Gaf allt sem hún var með á sér og fór berfætt heim Magnús Jochum Pálsson skrifar 1. janúar 2024 18:17 Starfsemi Hrefnu í Úganda má rekja til ársins 2012 þegar hún vann í Íslandsbanka. Þar kynntist hún doktor frá Úganda sem vildi ráðast í innbviðauppbyggingu í heimabæ sínum. Hún endaði á að slást í för með manninum og hefur á undanförnum áratug stofnað skóla og heilsugæslu í bænum. Úr einkasafni Hrefna Bachmann, forstjóri og frumkvöðull, ræddi við Einar Bárðarson um verkefni sín í Úganda undanfarinn áratug, stórfellda innviðauppbyggingu í bænum Banda og fólkið sem hún hefur aðstoðað þar. Hrefna Bachmann var gestur Einars Bárðarsonar í áramótaþætti hlaðvarpsins Einmitt. Þar ræddu þau um ævintýrin sem hafa fylgt því að ferðast um og vinna í fimm heimsálfum. Rauði þráður samtalsins eru verkefni Hrefnu í smáþorpinu Banda í Úganda sem hún hefur leitt áfram með fjölskyldu og vinum. „Næst þegar þú ferð kem ég með“ Upphafið að ævintýrinu í Úganda rekur Hrefna til ársins 2012 þegar hún vann í Íslandsbanka. Þau hjónin kynntust þá doktor frá Úganda sem vann í jarðvarmaiðnaði. Sá var elstur fimmtán systkina og var byrjaður á stórfelldri innviðauppbyggingu í heimabæ sínum, Banda. Hrefna heillaðist af sögu mannsins og vildi reyna að leggja eitthvað til málanna. Hrefna Bachmann rekur Sunrise-skólann í Banda ásamt því að vera forstjóri flugrekstrarfyrirtæksisins Tailwind Crew Resources. „Í einhverri rælni sagði ég við hann að næst þegar hann færi að heimsækja þorpið ætti hann að taka mig með. Svo löngu seinna kom tölvupóstur frá honum rétt um það bil sem ég var búin að steingleyma þessu þar sem hann segir að tíminn sé kominn og við séum velkomin að koma með,“ sagði Hrefna í hlaðvarpinu. Hrefna var fyrst hálf tvístígandi en ákvað að slá til. Fyrir ferðina söfnuðu þau hjónin peningum, fatnaði og ýmiss konar búnaði og komu færandi hendi í bæinn. Eftir fyrstu ferðina liðu fjögur ár og þá voru þau hjónin komin aftur til Úganda og nú með hóp vina og fjölskyldur þeirra. Þorvaldur Gissurarson verktaki hafði fyllt allar sínar ferðatöskur af verkfærum til að láta verkin tala og þá náði hópurinn verulegum árangri. Síðasta áratug hefur Hrefna farið nokkrar ferðir til þorpsins og tekið þátt í uppbyggingu skóla, heilsugæslu og íbúðarhúsnæðis. Bjargað fleiri en einu mannslífi Hrefna segir frá því í hlaðvarpinu að í einni ferðinni til Úganda fyrir sex árum fannst ungabarn úti á götu sem var vart hugað lífi. Stúlkubarnið var flutt á heilsugæsluna með hraði og þar tókst að bjarga henni. Foreldrar stúlkunnar fundust hins vegar ekki. Þá kom til skjalanna kona sem var kennari við skólann sem þau höfðu byggt. Sú var þá búin að taka að sér fimm munaðarlaus börn og við það að fara að taka inn það sjötta. Hrefna og samferðafólk hennar frá Íslandi ákváðu á staðnum að byggja lítið hús fyrir konuna þannig að hún gæti alið börnin upp í húsi en ekki í kofa. Kennarinn sem hefur tekið að sér sex munaðarlaus börn í þorpinu ásamt fjórum barnanna.Úr einkasafni „Núna í síðustu ferðinni minni fór ég og heimsótti þessa konu og börnin. Litla stúlkan sem hafði fundist á götunni var orðin sex ára og í þessari ferð útveguðum við dýnur í húsið fyrir þær. Þessi kona er ennþá að kenna við Sunrise skólann,” segir Hrefna. Gaf allt frá sér og fór berfætt heim Fyrsta ferð Hrefnu eftir Covid-faraldurinn var henni erfið en í faraldrinum segir hún að það hafi ekki mátt reka heimavistina og grunnskólann. Stór hópur ungra stúlkna í þorpinu orðið óléttur og í mörgum tilfellum eftir einhvern nákominn þeim. „Það tók mjög mikið á að horfa upp á þetta og mér fannst við hafa farið mörg skref aftur á bak,” sagði Hrefna sem segist þó hafa verið mjög vel undirbúin andlega fyrir þá ferð. Þær stúlkur sem verða óléttar verða þar að auki fyrir útskúfun innan fjölskylda sinna. Hrefna segist hafa orðið meyr í ferðinni og gefið nánast allt sem hún var með á sér. Hún hafi meira að segja gefið skóna sína og farið berfætt heim. Rotta eini félagsskapur 109 ára gamals manns Í síðustu ferðinni sem Hrefna fór um svæðið heimsóttu þau 109 ára gamlan mann sem var eini eftirlifandi meðlimur fjölskyldu sinnar. Hann var daufblindur og bjó einn í kofa við afar bágar aðstæður. Samstarfsfólki Hrefnu hafði tekist að bjarga fæti mannsins eftir að drep hafði komist í hann. Maðurinn sem Hrefna reyndi að hjálpa en endaði á að reita til reiði.Úr einkasafni Hrefna segist hafa fundið mikið til með manninum og langaði að gera síðustu æviár hans bærilegri. Hún fór því og keypti dýnu og teppi handa manninum. Þegar hún kom til mannsins daginn eftir hafi hann orðið mjög órólegur og þegar gamli spýtubeddinn hans var fjarlægður kom í ljós rotta sem flúði í hamaganginum. Gamli maðurinn reiddist þá Hrefnu og öskraði á hana. Hrefna hafi þá uppgötvað að rottan sem þau höfðu hrætt á brott væri eini félagsskapur mannsins. Við nánari skoðun hafi svo komið í ljós að fingur og tær gamla mannsins bæru þess merki að rottan hefði verið að narta í útlimina hans. „Það brotnaði eitthvað í mér þarna,“ segir Hrefna enda hafi hún ekki hlustað á ráðleggingar kollega sinna. Ákveðið að hjálpa þessum manni frekar en öðrum og farið inn í aðstæður sem hún hefði ekki stjórn á. Ómögulegt verkefni Eins og staðan er núna segir Hrefna að skólinn sem stofnuðu sé orðinn sjálfbær en heilsugæslan sé það ekki. Þegar Einar spyr út í stærð vandans í þorpinu segir Hrefna að þetta sé nánast „misson impossible” en „ef allir gera eitthvað, þá gerir það gagn og ég held að allir þessir vinir mínir sem hafa lagt okkur lið átti sig ekki á því hvað þetta er í raun ótrúlega mikið þó þetta sé ekki mikil fórn hjá hverjum og einum.“ Hrefna segir að það sé erfitt að skilja við þorpið í hvert sinn og að hún sé hálf „hooked“ í að fara aftur. Hrefna segist vera næstum háð því að hjálpa fólkinu í Banda. Það gefi henni mikið að hjálpa.Úr einkasafni Úganda Hjálparstarf Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Halla Tómasdóttir kjörin forseti Innlent Fólk hafi kosið taktískt gegn Katrínu Innlent Batt á sig klút til heiðurs Höllu Innlent Hópur ungmenna réðst á starfsmann veitingastaðar Innlent Augljóst að kjósendur vilja konu sem næsta forseta Innlent Telur fylgið hafa farið á dreifingu vegna fjölda frambjóðenda Innlent Bein útsending: Kosningasjónvarp Stöðvar 2 Innlent Segir klútabyltinguna vera hafna Innlent Fyrstu tölur úr Suðvesturkjördæmi: Minnsti munurinn á Höllu og Katrínu hingað til Innlent Segir allt stefna í að Halla Tómasdóttir verði forseti Innlent Fleiri fréttir Eiríkur Ingi nýr handhafi mets sem enginn vill eiga Kosningarnar gerðar upp Hópur ungmenna réðst á starfsmann veitingastaðar Batt á sig klút til heiðurs Höllu Fólk hafi kosið taktískt gegn Katrínu Augljóst að kjósendur vilja konu sem næsta forseta Segir allt stefna í að Halla Tómasdóttir verði forseti Fyrstu tölur úr Suðvesturkjördæmi: Minnsti munurinn á Höllu og Katrínu hingað til Katrín ávarpaði stuðningsmenn: „Ég sé ekki eftir þessu“ Telur fylgið hafa farið á dreifingu vegna fjölda frambjóðenda Fyrstu tölur úr Norðvesturkjördæmi: Halla Tómasdóttir efst Fyrstu tölur úr Reykjavík norður: Halla Tómasdóttir er efst Katrín sér ekki eftir framboði sínu Fyrstu tölur úr Reykjavík suður: Halla Tómasdóttir með flest atkvæði Telur taktíska kosningu hafa unnið gegn sér Segir klútabyltinguna vera hafna Fyrstu tölur úr Suðurkjördæmi: Halla Tómasdóttir með flest atkvæði Fyrstu tölur úr Norðausturkjördæmi: Halla Tómasdóttir efst Halla Hrund: „Þetta ferðalag mun binda okkur saman út ævina“ Bein útsending: Kosningasjónvarp Stöðvar 2 Alls konar dýnamík geti komið inn við myndun tveggja turna Beið í klukkustund eftir að fá að kjósa „Galið! Kosningar eru greinilega ekki fyrir öll!“ Mætti á kjörstað en fékk þau svör að hún væri búin að kjósa Ráðinn slökkviliðsstjóri á Suðurnesjum Skipuð í embætti fiskistofustjóra Kjörsókn utankjörfundar minni en 2020 Sársvekktur að hafa ekki getað kosið í Mývatnssveit Allt um æsispennandi forsetakosningar og leik ársins í fótboltanum Skili embættinu þannig að nýr forseti og þjóðin geti vel við unað Sjá meira
Hrefna Bachmann var gestur Einars Bárðarsonar í áramótaþætti hlaðvarpsins Einmitt. Þar ræddu þau um ævintýrin sem hafa fylgt því að ferðast um og vinna í fimm heimsálfum. Rauði þráður samtalsins eru verkefni Hrefnu í smáþorpinu Banda í Úganda sem hún hefur leitt áfram með fjölskyldu og vinum. „Næst þegar þú ferð kem ég með“ Upphafið að ævintýrinu í Úganda rekur Hrefna til ársins 2012 þegar hún vann í Íslandsbanka. Þau hjónin kynntust þá doktor frá Úganda sem vann í jarðvarmaiðnaði. Sá var elstur fimmtán systkina og var byrjaður á stórfelldri innviðauppbyggingu í heimabæ sínum, Banda. Hrefna heillaðist af sögu mannsins og vildi reyna að leggja eitthvað til málanna. Hrefna Bachmann rekur Sunrise-skólann í Banda ásamt því að vera forstjóri flugrekstrarfyrirtæksisins Tailwind Crew Resources. „Í einhverri rælni sagði ég við hann að næst þegar hann færi að heimsækja þorpið ætti hann að taka mig með. Svo löngu seinna kom tölvupóstur frá honum rétt um það bil sem ég var búin að steingleyma þessu þar sem hann segir að tíminn sé kominn og við séum velkomin að koma með,“ sagði Hrefna í hlaðvarpinu. Hrefna var fyrst hálf tvístígandi en ákvað að slá til. Fyrir ferðina söfnuðu þau hjónin peningum, fatnaði og ýmiss konar búnaði og komu færandi hendi í bæinn. Eftir fyrstu ferðina liðu fjögur ár og þá voru þau hjónin komin aftur til Úganda og nú með hóp vina og fjölskyldur þeirra. Þorvaldur Gissurarson verktaki hafði fyllt allar sínar ferðatöskur af verkfærum til að láta verkin tala og þá náði hópurinn verulegum árangri. Síðasta áratug hefur Hrefna farið nokkrar ferðir til þorpsins og tekið þátt í uppbyggingu skóla, heilsugæslu og íbúðarhúsnæðis. Bjargað fleiri en einu mannslífi Hrefna segir frá því í hlaðvarpinu að í einni ferðinni til Úganda fyrir sex árum fannst ungabarn úti á götu sem var vart hugað lífi. Stúlkubarnið var flutt á heilsugæsluna með hraði og þar tókst að bjarga henni. Foreldrar stúlkunnar fundust hins vegar ekki. Þá kom til skjalanna kona sem var kennari við skólann sem þau höfðu byggt. Sú var þá búin að taka að sér fimm munaðarlaus börn og við það að fara að taka inn það sjötta. Hrefna og samferðafólk hennar frá Íslandi ákváðu á staðnum að byggja lítið hús fyrir konuna þannig að hún gæti alið börnin upp í húsi en ekki í kofa. Kennarinn sem hefur tekið að sér sex munaðarlaus börn í þorpinu ásamt fjórum barnanna.Úr einkasafni „Núna í síðustu ferðinni minni fór ég og heimsótti þessa konu og börnin. Litla stúlkan sem hafði fundist á götunni var orðin sex ára og í þessari ferð útveguðum við dýnur í húsið fyrir þær. Þessi kona er ennþá að kenna við Sunrise skólann,” segir Hrefna. Gaf allt frá sér og fór berfætt heim Fyrsta ferð Hrefnu eftir Covid-faraldurinn var henni erfið en í faraldrinum segir hún að það hafi ekki mátt reka heimavistina og grunnskólann. Stór hópur ungra stúlkna í þorpinu orðið óléttur og í mörgum tilfellum eftir einhvern nákominn þeim. „Það tók mjög mikið á að horfa upp á þetta og mér fannst við hafa farið mörg skref aftur á bak,” sagði Hrefna sem segist þó hafa verið mjög vel undirbúin andlega fyrir þá ferð. Þær stúlkur sem verða óléttar verða þar að auki fyrir útskúfun innan fjölskylda sinna. Hrefna segist hafa orðið meyr í ferðinni og gefið nánast allt sem hún var með á sér. Hún hafi meira að segja gefið skóna sína og farið berfætt heim. Rotta eini félagsskapur 109 ára gamals manns Í síðustu ferðinni sem Hrefna fór um svæðið heimsóttu þau 109 ára gamlan mann sem var eini eftirlifandi meðlimur fjölskyldu sinnar. Hann var daufblindur og bjó einn í kofa við afar bágar aðstæður. Samstarfsfólki Hrefnu hafði tekist að bjarga fæti mannsins eftir að drep hafði komist í hann. Maðurinn sem Hrefna reyndi að hjálpa en endaði á að reita til reiði.Úr einkasafni Hrefna segist hafa fundið mikið til með manninum og langaði að gera síðustu æviár hans bærilegri. Hún fór því og keypti dýnu og teppi handa manninum. Þegar hún kom til mannsins daginn eftir hafi hann orðið mjög órólegur og þegar gamli spýtubeddinn hans var fjarlægður kom í ljós rotta sem flúði í hamaganginum. Gamli maðurinn reiddist þá Hrefnu og öskraði á hana. Hrefna hafi þá uppgötvað að rottan sem þau höfðu hrætt á brott væri eini félagsskapur mannsins. Við nánari skoðun hafi svo komið í ljós að fingur og tær gamla mannsins bæru þess merki að rottan hefði verið að narta í útlimina hans. „Það brotnaði eitthvað í mér þarna,“ segir Hrefna enda hafi hún ekki hlustað á ráðleggingar kollega sinna. Ákveðið að hjálpa þessum manni frekar en öðrum og farið inn í aðstæður sem hún hefði ekki stjórn á. Ómögulegt verkefni Eins og staðan er núna segir Hrefna að skólinn sem stofnuðu sé orðinn sjálfbær en heilsugæslan sé það ekki. Þegar Einar spyr út í stærð vandans í þorpinu segir Hrefna að þetta sé nánast „misson impossible” en „ef allir gera eitthvað, þá gerir það gagn og ég held að allir þessir vinir mínir sem hafa lagt okkur lið átti sig ekki á því hvað þetta er í raun ótrúlega mikið þó þetta sé ekki mikil fórn hjá hverjum og einum.“ Hrefna segir að það sé erfitt að skilja við þorpið í hvert sinn og að hún sé hálf „hooked“ í að fara aftur. Hrefna segist vera næstum háð því að hjálpa fólkinu í Banda. Það gefi henni mikið að hjálpa.Úr einkasafni
Úganda Hjálparstarf Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Halla Tómasdóttir kjörin forseti Innlent Fólk hafi kosið taktískt gegn Katrínu Innlent Batt á sig klút til heiðurs Höllu Innlent Hópur ungmenna réðst á starfsmann veitingastaðar Innlent Augljóst að kjósendur vilja konu sem næsta forseta Innlent Telur fylgið hafa farið á dreifingu vegna fjölda frambjóðenda Innlent Bein útsending: Kosningasjónvarp Stöðvar 2 Innlent Segir klútabyltinguna vera hafna Innlent Fyrstu tölur úr Suðvesturkjördæmi: Minnsti munurinn á Höllu og Katrínu hingað til Innlent Segir allt stefna í að Halla Tómasdóttir verði forseti Innlent Fleiri fréttir Eiríkur Ingi nýr handhafi mets sem enginn vill eiga Kosningarnar gerðar upp Hópur ungmenna réðst á starfsmann veitingastaðar Batt á sig klút til heiðurs Höllu Fólk hafi kosið taktískt gegn Katrínu Augljóst að kjósendur vilja konu sem næsta forseta Segir allt stefna í að Halla Tómasdóttir verði forseti Fyrstu tölur úr Suðvesturkjördæmi: Minnsti munurinn á Höllu og Katrínu hingað til Katrín ávarpaði stuðningsmenn: „Ég sé ekki eftir þessu“ Telur fylgið hafa farið á dreifingu vegna fjölda frambjóðenda Fyrstu tölur úr Norðvesturkjördæmi: Halla Tómasdóttir efst Fyrstu tölur úr Reykjavík norður: Halla Tómasdóttir er efst Katrín sér ekki eftir framboði sínu Fyrstu tölur úr Reykjavík suður: Halla Tómasdóttir með flest atkvæði Telur taktíska kosningu hafa unnið gegn sér Segir klútabyltinguna vera hafna Fyrstu tölur úr Suðurkjördæmi: Halla Tómasdóttir með flest atkvæði Fyrstu tölur úr Norðausturkjördæmi: Halla Tómasdóttir efst Halla Hrund: „Þetta ferðalag mun binda okkur saman út ævina“ Bein útsending: Kosningasjónvarp Stöðvar 2 Alls konar dýnamík geti komið inn við myndun tveggja turna Beið í klukkustund eftir að fá að kjósa „Galið! Kosningar eru greinilega ekki fyrir öll!“ Mætti á kjörstað en fékk þau svör að hún væri búin að kjósa Ráðinn slökkviliðsstjóri á Suðurnesjum Skipuð í embætti fiskistofustjóra Kjörsókn utankjörfundar minni en 2020 Sársvekktur að hafa ekki getað kosið í Mývatnssveit Allt um æsispennandi forsetakosningar og leik ársins í fótboltanum Skili embættinu þannig að nýr forseti og þjóðin geti vel við unað Sjá meira