„Við viljum vera í partíi þar til búið er að gubba á gólfið hjá okkur“ Jakob Bjarnar skrifar 3. júní 2024 10:48 Niðurstöðurnar úr forsetakosningunum reyndust Arnari Þór vonbrigði og hann, öfugt við alla aðra forsetaframbjóðendur, reynir ekki að leyna því. vísir/vilhelm Arnar Þór Jónsson forsetaframbjóðandi fór ekki leynt með að niðurstaða úr forsetakosningum reyndust honum vonbrigði. Hann var gestur Bítisins í morgun og tilkynnti að hann væri kominn með kappnóg af Íslandi – í bili. Arnar Þór notaði tækifærið og hundskammaði þjóðina sem hann segir fljóta sofandi að feigðarósi. Arnar Þór sagðist þreyttur og sagðist vilja leyfa rykinu að setjast. En kona hans hafi skammað sig fyrir að leyfa því ekki að setjast í rólegheitunum því hann hafi skrifað bæði færslu á Facebook og grein á Vísi þar sem hann gaf það til kynna að hann ætlaði að fara að stofna stjórnmálaflokk. „Ég sagði í þessari grein að það virðist í sjálfu sér engu skipta hvort við kjósum flokka til hægri eða vinstri, niðurstaðan er alltaf sú sama.“ Arnar Þór sagði útþennslu ríkisins með miklum ósköpum og meira eftirlit vera ráðandi. „Flokkarnir eru grónir saman í eina óheilbrigða lífeind með mörgum hausum og sama hvaða haus er högginn af það sprettur fram nýr. Innstu koppar í búri Sjálfstæðisflokksins voru orðnir mestu stuðningsmenn fyrrverandi formanns Vinstri grænna.“ Gegnheilir Sjálfstæðismenn helstu stuðningsmenn Katrínar? Umsjónarmenn Bítisins spurðu hann um samkrull Katrínar Jakobsdóttur og Bjarna Benediktssonar forsætisráðherra, hvort hann leggði trúnað við kenningar um einhverja leynisamninga þeirra á milli. Arnar Þór gaf ekki mikið fyrir það. Arnar Þór Jónsson, Baldur Þórhallsson og Halla Hrund Logadóttir en ekkert þeirra reið feitum hesti frá forsetakosningunum.vísir/vilhelm „Ég treysti mér ekki til að fullyrða um það en mér finnst þetta skrítið, til marks um óheilbrigði að þetta renni svona saman. Og að innstu koppar í búri Sjálfstæðisflokksins telji að Katrín [Jakobsdóttir], sem kenna má við marxisma, sé allt í einu best til þess fallin að vera leiðtogi íslensku þjóðarinnar.“ Er samtrygging stjórnmálamanna og kerfisins orðið of mikið? „Já, þetta er orðið algerlega grímulaust og ekki lengur reynt að fela þetta á Íslandi. Ég ætla að veðja á að Katrínu verði úthlutað eitthvað þægilegt embætti á kostnað skattgreiðenda. Að hún, sem gamall Nato-andstæðingur, fái vinnu hjá Nato eða Evrópusambandinu. Það er hugsanlegt. En það eru allar líkur á því að hún fái einhvers konar vinnu á okkar kostnað.“ Arnar Þór er að undirbúa brottflutning af landi brott. Hann vill sjá hlutina í fjarlægð og líklega mun hann rita bók um reynslu sína, til dæmis þá að reyna að komast í gegnum prófkjörsmaskínu Sjálfstæðisflokksins sem veittist honum örðugt. Þar voru svo menn sem reyndust hans helstu andstæðingar í forsetakosningunum.vísir/vilhelm En er það eitthvað óeðlilegt? Hún er reynslumikil? „Jájá, það getur vel verið en er einhver stétt sem nýtur þeirra forréttinda að fá alltaf embætti? Það hefur verið þannig að þeim sem hafa verið í forystu fyrir stjórnmálaflokka er séð fyrir embætti.“ Þjóðin vill forseta sem skálar og brosir framan í sig En hvar förum við út af sporinu? Er þetta bara orðið augljósara núna? „Já, ég held að þetta sé orðið augljósara núna. Ég var í mínu framboði til forseta Íslands að benda á það sem betur má fara. Og kannski var það full þunglamanlegt fyrir þjóð sem vill bara að embættið snúist meira um að skála og brosa framan í þjóðina. Það getur vel verið að þessi rödd eigi betur heima á Alþingi, ég veit það ekki. En þetta er orðið augljósara öllum sem það vilja sjá. Forseti á ekki að vera uppá punt en Alþingi á ekki heldur að vera uppá punt. En sú er þróunin, þar er skrifað nánast blindandi undir allt sem frá Evrópu kemur. Og ráðherraræðið orðið yfirþyrmandi.“ Arnar segist hafa skynja undirliggjandi óánægju með hvernig stjórnmálin eru að þróast. Landsölufólk sitji á valdaembættum, tungumálið er komið í öndunarvél, þeir sem eru að flytja til Íslands sjá ekki tilgang með að læra málið, slíkur innflutningur á fólki að það er fyrirsjáanlegt að Íslendingar verið í minnihluta í eigin landi, það er verið að selja frá okkur fjarskipti, greiðslumiðlun, firðina okkar... Arnar Þór segir Höllu Tómasdóttur ekki helgan mann og helst er á honum að skilja að hún verði ekki mikil fyrirstæaða þegar skammsýn partígleði þjóðarinnar er annars vegar.vísir/vilhelm „Ég veit ekki hvort Halla, okkar nýkjörni góði forseti, mun stöðva þetta. Vandamálið er að þjóðin er steinsofandi. Við viljum vera í partíi þar til búið er að gubba á gólfið hjá okkur. En það er verið að stela innbúinu okkar.“ Þjóðin steinsofandi og vill partíforseta Arnar Þór segir þjóðina steinsofandi gagnvart þeirri ógn sem sannarlega steðjar að henni. „Ef fólk er ekki búið að átta sig á því ennþá. Halla er ekki helg manneskja. Hún hefur farið þrisvar sinnum í að efla tengsl við ríkasta fólk í heimi í Davos. Hún verður engin handbremsa á þetta. Hver á að stöðva þetta? Þjóðin sem finnst svo gaman að vera í partíi og neitar að horfast í augu við þann veruleika sem steðjar að? Þegar tungumálið okkar er í nauðvörn, skattpíningin heldur áfram …“ En hefur fólk eitthvað um þetta að segja hvað það fær uppúr kjörkassanum? „Ég bauð þjóðinni upp á valkost. En hún vill partíforseta.“ Er þetta ekki fullmikil smættun? „Er það? Ók, ég skal ekki kalla þetta partíforseta. En þau vilja ekki forseta sem veitir þinginu aðhald. Ætlar að skrifa bók um ástandið Arnar segir forsetaembættið hafi mótast á þann veg, að ófyrirsynju að hans mati. „Ég held að þetta embætti hafi verið hugsað sem aðhaldshlutverk. Hvaðan á aðhaldið þá að koma? Það verður þá að koma frá almenningi í þessu landi. Mun það koma í gegnum núverandi stjórnmálaflokka? Ég held ekki. Verður þá að stofna nýja flokka? Já, ég held það. Það verður að sópa út af þinginu ef eitthvað á að breytast.“ Almenningur verður þá að láta til sín taka en ef það eigi að gerast þá verði almenningur að fara á einhvers konar hugrekkisþjálfun. Arnar Þór sagðist vilja hvíla sig á Íslandi, hann er að undirbúa brottflutning af landinu. Þetta hafi verið langvarandi álag síðan hann fór í gegnum erfiða baráttu að komast í gegnum prófkjör Sjálfstæðisflokksins, þar sem hann lenti í stríði við „maskínuna innan Sjálfstæðisflokksins“ og hann telur gott að hvíla sig á íslensku samfélagi. Hann hefur hug á að skrifa um þetta ástand sem hann lýsir. Bítið Forsetakosningar 2024 Forseti Íslands Tengdar fréttir Forsetavaktin 2024: Hver verður sjöundi forseti lýðveldisins? Forsetakosningar eru handan við hornið, þar sem þjóðin velur sér fyrsta nýja forsetann frá árinu 2016. Hér í vaktinni verður fylgst með öllum helstu vendingum í kapphlaupinu um Bessastaði fram að kosningum. 1. mars 2024 09:00 Mest lesið Munaði engu að ökumaður straujaði niður nítján hjólreiðamenn Innlent Fjöldi smitaðra af Covid kallar á aðgerðir Innlent „Það eina sem stoppar þá er hnefinn, valdbeiting“ Innlent Eldgos líklegt á allra næstu vikum og jafnvel innan bæjarins Innlent „Mun enginn kaupa annað en rafbíl árið 2028“ Innlent Flugi Play seinkað vegna ógnandi tilburða flugdólgs Innlent Þorbjörn kominn heim eftir átta mánaða fjarveru Innlent Þyrlusveitin kölluð til aðstoðar lögreglu í nótt Innlent Kallaði Trump „Hitler Ameríku“ og studdi Never Trump-hreyfinguna Erlent Minnkandi líkur á 20 stiga hita Veður Fleiri fréttir „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Slæm hegðun fanga, veiran skæða og sundballett Sex um borð þegar bátur strandaði í Viðey Munaði engu að ökumaður straujaði niður nítján hjólreiðamenn Mál á hendur skipverjum Polar Nanoq fellt niður Eldgos líklegt á allra næstu vikum og jafnvel innan bæjarins „Það eina sem stoppar þá er hnefinn, valdbeiting“ Vélarvana bátur strandaði við Viðey Fallist á áframhaldandi gæsluvarðhald Klára kvótann á morgun Sækja slasaðan göngumann á Hornstrandir Fjöldi smitaðra af Covid kallar á aðgerðir Hefja viðgerðir á næstu dögum þrátt fyrir óvissuástand Flugi Play seinkað vegna ógnandi tilburða flugdólgs Bjart fram undan í efnahagnum og framkvæmdir hefjast í Grindavík Lögreglurannsókn hafi engin áhrif á veitingu læknaleyfis Helga Vala hefur litlar áhyggjur af málinu „Við erum bara að segja þeim að vinna vinnuna sína“ Tvö þyrluútköll á Suðurlandi í gær og í nótt „Mun enginn kaupa annað en rafbíl árið 2028“ Þorbjörn kominn heim eftir átta mánaða fjarveru Þyrlusveitin kölluð til aðstoðar lögreglu í nótt „Litu bara á þetta eins og hefði verið keyrt á kind“ Ætlar að áfrýja til Landsréttar Stáli fyljar merar enn á fullu 26 vetra gamall Betlari til leiðinda í miðbænum Síbrotamaður dæmdur og Siggi stormur svarar fyrir spána Sjá meira
Arnar Þór sagðist þreyttur og sagðist vilja leyfa rykinu að setjast. En kona hans hafi skammað sig fyrir að leyfa því ekki að setjast í rólegheitunum því hann hafi skrifað bæði færslu á Facebook og grein á Vísi þar sem hann gaf það til kynna að hann ætlaði að fara að stofna stjórnmálaflokk. „Ég sagði í þessari grein að það virðist í sjálfu sér engu skipta hvort við kjósum flokka til hægri eða vinstri, niðurstaðan er alltaf sú sama.“ Arnar Þór sagði útþennslu ríkisins með miklum ósköpum og meira eftirlit vera ráðandi. „Flokkarnir eru grónir saman í eina óheilbrigða lífeind með mörgum hausum og sama hvaða haus er högginn af það sprettur fram nýr. Innstu koppar í búri Sjálfstæðisflokksins voru orðnir mestu stuðningsmenn fyrrverandi formanns Vinstri grænna.“ Gegnheilir Sjálfstæðismenn helstu stuðningsmenn Katrínar? Umsjónarmenn Bítisins spurðu hann um samkrull Katrínar Jakobsdóttur og Bjarna Benediktssonar forsætisráðherra, hvort hann leggði trúnað við kenningar um einhverja leynisamninga þeirra á milli. Arnar Þór gaf ekki mikið fyrir það. Arnar Þór Jónsson, Baldur Þórhallsson og Halla Hrund Logadóttir en ekkert þeirra reið feitum hesti frá forsetakosningunum.vísir/vilhelm „Ég treysti mér ekki til að fullyrða um það en mér finnst þetta skrítið, til marks um óheilbrigði að þetta renni svona saman. Og að innstu koppar í búri Sjálfstæðisflokksins telji að Katrín [Jakobsdóttir], sem kenna má við marxisma, sé allt í einu best til þess fallin að vera leiðtogi íslensku þjóðarinnar.“ Er samtrygging stjórnmálamanna og kerfisins orðið of mikið? „Já, þetta er orðið algerlega grímulaust og ekki lengur reynt að fela þetta á Íslandi. Ég ætla að veðja á að Katrínu verði úthlutað eitthvað þægilegt embætti á kostnað skattgreiðenda. Að hún, sem gamall Nato-andstæðingur, fái vinnu hjá Nato eða Evrópusambandinu. Það er hugsanlegt. En það eru allar líkur á því að hún fái einhvers konar vinnu á okkar kostnað.“ Arnar Þór er að undirbúa brottflutning af landi brott. Hann vill sjá hlutina í fjarlægð og líklega mun hann rita bók um reynslu sína, til dæmis þá að reyna að komast í gegnum prófkjörsmaskínu Sjálfstæðisflokksins sem veittist honum örðugt. Þar voru svo menn sem reyndust hans helstu andstæðingar í forsetakosningunum.vísir/vilhelm En er það eitthvað óeðlilegt? Hún er reynslumikil? „Jájá, það getur vel verið en er einhver stétt sem nýtur þeirra forréttinda að fá alltaf embætti? Það hefur verið þannig að þeim sem hafa verið í forystu fyrir stjórnmálaflokka er séð fyrir embætti.“ Þjóðin vill forseta sem skálar og brosir framan í sig En hvar förum við út af sporinu? Er þetta bara orðið augljósara núna? „Já, ég held að þetta sé orðið augljósara núna. Ég var í mínu framboði til forseta Íslands að benda á það sem betur má fara. Og kannski var það full þunglamanlegt fyrir þjóð sem vill bara að embættið snúist meira um að skála og brosa framan í þjóðina. Það getur vel verið að þessi rödd eigi betur heima á Alþingi, ég veit það ekki. En þetta er orðið augljósara öllum sem það vilja sjá. Forseti á ekki að vera uppá punt en Alþingi á ekki heldur að vera uppá punt. En sú er þróunin, þar er skrifað nánast blindandi undir allt sem frá Evrópu kemur. Og ráðherraræðið orðið yfirþyrmandi.“ Arnar segist hafa skynja undirliggjandi óánægju með hvernig stjórnmálin eru að þróast. Landsölufólk sitji á valdaembættum, tungumálið er komið í öndunarvél, þeir sem eru að flytja til Íslands sjá ekki tilgang með að læra málið, slíkur innflutningur á fólki að það er fyrirsjáanlegt að Íslendingar verið í minnihluta í eigin landi, það er verið að selja frá okkur fjarskipti, greiðslumiðlun, firðina okkar... Arnar Þór segir Höllu Tómasdóttur ekki helgan mann og helst er á honum að skilja að hún verði ekki mikil fyrirstæaða þegar skammsýn partígleði þjóðarinnar er annars vegar.vísir/vilhelm „Ég veit ekki hvort Halla, okkar nýkjörni góði forseti, mun stöðva þetta. Vandamálið er að þjóðin er steinsofandi. Við viljum vera í partíi þar til búið er að gubba á gólfið hjá okkur. En það er verið að stela innbúinu okkar.“ Þjóðin steinsofandi og vill partíforseta Arnar Þór segir þjóðina steinsofandi gagnvart þeirri ógn sem sannarlega steðjar að henni. „Ef fólk er ekki búið að átta sig á því ennþá. Halla er ekki helg manneskja. Hún hefur farið þrisvar sinnum í að efla tengsl við ríkasta fólk í heimi í Davos. Hún verður engin handbremsa á þetta. Hver á að stöðva þetta? Þjóðin sem finnst svo gaman að vera í partíi og neitar að horfast í augu við þann veruleika sem steðjar að? Þegar tungumálið okkar er í nauðvörn, skattpíningin heldur áfram …“ En hefur fólk eitthvað um þetta að segja hvað það fær uppúr kjörkassanum? „Ég bauð þjóðinni upp á valkost. En hún vill partíforseta.“ Er þetta ekki fullmikil smættun? „Er það? Ók, ég skal ekki kalla þetta partíforseta. En þau vilja ekki forseta sem veitir þinginu aðhald. Ætlar að skrifa bók um ástandið Arnar segir forsetaembættið hafi mótast á þann veg, að ófyrirsynju að hans mati. „Ég held að þetta embætti hafi verið hugsað sem aðhaldshlutverk. Hvaðan á aðhaldið þá að koma? Það verður þá að koma frá almenningi í þessu landi. Mun það koma í gegnum núverandi stjórnmálaflokka? Ég held ekki. Verður þá að stofna nýja flokka? Já, ég held það. Það verður að sópa út af þinginu ef eitthvað á að breytast.“ Almenningur verður þá að láta til sín taka en ef það eigi að gerast þá verði almenningur að fara á einhvers konar hugrekkisþjálfun. Arnar Þór sagðist vilja hvíla sig á Íslandi, hann er að undirbúa brottflutning af landinu. Þetta hafi verið langvarandi álag síðan hann fór í gegnum erfiða baráttu að komast í gegnum prófkjör Sjálfstæðisflokksins, þar sem hann lenti í stríði við „maskínuna innan Sjálfstæðisflokksins“ og hann telur gott að hvíla sig á íslensku samfélagi. Hann hefur hug á að skrifa um þetta ástand sem hann lýsir.
Bítið Forsetakosningar 2024 Forseti Íslands Tengdar fréttir Forsetavaktin 2024: Hver verður sjöundi forseti lýðveldisins? Forsetakosningar eru handan við hornið, þar sem þjóðin velur sér fyrsta nýja forsetann frá árinu 2016. Hér í vaktinni verður fylgst með öllum helstu vendingum í kapphlaupinu um Bessastaði fram að kosningum. 1. mars 2024 09:00 Mest lesið Munaði engu að ökumaður straujaði niður nítján hjólreiðamenn Innlent Fjöldi smitaðra af Covid kallar á aðgerðir Innlent „Það eina sem stoppar þá er hnefinn, valdbeiting“ Innlent Eldgos líklegt á allra næstu vikum og jafnvel innan bæjarins Innlent „Mun enginn kaupa annað en rafbíl árið 2028“ Innlent Flugi Play seinkað vegna ógnandi tilburða flugdólgs Innlent Þorbjörn kominn heim eftir átta mánaða fjarveru Innlent Þyrlusveitin kölluð til aðstoðar lögreglu í nótt Innlent Kallaði Trump „Hitler Ameríku“ og studdi Never Trump-hreyfinguna Erlent Minnkandi líkur á 20 stiga hita Veður Fleiri fréttir „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Slæm hegðun fanga, veiran skæða og sundballett Sex um borð þegar bátur strandaði í Viðey Munaði engu að ökumaður straujaði niður nítján hjólreiðamenn Mál á hendur skipverjum Polar Nanoq fellt niður Eldgos líklegt á allra næstu vikum og jafnvel innan bæjarins „Það eina sem stoppar þá er hnefinn, valdbeiting“ Vélarvana bátur strandaði við Viðey Fallist á áframhaldandi gæsluvarðhald Klára kvótann á morgun Sækja slasaðan göngumann á Hornstrandir Fjöldi smitaðra af Covid kallar á aðgerðir Hefja viðgerðir á næstu dögum þrátt fyrir óvissuástand Flugi Play seinkað vegna ógnandi tilburða flugdólgs Bjart fram undan í efnahagnum og framkvæmdir hefjast í Grindavík Lögreglurannsókn hafi engin áhrif á veitingu læknaleyfis Helga Vala hefur litlar áhyggjur af málinu „Við erum bara að segja þeim að vinna vinnuna sína“ Tvö þyrluútköll á Suðurlandi í gær og í nótt „Mun enginn kaupa annað en rafbíl árið 2028“ Þorbjörn kominn heim eftir átta mánaða fjarveru Þyrlusveitin kölluð til aðstoðar lögreglu í nótt „Litu bara á þetta eins og hefði verið keyrt á kind“ Ætlar að áfrýja til Landsréttar Stáli fyljar merar enn á fullu 26 vetra gamall Betlari til leiðinda í miðbænum Síbrotamaður dæmdur og Siggi stormur svarar fyrir spána Sjá meira
Forsetavaktin 2024: Hver verður sjöundi forseti lýðveldisins? Forsetakosningar eru handan við hornið, þar sem þjóðin velur sér fyrsta nýja forsetann frá árinu 2016. Hér í vaktinni verður fylgst með öllum helstu vendingum í kapphlaupinu um Bessastaði fram að kosningum. 1. mars 2024 09:00