbolti Fleiri fréttir Stelpur frá Malaví ryðja brautina á Rey Cup: „Þetta er risastórt“ Kvennalið Man. Utd. býr og starfar á æfingasvæði enska landsliðsins Tekur ábyrgð á njósnunum og stýrir Kanada ekki í fyrsta leik Argentínumenn rændir á meðan þeir voru á æfingu á ÓL „Hér stígum við fast á bensíngjöfina og höldum henni í botni í níutíu mínútur plús“ „Eðlilegt að leikmenn séu uppgefnir“ „Ég held að þetta hafi verið óður til ræstingafólksins“ Uppgjörið: Tindastóll - Valur 1-4 | Meistararnir sigu fram úr í seinni hálfleik Uppgjörið: Keflavík - Þór/KA 0-1 | Norðankonur unnu suður með sjó Frönsku stjörnurnar skoruðu í öruggum sigri á Bandaríkjunum „Bara galið að við fengum ekkert út úr þessum leik“ Uppgjörið: FH - Stjarnan 1-2 | Andrea Mist hetja Garðbæinga Stjörnumenn úttroðnir af upplýsingum um næsta mótherja: „Það voru tveir fundir í gær“ Hert öryggisgæsla í Víkinni: „Finnst þetta aðeins of ýkt“ Tottenham að fá landa Sons Mark dæmt af Argentínu löngu eftir leik: „Mesti sirkus sem ég hef orðið vitni að“ Real fékk Mbappé en Barcelona Mbacke Argentína jafnaði á sextándu mínútu uppbótatímans í fyrsta leik ÓL Framkvæmdastjóri Rey Cup: Landsliðskonur hjálpa við að lokka stórliðin Aston Villa eyðir mest af öllum félögum í Evrópu „Erum andandi ofan í hálsmálið á þeim“ Saka mótherja sína á ÓL um njósnir Ederson spilaði æfingaleik en Pep veit ekki hvort hann verði áfram Aldrei eins margar ábendingar um mismunun á einu tímabili Danny Drinkwater fjárfesti illa og starfar nú sem iðnaðarmaður „Þegar mamma er glöð, þá eru allir glaðir“ „Margt fólk að tjá sig sem veit ekkert“ „Það verða engin vandræði“ þegar Enzo mætir aftur til Chelsea Stærstu deildir Evrópu ætla að kæra FIFA vegna misnotkunar á valdi Morata og Rodri í vandræðum eftir söng sinn um Gíbraltar Sjá meira
Leikdagur! Ísland mætir Wales í dag í Þjóðadeild UEFA. Cardiff City Stadium kl. 19:15. Bein útsending á RÚV. Gameday! We play Wales today in the UEFA Nations League.#dottir pic.twitter.com/x8aUnl6dqd— Knattspyrnusambandið (@footballiceland) December 1, 2023 Liðin eiga ekki lengur von um að ná hinum tveimur liðunum í riðlinum, Danmörku eða Þýskalandi, sem einnig mætast í kvöld í hálfgerðum úrslitaleik um efsta sætið. Í lokaumferð riðilsins næsta þriðjudag sækir Ísland lið Danmerkur heim en Þýskaland mætir Wales. Neðsta liðið í riðlinum fellur niður í B-deild en næstneðsta liðið getur enn haldið sér uppi með sigri í umspili í lok febrúar, gegn liði úr B-deild, og yrði þá í A-deildinni í undankeppni EM á næsta ári. Staðan í riðli Íslands í A-deild Þjóðadeildar þegar tvær umferðir eru eftir. Innbyrðis úrslit ráða ef lið verða jöfn að stigum. Vantar völl ef til umspils kæmi Ísland stendur ágætlega að vígi í baráttunni við Wales, eftir 1-0 sigur á Laugardalsvelli í haust, en ef að Wales vinnur tveggja marka sigur í kvöld dregst Ísland niður í neðsta sæti. Sigur Íslands eða jafntefli tryggir Íslandi hins vegar 3. sætið og þar með sæti í umspilinu. Umspilið fer fram 21. og 28. febrúar, og ef að Ísland fer í það er ljóst að stelpurnar okkar ættu seinni leikinn á heimavelli, 28. febrúar. Það sem er hins vegar ekki ljóst er hvar sá leikur myndi fara fram í ljósi þess aðstöðuleysis sem íslensk knattspyrnulandslið búa við. Laugardalsvöllur er ekki leikhæfur á þessum tíma árs og KSÍ hefur leitað að velli erlendis til að bregðast við þessari neyðarlegu stöðu. Það er fyrsti kostur að spila erlendis, segir Klara Bjartmarz framkvæmdastjóri KSÍ. Mögulega væri þó hægt að fá undanþágu frá UEFA til að spila á gervigrasvelli hér á landi en það þyrfti þá að vera snemma dags vegna þess að flóðlýsing stenst ekki kröfur. „Komi til þess að kvennalandsliðið lendi í þriðja sæti í riðlinum og þurfi að spila heima og heiman í febrúar, höfum við sagt áður, við höfum verið að skoða hvort það þurfi að leika okkar heimaleiki erlendis. Sem væri náttúrulega ótrúlega leiðinlegt - að þær séu að spila gríðarlega mikilvægan leik og geta ekki verið hérna heima með allt okkar fólk að styðja stelpurnar. Það er eitthvað sem neyðin er í raun að reka okkur út í þó okkur langi alls ekki að gera það,“ sagði Vanda Sigurgeirsdóttir, formaður KSÍ, við Vísi í haust. Þau lið sem núna sitja í 2. sæti riðlanna í B-deild, og gætu mögulega dregist gegn Íslandi í umspilinu, eru Ungverjaland, Slóvakía, Serbía og Tékkland. Það skýrist þó betur að lokinni keppni í Þjóðadeildinni næsta þriðjudag. Dýrmætt að halda sér í A-deild Undankeppni EM 2025, sem fram fer í Sviss, verður svo spiluð á næsta ári, með Þjóðadeildarfyrirkomulagi. Aðeins lið úr A-deild munu geta komist beint á EM, þau átta sem enda í efstu tveimur sætum riðlanna fjögurra. Hin átta liðin í A-deildinni fara í tveggja hluta umspil, fyrst við lið úr C-deild og svo við lið úr B-deild. Lið úr B-deild geta í besta falli komist í umspil og myndu þá mæta fyrst öðru liði úr B-deild og svo að öllum líkindum liði úr A-deild. Með því að forðast tap í kvöld, og vinna umspilið í febrúar, myndi Ísland því auðvelda sér mjög leiðina á næsta stórmót. Leikur Wales og Íslands hefst klukkan 19.15 í kvöld og verður í beinni textalýsingu á Vísi.
Þjóðadeild kvenna í fótbolta Landslið kvenna í fótbolta Mest lesið Danir ósáttir með mötuneytið í Ólympíuþorpinu: Langar raðir og kjötið kláraðist Handbolti Argentínumenn rændir á meðan þeir voru á æfingu á ÓL Fótbolti Tekur ábyrgð á njósnunum og stýrir Kanada ekki í fyrsta leik Fótbolti Kvennalið Man. Utd. býr og starfar á æfingasvæði enska landsliðsins Enski boltinn „Eðlilegt að leikmenn séu uppgefnir“ Íslenski boltinn Gummi Ben um bekk KR og skilaboð þjálfarans: Það eru krakkar þarna Íslenski boltinn Frönsku stjörnurnar skoruðu í öruggum sigri á Bandaríkjunum Fótbolti Stelpur frá Malaví ryðja brautina á Rey Cup: „Þetta er risastórt“ Fótbolti „Ég held að þetta hafi verið óður til ræstingafólksins“ Íslenski boltinn Mark dæmt af Argentínu löngu eftir leik: „Mesti sirkus sem ég hef orðið vitni að“ Fótbolti Fleiri fréttir Stelpur frá Malaví ryðja brautina á Rey Cup: „Þetta er risastórt“ Kvennalið Man. Utd. býr og starfar á æfingasvæði enska landsliðsins Tekur ábyrgð á njósnunum og stýrir Kanada ekki í fyrsta leik Argentínumenn rændir á meðan þeir voru á æfingu á ÓL „Hér stígum við fast á bensíngjöfina og höldum henni í botni í níutíu mínútur plús“ „Eðlilegt að leikmenn séu uppgefnir“ „Ég held að þetta hafi verið óður til ræstingafólksins“ Uppgjörið: Tindastóll - Valur 1-4 | Meistararnir sigu fram úr í seinni hálfleik Uppgjörið: Keflavík - Þór/KA 0-1 | Norðankonur unnu suður með sjó Frönsku stjörnurnar skoruðu í öruggum sigri á Bandaríkjunum „Bara galið að við fengum ekkert út úr þessum leik“ Uppgjörið: FH - Stjarnan 1-2 | Andrea Mist hetja Garðbæinga Stjörnumenn úttroðnir af upplýsingum um næsta mótherja: „Það voru tveir fundir í gær“ Hert öryggisgæsla í Víkinni: „Finnst þetta aðeins of ýkt“ Tottenham að fá landa Sons Mark dæmt af Argentínu löngu eftir leik: „Mesti sirkus sem ég hef orðið vitni að“ Real fékk Mbappé en Barcelona Mbacke Argentína jafnaði á sextándu mínútu uppbótatímans í fyrsta leik ÓL Framkvæmdastjóri Rey Cup: Landsliðskonur hjálpa við að lokka stórliðin Aston Villa eyðir mest af öllum félögum í Evrópu „Erum andandi ofan í hálsmálið á þeim“ Saka mótherja sína á ÓL um njósnir Ederson spilaði æfingaleik en Pep veit ekki hvort hann verði áfram Aldrei eins margar ábendingar um mismunun á einu tímabili Danny Drinkwater fjárfesti illa og starfar nú sem iðnaðarmaður „Þegar mamma er glöð, þá eru allir glaðir“ „Margt fólk að tjá sig sem veit ekkert“ „Það verða engin vandræði“ þegar Enzo mætir aftur til Chelsea Stærstu deildir Evrópu ætla að kæra FIFA vegna misnotkunar á valdi Morata og Rodri í vandræðum eftir söng sinn um Gíbraltar Sjá meira