Lokar fyrirtækinu í þrjár vikur og fylgir dótturinni á heimsleikana í CrossFit Óskar Ófeigur Jónsson skrifar 28. ágúst 2024 08:32 Mæðgurnar Berglind Hafsteinsdóttir og Bergrós Björnsdóttir þegar Bergrós keppti á heimsleikunum í fyrra. Úr einkasafni Bergrós Björnsdóttir verður öflugur fulltrúi Íslands á heimsleikum unglinga í CrossFit sem hefjast í dag. Hún komst á verðlaunapall í fyrra og ætlar sér einnig stóra hluti í ár. Móðir hennar fylgir henni eins og skugginn á allar keppnir og það hefur verið nóg af mótum í ár. Foreldrarnir með Bergrós á heimsleikunum í fyrra.Einkasafn Heimsmeistarakeppni unglinga í CrossFit fer nú ekki fram á sama tíma og heimsmeistarakeppni liða og einstaklinga. Unglingarnir keppa á sérmóti sem fer fram í bænum Three Rivers í Michigan. Bergrós keppir í flokki sextán til sautján ára en hún vann bronsverðlaun í flokknum í fyrra þegar hún var á yngra árinu. Móðir hennar er Berglind Hafsteinsdóttir sem er húsgagnabólstrari og rekur fyrirtækið Bólsturlist á Selfossi. Það er þó ekki opið þar þessa dagana því Berglind er úti í Bandaríkjunum með dóttur sinni. „Þetta verður án efa hörku spennandi keppni þar sem að stelpurnar í þessum flokk eru með þeim sterkari. Bergrós er svakalega vel stemmd fyrir komandi keppnishelgi, hugur, líkami og sál er í toppstandi. Hún kom heim með bronsmedalíu í fyrra og ætlar sér svo sannarlega aftur á pall í ár,“ segir Berglind og dóttirin hefur lagt mikið á sig. Æfir eins og sannur atvinnumaður „Þessi stelpa okkar hefur æft eins og sannur atvinnumaður í CrossFit síðastliðna mánuði og ár og fer þangað sem hún ætlar sér. Við erum óendanlega stolt af henni sem og bræðrum hennar tveim að sjálfsögðu,“ segir Berglind. Bergrós ætlar sér langt í CrossFit heiminumVísir/Einar Bergrós hefur verið að gera frábæra hluti allt árið. Komst meðal annars í undanúrslitamótið í undankeppni heimsleika fullorðinna og vann til silfurverðlauna á heimsmeistaramóti unglinga í ólympískum lyftingum. Það mót fór fram í Perú og var strax á eftir undanúrslitamótinu í Frakklandi. Rosalegasta árið „Þetta ár er vægast sagt búið að vera rosalegt í einu og öllu. Við foreldrarnir höfum alltaf látið börnin okkar ráða ferðinni í þeirra áhugamálum og íþróttum. Við höfum við fylgt þeim eftir hvert fótspor og alltaf hugsað, hversu erfitt sem að þetta hefur verið að þá erum við í raun alltaf að "kaupa" okkur tíma með þeim, sérstaklega eftir því sem þau verða eldri,“ segir Berglind. „Bjarki, annar eldri bróðir Bergrósar byrjaði svo á því að æfa CrossFit árið 2018 en færði sig fljótlega yfir í ólympískar lyftingar og er í dag þrefaldur Norðurlandameistari í sínum flokk. Bergrós fylgdist vel með bróður sínum og gaf honum ekkert eftir og hefur í raun aldrei gert, þrátt fyrir að vera fjórum árum yngri. Hún byrjaði að hlaupa á eftir honum aðeins níu mánaða og ellefu ára labbaði hún á höndum út um allt hús og langaði að sjálfsögðu að fara að æfa CrossFit eins og bróðir sinn,“ segir Berglind. Bergrós út í bílskúr með kústskaft og mótorhjóladekk sitthvoru megin að æfa sig með aðstoð YouTube.Einkasafn Úti í bílskúr með kústskaft og mótorhjóladekk Berglind vissi að hún þyrfti að koma henni til CrossFit þjálfara eftir að hún kom að henni einn daginn úti í bílskúr með kústskaft og mótorhjóladekk sitthvoru megin að æfa sig með aðstoð YouTube. „Hún hætti að keppa í handbolta og mótorkrossi og byrjaði að æfa CrossFit. Eins og mig grunaði að þá stefndi hún strax á heimsleikana í CrossFit um leið og hún steig sín fyrstu skref inn á sína fyrstu CrossFit æfingu,“ segir Berglind. „Ég hef alltaf sagt við Bergrós að ég fylgi henni eins og skugginn í einu og öllu alveg þar til að hún verður átján ára. Þessum orðum fylgir jú töluverð ábyrgð að mínu mati en ég er vön að standa við mín orð og gera mitt allra besta í einu og öllu,“ segir Berglind. Enginn myndi vilja hafa mig í vinnu Jú hún lokar fyrirtækinu í þrjár vikur á meðan hún fylgir dóttur sinni út. „Ég bý svo vel að ég get stjórnað minni atvinnu alveg sjálf, enda held ég að það myndi enginn vilja hafa mig í vinnu þar sem að ég er alltaf að skreppa frá í mislangan tíma í senn. Ég er lærður húsgagnabólstrari og rek mitt eigið fyrirtæki, BólsturList á Selfossi, ásamt manninum mínum og barnsföður, Birni Breiðfjörð,“ segir Berglind. Bergrós er til í að leggja inn vinnuna sem mun skila henni að meðal þeirra bestu í heiminum í CrossFitVísir/Einar „Hann er í raun meira svona maðurinn á bak við tjöldin ef það bilar eitthvað að þá gerir hann við allt, ásamt því að setja flest allt saman sem ég er búin að taka í sundur. Hann er einnig í annarri vinnu og hefur því ekki tök á að skreppa frá jafn mikið og ég en mætir á allar þær keppnir sem hann mögulega kemst á,“ segir Berglind. Björn er nú kominn út til þeirra. Telur bara Íslendinginn á þetta „Ég hef fylgt Bergrós á allar hennar keppnir innanlands sem og utan hingað til og aldrei hugsað mig tvisvar um að loka fyrirtækinu þegar kemur að keppnisferðum hjá henni. Þessi tími kemur ekki aftur og því best að taka bara Íslendinginn á þetta og segja "þetta reddast" en þá á ég aðallega við fjármálin,“ segir Berglind létt. Það er auðvitað ekkert grín að eiga barn sem er á heimsmælikvarða í íþrótt sem hefur ekkert íþróttafélag á bak við sig. Hvað þá þegar utanlandsferðirnar eru farnar að kosta margar milljónir eins og þetta árið. Bergrós á verðlaunapallinum í fyrra.CrossFit Games „Það getur kallað á hugmyndaflugið til þess að græja fjáröflun fyrir einn einstakling þar sem að flest fyrirtæki styrkja einungis stóru íþróttafélögin. Við höfum oftast náð að safna ágætlega með hjálp dásamlegra fyrirtækja og einstaklinga en alltaf þurft að leggja slatta út fyrir þessum ferðum enda heilmikið vinnutap sem fylgir,“ segir Berglind. Töluvert slakari fyrir heimsleikunum í ár „Við erum þó töluvert slakari fyrir heimsleikunum í ár þar sem að stuttu áður en við flugum út áttum við fund með hótelstjóranum á Hótel Rangá og dóttur hans varðandi mjög svo spennandi verkefni sem Bergrós mun taka þátt í með Hótel Rangá þegar hún kemur heim aftur,“ segir Berglind. „Það er búið að vera kolvitlaust að gera í einu og öllu þetta árið og kannski of mikið þar sem að metnaðurinn hjá móðurinni er sennilega ekkert minni en hjá dótturinni og langar mig til þess að sinna öllu vel og vandlega. Ég á við það lúxus vandamál að stríða að það eru næg verkefni hjá mér í vinnunni sem ég elska en hef í raun ekki haft nægan tíma til þess að sinna þeim öllum, ásamt því að vera í meistaraskólanum sem ég reyndar klára um jólin,“ segir Berglind. Þolinmóður og skilningsríkir viðskiptavinir „Viðskiptavinir mínir eru sennilega þeir þolinmóðustu og skilningsríkustu, en allt reddast þetta á endanum og best að lofa engu því að þá er ég ekkert að svíkja neinn,“ segir Berglind. „Ætli ég fái ekki fráhvarfseinkenni eftir áramótin þegar meistaraskólinn er búinn og Bergrós nær átján ára aldri, og langar að ferðast á eigin vegum. Hún er ekkert minna sjálfstæð en eldri bræður hennar. Ég á von á því þegar að því kemur í febrúar að hún minni mig á að ég ætlaði að elta hana eins og skugginn þar til að átján ára aldrinum hefur verið náð,“ segir Berglind að lokum. Berglind vildi líka fá að nota aðstöðuna og benda á boli til styrktar stelpunni. Það er hægt að kaupa bolina hér. CrossFit Mest lesið Kelce bræðurnir seldu hlaðvarpið sitt á tæplega þrettán milljarða Sport „Sorgardagur fyrir fótboltann“ Fótbolti Biðin eftir Gylfa ætti að enda núna Fótbolti Það misstu allir af hendinni nema Stúkan og Haraldur Íslenski boltinn Alisson Becker var með í ráðum Enski boltinn Lokar fyrirtækinu í þrjár vikur og fylgir dótturinni á heimsleikana í CrossFit Sport Keyptur á 4,5 milljarða en sparkaður illa niður sólarhring síðar Enski boltinn „Hjartað langaði að halda áfram að eilífu“ Fótbolti Stríð Arons Pálmars og Björns Daníels á golfvellinum Sport Barcelona óttast að táningurinn hafi slitið krossband Fótbolti Fleiri fréttir Gylfi snýr aftur í landsliðið Æfði 13 sinnum á viku fyrir ÓL: „Stanslaus áreynsla“ Keyptur á 4,5 milljarða en sparkaður illa niður sólarhring síðar Stríð Arons Pálmars og Björns Daníels á golfvellinum Nýr Þórsari kynntur: „Hann kemur frá Cleveland líkt og Lebron James“ Barcelona óttast að táningurinn hafi slitið krossband Jackie Chan hleypur með Ólympíueldinn Alisson Becker var með í ráðum Það misstu allir af hendinni nema Stúkan og Haraldur Lokar fyrirtækinu í þrjár vikur og fylgir dótturinni á heimsleikana í CrossFit „Hjartað langaði að halda áfram að eilífu“ Biðin eftir Gylfa ætti að enda núna Kelce bræðurnir seldu hlaðvarpið sitt á tæplega þrettán milljarða „Sorgardagur fyrir fótboltann“ Dagskráin í dag: Komast Hákon Arnar og Elías Rafn áfram í Meistaradeild Evrópu? Már og Sonja fánaberar Íslands Veit ekki hvaða félagi hann er samningsbundinn Stúkan: „Kennie Chopart, hvad laver du?“ Galatasaray beið afhroð geng Young Boys Olmo tryggði Börsungum sigurinn í sínum fyrsta leik Stefán Teitur eini Íslendingurinn sem komst áfram Magnús Óli ekki með Val í upphafi tímabils Cancelo frekar til Al Hilal en Ronaldo og félaga Højbjerg nýr fyrirliði Danmerkur Lukaku samþykkir að spila undir stjórn Conte „Veit ekki hvort hún skilur hvað hún gerði“ Skipta ensku kantmennirnir? Hittu mjög viðkvæman stað á vítaskyttunni Merino mættur í Arsenal: „Sigurvegari með gríðarleg gæði“ Fékk fimm milljarða fyrir að skrifa undir Sjá meira
Foreldrarnir með Bergrós á heimsleikunum í fyrra.Einkasafn Heimsmeistarakeppni unglinga í CrossFit fer nú ekki fram á sama tíma og heimsmeistarakeppni liða og einstaklinga. Unglingarnir keppa á sérmóti sem fer fram í bænum Three Rivers í Michigan. Bergrós keppir í flokki sextán til sautján ára en hún vann bronsverðlaun í flokknum í fyrra þegar hún var á yngra árinu. Móðir hennar er Berglind Hafsteinsdóttir sem er húsgagnabólstrari og rekur fyrirtækið Bólsturlist á Selfossi. Það er þó ekki opið þar þessa dagana því Berglind er úti í Bandaríkjunum með dóttur sinni. „Þetta verður án efa hörku spennandi keppni þar sem að stelpurnar í þessum flokk eru með þeim sterkari. Bergrós er svakalega vel stemmd fyrir komandi keppnishelgi, hugur, líkami og sál er í toppstandi. Hún kom heim með bronsmedalíu í fyrra og ætlar sér svo sannarlega aftur á pall í ár,“ segir Berglind og dóttirin hefur lagt mikið á sig. Æfir eins og sannur atvinnumaður „Þessi stelpa okkar hefur æft eins og sannur atvinnumaður í CrossFit síðastliðna mánuði og ár og fer þangað sem hún ætlar sér. Við erum óendanlega stolt af henni sem og bræðrum hennar tveim að sjálfsögðu,“ segir Berglind. Bergrós ætlar sér langt í CrossFit heiminumVísir/Einar Bergrós hefur verið að gera frábæra hluti allt árið. Komst meðal annars í undanúrslitamótið í undankeppni heimsleika fullorðinna og vann til silfurverðlauna á heimsmeistaramóti unglinga í ólympískum lyftingum. Það mót fór fram í Perú og var strax á eftir undanúrslitamótinu í Frakklandi. Rosalegasta árið „Þetta ár er vægast sagt búið að vera rosalegt í einu og öllu. Við foreldrarnir höfum alltaf látið börnin okkar ráða ferðinni í þeirra áhugamálum og íþróttum. Við höfum við fylgt þeim eftir hvert fótspor og alltaf hugsað, hversu erfitt sem að þetta hefur verið að þá erum við í raun alltaf að "kaupa" okkur tíma með þeim, sérstaklega eftir því sem þau verða eldri,“ segir Berglind. „Bjarki, annar eldri bróðir Bergrósar byrjaði svo á því að æfa CrossFit árið 2018 en færði sig fljótlega yfir í ólympískar lyftingar og er í dag þrefaldur Norðurlandameistari í sínum flokk. Bergrós fylgdist vel með bróður sínum og gaf honum ekkert eftir og hefur í raun aldrei gert, þrátt fyrir að vera fjórum árum yngri. Hún byrjaði að hlaupa á eftir honum aðeins níu mánaða og ellefu ára labbaði hún á höndum út um allt hús og langaði að sjálfsögðu að fara að æfa CrossFit eins og bróðir sinn,“ segir Berglind. Bergrós út í bílskúr með kústskaft og mótorhjóladekk sitthvoru megin að æfa sig með aðstoð YouTube.Einkasafn Úti í bílskúr með kústskaft og mótorhjóladekk Berglind vissi að hún þyrfti að koma henni til CrossFit þjálfara eftir að hún kom að henni einn daginn úti í bílskúr með kústskaft og mótorhjóladekk sitthvoru megin að æfa sig með aðstoð YouTube. „Hún hætti að keppa í handbolta og mótorkrossi og byrjaði að æfa CrossFit. Eins og mig grunaði að þá stefndi hún strax á heimsleikana í CrossFit um leið og hún steig sín fyrstu skref inn á sína fyrstu CrossFit æfingu,“ segir Berglind. „Ég hef alltaf sagt við Bergrós að ég fylgi henni eins og skugginn í einu og öllu alveg þar til að hún verður átján ára. Þessum orðum fylgir jú töluverð ábyrgð að mínu mati en ég er vön að standa við mín orð og gera mitt allra besta í einu og öllu,“ segir Berglind. Enginn myndi vilja hafa mig í vinnu Jú hún lokar fyrirtækinu í þrjár vikur á meðan hún fylgir dóttur sinni út. „Ég bý svo vel að ég get stjórnað minni atvinnu alveg sjálf, enda held ég að það myndi enginn vilja hafa mig í vinnu þar sem að ég er alltaf að skreppa frá í mislangan tíma í senn. Ég er lærður húsgagnabólstrari og rek mitt eigið fyrirtæki, BólsturList á Selfossi, ásamt manninum mínum og barnsföður, Birni Breiðfjörð,“ segir Berglind. Bergrós er til í að leggja inn vinnuna sem mun skila henni að meðal þeirra bestu í heiminum í CrossFitVísir/Einar „Hann er í raun meira svona maðurinn á bak við tjöldin ef það bilar eitthvað að þá gerir hann við allt, ásamt því að setja flest allt saman sem ég er búin að taka í sundur. Hann er einnig í annarri vinnu og hefur því ekki tök á að skreppa frá jafn mikið og ég en mætir á allar þær keppnir sem hann mögulega kemst á,“ segir Berglind. Björn er nú kominn út til þeirra. Telur bara Íslendinginn á þetta „Ég hef fylgt Bergrós á allar hennar keppnir innanlands sem og utan hingað til og aldrei hugsað mig tvisvar um að loka fyrirtækinu þegar kemur að keppnisferðum hjá henni. Þessi tími kemur ekki aftur og því best að taka bara Íslendinginn á þetta og segja "þetta reddast" en þá á ég aðallega við fjármálin,“ segir Berglind létt. Það er auðvitað ekkert grín að eiga barn sem er á heimsmælikvarða í íþrótt sem hefur ekkert íþróttafélag á bak við sig. Hvað þá þegar utanlandsferðirnar eru farnar að kosta margar milljónir eins og þetta árið. Bergrós á verðlaunapallinum í fyrra.CrossFit Games „Það getur kallað á hugmyndaflugið til þess að græja fjáröflun fyrir einn einstakling þar sem að flest fyrirtæki styrkja einungis stóru íþróttafélögin. Við höfum oftast náð að safna ágætlega með hjálp dásamlegra fyrirtækja og einstaklinga en alltaf þurft að leggja slatta út fyrir þessum ferðum enda heilmikið vinnutap sem fylgir,“ segir Berglind. Töluvert slakari fyrir heimsleikunum í ár „Við erum þó töluvert slakari fyrir heimsleikunum í ár þar sem að stuttu áður en við flugum út áttum við fund með hótelstjóranum á Hótel Rangá og dóttur hans varðandi mjög svo spennandi verkefni sem Bergrós mun taka þátt í með Hótel Rangá þegar hún kemur heim aftur,“ segir Berglind. „Það er búið að vera kolvitlaust að gera í einu og öllu þetta árið og kannski of mikið þar sem að metnaðurinn hjá móðurinni er sennilega ekkert minni en hjá dótturinni og langar mig til þess að sinna öllu vel og vandlega. Ég á við það lúxus vandamál að stríða að það eru næg verkefni hjá mér í vinnunni sem ég elska en hef í raun ekki haft nægan tíma til þess að sinna þeim öllum, ásamt því að vera í meistaraskólanum sem ég reyndar klára um jólin,“ segir Berglind. Þolinmóður og skilningsríkir viðskiptavinir „Viðskiptavinir mínir eru sennilega þeir þolinmóðustu og skilningsríkustu, en allt reddast þetta á endanum og best að lofa engu því að þá er ég ekkert að svíkja neinn,“ segir Berglind. „Ætli ég fái ekki fráhvarfseinkenni eftir áramótin þegar meistaraskólinn er búinn og Bergrós nær átján ára aldri, og langar að ferðast á eigin vegum. Hún er ekkert minna sjálfstæð en eldri bræður hennar. Ég á von á því þegar að því kemur í febrúar að hún minni mig á að ég ætlaði að elta hana eins og skugginn þar til að átján ára aldrinum hefur verið náð,“ segir Berglind að lokum. Berglind vildi líka fá að nota aðstöðuna og benda á boli til styrktar stelpunni. Það er hægt að kaupa bolina hér.
CrossFit Mest lesið Kelce bræðurnir seldu hlaðvarpið sitt á tæplega þrettán milljarða Sport „Sorgardagur fyrir fótboltann“ Fótbolti Biðin eftir Gylfa ætti að enda núna Fótbolti Það misstu allir af hendinni nema Stúkan og Haraldur Íslenski boltinn Alisson Becker var með í ráðum Enski boltinn Lokar fyrirtækinu í þrjár vikur og fylgir dótturinni á heimsleikana í CrossFit Sport Keyptur á 4,5 milljarða en sparkaður illa niður sólarhring síðar Enski boltinn „Hjartað langaði að halda áfram að eilífu“ Fótbolti Stríð Arons Pálmars og Björns Daníels á golfvellinum Sport Barcelona óttast að táningurinn hafi slitið krossband Fótbolti Fleiri fréttir Gylfi snýr aftur í landsliðið Æfði 13 sinnum á viku fyrir ÓL: „Stanslaus áreynsla“ Keyptur á 4,5 milljarða en sparkaður illa niður sólarhring síðar Stríð Arons Pálmars og Björns Daníels á golfvellinum Nýr Þórsari kynntur: „Hann kemur frá Cleveland líkt og Lebron James“ Barcelona óttast að táningurinn hafi slitið krossband Jackie Chan hleypur með Ólympíueldinn Alisson Becker var með í ráðum Það misstu allir af hendinni nema Stúkan og Haraldur Lokar fyrirtækinu í þrjár vikur og fylgir dótturinni á heimsleikana í CrossFit „Hjartað langaði að halda áfram að eilífu“ Biðin eftir Gylfa ætti að enda núna Kelce bræðurnir seldu hlaðvarpið sitt á tæplega þrettán milljarða „Sorgardagur fyrir fótboltann“ Dagskráin í dag: Komast Hákon Arnar og Elías Rafn áfram í Meistaradeild Evrópu? Már og Sonja fánaberar Íslands Veit ekki hvaða félagi hann er samningsbundinn Stúkan: „Kennie Chopart, hvad laver du?“ Galatasaray beið afhroð geng Young Boys Olmo tryggði Börsungum sigurinn í sínum fyrsta leik Stefán Teitur eini Íslendingurinn sem komst áfram Magnús Óli ekki með Val í upphafi tímabils Cancelo frekar til Al Hilal en Ronaldo og félaga Højbjerg nýr fyrirliði Danmerkur Lukaku samþykkir að spila undir stjórn Conte „Veit ekki hvort hún skilur hvað hún gerði“ Skipta ensku kantmennirnir? Hittu mjög viðkvæman stað á vítaskyttunni Merino mættur í Arsenal: „Sigurvegari með gríðarleg gæði“ Fékk fimm milljarða fyrir að skrifa undir Sjá meira