Dældu skemmdri díselolíu á bíla sína Kolbeinn Tumi Daðason skrifar 21. mars 2024 11:20 Bensínstöð Orkunnar á Bústaðavegi. Vísir/Vilhelm Bensínstöð Orkunnar á Bústaðavegi var lokað í gær eftir að í ljós kom að viðskiptavinir höfðu dælt skemmdri díselolíu á bíla sína. Dæmi eru um að bílar hafi stöðvast sökum skemmdrar olíu. Markaðsstjóri Orkunnar segir málið unnið í góðu samtali við viðskiptavini. Brynja Guðjónsdóttir, markaðsstjóri Orkunnar, segir málið hafa komið upp í gær þegar viðskiptavinur hafði samband. Sá hafði keypt díselolíu á bensínstöðinni á Bústaðavegi og orðið var við að eitthvað var ekki með felldu. Brynja útskýrir að Skeljungur sé dreifingaaðili hjá Orkunni og hafi fyllt á tankana með díselolíu sem í ljós kom að var skemmd. Í um klukkustund hafi um tuttugu viðskiptavinir dælt á farartæki sín skemmdri díselolíu. Allt þar til einn slíkur hafði samband. „Við bregðumst við í kjölfarið og lokum strax stöðinni,“ segir Brynja. Bíll hjá einum stöðvaðist Unnið hafi verið í því í gærkvöldi og fram á nótt við að dæla skemmdu díselolíunni upp úr tönkunum og hreinsa allar síur. Búið sé að hreinsa og fylla tankana á ný. Þeir séu nú fullir af réttri díselolíu. Brynja segir að farið hafi verið í gegnum myndavélakerfið og haft samband við alla viðskiptavini sem tóku díselolíu á þessum klukkutíma í gær. Hún viti dæmi um einn sem hafi lent í þeim vanda að bíllinn hafi stöðvast. Annars hafi náðst samband við flesta bílaeigendur áður en þeir fóru af stað í morgun. „Þeir hafa verið rosalega góðir að vinna með okkur í þessu máli,“ segir Brynja. Bensínstöðin var svo opnuð aftur í nótt þegar viðgerðum var lokið. Orkan og Skeljungur eru systurfyrirtæki en bæði eru í eigu hlutafélagsins Skel. Náð tali af öllum Þórður Guðjónsson, forstjóri Skeljungs, segir mistökin alfarið þeirra. Skeljungur selji Orkunni eldsneyti og dreifi til þeirra. „Því miður fóru fjögur þúsund lítrar af óhreinni olíu á tankana,“ segir Þórður. Sem betur fer hafi mistökin komist í ljós fljótlega en rúmlega tuttugu manns hafi dælt skemmdu olíunni á bílana. „Það er búið að ná tali af öllum bíleigendum. Bílarnir þeirra verða hreinsaðir, skipt um síur og allt svoleiðis. Þeim að kostnaðarlausu að sjálfsögðu. Þeir fá bílaleigubíl á meðan,“ segir Þórður. Lág birgðarstaða Um sé að ræða mannleg mistök. Verkferlum hafi ekki verið fylgt. Birgðastaðan í 7,5 milljón lítra olíutanki í Örfyrisey hafi verið lág. Verkferlum hafi ekki verið rétt fylgt með að sækja olíu svo neðarlega í tankinn. Lítrarnir hafi verið gruggugir en vel þekkt sé að botnfall verði í svo stórum tönkum. „Við viðurkennum mistökin og reynum að bæta fyrir þau. Þetta er mjög óheppilegt fyrir þá sem lenda í þessu. Við reynum að bæta þeim það upp eins og við getum. Skaðinn er enginn en auðvitað er eitthvað rask.“ Hann bætir því við að Ísland sé ekki vel sett í birgðamálum þegar komi að olíu og megi ekki við skakkaföllum hvað það varði. Fréttin var uppfærð með svörum forstjóra Skeljungs. Bensín og olía Reykjavík Bílar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Apple biðst afsökunar á auglýsingu fyrir nýjan iPad Viðskipti erlent MAST olli Brúneggjum tjóni en RÚV sýknað Viðskipti innlent Svona getur þú sagt Nei í vinnunni án þess að fá samviskubit Atvinnulíf Hver verður Iðnaðarmaður ársins 2024 - kosning Samstarf Einstakt tækifæri til að sjá einn merkasta sportbíl sögunna - Porsche 911 Dakar Samstarf Rannsaka hvort Tesla hafi blekkt neytendur og fjárfesta Viðskipti erlent Ópíóíða, róandi- og svefnlyf: „Það geta allir orðið háðir þessum lyfjum ómeðvitað“ Atvinnulíf Tilboðið afturkallað og Eik öðlast frelsi til athafna á ný Viðskipti innlent Að endurskapa ásýndina á að vera skemmtileg vinna en ekki kvöð Atvinnulíf Taka bóluefni AstraZeneca úr sölu vegna dvínandi eftirspurnar Viðskipti erlent Fleiri fréttir Þarf að greiða kortareikninginn og meira til í málskostnað Vonast til að koma dánarbúinu í góðar hendur Helmingur Íslendinga sáttur við falsanir og eftirlíkingar Allir með fjölnota innkaupapoka fá frítt í strætó á morgun Stöð 2+ lækkar verð Enn ekkert að frétta af félagi sem þúsundir Íslendinga eiga kröfu á Villta vestrið í gjaldtöku bílastæða FÍB vill að Neytendastofa grípi til aðgerða vegna ófremdarástands í bílastæðamálum Mamman ítrekað læst úti en fær engar skaðabætur Flúðu dónalegan fararstjóra og fá ekki krónu Laumuðu fötunum með barnabílstólunum og fá lægri bætur Hótelið alls ekki sex hundruð metra frá ströndinni Athafnaleysi Katrínar geti skaðað hagsmuni landsmanna Sjá meira
Brynja Guðjónsdóttir, markaðsstjóri Orkunnar, segir málið hafa komið upp í gær þegar viðskiptavinur hafði samband. Sá hafði keypt díselolíu á bensínstöðinni á Bústaðavegi og orðið var við að eitthvað var ekki með felldu. Brynja útskýrir að Skeljungur sé dreifingaaðili hjá Orkunni og hafi fyllt á tankana með díselolíu sem í ljós kom að var skemmd. Í um klukkustund hafi um tuttugu viðskiptavinir dælt á farartæki sín skemmdri díselolíu. Allt þar til einn slíkur hafði samband. „Við bregðumst við í kjölfarið og lokum strax stöðinni,“ segir Brynja. Bíll hjá einum stöðvaðist Unnið hafi verið í því í gærkvöldi og fram á nótt við að dæla skemmdu díselolíunni upp úr tönkunum og hreinsa allar síur. Búið sé að hreinsa og fylla tankana á ný. Þeir séu nú fullir af réttri díselolíu. Brynja segir að farið hafi verið í gegnum myndavélakerfið og haft samband við alla viðskiptavini sem tóku díselolíu á þessum klukkutíma í gær. Hún viti dæmi um einn sem hafi lent í þeim vanda að bíllinn hafi stöðvast. Annars hafi náðst samband við flesta bílaeigendur áður en þeir fóru af stað í morgun. „Þeir hafa verið rosalega góðir að vinna með okkur í þessu máli,“ segir Brynja. Bensínstöðin var svo opnuð aftur í nótt þegar viðgerðum var lokið. Orkan og Skeljungur eru systurfyrirtæki en bæði eru í eigu hlutafélagsins Skel. Náð tali af öllum Þórður Guðjónsson, forstjóri Skeljungs, segir mistökin alfarið þeirra. Skeljungur selji Orkunni eldsneyti og dreifi til þeirra. „Því miður fóru fjögur þúsund lítrar af óhreinni olíu á tankana,“ segir Þórður. Sem betur fer hafi mistökin komist í ljós fljótlega en rúmlega tuttugu manns hafi dælt skemmdu olíunni á bílana. „Það er búið að ná tali af öllum bíleigendum. Bílarnir þeirra verða hreinsaðir, skipt um síur og allt svoleiðis. Þeim að kostnaðarlausu að sjálfsögðu. Þeir fá bílaleigubíl á meðan,“ segir Þórður. Lág birgðarstaða Um sé að ræða mannleg mistök. Verkferlum hafi ekki verið fylgt. Birgðastaðan í 7,5 milljón lítra olíutanki í Örfyrisey hafi verið lág. Verkferlum hafi ekki verið rétt fylgt með að sækja olíu svo neðarlega í tankinn. Lítrarnir hafi verið gruggugir en vel þekkt sé að botnfall verði í svo stórum tönkum. „Við viðurkennum mistökin og reynum að bæta fyrir þau. Þetta er mjög óheppilegt fyrir þá sem lenda í þessu. Við reynum að bæta þeim það upp eins og við getum. Skaðinn er enginn en auðvitað er eitthvað rask.“ Hann bætir því við að Ísland sé ekki vel sett í birgðamálum þegar komi að olíu og megi ekki við skakkaföllum hvað það varði. Fréttin var uppfærð með svörum forstjóra Skeljungs.
Bensín og olía Reykjavík Bílar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Apple biðst afsökunar á auglýsingu fyrir nýjan iPad Viðskipti erlent MAST olli Brúneggjum tjóni en RÚV sýknað Viðskipti innlent Svona getur þú sagt Nei í vinnunni án þess að fá samviskubit Atvinnulíf Hver verður Iðnaðarmaður ársins 2024 - kosning Samstarf Einstakt tækifæri til að sjá einn merkasta sportbíl sögunna - Porsche 911 Dakar Samstarf Rannsaka hvort Tesla hafi blekkt neytendur og fjárfesta Viðskipti erlent Ópíóíða, róandi- og svefnlyf: „Það geta allir orðið háðir þessum lyfjum ómeðvitað“ Atvinnulíf Tilboðið afturkallað og Eik öðlast frelsi til athafna á ný Viðskipti innlent Að endurskapa ásýndina á að vera skemmtileg vinna en ekki kvöð Atvinnulíf Taka bóluefni AstraZeneca úr sölu vegna dvínandi eftirspurnar Viðskipti erlent Fleiri fréttir Þarf að greiða kortareikninginn og meira til í málskostnað Vonast til að koma dánarbúinu í góðar hendur Helmingur Íslendinga sáttur við falsanir og eftirlíkingar Allir með fjölnota innkaupapoka fá frítt í strætó á morgun Stöð 2+ lækkar verð Enn ekkert að frétta af félagi sem þúsundir Íslendinga eiga kröfu á Villta vestrið í gjaldtöku bílastæða FÍB vill að Neytendastofa grípi til aðgerða vegna ófremdarástands í bílastæðamálum Mamman ítrekað læst úti en fær engar skaðabætur Flúðu dónalegan fararstjóra og fá ekki krónu Laumuðu fötunum með barnabílstólunum og fá lægri bætur Hótelið alls ekki sex hundruð metra frá ströndinni Athafnaleysi Katrínar geti skaðað hagsmuni landsmanna Sjá meira