Sjálfboðaliðinn miður sín og fengið að heyra það héðan og þaðan Sindri Sverrisson skrifar 23. október 2024 08:00 KA-strákarnir með Íslandsmeistaraverðlaun sín sem þeir þurfa að spila að nýju um á Akureyri í dag. @KA yngri flokkar „Sjálfboðaliðinn er alveg miður sín og þetta hjálpar okkur ekki að menn fái svona yfir sig þegar þeir gera mistök,“ segir Sævar Pétursson, framkvæmdastjóri KA, um sjálfboðaliða félagsins sem dæmdi úrslitaleikinn við Stjörnuna í C-liðum 4. flokks drengja. Framlenging leiksins, og mögulega vítaspyrnukeppni, verður endurtekin í dag. Sævar segir strákana í KA-liðinu, sem í síðasta mánuði fögnuðu Íslandsmeistaratitli eftir sigur gegn Stjörnunni á Akureyri, sára og svekkta eftir að hafa verið sviptir titlinum. Þeir fá þó annað tækifæri til að landa titlinum í dag þegar Stjörnustrákar mæta aftur til Akureyrar. Þegar liðin mættust í síðasta mánuði gerði dómari, sem KA bar ábyrgð á að útvega, þau mistök að framlengja leikinn um 2x5 mínútur þegar framlenging hefði reglum samkvæmt átt að vera 2x10 mínútur. Þá hafði hann vítaspyrnukeppnina einnig styttri en hún hefði átt að vera, eða þrjár spyrnur á lið. Þessu greindi hann þjálfurum beggja liða frá áður en framlengingin hófst en tvennum sögum fer af því hvort Stjarnan hafi þá mótmælt. „Framkvæmd leiksins röng og hún er á okkar ábyrgð“ Eftir sigur KA kærði Stjarnan úrslit leiksins, og aga- og úrskurðarnefnd KSÍ varð við kröfu Stjörnunnar um að framlenging, og mögulega vítaspyrnukeppni, yrði endurtekin og þá með réttum hætti. KA þarf auk þess að greiða fyrir rútuferð Stjörnunnar í dag og áætlar Sævar að sá kostnaður nemi 200-250 þúsund krónum. „Staðreynd málsins, og við höfum aldrei reynt að komast undan því, er að framkvæmd leiksins var röng og hún er alltaf á okkar ábyrgð. Eins og við öll sem erum að reka íþróttafélög þá erum við með sjálfboðaliða, og sjálfboðaliðinn gerir þarna bara mistök. Við erum í nógu miklum vandræðum með að fá sjálfboðaliða í okkar starfsemi þó að þeir þurfi ekki að eiga við eitthvað svona. Hann hefur heldur betur verið miður sín og fengið að heyra það héðan og þaðan,“ segir Sævar í samtali við Vísi. Hvorugt liðið hagnaðist á mistökunum „Akkúrat á þessum tímapunkti [áður en framlenging hófst] þá hagnast hvorugt liðið á þessum mistökum. Þjálfarar beggja liða eru upplýstir um hve löng framlengingin verði og hve mörg víti verði tekin. Svona mistök eru eitthvað sem allir vilja koma í veg fyrir og það er algjör synd að þetta hafi gerst. En niðurstaðan liggur bara fyrir og við sem félag unum henni, og tökum bara vel á móti Stjörnustrákunum hingað norður og spilum þetta aftur,“ segir Sævar. Stjarnan sendi frá sér yfirlýsingu vegna málsins í gær og rökstuddi þar ákvörðun sína um kæru meðal annars með því að öllum iðkendum ætti að sýna sömu virðingu, burtséð frá getustigi. Þá sakaði félagið KA um skort á drengskap með því að blanda sér ekki í umræðuna og viðurkenna mistök og leiðrétta rangfærslur annarra. „Ekki í okkar verkahring að svara einhverju á samfélagsmiðlum“ „Ég sá aðeins í yfirlýsingu hjá Stjörnunni að þeir væru óánægðir með að við værum ekki að taka þátt í umræðunni eða eitthvað slíkt, en við metum það ekki í okkar verkahring að vera að svara einhverju á samfélagsmiðlum. Lykilmálið er bara að það voru gerð mistök og sjálfboðaliðanum líður alveg ömurlega með að hafa gert mistökin. En ferlið er mjög skýrt og við vissum alveg um leið og málið var kært hver niðurstaðan yrði. Við unum því bara og höldum áfram,“ segir Sævar. Samkvæmt úrskurði aga- og úrskurðanefndar fer tvennum sögum af því hvort að Stjarnan hafi mótmælt því fyrir fram að framlengingin yrði 2x5 mínútur, og vítaspyrnukeppnin þannig að þrjár spyrnur væru á lið í stað fimm. „Sárir og fúlir því þeir gerðu ekkert rangt“ „Ég hef svo sem ekki annað en orð dómarans. Hann fór og spurði þjálfarana báðu megin og var einfaldlega ekki viss [um hve löng framlenging ætti að vera]. Svo fær hann skilaboð utan frá um að þetta eigi að vera 2x5 mínútur, og þjálfararnir segja bara ókei við því og áfram gakk. Vissulega höfðu þjálfararnir báðu megin sagt að þeir héldu að þetta ættu að vera 2x10 mínútur. En svo bara spiluðu menn leikinn og kláruðu vítin, og það kemur niðurstaða. Svo kemur í ljós að þetta er röng framkvæmd og hún er á ábyrgð KA, og við verðum að una því.“ En hvernig líður strákunum í KA-liðinu, 12 og 13 ára gömlum, vegna málsins? „Eðli málsins samkvæmt eru þeir sárir og fúlir því þeir gerðu ekkert rangt. Og foreldrarnir styðja sína gutta sem er bara eðlilegt. En við unum bara niðurstöðu dómstóla og ekkert annað að gera en að taka þetta á kassann og halda áfram.“ Framlenging leiksins fer fram á Greifavellinum á Akureyri í dag og hefst klukkan 15. Fótbolti Íþróttir barna Stjarnan KA Mest lesið Mætir með skreyttar tennur í El Clasico Fótbolti Shearer hefði stórslasað sig við að reyna það sem Haaland gerði Enski boltinn „Hefði viljað klára þetta á meira sannfærandi hátt“ Körfubolti „Til fyrirmyndar hvernig stelpurnar mættu í þennan leik“ Handbolti Uppgjörið: Grindavík - Tindastóll 90-93 | Stólarnir fyrstir til að vinna Grindvíkinga í vetur Körfubolti Leikmenn með tíu stærstu samninga sögunnar mætast í World Series Sport Uppgjörið: Ísland - Pólland 30-24 | Frábærar íslenskar stelpur lofa góðu fyrir EM Handbolti Freyr og lærisveinar upp úr fallsæti Fótbolti Chris Wood áfram sjóðheitur og Forest upp í fimmta sæti Enski boltinn Formaðurinn og þjálfarinn handskafa völlinn fyrir stórleikinn á morgun Íslenski boltinn Fleiri fréttir Framlengdi og getur spilað fyrir félagið í þremur deildum „Undir niðri kraumar bullandi rígur“ Sjö stjörnur yfirgefa sviðið um helgina Formaðurinn og þjálfarinn handskafa völlinn fyrir stórleikinn á morgun Sjáðu peppmyndbandið fyrir svakalegt uppgjör Víkings og Breiðabliks Mjög ólíklegt að Valdimar verði með í úrslitaleiknum Svona var blaðamannafundurinn fyrir úrslitaleikinn Fram fyrir Ljósið: „Veit að hún hugsar hlýlega til okkar“ Tókst á við einmanaleikann með vinnu í Valsheimilinu Nú fögnuðu Stjörnustrákarnir sigri Blikarnir draga úr hópi þeirra sem óska eftir miðum á úrslitaleikinn Smá möguleiki á því að Ekroth verði með á sunnudaginn Theodór Elmar hættir og verður aðstoðarþjálfari Saltkóngur nýr formaður innan Vals Sjáðu boxið þar sem Arnar tekur út bann í úrslitaleiknum: „Þetta er erfitt“ Sjálfboðaliðinn miður sín og fengið að heyra það héðan og þaðan KR heldur áfram að sækja unga og efnilega leikmenn Þorlákur tekinn við ÍBV „Leit út fyrir að hann væri að spila fótbolta í fyrsta skipti“ Bann Arnars staðfest og Jón Þór byrjar næsta ár í banni Stubbur hrundi vegna álags Yfirlýsing Stjörnunnar: „Gerum ekki greinarmun á getustigi“ Áfram á Íslandi og ætlar sér markametið Telja líklegt að Gylfi hætti: „Held að hann sé bara í fótbolta út af landsliðinu“ „Auðvitað smá sjokk að heyra að maður sé kominn í sex mánaða bann“ Orri Sigurður kallar leikmann Fram ræfil Fá annað tækifæri: Lengd framlengingar kærð Miðasala fyrir úrslitaleikinn í Víkinni fer fram á morgun Örlög HK ráðast í Laugardal Daníel, Hilmar Árni og Þórarinn Ingi kveðja Sjá meira
Sævar segir strákana í KA-liðinu, sem í síðasta mánuði fögnuðu Íslandsmeistaratitli eftir sigur gegn Stjörnunni á Akureyri, sára og svekkta eftir að hafa verið sviptir titlinum. Þeir fá þó annað tækifæri til að landa titlinum í dag þegar Stjörnustrákar mæta aftur til Akureyrar. Þegar liðin mættust í síðasta mánuði gerði dómari, sem KA bar ábyrgð á að útvega, þau mistök að framlengja leikinn um 2x5 mínútur þegar framlenging hefði reglum samkvæmt átt að vera 2x10 mínútur. Þá hafði hann vítaspyrnukeppnina einnig styttri en hún hefði átt að vera, eða þrjár spyrnur á lið. Þessu greindi hann þjálfurum beggja liða frá áður en framlengingin hófst en tvennum sögum fer af því hvort Stjarnan hafi þá mótmælt. „Framkvæmd leiksins röng og hún er á okkar ábyrgð“ Eftir sigur KA kærði Stjarnan úrslit leiksins, og aga- og úrskurðarnefnd KSÍ varð við kröfu Stjörnunnar um að framlenging, og mögulega vítaspyrnukeppni, yrði endurtekin og þá með réttum hætti. KA þarf auk þess að greiða fyrir rútuferð Stjörnunnar í dag og áætlar Sævar að sá kostnaður nemi 200-250 þúsund krónum. „Staðreynd málsins, og við höfum aldrei reynt að komast undan því, er að framkvæmd leiksins var röng og hún er alltaf á okkar ábyrgð. Eins og við öll sem erum að reka íþróttafélög þá erum við með sjálfboðaliða, og sjálfboðaliðinn gerir þarna bara mistök. Við erum í nógu miklum vandræðum með að fá sjálfboðaliða í okkar starfsemi þó að þeir þurfi ekki að eiga við eitthvað svona. Hann hefur heldur betur verið miður sín og fengið að heyra það héðan og þaðan,“ segir Sævar í samtali við Vísi. Hvorugt liðið hagnaðist á mistökunum „Akkúrat á þessum tímapunkti [áður en framlenging hófst] þá hagnast hvorugt liðið á þessum mistökum. Þjálfarar beggja liða eru upplýstir um hve löng framlengingin verði og hve mörg víti verði tekin. Svona mistök eru eitthvað sem allir vilja koma í veg fyrir og það er algjör synd að þetta hafi gerst. En niðurstaðan liggur bara fyrir og við sem félag unum henni, og tökum bara vel á móti Stjörnustrákunum hingað norður og spilum þetta aftur,“ segir Sævar. Stjarnan sendi frá sér yfirlýsingu vegna málsins í gær og rökstuddi þar ákvörðun sína um kæru meðal annars með því að öllum iðkendum ætti að sýna sömu virðingu, burtséð frá getustigi. Þá sakaði félagið KA um skort á drengskap með því að blanda sér ekki í umræðuna og viðurkenna mistök og leiðrétta rangfærslur annarra. „Ekki í okkar verkahring að svara einhverju á samfélagsmiðlum“ „Ég sá aðeins í yfirlýsingu hjá Stjörnunni að þeir væru óánægðir með að við værum ekki að taka þátt í umræðunni eða eitthvað slíkt, en við metum það ekki í okkar verkahring að vera að svara einhverju á samfélagsmiðlum. Lykilmálið er bara að það voru gerð mistök og sjálfboðaliðanum líður alveg ömurlega með að hafa gert mistökin. En ferlið er mjög skýrt og við vissum alveg um leið og málið var kært hver niðurstaðan yrði. Við unum því bara og höldum áfram,“ segir Sævar. Samkvæmt úrskurði aga- og úrskurðanefndar fer tvennum sögum af því hvort að Stjarnan hafi mótmælt því fyrir fram að framlengingin yrði 2x5 mínútur, og vítaspyrnukeppnin þannig að þrjár spyrnur væru á lið í stað fimm. „Sárir og fúlir því þeir gerðu ekkert rangt“ „Ég hef svo sem ekki annað en orð dómarans. Hann fór og spurði þjálfarana báðu megin og var einfaldlega ekki viss [um hve löng framlenging ætti að vera]. Svo fær hann skilaboð utan frá um að þetta eigi að vera 2x5 mínútur, og þjálfararnir segja bara ókei við því og áfram gakk. Vissulega höfðu þjálfararnir báðu megin sagt að þeir héldu að þetta ættu að vera 2x10 mínútur. En svo bara spiluðu menn leikinn og kláruðu vítin, og það kemur niðurstaða. Svo kemur í ljós að þetta er röng framkvæmd og hún er á ábyrgð KA, og við verðum að una því.“ En hvernig líður strákunum í KA-liðinu, 12 og 13 ára gömlum, vegna málsins? „Eðli málsins samkvæmt eru þeir sárir og fúlir því þeir gerðu ekkert rangt. Og foreldrarnir styðja sína gutta sem er bara eðlilegt. En við unum bara niðurstöðu dómstóla og ekkert annað að gera en að taka þetta á kassann og halda áfram.“ Framlenging leiksins fer fram á Greifavellinum á Akureyri í dag og hefst klukkan 15.
Fótbolti Íþróttir barna Stjarnan KA Mest lesið Mætir með skreyttar tennur í El Clasico Fótbolti Shearer hefði stórslasað sig við að reyna það sem Haaland gerði Enski boltinn „Hefði viljað klára þetta á meira sannfærandi hátt“ Körfubolti „Til fyrirmyndar hvernig stelpurnar mættu í þennan leik“ Handbolti Uppgjörið: Grindavík - Tindastóll 90-93 | Stólarnir fyrstir til að vinna Grindvíkinga í vetur Körfubolti Leikmenn með tíu stærstu samninga sögunnar mætast í World Series Sport Uppgjörið: Ísland - Pólland 30-24 | Frábærar íslenskar stelpur lofa góðu fyrir EM Handbolti Freyr og lærisveinar upp úr fallsæti Fótbolti Chris Wood áfram sjóðheitur og Forest upp í fimmta sæti Enski boltinn Formaðurinn og þjálfarinn handskafa völlinn fyrir stórleikinn á morgun Íslenski boltinn Fleiri fréttir Framlengdi og getur spilað fyrir félagið í þremur deildum „Undir niðri kraumar bullandi rígur“ Sjö stjörnur yfirgefa sviðið um helgina Formaðurinn og þjálfarinn handskafa völlinn fyrir stórleikinn á morgun Sjáðu peppmyndbandið fyrir svakalegt uppgjör Víkings og Breiðabliks Mjög ólíklegt að Valdimar verði með í úrslitaleiknum Svona var blaðamannafundurinn fyrir úrslitaleikinn Fram fyrir Ljósið: „Veit að hún hugsar hlýlega til okkar“ Tókst á við einmanaleikann með vinnu í Valsheimilinu Nú fögnuðu Stjörnustrákarnir sigri Blikarnir draga úr hópi þeirra sem óska eftir miðum á úrslitaleikinn Smá möguleiki á því að Ekroth verði með á sunnudaginn Theodór Elmar hættir og verður aðstoðarþjálfari Saltkóngur nýr formaður innan Vals Sjáðu boxið þar sem Arnar tekur út bann í úrslitaleiknum: „Þetta er erfitt“ Sjálfboðaliðinn miður sín og fengið að heyra það héðan og þaðan KR heldur áfram að sækja unga og efnilega leikmenn Þorlákur tekinn við ÍBV „Leit út fyrir að hann væri að spila fótbolta í fyrsta skipti“ Bann Arnars staðfest og Jón Þór byrjar næsta ár í banni Stubbur hrundi vegna álags Yfirlýsing Stjörnunnar: „Gerum ekki greinarmun á getustigi“ Áfram á Íslandi og ætlar sér markametið Telja líklegt að Gylfi hætti: „Held að hann sé bara í fótbolta út af landsliðinu“ „Auðvitað smá sjokk að heyra að maður sé kominn í sex mánaða bann“ Orri Sigurður kallar leikmann Fram ræfil Fá annað tækifæri: Lengd framlengingar kærð Miðasala fyrir úrslitaleikinn í Víkinni fer fram á morgun Örlög HK ráðast í Laugardal Daníel, Hilmar Árni og Þórarinn Ingi kveðja Sjá meira
Uppgjörið: Grindavík - Tindastóll 90-93 | Stólarnir fyrstir til að vinna Grindvíkinga í vetur Körfubolti
Uppgjörið: Grindavík - Tindastóll 90-93 | Stólarnir fyrstir til að vinna Grindvíkinga í vetur Körfubolti