Fótbolti

Vinicius Jr. verður í banni þegar Brasilía mætir Úrúgvæ í átta liða úr­slitum

Ágúst Orri Arnarson skrifar
Vinicius Jr. fékk að líta sitt annað gula spjald á mótinu.
Vinicius Jr. fékk að líta sitt annað gula spjald á mótinu. Kevork Djansezian/Getty Images

Brasilía og Úrúgvæ skildu jöfn 1-1 í lokaleik riðlakeppninnar í Ameríkubikarnum, Copa América. Kólumbía endaði því í efsta sæti riðilsins og mætir næst Panama en Brasilía mætir Úrúgvæ í átta liða úrslitum.

Samtímis í nótt vann Kosta Ríka 2-1 gegn Paragvæ en ljóst var fyrir leik þau myndu ekki komast áfram úr riðlakeppninni.

Fyrir Brasilíu skoraði Raphinha á 12. mínútu, stórbrotið mark beint úr aukaspyrnu.

Daniel Munoz jafnaði svo fyrir Kólumbíu rétt fyrir hálfleik.

Brassarnir brunuðu upp í sókn og vildu fá vítaspyrnu þegar Vinicius Jr. féll við í teignum, augljóst brot virtist vera en ekkert dæmt.

Vinicius hafði fyrr í leiknum fengið að líta gult spjald, hans annað á mótinu og hann verður því í banni í 8-liða úrslitunum.

Kólumbía fékk frábært færi undir lokin til að vinna leikinn en mistókst að skora, þeir fara þó ósigraðir upp úr riðlinum með sjö stig, líkt og Brasilía en þeir enduðu með fimm stig.

8-liða úrslit Copa América

  • Brasilía-Úrúgvæ
  • Kólumbía-Panama 
  • Argentína-Ekvador
  • Venesúela-Kanada
Copa América

Mest lesið


Fleiri fréttir

Sjá meira


×

Mest lesið