Davide Frattesi kom Inter yfir á 19. mínútu og staðan í hálfleik var 0-1, gestunum frá Mílanó í vil.
Í seinni hálfleik opnuðust svo flóðgáttir. Á 60. mínútu lagði Frattesi upp mark fyrir Marko Arnautovic og staðan orðin 0-2.
Inter skoraði svo þrjú mörk á sjö mínútna kafla, frá 77. til 84. mínútu. Tajon Buchanan, Lautaro Martínez og Marcus Thursam skoruðu mörkin. Martínez er langmarkahæstur í deildinni með 24 mörk.
Inter er með 92 stig á toppi deildarinnar, 21 stigi á undan Juventus. Liðið er með markatöluna 86-19 sem segir sitt um yfirburðina sem það hefur haft í vetur.
Frosinone er í 16. sæti deildarinnar með 32 stig, tveimur stigum frá fallsæti.
