Í basli með viðhald og viðgerðir á olíuvinnslum Samúel Karl Ólason skrifar 4. apríl 2024 10:34 Rússar bönnuðu útflutning bensíns í febrúar. EPA/MAXIM SHIPENKOV Viðskiptaþvinganir og refsiaðgerðir hafa gert Rússum erfitt um vik með viðhald í olíuvinnslustöðvum og viðgerðir eftir drónaárásir Úkraínumanna. Skortur er á varahlutum og fyrirtæki sem geta framleitt og selt varahluti eru ekki rússnesk. Í frétt Reuters er til að mynda vísað til þess þegar túrbína bilaði í stærstu olíuvinnslu fyrirtækisins Lukoil í byrjun ársins. Verkfræðingar fyrirtækisins eru sagðir hafa áttað sig fljótt á því að vandamálið væri umfangsmikið. Eina fyrirtækið í Rússlandi sem byggi yfir reynslu í viðgerðum fyrir olíuvinnsluna var bandarískt. Forsvarsmenn fyrirtækisins, sem heitir UOP, hætti starfsemi í Rússlandi eftir innrás Rússa í Úkraínu í febrúar 2022. Heimildarmaður Reuters segir að leit að varahlutum hafi ekki skilað árangri og því hafi ekki tekist að koma umræddri framleiðslulínu aftur í gang. Þessi lína er notuð til að breyta hráolíu í eldsneyti. Hún er önnur af tveimur í umræddri olíuvinnslu. Eldsneytisframleiðsla hefur dregist saman um fjörutíu prósent í þessari olíuvinnslu, sem er sú fjórða stærsta í Rússlandi. Hún hefur einnig orðið fyrir árás með sjálfsprengidrónum sem hefur gert ástandið verra. Aðstoðarforsætisráðherra Rússlands sagði í síðustu viku að starfsmenn tveggja rússneskra fyrirtækja væru að framleiða varahluti og að framleiðslulínan ætti að vera komin aftur í gang innan tveggja mánaða. Vandræði víða Heimildarmenn Reuters segja forsvarsmenn annarra olíuvinnsla eiga við sambærileg vandamál að etja. Olíuvinnslur Rússa hafi að miklu leyti verið byggðar af evrópskum og bandarískum fyrirtækjum og sérfræðikunnáttu skorti í Rússlandi. Forsvarsmenn einhverra fyrirtækja eru sagðir hafa leitað til Kína eftir aðstoð en sú aðstoð felur oftast í sér algera endursmíð á vinnslulínum í stað ódýrari viðgerða. Rússar hafa gripið til þessa ráðs að flytja inn eldsneyti frá Belarús og bannað útflutning bensíns í hálft ár þar sem framleiðslan hefur dregist saman í Rússlandi. Talið er að eldsneytisframleiðsla í Rússlandi hafi dregist saman um fjórtán prósent á fyrsta fjórðungi þessa árs. Úkraínumenn hafa gert þó nokkrar drónaárásir á olíuvinnslur í Rússlandi á undanförnum vikum og hafa þær gert ástandið verra. Sérfræðingur í málefnum rússneskra orkufyrirtækja segir að haldi þessar árásir áfram, geti Úkraínumenn mögulega valdið miklum skaða á olíuframleiðslu í Rússlandi. Árásirnar gætu verið tíðari en Rússar ráði við að laga. Drónar eru þar að auki mun ódýrari en kostnaðurinn við viðgerðir og varahluti. Rússland Bensín og olía Innrás Rússa í Úkraínu Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Seðlabankinn hafi ekki önnur úrræði en að lækka vexti Viðskipti innlent Verðstríð að hefjast á matvörumarkaði Neytendur Google leiðin: Fjögur atvinnuviðtöl yfirdrifið nóg Atvinnulíf Staðreyndum snúið á hvolf til að eigna ríkisstjórninni verðbólguna Viðskipti innlent Telja minni líkur á samdrætti í ferðaþjónustu með aukinni kortaveltu Viðskipti innlent Ummæli Trump vekja áhyggjur af sjálfstæði seðlabanka Viðskipti erlent Susan Wojcicki er látin Viðskipti erlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Í frétt Reuters er til að mynda vísað til þess þegar túrbína bilaði í stærstu olíuvinnslu fyrirtækisins Lukoil í byrjun ársins. Verkfræðingar fyrirtækisins eru sagðir hafa áttað sig fljótt á því að vandamálið væri umfangsmikið. Eina fyrirtækið í Rússlandi sem byggi yfir reynslu í viðgerðum fyrir olíuvinnsluna var bandarískt. Forsvarsmenn fyrirtækisins, sem heitir UOP, hætti starfsemi í Rússlandi eftir innrás Rússa í Úkraínu í febrúar 2022. Heimildarmaður Reuters segir að leit að varahlutum hafi ekki skilað árangri og því hafi ekki tekist að koma umræddri framleiðslulínu aftur í gang. Þessi lína er notuð til að breyta hráolíu í eldsneyti. Hún er önnur af tveimur í umræddri olíuvinnslu. Eldsneytisframleiðsla hefur dregist saman um fjörutíu prósent í þessari olíuvinnslu, sem er sú fjórða stærsta í Rússlandi. Hún hefur einnig orðið fyrir árás með sjálfsprengidrónum sem hefur gert ástandið verra. Aðstoðarforsætisráðherra Rússlands sagði í síðustu viku að starfsmenn tveggja rússneskra fyrirtækja væru að framleiða varahluti og að framleiðslulínan ætti að vera komin aftur í gang innan tveggja mánaða. Vandræði víða Heimildarmenn Reuters segja forsvarsmenn annarra olíuvinnsla eiga við sambærileg vandamál að etja. Olíuvinnslur Rússa hafi að miklu leyti verið byggðar af evrópskum og bandarískum fyrirtækjum og sérfræðikunnáttu skorti í Rússlandi. Forsvarsmenn einhverra fyrirtækja eru sagðir hafa leitað til Kína eftir aðstoð en sú aðstoð felur oftast í sér algera endursmíð á vinnslulínum í stað ódýrari viðgerða. Rússar hafa gripið til þessa ráðs að flytja inn eldsneyti frá Belarús og bannað útflutning bensíns í hálft ár þar sem framleiðslan hefur dregist saman í Rússlandi. Talið er að eldsneytisframleiðsla í Rússlandi hafi dregist saman um fjórtán prósent á fyrsta fjórðungi þessa árs. Úkraínumenn hafa gert þó nokkrar drónaárásir á olíuvinnslur í Rússlandi á undanförnum vikum og hafa þær gert ástandið verra. Sérfræðingur í málefnum rússneskra orkufyrirtækja segir að haldi þessar árásir áfram, geti Úkraínumenn mögulega valdið miklum skaða á olíuframleiðslu í Rússlandi. Árásirnar gætu verið tíðari en Rússar ráði við að laga. Drónar eru þar að auki mun ódýrari en kostnaðurinn við viðgerðir og varahluti.
Rússland Bensín og olía Innrás Rússa í Úkraínu Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Seðlabankinn hafi ekki önnur úrræði en að lækka vexti Viðskipti innlent Verðstríð að hefjast á matvörumarkaði Neytendur Google leiðin: Fjögur atvinnuviðtöl yfirdrifið nóg Atvinnulíf Staðreyndum snúið á hvolf til að eigna ríkisstjórninni verðbólguna Viðskipti innlent Telja minni líkur á samdrætti í ferðaþjónustu með aukinni kortaveltu Viðskipti innlent Ummæli Trump vekja áhyggjur af sjálfstæði seðlabanka Viðskipti erlent Susan Wojcicki er látin Viðskipti erlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira