Ljósbrot valin besta norræna kvikmyndin Dóra Júlía Agnarsdóttir skrifar 2. september 2024 10:37 Elín Hall, Katla Njáls, Gunnar Hrafn, Ágúst Wiigum og Mikael Kaaber aðalleikarar Ljósbrots. Arnar Freyr Eldey films Kvikmyndin Ljósbrot hefur farið sigurför um heiminn og hlaut um helgina aðalverðlaun kvikmyndahátíðarinnar í Osló sem besta norræna kvikmyndin. Formaður dómnefndarinnar var Jorunn Myklebust og dásamaði hún myndina. „Ljósbrot fjallar um sorgina á fíngerðan og flókinn hátt. Á stuttum tíma fangar myndin fjölmargar tilfinningar eins og ást, umhyggju, reiði og afbrýðisemi. Í gegnum þetta litróf tilfinninga ná aðal kvenpersónurnar sérstaklega að tengjast og með þeim færist áhorfandinn í áttina að von sem sigrar óttann. Ljósbrot er hrá, líkamleg og húmanísk saga sem getur skapað tilfinningalegan hljómgrunn hjá öllum,“ segir Jorunn. Eru þetta fimmtu alþjóðlegu kvikmyndaverðlaun Ljósbrots sem hefur verið að fara sigurför um heiminn eftir að hafa hlotið standandi lófaklapp sem opnunarmynd á Kvikmyndahátíðinni í Cannes. Ljósbrot hefur einnig verið valin í forval til Evrópsku kvikmyndaverðlaunanna og fram undan eru fjölda kvikmyndahátíða . Þá hefur Ljósbrot einnig selst vel og mun fara í almennar sýningar um allan heim á næstunni. Myndin gerist á fallegum vordegi þegar líf Unu snýst á hliðina á svipstundu og upphefst rússíbanaferð tilfinninga. Þar sem mörkin milli hláturs og grátur, fegurðar og sorgar, verða stundum óskýr. Með aðalhlutverk fara, Elín Hall, Katla Njálsdóttir, Mikael Kaaber, Baldur Einarsson, Gunnar Kristjánsson og Ágúst Wigum. Rúnar Rúnarsson leikstjóri myndarinnar er í skýjunum með viðbrögðin. „Þessi velgengni Ljósbrots er búin að vera lyginni líkust. En svona kraftaverk gerast ekki af sjálfum sér. Við erum svo heppin að hafa ótrúlega hæfileikaríkan hóp leikara, frábæra listamenn og fagfólk. Og jarðveg sem einkaaðilar og stjórnvöld hafa verið að rækta undanfarin ár. Við megum öll vera stolt,“ segir Rúnar. Bíó og sjónvarp Kvikmyndagerð á Íslandi Kvikmyndahús Menning Mest lesið Einhleypa mánaðarins: „Fullkomin, fullkomin, fullkomin“ Makamál Hafi ráðist að Vigdísi á dönsku kránni Lífið Lífið tók kollsteypu eftir ævintýralega Íslandsför Lífið Stjörnulífið: „Reynum að koma heilir til baka“ Lífið Íslendingar ginnkeyptir fyrir pólitískum samsæriskenningum Lífið Fögur miðbæjarperla Svanhildar og Sigurðar til sölu Lífið Sautján tíma ferðalag með krefjandi Steinda framundan Lífið Ingó veðurguð og Alexandra eignuðust stúlku Lífið Ljósbrot valin besta norræna kvikmyndin Bíó og sjónvarp Mikil fagnaðarlæti vegna hænu í Hveragerði Lífið Fleiri fréttir Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
Formaður dómnefndarinnar var Jorunn Myklebust og dásamaði hún myndina. „Ljósbrot fjallar um sorgina á fíngerðan og flókinn hátt. Á stuttum tíma fangar myndin fjölmargar tilfinningar eins og ást, umhyggju, reiði og afbrýðisemi. Í gegnum þetta litróf tilfinninga ná aðal kvenpersónurnar sérstaklega að tengjast og með þeim færist áhorfandinn í áttina að von sem sigrar óttann. Ljósbrot er hrá, líkamleg og húmanísk saga sem getur skapað tilfinningalegan hljómgrunn hjá öllum,“ segir Jorunn. Eru þetta fimmtu alþjóðlegu kvikmyndaverðlaun Ljósbrots sem hefur verið að fara sigurför um heiminn eftir að hafa hlotið standandi lófaklapp sem opnunarmynd á Kvikmyndahátíðinni í Cannes. Ljósbrot hefur einnig verið valin í forval til Evrópsku kvikmyndaverðlaunanna og fram undan eru fjölda kvikmyndahátíða . Þá hefur Ljósbrot einnig selst vel og mun fara í almennar sýningar um allan heim á næstunni. Myndin gerist á fallegum vordegi þegar líf Unu snýst á hliðina á svipstundu og upphefst rússíbanaferð tilfinninga. Þar sem mörkin milli hláturs og grátur, fegurðar og sorgar, verða stundum óskýr. Með aðalhlutverk fara, Elín Hall, Katla Njálsdóttir, Mikael Kaaber, Baldur Einarsson, Gunnar Kristjánsson og Ágúst Wigum. Rúnar Rúnarsson leikstjóri myndarinnar er í skýjunum með viðbrögðin. „Þessi velgengni Ljósbrots er búin að vera lyginni líkust. En svona kraftaverk gerast ekki af sjálfum sér. Við erum svo heppin að hafa ótrúlega hæfileikaríkan hóp leikara, frábæra listamenn og fagfólk. Og jarðveg sem einkaaðilar og stjórnvöld hafa verið að rækta undanfarin ár. Við megum öll vera stolt,“ segir Rúnar.
Bíó og sjónvarp Kvikmyndagerð á Íslandi Kvikmyndahús Menning Mest lesið Einhleypa mánaðarins: „Fullkomin, fullkomin, fullkomin“ Makamál Hafi ráðist að Vigdísi á dönsku kránni Lífið Lífið tók kollsteypu eftir ævintýralega Íslandsför Lífið Stjörnulífið: „Reynum að koma heilir til baka“ Lífið Íslendingar ginnkeyptir fyrir pólitískum samsæriskenningum Lífið Fögur miðbæjarperla Svanhildar og Sigurðar til sölu Lífið Sautján tíma ferðalag með krefjandi Steinda framundan Lífið Ingó veðurguð og Alexandra eignuðust stúlku Lífið Ljósbrot valin besta norræna kvikmyndin Bíó og sjónvarp Mikil fagnaðarlæti vegna hænu í Hveragerði Lífið Fleiri fréttir Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira