Einkunnir Íslands: Fullkomin frumraun hjá átján ára nýliða Íþróttadeild Stöðvar 2 og Vísis skrifar 5. desember 2023 20:56 Fanney Inga Birkisdóttir og Glódís Perla Viggósdóttir faðmast eftir frábæra frammistöðu í Viborg í kvöld. EPA-EFE/Johnny Pedersen Hin átján ára gamla Fanney Inga Birkisdóttir, fyrirliðinn Glódís Perla Viggósdóttir og markaskorarinn Karólína Lea Vilhjálmsdóttir stóðu upp úr í fræknum 1-0 sigri Íslands gegn Danmörku í kvöld. Ísland gerði Danmörku risastóran grikk með sigrinum, og réttu Þýskalandi hjálparhönd, því Danir hefðu með sigri getað náð efsta sæti riðilsins og komist í úrslit Þjóðadeildarinnar í fótbolta, með möguleika á ólympíusæti. Fanney Inga og Glódís stóðu upp úr aftast á vellinum í þéttri vörn íslenska liðsins sem sá til þess að færi Dana yrðu ekki nægilega góð, og Karólína sýndi á ný sínar bestu hliðar eins og hún gerði á EM í Englandi í fyrra. Einkunnir íslenska liðsins í kvöld má sjá hér að neðan. Einkunnir Íslands: Fanney Inga Birkisdóttir, markvörður: 9 Svo til fullkomin frumraun hjá þessum 18 ára gamla markverði Vals sem öðlast hefur hellings reynslu á þessu tímabili, meðal annars í lokakeppni EM U19. Fanney Inga var öryggið uppmálað allan leikinn, óhrædd við að spila boltanum stutt á samherja þegar það var hægt og við að rífa til sín lausa bolta í teignum. Þurfti sjaldan að verja erfið skot en átti eina frábæra markvörslu. Guðný Árnadóttir, hægri bakvörður: 6 Að mestu örugg í varnarleiknum en mögulega ekki rétt staðsett í sumum tilvikum þegar verjast þurfti fyrirgjöfum frá hinum kantinum. Skilaði litlu fram á við eins og mátti svo sem búast við í svona leik. Guðrún Arnardóttir, hafsent: 7 Gerði engin mistök í vörninni og passar vel saman með Glódísi í miðri vörninni. Saman sáu þær til þess að stöðva fjölda sókna Dana. Glódís Perla Viggósdóttir, hafsent: 9 Yfirburðamaður í varnarleiknum og raunar í algjörum heimsklassa. Alltaf mætt á réttan stað og ef boltinn kemur í loftinu inn í vítateiginn þá skallar Glódís hann, eða þannig var það alla vega í kvöld. Var nálægt því að skora í fyrri hálfleik, með skalla. Sædís Rún Heiðarsdóttir, vinstri bakvörður: 6 Ekki alltaf rétt tengd í varnarleiknum en olli engum stórslysum. Það var þó helst að einhverjar glufur mynduðust í vörninni hennar megin. Átti frábæra sendingu á Karólínu í markinu. Selma Sól Magnúsdóttir, miðjumaður: 7 Búin að festa sig vel í sessi á miðjunni hjá íslenska liðinu, lætur alltaf finna vel fyrir sér og skilaði boltanum ágætlega frá sér. Alexandra Jóhannsdóttir, miðjumaður: 6 Fékk tækifæri í byrjunarliðinu og stóð sig ágætlega en hefði mátt skila meiru fram á við. Gefur ekkert eftir í návígjum. Karólína Lea Vilhjálmsdóttir, framliggjandi miðjumaður: 8 Fengum að sjá þá Karólínu sem hefur verið svo frábær í þýsku deildinni í vetur. Hún var sérstaklega áberandi í fyrri hálfleiknum og ógnandi fram á við, og nýtti svo eina tækifærið sitt í seinni hálfleik til að skora sigurmarkið. Agla María Albertsdóttir, hægri kantur: 6 Nálægt því að skora með góðu skoti í fyrri hálfleiknum en annars ekki mjög áberandi í leiknum. Studdi þó vel við í varnarleiknum. Diljá Ýr Zomers, vinstri kantur: 5 Ekki alveg nógu vel tengd við liðsfélagana í kvöld, bæði í vörn og sókn, og náði ekki alveg að fylgja eftir frammistöðunni gegn Wales þar sem hún skoraði á föstudaginn. Hlín Eiríksdóttir, framherji: 6 Barðist af krafti allan tímann og gerði sérstaklega vel í að halda boltanum í fyrri hálfleik þegar íslenska liðið þurfti að losa boltann fram. Kom hins vegar minna út úr henni fremst á vellinum. Varamenn Íslands: Berglind Rós Ágústsdóttir - Kom inn fyrir Selmu Sól á 70. mínútu: 6 Kom inn í leikinn skömmu áður en markið kom. Þurfti mikið að verjast en skilaði boltanum ágætlega frá sér. Hafrún Rakel Halldórsdóttir - Kom inn fyrir Öglu Maríu á 70. mínútu: 6 Lítt áberandi en dugleg sem fyrr. Ólöf Sigríður Kristinsdóttir - Kom inn fyrir Hlín á 78. mínútu Spilaði ekki nóg til að fá einkunn. Arna Sif Ásgrímsdóttir - Kom inn fyrir Karólínu Leu á 90. mínútu Spilaði ekki nóg til að fá einkunn. Landslið kvenna í fótbolta Þjóðadeild kvenna í fótbolta Mest lesið „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti „Blikaleikir eru aldrei búnir fyrr en það er búið að flauta af“ Fótbolti KR kærir og segir KSÍ mismuna félögum Íslenski boltinn Zirkzee hetjan í sínum fyrsta leik Enski boltinn „Það sjá allir hve mikilvægir varamenn eru“ Enski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn „Gefur okkur bara meiri eld í það að taka stóra bikarinn“ Fótbolti Spánverji til Vestra þremur dögum eftir að glugginn lokaði Íslenski boltinn Albert kynntur til leiks í Flórens Fótbolti Fleiri fréttir „Gefur okkur bara meiri eld í það að taka stóra bikarinn“ „Við erum bikarmeistarar þannig það skiptir ekki máli“ „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Hafa eytt fjörutíu milljörðum í fyrrum lærisveina stjórans Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt Ed Sheeran eignast hlut í ensku félagi en frábiður sér kvart og kvein „Maður er bara stoltur af liðinu“ Sjá meira
Ísland gerði Danmörku risastóran grikk með sigrinum, og réttu Þýskalandi hjálparhönd, því Danir hefðu með sigri getað náð efsta sæti riðilsins og komist í úrslit Þjóðadeildarinnar í fótbolta, með möguleika á ólympíusæti. Fanney Inga og Glódís stóðu upp úr aftast á vellinum í þéttri vörn íslenska liðsins sem sá til þess að færi Dana yrðu ekki nægilega góð, og Karólína sýndi á ný sínar bestu hliðar eins og hún gerði á EM í Englandi í fyrra. Einkunnir íslenska liðsins í kvöld má sjá hér að neðan. Einkunnir Íslands: Fanney Inga Birkisdóttir, markvörður: 9 Svo til fullkomin frumraun hjá þessum 18 ára gamla markverði Vals sem öðlast hefur hellings reynslu á þessu tímabili, meðal annars í lokakeppni EM U19. Fanney Inga var öryggið uppmálað allan leikinn, óhrædd við að spila boltanum stutt á samherja þegar það var hægt og við að rífa til sín lausa bolta í teignum. Þurfti sjaldan að verja erfið skot en átti eina frábæra markvörslu. Guðný Árnadóttir, hægri bakvörður: 6 Að mestu örugg í varnarleiknum en mögulega ekki rétt staðsett í sumum tilvikum þegar verjast þurfti fyrirgjöfum frá hinum kantinum. Skilaði litlu fram á við eins og mátti svo sem búast við í svona leik. Guðrún Arnardóttir, hafsent: 7 Gerði engin mistök í vörninni og passar vel saman með Glódísi í miðri vörninni. Saman sáu þær til þess að stöðva fjölda sókna Dana. Glódís Perla Viggósdóttir, hafsent: 9 Yfirburðamaður í varnarleiknum og raunar í algjörum heimsklassa. Alltaf mætt á réttan stað og ef boltinn kemur í loftinu inn í vítateiginn þá skallar Glódís hann, eða þannig var það alla vega í kvöld. Var nálægt því að skora í fyrri hálfleik, með skalla. Sædís Rún Heiðarsdóttir, vinstri bakvörður: 6 Ekki alltaf rétt tengd í varnarleiknum en olli engum stórslysum. Það var þó helst að einhverjar glufur mynduðust í vörninni hennar megin. Átti frábæra sendingu á Karólínu í markinu. Selma Sól Magnúsdóttir, miðjumaður: 7 Búin að festa sig vel í sessi á miðjunni hjá íslenska liðinu, lætur alltaf finna vel fyrir sér og skilaði boltanum ágætlega frá sér. Alexandra Jóhannsdóttir, miðjumaður: 6 Fékk tækifæri í byrjunarliðinu og stóð sig ágætlega en hefði mátt skila meiru fram á við. Gefur ekkert eftir í návígjum. Karólína Lea Vilhjálmsdóttir, framliggjandi miðjumaður: 8 Fengum að sjá þá Karólínu sem hefur verið svo frábær í þýsku deildinni í vetur. Hún var sérstaklega áberandi í fyrri hálfleiknum og ógnandi fram á við, og nýtti svo eina tækifærið sitt í seinni hálfleik til að skora sigurmarkið. Agla María Albertsdóttir, hægri kantur: 6 Nálægt því að skora með góðu skoti í fyrri hálfleiknum en annars ekki mjög áberandi í leiknum. Studdi þó vel við í varnarleiknum. Diljá Ýr Zomers, vinstri kantur: 5 Ekki alveg nógu vel tengd við liðsfélagana í kvöld, bæði í vörn og sókn, og náði ekki alveg að fylgja eftir frammistöðunni gegn Wales þar sem hún skoraði á föstudaginn. Hlín Eiríksdóttir, framherji: 6 Barðist af krafti allan tímann og gerði sérstaklega vel í að halda boltanum í fyrri hálfleik þegar íslenska liðið þurfti að losa boltann fram. Kom hins vegar minna út úr henni fremst á vellinum. Varamenn Íslands: Berglind Rós Ágústsdóttir - Kom inn fyrir Selmu Sól á 70. mínútu: 6 Kom inn í leikinn skömmu áður en markið kom. Þurfti mikið að verjast en skilaði boltanum ágætlega frá sér. Hafrún Rakel Halldórsdóttir - Kom inn fyrir Öglu Maríu á 70. mínútu: 6 Lítt áberandi en dugleg sem fyrr. Ólöf Sigríður Kristinsdóttir - Kom inn fyrir Hlín á 78. mínútu Spilaði ekki nóg til að fá einkunn. Arna Sif Ásgrímsdóttir - Kom inn fyrir Karólínu Leu á 90. mínútu Spilaði ekki nóg til að fá einkunn.
Landslið kvenna í fótbolta Þjóðadeild kvenna í fótbolta Mest lesið „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti „Blikaleikir eru aldrei búnir fyrr en það er búið að flauta af“ Fótbolti KR kærir og segir KSÍ mismuna félögum Íslenski boltinn Zirkzee hetjan í sínum fyrsta leik Enski boltinn „Það sjá allir hve mikilvægir varamenn eru“ Enski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn „Gefur okkur bara meiri eld í það að taka stóra bikarinn“ Fótbolti Spánverji til Vestra þremur dögum eftir að glugginn lokaði Íslenski boltinn Albert kynntur til leiks í Flórens Fótbolti Fleiri fréttir „Gefur okkur bara meiri eld í það að taka stóra bikarinn“ „Við erum bikarmeistarar þannig það skiptir ekki máli“ „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Hafa eytt fjörutíu milljörðum í fyrrum lærisveina stjórans Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt Ed Sheeran eignast hlut í ensku félagi en frábiður sér kvart og kvein „Maður er bara stoltur af liðinu“ Sjá meira