Sex frambjóðendur senda kröfubréf til Stöðvar 2 Jakob Bjarnar skrifar 30. maí 2024 12:18 Forsetaframbjóðendurnir Steinunn Ólína, Ástþór og Ásdís Rán. Auk þeirra rita undir kröfubréfið þau Viktor, Helga og Eiríkur. Þau vilja að fjölmiðlastyrkur verði dreginn til baka ef kappræðurnar sem Stöð 2 býður uppá verða ekki eftir þeirra höfði og allir með. Sex forsetaframbjóðendur hafa sent forsvarsmönnum Sýnar bréf þar sem þeir krefjast þess að fá að vera með í kappræðum vegna forsetakosninga 2024. Fréttastjóri segir kappræðurnar hugsaðar út frá þjónustu við kjósendur, fólkið í landinu. Undir kröfubréfið rita þau Ásdís Rán Gunnarsdóttir, Ástþór Magnússon Wium, Eiríkur Ingi Jóhannesson, Helga Þórisdóttir, Steinunn Ólína Þorsteinsdóttir og Viktor Traustason. Þá er afrit bréfs sent á Fjölmiðlanefnd og sérstaklega á úthlutunarnefnd um rekstrarstuðning til einkarekinna fjölmiðla. Telja þáttinn lélegan án sín Í bréfinu krefjast þau þess að kappræður Stöðvar 2 og Vísis, sem fyrirhugaðar eru í kvöld, verði með því sniði að allir frambjóðendur komi fram samtímis í einum þætti. „Mikil og almenn ánægja hefur verið með kappræður í sjónvarpi þar sem allir frambjóðendur koma fram saman og þá góðu yfirsýn sem kjósendur fá með því fyrirkomulagi að hafa alla frambjóðendur saman. Að sama skapi þótti það ólýðræðislegt og lélegt sjónvarpsefni þegar Stöð2 / Visir var nýlega með framboðsþátt þar sem einungis hluta frambjóðanda var boðið í þáttinn.“ Vilja að skrúfað verði fyrir styrki ef ekki verður farið að kröfu þeirra Þá víkja bréfritarar að fjölmiðlastyrk sem Lilja Dögg Alfreðsdóttir menningarmálaráðherra hefur komið á koppinn til að styrkja fjölmiðla sem hafa átt við rekstrarvanda að stríða undanfarin ár. „Við bendum á að Sýn hefur skv. vefsíðu Fjölmiðlanefndar þegið rúmar 107 milljónir af almannafé í styrk sem veittur er til að styrkja lýðræðishlutverk fjölmiðla. Það að velja einungis hluta frambjóðenda í framboðsþætti er andsnúið þessu lýðræðishlutverki og góðum starfsháttum fjölmiðla. Bregðist fjölmiðillinn þessari áskorun og lýðræðishlutverki sínu sem er grundvöllur fjárstyrks af almannafé verður að gera þá kröfu að ríkisstuðningi við fjölmiðilinn verði hætt og fjölmiðillinn endurgreiði síðustu styrkveitingu.“ Að endingu gera bréfritarar þá kröfu að verði vilji þeirra ekki virtur og öllum frambjóðendum boðið að taka þátt í einum þætti verði þátturinn tekinn af dagskrá. Þátturinn miðast við kjósendur - ekki frambjóðendur Kolbeinn Tumi Daðason er fréttastjóri fréttastofu Vísis og Stöðvar 2. Hann segir að um leið og hann skilji áhuga allra frambjóðenda til forseta á að komast í kappræðurnar sem verða á Stöð 2 og Vísi í kvöld, þá sé fyrirkomulagið ákveðið að teknu tilliti til kjósenda. „Skoðanakannanir sýna endurtekið að innan við þrjú prósent þjóðarinnar horfa til þess ágæta hóps sem hefur ekki fengið boð í kappræður okkar í kvöld. Yfirgnæfandi hluti þjóðarinnar horfir til hinna sex sem fengu boð. Kolbeinn Tumi skilur áhyggjur þeirra sem vilja á Bessastaði vel en hann telur bæði að Stöð 2 og Vísi hafa sinnt lýðræðislegum skyldum sínum með ágætum.vísir/vilhelm Við lítum svo á að við séum að sinna lýðræðislegu hlutverki okkar afar vel með því að leyfa þjóðinni að fá góðan tíma með þessum sex til að gera upp endanlega hug sinn. Þannig skapast meiri dýpt í umræðum og hver frambjóðandi fær meiri tíma til að koma sínum málum á framfæri.“ Frambjóðendurnir sex hafa haldið á lofti annarri kröfugerð á hendur Ríkisútvarpinu varðandi kappræður í Efstaleiti á föstudagskvöld sem fjallað hefur verið um. Kolbeinn Tumi minnir á að í lögum um Ríkisútvarpið sé að finna ákvæði um sérstakar skyldur þess varðandi kynningu á framboðum. Slíkt ákvæði sé ekki að finna varðandi einkarekna fjölmiðla. Tilmæli til einkarekinna fjölmiðla séu almennari. Þá minnir Kolbeinn Tumi á að allir frambjóðendur hafi verið reglulega til umfjöllunar í fréttum Stöðvar 2, Vísis og Bylgjunnar. Hvort sem er í einstökum fréttum, morgunkaffi, beinum útsendingum frá framboðsfundum, forsetaáskoruninni, í Vængjum fram, forsetavaktinni og Pallborðinu svo dæmi séu tekin. Hann lofar spennandi kappræðum í opinni dagskrá að loknum kvöldfréttum Stöðvar 2 þar sem boðið verður upp á nýjungar í anda þess þegar fólk sækir um mikilvægt starf. „Enda eru frambjóðendur að sækja um líklega það embætti og starf sem nýtur mestrar virðingar hér á landi.“ Hér neðar má sjá niðurstöður glænýrrar könnunar Maskínu sem gerð var fyrir fréttastofu. Fréttastofa Stöðvar 2, Vísis og Bylgjunnar er í eigu Sýnar. Forsetakosningar 2024 Fjölmiðlar Ríkisútvarpið Sýn Mest lesið „Mér að mæta“ ef krossar yrðu fjarlægðir Innlent Hlé vegna gagna frá ChatGPT Innlent Óttast að tapa bestu flúðum landsins í virkjun Innlent Sérsveitin kölluð til í Urriðaholti Innlent Katrín gerir upp framboðið og safnar heitum Innlent Segir verkfræðinga á villigötum Innlent Þriggja daga heitavatnsleysi í næstu viku Innlent Trump gerði lítið úr æðstu heiðursorðu bandarískra hermanna Erlent „Viðbrögð lögreglu óásættanleg“ eftir líkamsárás á Þjóðhátíð Innlent Rauðu örvarnar leika listir sínar á Íslandi Innlent Fleiri fréttir Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Gagnrýnir tvískinnung borgaryfirvalda með orlofsgreiðslur Dags Þriggja daga heitavatnsleysi í næstu viku Tæknileg vandræði hjá Háskóla Íslands Hlé vegna gagna frá ChatGPT Sérsveitin kölluð til í Urriðaholti „Mér að mæta“ ef krossar yrðu fjarlægðir Segir verkfræðinga á villigötum Landsvirkjun gerir 725 milljón króna tilboð í Toppstöðina Skjálfti í Bárðarbunguöskjunni Óttast að tapa bestu flúðum landsins í virkjun Rauðu örvarnar leika listir sínar á Íslandi Apabóla geti komið til landsins en muni ekki verða útbreidd Katrín gerir upp framboðið og safnar heitum „Viðbrögð lögreglu óásættanleg“ eftir líkamsárás á Þjóðhátíð Munaðarlaus álftarungi ætti að spjara sig Gæti misst fótinn eftir að starfsmannarútan ók yfir hana Áttar sig ekki á ákalli formanns VG Ósammála ráðherrar, brotthvarf tónleikastaða og einmana ungi Neitaði að borga þegar á áfangastað var komið Fordæmalausar skemmdir unnar á Sprengisandi Helga Vala til Lögfræðistofu Reykjavíkur Ósátt við skógrækt í mólendi fyrir utan Húsavík Sektaður fyrir að nota rafólar á hunda Sjá meira
Undir kröfubréfið rita þau Ásdís Rán Gunnarsdóttir, Ástþór Magnússon Wium, Eiríkur Ingi Jóhannesson, Helga Þórisdóttir, Steinunn Ólína Þorsteinsdóttir og Viktor Traustason. Þá er afrit bréfs sent á Fjölmiðlanefnd og sérstaklega á úthlutunarnefnd um rekstrarstuðning til einkarekinna fjölmiðla. Telja þáttinn lélegan án sín Í bréfinu krefjast þau þess að kappræður Stöðvar 2 og Vísis, sem fyrirhugaðar eru í kvöld, verði með því sniði að allir frambjóðendur komi fram samtímis í einum þætti. „Mikil og almenn ánægja hefur verið með kappræður í sjónvarpi þar sem allir frambjóðendur koma fram saman og þá góðu yfirsýn sem kjósendur fá með því fyrirkomulagi að hafa alla frambjóðendur saman. Að sama skapi þótti það ólýðræðislegt og lélegt sjónvarpsefni þegar Stöð2 / Visir var nýlega með framboðsþátt þar sem einungis hluta frambjóðanda var boðið í þáttinn.“ Vilja að skrúfað verði fyrir styrki ef ekki verður farið að kröfu þeirra Þá víkja bréfritarar að fjölmiðlastyrk sem Lilja Dögg Alfreðsdóttir menningarmálaráðherra hefur komið á koppinn til að styrkja fjölmiðla sem hafa átt við rekstrarvanda að stríða undanfarin ár. „Við bendum á að Sýn hefur skv. vefsíðu Fjölmiðlanefndar þegið rúmar 107 milljónir af almannafé í styrk sem veittur er til að styrkja lýðræðishlutverk fjölmiðla. Það að velja einungis hluta frambjóðenda í framboðsþætti er andsnúið þessu lýðræðishlutverki og góðum starfsháttum fjölmiðla. Bregðist fjölmiðillinn þessari áskorun og lýðræðishlutverki sínu sem er grundvöllur fjárstyrks af almannafé verður að gera þá kröfu að ríkisstuðningi við fjölmiðilinn verði hætt og fjölmiðillinn endurgreiði síðustu styrkveitingu.“ Að endingu gera bréfritarar þá kröfu að verði vilji þeirra ekki virtur og öllum frambjóðendum boðið að taka þátt í einum þætti verði þátturinn tekinn af dagskrá. Þátturinn miðast við kjósendur - ekki frambjóðendur Kolbeinn Tumi Daðason er fréttastjóri fréttastofu Vísis og Stöðvar 2. Hann segir að um leið og hann skilji áhuga allra frambjóðenda til forseta á að komast í kappræðurnar sem verða á Stöð 2 og Vísi í kvöld, þá sé fyrirkomulagið ákveðið að teknu tilliti til kjósenda. „Skoðanakannanir sýna endurtekið að innan við þrjú prósent þjóðarinnar horfa til þess ágæta hóps sem hefur ekki fengið boð í kappræður okkar í kvöld. Yfirgnæfandi hluti þjóðarinnar horfir til hinna sex sem fengu boð. Kolbeinn Tumi skilur áhyggjur þeirra sem vilja á Bessastaði vel en hann telur bæði að Stöð 2 og Vísi hafa sinnt lýðræðislegum skyldum sínum með ágætum.vísir/vilhelm Við lítum svo á að við séum að sinna lýðræðislegu hlutverki okkar afar vel með því að leyfa þjóðinni að fá góðan tíma með þessum sex til að gera upp endanlega hug sinn. Þannig skapast meiri dýpt í umræðum og hver frambjóðandi fær meiri tíma til að koma sínum málum á framfæri.“ Frambjóðendurnir sex hafa haldið á lofti annarri kröfugerð á hendur Ríkisútvarpinu varðandi kappræður í Efstaleiti á föstudagskvöld sem fjallað hefur verið um. Kolbeinn Tumi minnir á að í lögum um Ríkisútvarpið sé að finna ákvæði um sérstakar skyldur þess varðandi kynningu á framboðum. Slíkt ákvæði sé ekki að finna varðandi einkarekna fjölmiðla. Tilmæli til einkarekinna fjölmiðla séu almennari. Þá minnir Kolbeinn Tumi á að allir frambjóðendur hafi verið reglulega til umfjöllunar í fréttum Stöðvar 2, Vísis og Bylgjunnar. Hvort sem er í einstökum fréttum, morgunkaffi, beinum útsendingum frá framboðsfundum, forsetaáskoruninni, í Vængjum fram, forsetavaktinni og Pallborðinu svo dæmi séu tekin. Hann lofar spennandi kappræðum í opinni dagskrá að loknum kvöldfréttum Stöðvar 2 þar sem boðið verður upp á nýjungar í anda þess þegar fólk sækir um mikilvægt starf. „Enda eru frambjóðendur að sækja um líklega það embætti og starf sem nýtur mestrar virðingar hér á landi.“ Hér neðar má sjá niðurstöður glænýrrar könnunar Maskínu sem gerð var fyrir fréttastofu. Fréttastofa Stöðvar 2, Vísis og Bylgjunnar er í eigu Sýnar.
Forsetakosningar 2024 Fjölmiðlar Ríkisútvarpið Sýn Mest lesið „Mér að mæta“ ef krossar yrðu fjarlægðir Innlent Hlé vegna gagna frá ChatGPT Innlent Óttast að tapa bestu flúðum landsins í virkjun Innlent Sérsveitin kölluð til í Urriðaholti Innlent Katrín gerir upp framboðið og safnar heitum Innlent Segir verkfræðinga á villigötum Innlent Þriggja daga heitavatnsleysi í næstu viku Innlent Trump gerði lítið úr æðstu heiðursorðu bandarískra hermanna Erlent „Viðbrögð lögreglu óásættanleg“ eftir líkamsárás á Þjóðhátíð Innlent Rauðu örvarnar leika listir sínar á Íslandi Innlent Fleiri fréttir Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Gagnrýnir tvískinnung borgaryfirvalda með orlofsgreiðslur Dags Þriggja daga heitavatnsleysi í næstu viku Tæknileg vandræði hjá Háskóla Íslands Hlé vegna gagna frá ChatGPT Sérsveitin kölluð til í Urriðaholti „Mér að mæta“ ef krossar yrðu fjarlægðir Segir verkfræðinga á villigötum Landsvirkjun gerir 725 milljón króna tilboð í Toppstöðina Skjálfti í Bárðarbunguöskjunni Óttast að tapa bestu flúðum landsins í virkjun Rauðu örvarnar leika listir sínar á Íslandi Apabóla geti komið til landsins en muni ekki verða útbreidd Katrín gerir upp framboðið og safnar heitum „Viðbrögð lögreglu óásættanleg“ eftir líkamsárás á Þjóðhátíð Munaðarlaus álftarungi ætti að spjara sig Gæti misst fótinn eftir að starfsmannarútan ók yfir hana Áttar sig ekki á ákalli formanns VG Ósammála ráðherrar, brotthvarf tónleikastaða og einmana ungi Neitaði að borga þegar á áfangastað var komið Fordæmalausar skemmdir unnar á Sprengisandi Helga Vala til Lögfræðistofu Reykjavíkur Ósátt við skógrækt í mólendi fyrir utan Húsavík Sektaður fyrir að nota rafólar á hunda Sjá meira