Ungir strákar þarna úti sem gætu spilað á HM á Íslandi Aron Guðmundsson skrifar 24. apríl 2024 10:01 Snorri Steinn Guðjónsson, landsliðsþjálfari Íslands og Björgvin Páll Gústavsson, landsliðsmarkvörður, fylgdust báðir með HM 1995 hér á Íslandi og urðu fyrir miklum áhrifum. Þeir horfa spenntir fram veginn til ársins 2031 þegar að HM í handbolta snýr aftur til Íslands Vísir HM í handbolta árið 2031 verður haldið í Danmörku, Noregi og á Íslandi. Um er að ræða stóra stund fyrir íslenskt íþróttalíf en ný þjóðarhöll verður að vera orðin að veruleika fyrir þann tíma. „Fáránlega spennandi dæmi,“ segir landsliðsþjálfari Íslands sem sjálfur fylgdist með HM hér á landi árið 1995 og fylltist innblæstri. Alþjóða handknattleikssambandið hefur ákveðið að heimsmeistaramót karla í handbolta eftir sjö ár fari fram á Norðurlöndunum. Það verða Noregur, Danmörk og Ísland sem halda heimsmeistaramótið 2031 saman. Það er ekki búið að ákveða hvernig leikirnir munu skiptast á milli landanna eða í hvaða borgum verður spilað en það er alveg á hreinu að ný þjóðarhöll verður að rísa fyrir þennan tíma hér á landi svo mótið geti farið hér fram. Hefði viljað upplifa stórmót á heimavelli sem leikmaður „Ég lít á þetta sem fáránlega spennandi dæmi,“ segir núverandi landsliðsþjálfari Íslands, Snorri Steinn sem á einnig að baki langan feril sem atvinnu- og landsliðsmaður. Hann varð sjálfur fyrir miklum áhrifum síðast þegar að HM var haldið hér á landi, árið 1995. „Ég fylgdist nú með HM 1995 hér á landi sem polli og hefði alveg verið til í að fá að upplifa stórmót á heimavelli sjálfur sem leikmaður. Ég skal alveg viðurkenna það. Það hlýtur að vera eitthvað öðruvísi að spila á stórmóti á heimavelli. Þetta er ákveðin ábyrgð sem er sett á okkar herðar. Okkar sem störfum innan HSÍ. Okkar sem störfum innan landsliðanna. Bæði A-landsliða og yngri landsliða.“ „Við höfum tíma og þurfum að gera þetta vel. Huga að öllum hlutum. Byrja strax að þróa lið og pæla í því hvað gerist að sjö árum liðnum. Þetta hljómar sem langur tími en þetta er fljótt að líða. Áður en við vitum af verðum við komnir hérna á stórmót á Íslandi.“ Það hefur verið áberandi undanfarið hversu mikil áhrif umrætt mót árið 1995 hafði á unga krakka sem seinna áttu eftir að vinna sér inn þann heiður að spila fyrir íslenska landsliðið. Það er hægt að segja um Snorra Stein, Einar Örn Jónsson og Björgvin Pál Gústavsson til að mynda sem allir horfðu á HM 1995 hér heima og áttu eftir að feta stiginn sem atvinnu- og landsliðsmenn. HM í handbolta á Íslandi, segiði? Eg er allavega klár í slaginn, kannski ekki að skúra höllina í þetta sinn… pic.twitter.com/phCVe94sRW— Einar Örn Jónsson (@RanieNro) April 17, 2024 Svona mót hefur burði til þess að hafa mikil áhrif á þær kynslóðir sem á eftir koma? „Já ekki spurning. Bæði þá krakka sem koma til með að horfa á bestu handboltamenn í heiminum spila á stórmóti hér á landi. Svo eru strákar í þriðja og fjórða flokki hjá sínum félagsliðum núna sem gera sér kannski ekki almennilega grein fyrir því núna að þeir gætu átt möguleika á því að spila á stórmóti hér á Íslandi. Á heimavelli. Það er því að miklu að keppa. Margt til að hlakka til.“ Það er algjört frumskilyrði fyrir því að HM fari að hluta til fram hér á landi árið 2031 að ný þjóðarhöll verði risin fyrir þann tíma. Er Snorri Steinn bjartsýnn á að það verði raunin? „Að sjö árum liðnum? Já ég ætla bara að leyfa mér að vera bjartsýnn. Hún hefði þurft að vera komin fyrir sjö árum síðan. Fjandinn hafi það ef hún getur ekki verið risin innan næstu sjö ára. Við hljótum að græja það. Er það ekki?“ Mætti stórstjörnum á leið úr HK heimilinu Björgvin Páll Gústavsson, landsliðsmarkvörður Íslands fékk handboltabakteríuna af alvöru árið 1995 þegar að HM var haldið hér á landi. Líkt og Snorri Steinn var hann hluti af silfurliði Íslands á Ólympíuleikunum árið 2008. Hefur upplifað mikla og stóra sigra með íslenska landsliðinu. Björgvin Páll Gústavsson í leik með íslenska landsliðinu á stórmótiVÍSIR/VILHELM „Ég byrjaði í handbolta út af þessu. Ég horfði á HM 1995 hérna á Íslandi í sjónvarpinu. Og fæ þá fyrst svona virkilega áhuga á að stunda þessa íþrótt. Á þeim tíma er maður að mæta stórstjörnum úr handboltaheiminum á leið sinni af handboltaæfingu í HK heimilinu. Mig dreymir um að fá að horfa á HM í handbolta aftur á Íslandi. Ekki í sjónvarpinu í þetta skiptið. Núna mætir maður í stúkuna eða verður í markinu. Þetta er eitthvað sem verður hollt fyrir fyrirmyndirnar okkar, yngri kynslóðina okkar. Að komast nær þessu öllu saman. Það er mikil viðurkenning fyrir HSÍ og okkur sem íþróttaþjóð að fá svona stórmót hingað til lands.“ Júlíus Jónasson skoraði fimm mörk gegn Ungverjum á HM í handbolta 1995 hér á Íslandi. Á þessari mynd, sem birtist í DV, hefur hann sig til flugs og lætur vaða á ungverska markið.skjáskot af timarit.is Þetta er viðburður sem hefur þá burði að lyfta öllu í kringum íþróttina hér á landi enn hærra en nú er raunin. „Já ekki spurning. Ekki bara handboltanum. Heldur öllum íþróttum. Með því að fá svona mót hingað til lands tekurðu bara ósjálfrátt næsta skref fram á við. Stækkar þetta enn þá meira. Þessi nýja þjóðarhöll verður hins vegar að rísa fyrir þann tíma. Það er kannski eina skilyrðið sem við þurfum að uppfylla. Allt annað er til staðar nú þegar.“ Landslið karla í handbolta HSÍ HM karla í handbolta 2031 Mest lesið Hefur fest rætur á Íslandi eftir örlagaríkt símtal Íslenski boltinn Jón Arnar grét það ekki að sjá Daníel slá þrjátíu ára Íslandsmet sitt Sport Uppgjörið: Vestri-Víkingur 1-4 | Öruggur meistarasigur gegn nýliðunum Íslenski boltinn Klopp: Ulla konan mín mun segja mér hvað við erum að fara að gera Enski boltinn Gamli Íslandsvinurinn kraftaverkamaður í Mainz Fótbolti Leik lokið: KA-Fylkir 4-2 | Fyrsti sigur Akureyringa í hús Íslenski boltinn Í beinni: FH-KR | Vesturbæingar vilja ólmir snúa gengi sínu við Íslenski boltinn Meistararnir úr leik eftir stærstu endurkomu sögunnar Körfubolti Guardiola um framtíðina: Nær því að hætta en vera áfram Enski boltinn Fékk rautt spjald fyrir brot á Sveindísi sem fór meidd af velli Fótbolti Fleiri fréttir Óðinn og félagar misstu frá sér fimm marka forskot „Þetta einvígi er rétt að byrja“ Bjarki og félagar bikarmeistarar fjórða árið í röð Uppgjör: FH - Afturelding 29-32 | Mosfellingar taka forystuna Gummersbach heldur í Evrópuvon eftir sigur í Íslendingaslag Haukur og félagar lentir undir í úrslitaeinvíginu eftir vítakeppni Strákarnir hans Gumma komu til baka í öðrum spennutrylli Mættust síðast í úrslitum fyrir aldarfjórðungi Uppgjörið, viðtöl og myndir: Valur - Olympiacos 30-26 | Einum leik frá Evróputitli Ómar og Viggó röðuðu inn mörkum í sigrum Bjarki og félagar í úrslit eftir öruggan sigur „Umgjörðin er bara engu lík, gæsahúð að hlaupa inn á völlinn“ „Þurfum bara okkar besta leik í vetur“ Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Sjá meira
Alþjóða handknattleikssambandið hefur ákveðið að heimsmeistaramót karla í handbolta eftir sjö ár fari fram á Norðurlöndunum. Það verða Noregur, Danmörk og Ísland sem halda heimsmeistaramótið 2031 saman. Það er ekki búið að ákveða hvernig leikirnir munu skiptast á milli landanna eða í hvaða borgum verður spilað en það er alveg á hreinu að ný þjóðarhöll verður að rísa fyrir þennan tíma hér á landi svo mótið geti farið hér fram. Hefði viljað upplifa stórmót á heimavelli sem leikmaður „Ég lít á þetta sem fáránlega spennandi dæmi,“ segir núverandi landsliðsþjálfari Íslands, Snorri Steinn sem á einnig að baki langan feril sem atvinnu- og landsliðsmaður. Hann varð sjálfur fyrir miklum áhrifum síðast þegar að HM var haldið hér á landi, árið 1995. „Ég fylgdist nú með HM 1995 hér á landi sem polli og hefði alveg verið til í að fá að upplifa stórmót á heimavelli sjálfur sem leikmaður. Ég skal alveg viðurkenna það. Það hlýtur að vera eitthvað öðruvísi að spila á stórmóti á heimavelli. Þetta er ákveðin ábyrgð sem er sett á okkar herðar. Okkar sem störfum innan HSÍ. Okkar sem störfum innan landsliðanna. Bæði A-landsliða og yngri landsliða.“ „Við höfum tíma og þurfum að gera þetta vel. Huga að öllum hlutum. Byrja strax að þróa lið og pæla í því hvað gerist að sjö árum liðnum. Þetta hljómar sem langur tími en þetta er fljótt að líða. Áður en við vitum af verðum við komnir hérna á stórmót á Íslandi.“ Það hefur verið áberandi undanfarið hversu mikil áhrif umrætt mót árið 1995 hafði á unga krakka sem seinna áttu eftir að vinna sér inn þann heiður að spila fyrir íslenska landsliðið. Það er hægt að segja um Snorra Stein, Einar Örn Jónsson og Björgvin Pál Gústavsson til að mynda sem allir horfðu á HM 1995 hér heima og áttu eftir að feta stiginn sem atvinnu- og landsliðsmenn. HM í handbolta á Íslandi, segiði? Eg er allavega klár í slaginn, kannski ekki að skúra höllina í þetta sinn… pic.twitter.com/phCVe94sRW— Einar Örn Jónsson (@RanieNro) April 17, 2024 Svona mót hefur burði til þess að hafa mikil áhrif á þær kynslóðir sem á eftir koma? „Já ekki spurning. Bæði þá krakka sem koma til með að horfa á bestu handboltamenn í heiminum spila á stórmóti hér á landi. Svo eru strákar í þriðja og fjórða flokki hjá sínum félagsliðum núna sem gera sér kannski ekki almennilega grein fyrir því núna að þeir gætu átt möguleika á því að spila á stórmóti hér á Íslandi. Á heimavelli. Það er því að miklu að keppa. Margt til að hlakka til.“ Það er algjört frumskilyrði fyrir því að HM fari að hluta til fram hér á landi árið 2031 að ný þjóðarhöll verði risin fyrir þann tíma. Er Snorri Steinn bjartsýnn á að það verði raunin? „Að sjö árum liðnum? Já ég ætla bara að leyfa mér að vera bjartsýnn. Hún hefði þurft að vera komin fyrir sjö árum síðan. Fjandinn hafi það ef hún getur ekki verið risin innan næstu sjö ára. Við hljótum að græja það. Er það ekki?“ Mætti stórstjörnum á leið úr HK heimilinu Björgvin Páll Gústavsson, landsliðsmarkvörður Íslands fékk handboltabakteríuna af alvöru árið 1995 þegar að HM var haldið hér á landi. Líkt og Snorri Steinn var hann hluti af silfurliði Íslands á Ólympíuleikunum árið 2008. Hefur upplifað mikla og stóra sigra með íslenska landsliðinu. Björgvin Páll Gústavsson í leik með íslenska landsliðinu á stórmótiVÍSIR/VILHELM „Ég byrjaði í handbolta út af þessu. Ég horfði á HM 1995 hérna á Íslandi í sjónvarpinu. Og fæ þá fyrst svona virkilega áhuga á að stunda þessa íþrótt. Á þeim tíma er maður að mæta stórstjörnum úr handboltaheiminum á leið sinni af handboltaæfingu í HK heimilinu. Mig dreymir um að fá að horfa á HM í handbolta aftur á Íslandi. Ekki í sjónvarpinu í þetta skiptið. Núna mætir maður í stúkuna eða verður í markinu. Þetta er eitthvað sem verður hollt fyrir fyrirmyndirnar okkar, yngri kynslóðina okkar. Að komast nær þessu öllu saman. Það er mikil viðurkenning fyrir HSÍ og okkur sem íþróttaþjóð að fá svona stórmót hingað til lands.“ Júlíus Jónasson skoraði fimm mörk gegn Ungverjum á HM í handbolta 1995 hér á Íslandi. Á þessari mynd, sem birtist í DV, hefur hann sig til flugs og lætur vaða á ungverska markið.skjáskot af timarit.is Þetta er viðburður sem hefur þá burði að lyfta öllu í kringum íþróttina hér á landi enn hærra en nú er raunin. „Já ekki spurning. Ekki bara handboltanum. Heldur öllum íþróttum. Með því að fá svona mót hingað til lands tekurðu bara ósjálfrátt næsta skref fram á við. Stækkar þetta enn þá meira. Þessi nýja þjóðarhöll verður hins vegar að rísa fyrir þann tíma. Það er kannski eina skilyrðið sem við þurfum að uppfylla. Allt annað er til staðar nú þegar.“
Landslið karla í handbolta HSÍ HM karla í handbolta 2031 Mest lesið Hefur fest rætur á Íslandi eftir örlagaríkt símtal Íslenski boltinn Jón Arnar grét það ekki að sjá Daníel slá þrjátíu ára Íslandsmet sitt Sport Uppgjörið: Vestri-Víkingur 1-4 | Öruggur meistarasigur gegn nýliðunum Íslenski boltinn Klopp: Ulla konan mín mun segja mér hvað við erum að fara að gera Enski boltinn Gamli Íslandsvinurinn kraftaverkamaður í Mainz Fótbolti Leik lokið: KA-Fylkir 4-2 | Fyrsti sigur Akureyringa í hús Íslenski boltinn Í beinni: FH-KR | Vesturbæingar vilja ólmir snúa gengi sínu við Íslenski boltinn Meistararnir úr leik eftir stærstu endurkomu sögunnar Körfubolti Guardiola um framtíðina: Nær því að hætta en vera áfram Enski boltinn Fékk rautt spjald fyrir brot á Sveindísi sem fór meidd af velli Fótbolti Fleiri fréttir Óðinn og félagar misstu frá sér fimm marka forskot „Þetta einvígi er rétt að byrja“ Bjarki og félagar bikarmeistarar fjórða árið í röð Uppgjör: FH - Afturelding 29-32 | Mosfellingar taka forystuna Gummersbach heldur í Evrópuvon eftir sigur í Íslendingaslag Haukur og félagar lentir undir í úrslitaeinvíginu eftir vítakeppni Strákarnir hans Gumma komu til baka í öðrum spennutrylli Mættust síðast í úrslitum fyrir aldarfjórðungi Uppgjörið, viðtöl og myndir: Valur - Olympiacos 30-26 | Einum leik frá Evróputitli Ómar og Viggó röðuðu inn mörkum í sigrum Bjarki og félagar í úrslit eftir öruggan sigur „Umgjörðin er bara engu lík, gæsahúð að hlaupa inn á völlinn“ „Þurfum bara okkar besta leik í vetur“ Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Sjá meira