Enski boltinn

„Ætlarðu bara að dandalast enda­laust í ræktinni?“

Ingvi Þór Sæmundsson skrifar
Jesse Lingard er alltaf virkur á samfélagsmiðlum.
Jesse Lingard er alltaf virkur á samfélagsmiðlum. getty/Catherine Ivill

Paul Scholes gat ekki stillt sig um að skjóta á annan fyrrverandi leikmann Manchester United, Jesse Lingard, í nýlegri færslu þess síðarnefnda á Instagram.

Lingard birti nokkrar myndir af sér í ræktinni í Dúbaí í Sameinuðu arabísku furstadæmunum. Scholes þótti ekki mikið til þeirra koma og lét Lingard aðeins heyra það.

„Ætlarðu bara að dandalast endalaust í ræktinni eða ætlarðu að spila fótbolta?“ skrifaði Scholes í athugasemd við færsluna.

Lingard hefur ekki spilað fótbolta síðan á síðasta tímabili þegar hann lék með Nottingham Forest. Hann hefur æft með West Ham United og Al-Ettihaq í Sádi-Arabíu en ekki skrifað neins staðar undir samning.

Hinn 31 árs Lingard hefur meðal annars verið orðaður við Everton og lið í MLS-deildinni í Bandaríkjunum.

Enski boltinn Fótbolti

Mest lesið


Fleiri fréttir

Sjá meira


×

Mest lesið