Við kíkjum til Grindavíkur og í Bláa Lónið í kvöldfréttum Stöðvar 2 og ræðum við Víði Reynisson um stöðu mála í beinni.
Faðir drengs sem lést af slysförum á síðasta ári segir síðustu mánuði hafa verið erfiða. Við hittum foreldrana sem minntust hans á veitingastað fjölskyldunnar í tilefni þess að Ibrahim hefði orðið níu ára í dag.
Árið 2023 var hlýjasta ár frá upphafi mælinga og er hlýnunin nærri viðmiði Parísarsáttmálans. Formaður Landverndar mætir í myndver og fer yfir málið.
Þá skoðum við flugeldaruslið sem liggur enn á víð og dreif, hittum mótmælendur á Austurvelli og kíkjum á miklar framkvæmdir við sundlaugina á Sauðarkróki.
Í Íslandi í dag hittum við aðstoðarskólastjóra Réttarholtsskóla sem segir að kennarar, skólastjórnendur og embættismenn verði að taka ábyrgð á lélegu gengi nemenda í Pisa-könnunum.
Þetta og margt fleira á samtengdum rásum Bylgjunnar og Stöðvar 2 klukkan 18:30.
