Við ræðum við dómsmálaráðherra um málið í kvöldfréttum Stöðvar 2 klukkan 18:30. Þá mætir Arndís Anna Kristínardóttir Gunnarsdóttir þingmaður Pírata í myndver og fer yfir hin umdeildu fjölskyldusameiningarmál.
Nokkrir íbúar í miðbæ Reykjavíkur eru ósáttir við að fá ekki lengur að leggja í stæði á einkalóðum sínum. Borgin segir stæðin ólögleg. Þegar nágrannar kvarti svo yfir því að lagt sé í stæðin, sé ekkert annað í stöðunni en að sekta.
Við kíkjum einnig á UT Messuna í Hörpu, þar sem nýjustu uppfinningar íslenskra tæknifyrirtækja voru til sýnis, verðum í beinni frá upphitunarpartíi fyrir Norðurljósahlaup í Miðborginni og fylgjumst með borun eftir heitu vatni við bakka Ölfusár.
