Vopnakaup samræmist stefnu þrátt fyrir gagnrýni varaformannsins Kjartan Kjartansson skrifar 10. júní 2024 10:39 Guðmundur Árni Stefánsson, varaformaður Samfylkingarinnar, (t.v.) lýsti andstöðu við vopnakaup fyrir Úkraínu í útvarpsviðtali. Logi Einarsson, fulltrúi í utanríkismálanefnd, segir kaupin rýmast innan stefnu flokksins. Vísir Fulltrúi Samfylkingarinnar í utanríkismálanefnd Alþingis segir það í takt við stefnu flokksins að Ísland styðji óbeint hergagnakaup fyrir Úkraínu. Varaformaður flokksins lýsti yfir afdráttarlausri andstöðu við vopnakaup í viðtali í síðustu viku. Töluverð umræða hefur skapast um stuðning Íslands við Úkraínu vegna innrásar Rússa eftir forsetakosningarnar í byrjun mánaðar. Ísland greiðir í sjóð Atlantshafsbandalagsins og alþjóðlegan sjóð sem Bretar stofnuðu sem kaupa meðal annars skotfæri fyrir Úkraínumenn. Bæði Þórdís Kolbrún Reykfjörð Gylfadóttir, utanríkisráðherra, og Diljá Mist Einarsdóttir, formaður utanríkismálanefndar Alþingis, hafa gagnrýnt orð forsetaframbjóðenda um að Ísland ætti ekki að kaupa vopn fyrir Úkraínumenn. Halla Tómasdóttir, verðandi forseti, var á meðal þeirra sem töluðu ákveðnast á þeim nótum. Guðmundur Árni Stefánsson, varaformaður Samfylkingarinnar og bæjarfulltrúi í Hafnarfirði, sakaði utanríkisráðherra um hroka og yfirlæti í garð Höllu í viðtali á Útvarpi Sögu í síðustu viku. Þar tók hann með afgerandi hætti undir með Höllu um að Ísland ætti ekki að taka þátt í beinum hernaðarstuðningi. „Við eigum að veita þá aðstoð sem við kunnum og getum. Við kunnum ekki á vopn. Við erum vopnlaus þjóð. Við eigum ekki að kaupa byssur og kúlur fyrir Úkraínumenn,“ sagði Guðmundur Árni sem taldi það ekki leysa neitt að senda Úkraínumönnum skotfæri. „Innrás Rússa í Úkraínu hefur breytt landslaginu í Evrópu og orðið til þess að tvær af okkar helstu vinaþjóðum, Svíar og Finnar, hafa horfið af braut hlutleysis og sótt um aðild að þessu bandalagi. Samfylkingin er sammála því mati og telur að Íslendingar eigi að taka þátt í varnarsamstarfinu á þeim vettvangi, en einnig innan Evrópusambandsins sem fullgildur meðlimur.“ Úr stefnu Samfylkingarinnar um þátttöku í varnar- og öryggissamstarfi vestrænna þjóða. Útilokar ekki stuðning við hergagnakaup Þrátt fyrir yfirlýsingar Guðmundar Árna greiddu þingmenn Samfylkingarinnar atkvæði með þingsályktun um stuðning Íslands við Úkraínu í lok apríl. Í henni segir meðal annars að þunginn í varnartengdum stuðningi Íslands liggi áfram í framlögum í fjölþjóðlega sjóði sem kaupa hergögn og birgðir. Spurður út í ummæli varaformanns flokksins segir Logi Einarsson, fulltrúi Samfylkingarinnar í utanríkismálanefnd, að stefna flokksins sé óbreytt. Flokkurinn hafi lagt áherslu á að Íslendingar hjálpi Úkraínumönnum með mannúðaraðstoð af ýmsum toga eins og þeir hafi gert margsinnis í stríðshjáðum löndum áður. „Það hins vegar útilokar ekki að óbeinum stuðningi í gegnum sjóði NATO og ESB verði varið til hergagnakaupa, að ósk Úkraínu. Það höfum við stutt á þinginu og það er í takti við okkar stefnu,“ segir Logi í skriflegu svari við fyrirspurn Vísis. Telur „einboðið“ að virkja sendiráðið aftur Guðmundur Árni gagnrýndi einnig harðlega ákvörðun Þórdísar Kolbrúnar um að loka sendiráði Íslands í Moskvu fyrir ári. Það hafi verið algerlega misskilinn stuðningur við Úkraínu. Ekki skili neinu að slíta stjórnmálasambandi við Rússland. „Auðvitað verður það þannig að það fæst niðurstaða í þetta stríð. Rússland verður þarna áfram, það er ekki að fara neitt. [...] Auðvitað þurfum við að búa okkur undir það að á einhverju stigi máls rennur hversdagurinn upp á nýjan leik. Ekki ætlum við að hætta að vera í viðskiptum við Rússland,“ sagði Guðmundur Árni. Spurður að því í viðtalinu hvort að Samfylkingin sneri ákvörðun Þórdísar Kolbrúnar um sendiráðið við kæmist flokkurinn í ríkisstjórn eftir næstu kosningar sagði hann að sér fyndist það einboðið að sendiráðið yrði virkt og samskiptaleiðir við stjórnvöld í Kreml opnar. „Við mótmælum Rússum harðlega vegna þessarar innrásar, það er enginn vafi á því, en förum ekki fram úr okkur í svona sýndarmennsku. Þetta er sýndarmennska,“ sagði Guðmundur Árni um lokun sendiráðsins. Óheppilega staðið að lokun sendiráðsins Logi segist ekki geta sagt til um hvort að Samfylkingin láti opna sendiráðið í Moskvu aftur komist flokkurinn til valda. Dipómatísk samskipti á milli þjóða skipti gríðarlega miklu máli. „Við eigum auðvitað í margs konar diplómatískum samskiptum við þjóðir þar sem við tökum auðvitað alls ekki undir stefnu þeirra. Ég ætla ekki að ganga svo langt að segja að við myndum snúa því við en mér fannst aðdragandinn að þessu ekki heppilegur,“ segir Logi um lokun sendiráðsins. Óheppilegt hafi verið að utanríkisráðherra hafi ekki kynnt utanríkismálanefnd ákvörðunina á sínum tíma. Nefndin hafi aðeins fengið að vita af því sem til stóð á sama hálftímanum og tilkynnt var opinberlega um ákvörðunina. Innrás Rússa í Úkraínu Hernaður Utanríkismál Tengdar fréttir Ólík sýn á hvort Ísland eigi að styðja vörn Úkraínumanna Efstu frambjóðendur í skoðanakönnunum fyrir forsetakosningarnar voru ekki á einu máli um hvort rétt væri af Íslandi að styðja Úkraínumenn í vörn þeirra gegn innrás Rússa í kappræðum RÚV í kvöld. Halla Tómasdóttir lýsti einna mestum efasemdum um að styðja Úkraínu hernaðarlega. 31. maí 2024 23:04 Mest lesið Rekinn umsvifalaust úr klúbbnum í miðju meistaramóti Innlent Skúli Tómas kominn með lækningaleyfi Innlent „Ég þekki líka kolruglaða menn og ég læt drepa þig“ Innlent Vill koma upp móttöku flóttamanna við Kaffi Vest Innlent Læknirinn sem varð fyrir árásinni ætlar lengra með málið Innlent Myndband með jólalagi lykilsönnunargagn í fíkniefnamáli Innlent Ráðherra segir fyrirkomulag borgaraþjónustunnar á Spáni ósjálfbært Innlent Bíll í ljósum logum eftir veltu við Rauðavatn Innlent Þaulskipulagt af hagsmunaaðilum og þeirra fulltrúum á þingi Innlent „Klæðingin er engin skítaredding“ Innlent Fleiri fréttir Réttindi íslenskra sjómanna séu færð marga áratugi aftur í tímann Vaxandi vanskil merki um víðtækari vanda framundan Ríkið taki við uppbyggingu hjúkrunarheimila Bíll í ljósum logum eftir veltu við Rauðavatn Reynir Pétur gengur miklu minna en hann gerði Afmælisfundur NATO í skugga átaka í gjörbreyttum heimi Stefna að útrýmingu sauðfjárriðu innan tuttugu ára Fluttur á sjúkrahús eftir slys á Snæfellsnesi Ísland hafi lengi verið einn dýrasti áfangastaður heims Alvarleg vanskil aukast og hryllingur í Úkraínu Skúli Tómas kominn með lækningaleyfi Rekinn umsvifalaust úr klúbbnum í miðju meistaramóti Læknirinn sem varð fyrir árásinni ætlar lengra með málið Bifhjólamaðurinn á Vestfjörðum ekki í lífshættu Náttúran hafi sterkt umboð í samfélaginu og þurfi ekki umboðsmann Lokað frá Heklu að Nóatúni í hálfan mánuð Flestir treysta ríkisstjórninni miklu verr eftir að Bjarni tók við Þaulskipulagt af hagsmunaaðilum og þeirra fulltrúum á þingi „Ég þekki líka kolruglaða menn og ég læt drepa þig“ Hillir loks undir framkvæmdir í Vesturbugt eftir sjö ára töf Nú má heita Roj Samþjöppun á kjötmarkaði og vinstrimenn fagna í Frakklandi Afstaða Sjálfstæðismanna á skjön við lýðheilsustefnu stjórnvalda „Klæðingin er engin skítaredding“ Komu sér af vettvangi eftir árás á fjóra á veitingastað Vill koma upp móttöku flóttamanna við Kaffi Vest Myndband með jólalagi lykilsönnunargagn í fíkniefnamáli Ráðherra segir fyrirkomulag borgaraþjónustunnar á Spáni ósjálfbært Meintur strípalingur og sjö til viðbótar gistu fangageymslur lögreglu Mikil uppbygging framundan á Borg í Grímsnesi Sjá meira
Töluverð umræða hefur skapast um stuðning Íslands við Úkraínu vegna innrásar Rússa eftir forsetakosningarnar í byrjun mánaðar. Ísland greiðir í sjóð Atlantshafsbandalagsins og alþjóðlegan sjóð sem Bretar stofnuðu sem kaupa meðal annars skotfæri fyrir Úkraínumenn. Bæði Þórdís Kolbrún Reykfjörð Gylfadóttir, utanríkisráðherra, og Diljá Mist Einarsdóttir, formaður utanríkismálanefndar Alþingis, hafa gagnrýnt orð forsetaframbjóðenda um að Ísland ætti ekki að kaupa vopn fyrir Úkraínumenn. Halla Tómasdóttir, verðandi forseti, var á meðal þeirra sem töluðu ákveðnast á þeim nótum. Guðmundur Árni Stefánsson, varaformaður Samfylkingarinnar og bæjarfulltrúi í Hafnarfirði, sakaði utanríkisráðherra um hroka og yfirlæti í garð Höllu í viðtali á Útvarpi Sögu í síðustu viku. Þar tók hann með afgerandi hætti undir með Höllu um að Ísland ætti ekki að taka þátt í beinum hernaðarstuðningi. „Við eigum að veita þá aðstoð sem við kunnum og getum. Við kunnum ekki á vopn. Við erum vopnlaus þjóð. Við eigum ekki að kaupa byssur og kúlur fyrir Úkraínumenn,“ sagði Guðmundur Árni sem taldi það ekki leysa neitt að senda Úkraínumönnum skotfæri. „Innrás Rússa í Úkraínu hefur breytt landslaginu í Evrópu og orðið til þess að tvær af okkar helstu vinaþjóðum, Svíar og Finnar, hafa horfið af braut hlutleysis og sótt um aðild að þessu bandalagi. Samfylkingin er sammála því mati og telur að Íslendingar eigi að taka þátt í varnarsamstarfinu á þeim vettvangi, en einnig innan Evrópusambandsins sem fullgildur meðlimur.“ Úr stefnu Samfylkingarinnar um þátttöku í varnar- og öryggissamstarfi vestrænna þjóða. Útilokar ekki stuðning við hergagnakaup Þrátt fyrir yfirlýsingar Guðmundar Árna greiddu þingmenn Samfylkingarinnar atkvæði með þingsályktun um stuðning Íslands við Úkraínu í lok apríl. Í henni segir meðal annars að þunginn í varnartengdum stuðningi Íslands liggi áfram í framlögum í fjölþjóðlega sjóði sem kaupa hergögn og birgðir. Spurður út í ummæli varaformanns flokksins segir Logi Einarsson, fulltrúi Samfylkingarinnar í utanríkismálanefnd, að stefna flokksins sé óbreytt. Flokkurinn hafi lagt áherslu á að Íslendingar hjálpi Úkraínumönnum með mannúðaraðstoð af ýmsum toga eins og þeir hafi gert margsinnis í stríðshjáðum löndum áður. „Það hins vegar útilokar ekki að óbeinum stuðningi í gegnum sjóði NATO og ESB verði varið til hergagnakaupa, að ósk Úkraínu. Það höfum við stutt á þinginu og það er í takti við okkar stefnu,“ segir Logi í skriflegu svari við fyrirspurn Vísis. Telur „einboðið“ að virkja sendiráðið aftur Guðmundur Árni gagnrýndi einnig harðlega ákvörðun Þórdísar Kolbrúnar um að loka sendiráði Íslands í Moskvu fyrir ári. Það hafi verið algerlega misskilinn stuðningur við Úkraínu. Ekki skili neinu að slíta stjórnmálasambandi við Rússland. „Auðvitað verður það þannig að það fæst niðurstaða í þetta stríð. Rússland verður þarna áfram, það er ekki að fara neitt. [...] Auðvitað þurfum við að búa okkur undir það að á einhverju stigi máls rennur hversdagurinn upp á nýjan leik. Ekki ætlum við að hætta að vera í viðskiptum við Rússland,“ sagði Guðmundur Árni. Spurður að því í viðtalinu hvort að Samfylkingin sneri ákvörðun Þórdísar Kolbrúnar um sendiráðið við kæmist flokkurinn í ríkisstjórn eftir næstu kosningar sagði hann að sér fyndist það einboðið að sendiráðið yrði virkt og samskiptaleiðir við stjórnvöld í Kreml opnar. „Við mótmælum Rússum harðlega vegna þessarar innrásar, það er enginn vafi á því, en förum ekki fram úr okkur í svona sýndarmennsku. Þetta er sýndarmennska,“ sagði Guðmundur Árni um lokun sendiráðsins. Óheppilega staðið að lokun sendiráðsins Logi segist ekki geta sagt til um hvort að Samfylkingin láti opna sendiráðið í Moskvu aftur komist flokkurinn til valda. Dipómatísk samskipti á milli þjóða skipti gríðarlega miklu máli. „Við eigum auðvitað í margs konar diplómatískum samskiptum við þjóðir þar sem við tökum auðvitað alls ekki undir stefnu þeirra. Ég ætla ekki að ganga svo langt að segja að við myndum snúa því við en mér fannst aðdragandinn að þessu ekki heppilegur,“ segir Logi um lokun sendiráðsins. Óheppilegt hafi verið að utanríkisráðherra hafi ekki kynnt utanríkismálanefnd ákvörðunina á sínum tíma. Nefndin hafi aðeins fengið að vita af því sem til stóð á sama hálftímanum og tilkynnt var opinberlega um ákvörðunina.
„Innrás Rússa í Úkraínu hefur breytt landslaginu í Evrópu og orðið til þess að tvær af okkar helstu vinaþjóðum, Svíar og Finnar, hafa horfið af braut hlutleysis og sótt um aðild að þessu bandalagi. Samfylkingin er sammála því mati og telur að Íslendingar eigi að taka þátt í varnarsamstarfinu á þeim vettvangi, en einnig innan Evrópusambandsins sem fullgildur meðlimur.“ Úr stefnu Samfylkingarinnar um þátttöku í varnar- og öryggissamstarfi vestrænna þjóða.
Innrás Rússa í Úkraínu Hernaður Utanríkismál Tengdar fréttir Ólík sýn á hvort Ísland eigi að styðja vörn Úkraínumanna Efstu frambjóðendur í skoðanakönnunum fyrir forsetakosningarnar voru ekki á einu máli um hvort rétt væri af Íslandi að styðja Úkraínumenn í vörn þeirra gegn innrás Rússa í kappræðum RÚV í kvöld. Halla Tómasdóttir lýsti einna mestum efasemdum um að styðja Úkraínu hernaðarlega. 31. maí 2024 23:04 Mest lesið Rekinn umsvifalaust úr klúbbnum í miðju meistaramóti Innlent Skúli Tómas kominn með lækningaleyfi Innlent „Ég þekki líka kolruglaða menn og ég læt drepa þig“ Innlent Vill koma upp móttöku flóttamanna við Kaffi Vest Innlent Læknirinn sem varð fyrir árásinni ætlar lengra með málið Innlent Myndband með jólalagi lykilsönnunargagn í fíkniefnamáli Innlent Ráðherra segir fyrirkomulag borgaraþjónustunnar á Spáni ósjálfbært Innlent Bíll í ljósum logum eftir veltu við Rauðavatn Innlent Þaulskipulagt af hagsmunaaðilum og þeirra fulltrúum á þingi Innlent „Klæðingin er engin skítaredding“ Innlent Fleiri fréttir Réttindi íslenskra sjómanna séu færð marga áratugi aftur í tímann Vaxandi vanskil merki um víðtækari vanda framundan Ríkið taki við uppbyggingu hjúkrunarheimila Bíll í ljósum logum eftir veltu við Rauðavatn Reynir Pétur gengur miklu minna en hann gerði Afmælisfundur NATO í skugga átaka í gjörbreyttum heimi Stefna að útrýmingu sauðfjárriðu innan tuttugu ára Fluttur á sjúkrahús eftir slys á Snæfellsnesi Ísland hafi lengi verið einn dýrasti áfangastaður heims Alvarleg vanskil aukast og hryllingur í Úkraínu Skúli Tómas kominn með lækningaleyfi Rekinn umsvifalaust úr klúbbnum í miðju meistaramóti Læknirinn sem varð fyrir árásinni ætlar lengra með málið Bifhjólamaðurinn á Vestfjörðum ekki í lífshættu Náttúran hafi sterkt umboð í samfélaginu og þurfi ekki umboðsmann Lokað frá Heklu að Nóatúni í hálfan mánuð Flestir treysta ríkisstjórninni miklu verr eftir að Bjarni tók við Þaulskipulagt af hagsmunaaðilum og þeirra fulltrúum á þingi „Ég þekki líka kolruglaða menn og ég læt drepa þig“ Hillir loks undir framkvæmdir í Vesturbugt eftir sjö ára töf Nú má heita Roj Samþjöppun á kjötmarkaði og vinstrimenn fagna í Frakklandi Afstaða Sjálfstæðismanna á skjön við lýðheilsustefnu stjórnvalda „Klæðingin er engin skítaredding“ Komu sér af vettvangi eftir árás á fjóra á veitingastað Vill koma upp móttöku flóttamanna við Kaffi Vest Myndband með jólalagi lykilsönnunargagn í fíkniefnamáli Ráðherra segir fyrirkomulag borgaraþjónustunnar á Spáni ósjálfbært Meintur strípalingur og sjö til viðbótar gistu fangageymslur lögreglu Mikil uppbygging framundan á Borg í Grímsnesi Sjá meira
Ólík sýn á hvort Ísland eigi að styðja vörn Úkraínumanna Efstu frambjóðendur í skoðanakönnunum fyrir forsetakosningarnar voru ekki á einu máli um hvort rétt væri af Íslandi að styðja Úkraínumenn í vörn þeirra gegn innrás Rússa í kappræðum RÚV í kvöld. Halla Tómasdóttir lýsti einna mestum efasemdum um að styðja Úkraínu hernaðarlega. 31. maí 2024 23:04