Samfylkingin mælist enn stærsti flokkur landsins eins og í síðustu könnunum og fengi flokkurinn 26 prósent fylgi ef gengið yrði til kosninga nú. Flokkurinn lækkar þó um rúmlega eitt og hálft prósentustig frá fyrri könnun.
Sjálfstæðisflokkurinn stendur í stað með 18 prósent en Miðflokkurinn, Viðreisn, Framsóknarflokkurinn og VG bæta aðeins við sig í fylgi. Miðflokkurinn fengi 12 prósent fylgi, Píratar 9 prósent og Viðreisn og Framsókn 9 prósent. VG mælist síðan með 7 prósent. Flokkur fólksins stendur í stað með 6 prósent og Sósíalistaflokkurinn er eftir sem áður með 4 prósent.
Samanlagt fylgi ríkisstjórnarflokkanna hækkar aðeins á milli mælinga og stendur nú í 34 prósent.
