Ný stefna, nýtt nafn og nýtt merki: „Við erum aflvaki sjálfbærrar framtíðar“ Árni Sæberg skrifar 7. febrúar 2024 14:28 Forstjórinn kynnir stefnubreytinguna. Orkuveitan/OSSO Síðustu vikur og mánuði hefur farið fram mikil vinna við nýja stefnu Orkuveitu Reykjavíkur. Meðfram nýrri stefnu hefur ásýnd fyrirtækisins verið endurmörkuð. Héðan af verður það kallað Orkuveitan í daglegu tali, nýtt merki hefur verið hannað og einkennislitnum breytt úr bláum í grænan. Þá hefur setningin „Við erum aflvaki sjálfbærrar framtíðar“ verið gerð að eins konar einkunnarorðum Orkuveitunnar. Ný stefna og ný ásýnd Orkuveitunnar voru kynntar starfsmönnum á liðsheildardegi á laugardag, sem lauk með árshátíð. Vísi barst til eyrna að margt áhugavert hefði komið fram á kynningunni og sló því á þráðinn til Breka Logasonar, stjórnanda samskipta og samfélags hjá Orkuveitunni. Breki Logason er stjórnandi samskipta og samfélags hjá Orkuveitunni.Orkuveitan/Atli Már Hafsteinsson Hann segir að stefnumótunarvinna hafi hafist fyrir nokkrum mánuðum, upphaflega í gegnum vaxtarsprotaprógramm Orkuveitunnar með aðkomu starfsfólks þvert á fyrirtækið. KPMG hafi leitt þá vinnu og síðar hafi framkvæmdastjórar í fyrirtækinu, stjórnir móðurfélags og dótturfélaga ásamt eigendum fyrirtækisins komið að borðinu. Þetta er svokölluð skjáhvíla, sem mun skreyta tölvur starfsmanna þegar þær eru ekki í notkun.Orkuveitan Niðurstaða þeirrar vinnu hafi verið: „Við erum aflvaki sjálfbærrar framtíðar.“ Á vef Orkuveitunnar má sjá nýja stefnu fyrirtækisins. Breki segir að á næstu vikum verði ný stefna og ný ásýnd kynnt með formlegum hætti út á við. Hundrað ára frumkvöðull Breki segir að til þess að endurspegla betur áherslur Orkuveitunnar í nýrri stefnu hafi verið ákveðið að fara í endurmörkun á vörumerkinu. Sú endurmörkun sé byggð á stefnunni og Brú Strategy hafi unnið það með Orkuveitunni. „Orkuveitan er hundrað ára frumkvöðull. Saga Orkuveitunnar er samtvinnuð sögu framfara og framsýni í íslensku samfélagi og innblástur endurmörkunarinnar var sóttur bæði í ríka arfleið og framtíðarsýn. Nýju merki Orkuveitunnar er ætlað að vera táknmynd nýrra tíma sem byggir á sterkum grunni og er aflvaki framfara, nýsköpunar og samstarfs. Græni liturinn setur margvíslega orku og sjálfbærni í forgrunn og staðsetur rótgróið fyrirtæki í fremstu röð frumkvöðlafyrirtækja með nútímalegum hætti.“ Breki segir að innblástur nýs merkis hafi verið sóttur í hreyfingu og samstarf Orkuveitunnar við viðskiptavini sína og samstarfsaðila. Merkið byggi á sterkri arfleifð Orkuveitunnar en lögun merkisins vísi í eldri útgáfur merkja samsteypunnar. Nýtt merki og einkennislitur Orkuveitunnar.Orkuveitan Orkuveitan sé grunnkraftur og aflvaki sem sjái um að veita orku til metnaðarfullra viðskiptavina og samfélagsins alls. Nýtt merki sé táknmynd þessarar sífelldu hreyfingar. Akranes og Borgarbyggð fá að vera með Breki segir að lögformlegt heiti fyrirtækisins verði áfram Orkuveita Reykjavíkur en í öllu efni sem fer frá fyrirtækinu og í daglegu tali verði heitið Orkuveitan notað. Eignarhaldið á fyrirtækinu sé með þeim hætti að Akranes og Borgarbyggð séu í eigendahópi ásamt Reykjavík og því hafi þótt eðlilegt að skoða það. Orkuveitan sé enn fremur að þjónusta og í viðskiptum við fleiri sveitarfélög en Reykjavík. Enskt heiti félagsins verði áfram Reykjavík Energy. Horfa á árangur annarra „Í takt við nýjar stefnuáherslur til sjálfbærrar framtíðar fær Orkuveitan nýja ásýnd. Endurmörkun á vörumerkinu er byggð á nýrri stefnu Orkuveitunnar og er ætlað að endurspegla hana. Framtíðarhugsun, enn frekari áhersla á nýsköpun, sjálfbærni og samstarf. Allt eru þetta hlutir sem eru okkar ofarlega í huga en það eru líka viðskiptavinir okkar. Sævar Freyr Þráinsson, forstjóri Orkuveitunnar.Orkuveitan/OSSO Ný stefna gengur einfaldlega út á að við horfum á árangur annarra. Vegna þess að við viljum vera góður samstarfsaðili sem stuðlar að framgangi samfélaga. Okkar árangur er mældur í árangri annarra. Hvort sem það eru sveitarfélög, fyrirtæki, einstaklingar eða starfsfólk - allt sem við gerum er með hag viðskiptavina okkar að leiðarljósi,“ segir Sævar Freyr Þráinsson, forstjóri Orkuveitunnar um breytingarnar. Orkumál Auglýsinga- og markaðsmál Reykjavík Borgarbyggð Akranes Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Staðreyndum snúið á hvolf til að eigna ríkisstjórninni verðbólguna Viðskipti innlent Seðlabankinn hafi ekki önnur úrræði en að lækka vexti Viðskipti innlent Litlu fyrirtækin: Upplifa sjálfbærni sem aukavinnu og vesen Atvinnulíf Tónleikastöðum fækkar: „Þetta er bara sorgleg þróun“ Viðskipti innlent Telja minni líkur á samdrætti í ferðaþjónustu með aukinni kortaveltu Viðskipti innlent Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur „Svartir sauðir“: Neytendasamtökin vara fólk við því að versla við sjö nafngreind fyrirtæki Neytendur Spá áframhaldandi óbreyttum stýrivöxtum í næstu viku Viðskipti innlent Fleiri fréttir Telja minni líkur á samdrætti í ferðaþjónustu með aukinni kortaveltu Ósáttur við að fyrrum eigandi Skagans 3X standi í vegi endurreisnar Staðreyndum snúið á hvolf til að eigna ríkisstjórninni verðbólguna Seðlabankinn hafi ekki önnur úrræði en að lækka vexti Tónleikastöðum fækkar: „Þetta er bara sorgleg þróun“ Spá áframhaldandi óbreyttum stýrivöxtum í næstu viku Tryggja sér 650 milljóna króna fjármögnun „Allt að því galið“ að taka ekki þátt í séreignarsparnaði Þórhallur ráðinn fjármálastjóri SORPU Ætla að lækka verð með ungverskum tannlæknum Hefja sölu áfengis á næstu tveimur vikum Atvinnuleysi mest á Suðurnesjum og minnst á Norðurlandi vestra Afnám tolla myndi gera út af við íslenskan landbúnað Bjóða upp á langlægsta verðið en samkeppnisaðilar óttast ekkert Upplifunin verði eins og að fara í búð í útlöndum Kominn tími til að Hopp og Zolo fái samkeppni Evrópska rafhlaupahjólaleigan Bolt opnar á Íslandi í dag Stórt skref stigið í yfirtöku JBT á Marel Klara nýr forstöðumaður hjá RSV „Komin í hóp fullorðnu félaganna“ Play mætt á aðalmarkað Kauphallar Meiri harka í framkvæmdum en áður og fleiri mál fyrir dóm Stefnir í helmingshækkun fasteignaskatta á atvinnuhúsnæði Allt að 43 prósent lægra matvöruverð án tolla Ein og hálf milljón í sekt vegna leyfislausrar Airbnb útleigu Gjaldþrotið nam 780 milljónum króna Stefna að því að opna Starbucks á fyrri hluta næsta árs Frá Bjarna Benediktssyni til Bestseller Play í Kauphöllina Skemmtistaðurinn 22 opnaður á nýjan leik Sjá meira
Ný stefna og ný ásýnd Orkuveitunnar voru kynntar starfsmönnum á liðsheildardegi á laugardag, sem lauk með árshátíð. Vísi barst til eyrna að margt áhugavert hefði komið fram á kynningunni og sló því á þráðinn til Breka Logasonar, stjórnanda samskipta og samfélags hjá Orkuveitunni. Breki Logason er stjórnandi samskipta og samfélags hjá Orkuveitunni.Orkuveitan/Atli Már Hafsteinsson Hann segir að stefnumótunarvinna hafi hafist fyrir nokkrum mánuðum, upphaflega í gegnum vaxtarsprotaprógramm Orkuveitunnar með aðkomu starfsfólks þvert á fyrirtækið. KPMG hafi leitt þá vinnu og síðar hafi framkvæmdastjórar í fyrirtækinu, stjórnir móðurfélags og dótturfélaga ásamt eigendum fyrirtækisins komið að borðinu. Þetta er svokölluð skjáhvíla, sem mun skreyta tölvur starfsmanna þegar þær eru ekki í notkun.Orkuveitan Niðurstaða þeirrar vinnu hafi verið: „Við erum aflvaki sjálfbærrar framtíðar.“ Á vef Orkuveitunnar má sjá nýja stefnu fyrirtækisins. Breki segir að á næstu vikum verði ný stefna og ný ásýnd kynnt með formlegum hætti út á við. Hundrað ára frumkvöðull Breki segir að til þess að endurspegla betur áherslur Orkuveitunnar í nýrri stefnu hafi verið ákveðið að fara í endurmörkun á vörumerkinu. Sú endurmörkun sé byggð á stefnunni og Brú Strategy hafi unnið það með Orkuveitunni. „Orkuveitan er hundrað ára frumkvöðull. Saga Orkuveitunnar er samtvinnuð sögu framfara og framsýni í íslensku samfélagi og innblástur endurmörkunarinnar var sóttur bæði í ríka arfleið og framtíðarsýn. Nýju merki Orkuveitunnar er ætlað að vera táknmynd nýrra tíma sem byggir á sterkum grunni og er aflvaki framfara, nýsköpunar og samstarfs. Græni liturinn setur margvíslega orku og sjálfbærni í forgrunn og staðsetur rótgróið fyrirtæki í fremstu röð frumkvöðlafyrirtækja með nútímalegum hætti.“ Breki segir að innblástur nýs merkis hafi verið sóttur í hreyfingu og samstarf Orkuveitunnar við viðskiptavini sína og samstarfsaðila. Merkið byggi á sterkri arfleifð Orkuveitunnar en lögun merkisins vísi í eldri útgáfur merkja samsteypunnar. Nýtt merki og einkennislitur Orkuveitunnar.Orkuveitan Orkuveitan sé grunnkraftur og aflvaki sem sjái um að veita orku til metnaðarfullra viðskiptavina og samfélagsins alls. Nýtt merki sé táknmynd þessarar sífelldu hreyfingar. Akranes og Borgarbyggð fá að vera með Breki segir að lögformlegt heiti fyrirtækisins verði áfram Orkuveita Reykjavíkur en í öllu efni sem fer frá fyrirtækinu og í daglegu tali verði heitið Orkuveitan notað. Eignarhaldið á fyrirtækinu sé með þeim hætti að Akranes og Borgarbyggð séu í eigendahópi ásamt Reykjavík og því hafi þótt eðlilegt að skoða það. Orkuveitan sé enn fremur að þjónusta og í viðskiptum við fleiri sveitarfélög en Reykjavík. Enskt heiti félagsins verði áfram Reykjavík Energy. Horfa á árangur annarra „Í takt við nýjar stefnuáherslur til sjálfbærrar framtíðar fær Orkuveitan nýja ásýnd. Endurmörkun á vörumerkinu er byggð á nýrri stefnu Orkuveitunnar og er ætlað að endurspegla hana. Framtíðarhugsun, enn frekari áhersla á nýsköpun, sjálfbærni og samstarf. Allt eru þetta hlutir sem eru okkar ofarlega í huga en það eru líka viðskiptavinir okkar. Sævar Freyr Þráinsson, forstjóri Orkuveitunnar.Orkuveitan/OSSO Ný stefna gengur einfaldlega út á að við horfum á árangur annarra. Vegna þess að við viljum vera góður samstarfsaðili sem stuðlar að framgangi samfélaga. Okkar árangur er mældur í árangri annarra. Hvort sem það eru sveitarfélög, fyrirtæki, einstaklingar eða starfsfólk - allt sem við gerum er með hag viðskiptavina okkar að leiðarljósi,“ segir Sævar Freyr Þráinsson, forstjóri Orkuveitunnar um breytingarnar.
Orkumál Auglýsinga- og markaðsmál Reykjavík Borgarbyggð Akranes Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Staðreyndum snúið á hvolf til að eigna ríkisstjórninni verðbólguna Viðskipti innlent Seðlabankinn hafi ekki önnur úrræði en að lækka vexti Viðskipti innlent Litlu fyrirtækin: Upplifa sjálfbærni sem aukavinnu og vesen Atvinnulíf Tónleikastöðum fækkar: „Þetta er bara sorgleg þróun“ Viðskipti innlent Telja minni líkur á samdrætti í ferðaþjónustu með aukinni kortaveltu Viðskipti innlent Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur „Svartir sauðir“: Neytendasamtökin vara fólk við því að versla við sjö nafngreind fyrirtæki Neytendur Spá áframhaldandi óbreyttum stýrivöxtum í næstu viku Viðskipti innlent Fleiri fréttir Telja minni líkur á samdrætti í ferðaþjónustu með aukinni kortaveltu Ósáttur við að fyrrum eigandi Skagans 3X standi í vegi endurreisnar Staðreyndum snúið á hvolf til að eigna ríkisstjórninni verðbólguna Seðlabankinn hafi ekki önnur úrræði en að lækka vexti Tónleikastöðum fækkar: „Þetta er bara sorgleg þróun“ Spá áframhaldandi óbreyttum stýrivöxtum í næstu viku Tryggja sér 650 milljóna króna fjármögnun „Allt að því galið“ að taka ekki þátt í séreignarsparnaði Þórhallur ráðinn fjármálastjóri SORPU Ætla að lækka verð með ungverskum tannlæknum Hefja sölu áfengis á næstu tveimur vikum Atvinnuleysi mest á Suðurnesjum og minnst á Norðurlandi vestra Afnám tolla myndi gera út af við íslenskan landbúnað Bjóða upp á langlægsta verðið en samkeppnisaðilar óttast ekkert Upplifunin verði eins og að fara í búð í útlöndum Kominn tími til að Hopp og Zolo fái samkeppni Evrópska rafhlaupahjólaleigan Bolt opnar á Íslandi í dag Stórt skref stigið í yfirtöku JBT á Marel Klara nýr forstöðumaður hjá RSV „Komin í hóp fullorðnu félaganna“ Play mætt á aðalmarkað Kauphallar Meiri harka í framkvæmdum en áður og fleiri mál fyrir dóm Stefnir í helmingshækkun fasteignaskatta á atvinnuhúsnæði Allt að 43 prósent lægra matvöruverð án tolla Ein og hálf milljón í sekt vegna leyfislausrar Airbnb útleigu Gjaldþrotið nam 780 milljónum króna Stefna að því að opna Starbucks á fyrri hluta næsta árs Frá Bjarna Benediktssyni til Bestseller Play í Kauphöllina Skemmtistaðurinn 22 opnaður á nýjan leik Sjá meira
„Svartir sauðir“: Neytendasamtökin vara fólk við því að versla við sjö nafngreind fyrirtæki Neytendur
„Svartir sauðir“: Neytendasamtökin vara fólk við því að versla við sjö nafngreind fyrirtæki Neytendur