Hvatti kjósanda til að strika yfir nafn Dags Tómas Arnar Þorláksson og Elín Margrét Böðvarsdóttir skrifa 26. október 2024 18:39 Kristrún Frostadóttir, formaður Samfylkingarinnar. Vísir/Arnar „Þetta eru skilaboð frá mér til stuðningsmanns, einkaskilaboð. Ég er oft í samskiptum við fólk sem er hrifið af Samfylkingunni og hefur alls konar skoðanir. Þarna var um að ræða einstakling sem hafði skoðanir á Degi B. Eggertssyni.“ Þetta segir Kristrún Frostadóttir, formaður Samfylkingarinnar, í samtali við fréttastofu um einkaskilaboð sem hún sendi stuðningsmanni sem hann birti síðan á íbúahópi Grafarvogs á Facebook í dag. Skjáskot af skilaboðunum hafa verið í dreifingu manna á milli. Kristrún segir Dag B. Eggertsson, fyrrverandi borgarstjóra, vera aukaleikara í stóra verkefni Samfylkingarinnar. Hún hvetur mögulegan kjósanda Samfylkingarinnar sem er ósáttur við Dag sem borgarstjóra í Reykjavík til að strika yfir nafn hans í kjörklefanum. Dagur stýri ekki Samfylkingunni heldur hún. Kalli ekki á afsökunarbeiðni Kristrún segir í samtali við Vísi að það sé eðlilegt að fólk sem vilji kjósa Samfylkinguna hafi mismunandi skoðanir á einstaka frambjóðendum. „Það eru líka einstaklingar sem hafa skoðanir á öðrum frambjóðendum. Það er auðvitað til fólk sem vill kjósa Samfylkinguna og líst vel á þær breytingar sem við höfum verið að boða fyrir Ísland en líst kannski ekki jafn vel á alla okkar frambjóðendur og það er bara eins og gengur og gerist.“ Spurð hvort að skilaboðin kalli á það hún biðji Dag afsökunar svarar Kristrún því neitandi. „Hann ákvað sjálfur að koma inn í þessu hlutverki. Þetta sýnir mikla auðmýkt hjá honum. Hann er ekki aðalleikarinn í þessu, ekki frekar en ég. Hann er ekki að sækjast eftir því að vera fremsti maður á blaði, ekki frekar en langflestir okkar frambjóðendur. Það sem skiptir mestu er að við erum með sameinaðan flokk.“ „Liggur beinast við að strika hann út“ Í skilaboðunum byrjar Kristrún á því að þakka íbúanum úr Grafarvogi fyrir að hafa samband. „Ég er formaður flokksins og stýri málefnaáherslum með stjórn flokksins. Dagur verður óbreyttur þingmaður, ekki ráðherra, hann situr ekki í stjórn flokksins og mun ekki sitja í ríkisstjórn. Í stórum breiðum flokki sem S er og þarf að vera til að leiða raunverulegar breytingar veljast alltaf inn einhverjir einstaklingar sem kjósendur hafa skiptar skoðanir á. Þannig hefur lýðræðið alltaf virkað,“ segir Kristrún. „En ég skil vel sjónarmið fólks sem vill ekki hafa hann og ef þú býrð og kýst í Reykjavíkur norður þar sem ég er oddviti og hann er í öðru sæti þá liggur beinast við að strika hann út í kjörklefanum. Ég bið þig að líta á heildarmyndina, áherslurnar sem ég hef barist fyrir undanfarin ár í húsnæðis-, efnahags- og heilbrigðismálum. Auðlindamálum. Það eru áherslurnar sem munu einkenna S í ríkisstjórn, ekki hvað borgin hefur gert. Dagur stýrir ekki S, ég geri það. Hann þarf að fylgja forystunni.“ „Hann er aukaleikari, ekki aðal“ Samfylkingin sé í dauðafæri til að leiða raunverulegar breytingar á samfélaginu. „Við megum ekki láta einn mann útiloka það - hann er aukaleikari, ekki aðal, í þessu verkefni. Staða hans á listanum breytir engu um áherslur S og þýðir ekki að ég sé samþykk öllu sem borgin hefur gert.“ Gífurleg endurnýjun hafi orðið á listum Samfylkingarinnar heilt yfir. „Nú reynir á okkur í S að sýna og sanna hvar við stöndum og við séum traustsins verð á næstu vikum. Hvet þig til að fylgjast með og gefa þessu tækifæri.“ Þjóðin fyrst og fremst í aðalhlutverki Spurð hvort að það orki tvímælis að vísa til frambjóðanda í öðru sæti á lista flokksins í Reykjavíkurkjördæmi norður sem aukaleikara sem muni ekki gegna ráðherraembætti, segir Kristrún í samtali við fréttastofu: „Hann hefur bara sjálfur lagt þetta til. Hann sækist eftir öðru sæti á listanum og er einmitt að koma inn sem stuðningsmaður. Við erum með fjöldann allan af fólki í aukahlutverki. Það er þjóðin fyrst og fremst sem er í aðalhlutverkinu. Þetta er allt eitthvað sem hann hefur sjálfur sagt í fjölmiðlum og sýnir að hann kemur inn á nýjan vettvang af ákveðinni auðmýkt. Ég er viss um að hann muni vera öflugur þingmaður fyrir Reykvíkinga og landið allt.“ Er ekki sérstakt að formaður flokksins beinlínis hvetji kjósendur til að strika fólk út? „Ef fólki líst vel á Samfylkinguna en ekki tiltekin frambjóðenda í sínu kjördæmi þá getur fólk kosið Samfylkinguna en strikað út frambjóðanda. Þannig eru reglurnar í okkar lýðræðislegum kosningum og það gildir um alla frambjóðendur og getur allt eins gilt um mig eins og hvern annan.“ Hún segir lykilatriðið vera að Samfylkingin sigri í komandi kosningum til að komast í stöðu til að leiða breytingar í landinu. Hún tekur fram að skoðanir fólks á einstökum frambjóðendum megi ekki trufla það verkefni. Skilaboðin í heild sinni Skilaboð Kristrúnar til stuðningsmanns má lesa í heild sinni hér fyrir neðan. Sæll og blessaður Tryggvi og takk fyrir að hafa samband Ég er formaður flokksins og stýri málefnaáherslum með stjórn flokksins. Dagur verður óbreyttur þingmaður, ekki ráðherra, hann situr ekki í stjórn flokksins og mun ekki sitja í ríkisstjórn. Í stórum breiðum flokki sem S er og þarf að vera til að leiða raunverulegar breytingar veljast alltaf inn einhverjir einstaklingar sem kjósendur hafa skiptar skoðanir á. Þannig hefur lýðræðið alltaf virkað. En ég skil vel sjónarmið fólks sem vill ekki hafa hann og ef þú býrð og kýst í Reykjavíkur norður þar sem ég er oddviti og hann er í öðru sæti þá liggur beinast við að strika hann út í kjörklefanum. Ég bið þig að líta á heildarmyndina, áherslurnar sem ég hef barist fyrir undanfarin ár í húsnæðis-, efnahags- og heilbrigðismálum. Auðlindamálum. Það eru áherslurnar sem munu einkenna S í ríkisstjórn, ekki hvað borgin hefur gert. Dagur stýrir ekki S, ég geri það. Hann þarf að fylgja forystunni. Við erum í dauðafæri til að leiða raunverulegar breytingar á samfélaginu. Við megum ekki láta einn mann útiloka það - hann er aukaleikari, ekki aðal, í þessu verkefni. Staða hans á listanum breytir engu um áherslur S og þýðir ekki að ég sé samþykk öllu sem borgin hefur gert. Það hefur orðið gífurleg endurnýjun á listum S heilt yfir! Nú reynir á okkur í S að sýna og sanna hvar við stöndum og við séum traustsins verð á næstu vikum. Hvet þig til að fylgjast með og gefa þessu tækifæri. Áfram gakk! Kristrún Samfylkingin Alþingiskosningar 2024 Mest lesið Í blóma lífsins þegar hann lést í Fnjóská Innlent Þrír fluttir á sjúkrahús eftir þriggja bíla árekstur við álverið Innlent Líkamsleifar manns úr Sverris sögu frá 1197 fundnar Erlent Gömul sár opnuð á ný og stofnar stuðningshóp Innlent Kosningavaktin: Íslendingar ganga að kjörborðinu Innlent Orðljótir stuðningsmenn Trump létu gaminn geisa í New York Erlent Áslaug um fartölvuna: „Það er alltaf reynt að gera stórmál úr svona hlutum“ Innlent Sjá mikil batamerki eftir háþrýstimeðferð Innlent Einn fluttur á bráðamóttöku eftir slagsmál Innlent Aukin netöryggisógn, götulokanir og vopnuð lögregla á Íslandi næstu daga Innlent Fleiri fréttir Þrír fluttir á sjúkrahús eftir þriggja bíla árekstur við álverið Einn fluttur á bráðamóttöku eftir slagsmál Í blóma lífsins þegar hann lést í Fnjóská „Ef ég væri kóngur myndi ég heita Valtýr sautjándi“ Gömul sár opnuð á ný og stofnar stuðningshóp Aukin netöryggisógn, götulokanir og vopnuð lögregla á Íslandi næstu daga Reykvíkingur ársins leiðir listann ásamt Ragnari Sjá mikil batamerki eftir háþrýstimeðferð Treystir Bjarna betur en öðrum forystumönnum Undirbúningur fyrir Norðurlandaráðsþing og úrslitaleikur í Bestu deildinni Skólarnir eigi að hjálpa nemendum að ná árangri og vera jöfnunartæki Séra Davíð Þór leiðir Sósíalista í Suðvesturkjördæmi Áslaug um fartölvuna: „Það er alltaf reynt að gera stórmál úr svona hlutum“ Selenskí kemur til Íslands á morgun Brynjar fær þriðja sætið í Reykjavíkurkjördæmi norður Jón Pétur Zimsen í þriðja sæti Sjálfstæðismanna í Reykjavík suður Ekki beittur þrýstingi um að gefa eftir sæti Allt á floti á Auto í nótt Óheppilegt en ekki óvenjulegt Götulokanir og mikil öryggisgæsla vegna heimsóknar þjóðarleiðtoga Úthugsuð strategía eða alvarlegt reynsluleysi hjá Kristrúnu Bjarni Jónsson til liðs við Græningja Óheppileg birting einkaskilaboða og æsispennandi úrslitaleikur Ætluðu að hringsóla yfir Eyjar þegar flugvélarnar skullu saman Skólakerfið, pólitíkin, Bandaríkin og kílómetragjald Sigmundur og Þorgrímur leiða í Norðausturkjördæmi Neitaði að færa sig frá lögreglubíl Dagurinn þegar fyrsta þotan lenti í Reykjavík Botnar ekkert í hegðun Kristrúnar Skiltið í allt öðrum búningi en lagt var upp með Sjá meira
Þetta segir Kristrún Frostadóttir, formaður Samfylkingarinnar, í samtali við fréttastofu um einkaskilaboð sem hún sendi stuðningsmanni sem hann birti síðan á íbúahópi Grafarvogs á Facebook í dag. Skjáskot af skilaboðunum hafa verið í dreifingu manna á milli. Kristrún segir Dag B. Eggertsson, fyrrverandi borgarstjóra, vera aukaleikara í stóra verkefni Samfylkingarinnar. Hún hvetur mögulegan kjósanda Samfylkingarinnar sem er ósáttur við Dag sem borgarstjóra í Reykjavík til að strika yfir nafn hans í kjörklefanum. Dagur stýri ekki Samfylkingunni heldur hún. Kalli ekki á afsökunarbeiðni Kristrún segir í samtali við Vísi að það sé eðlilegt að fólk sem vilji kjósa Samfylkinguna hafi mismunandi skoðanir á einstaka frambjóðendum. „Það eru líka einstaklingar sem hafa skoðanir á öðrum frambjóðendum. Það er auðvitað til fólk sem vill kjósa Samfylkinguna og líst vel á þær breytingar sem við höfum verið að boða fyrir Ísland en líst kannski ekki jafn vel á alla okkar frambjóðendur og það er bara eins og gengur og gerist.“ Spurð hvort að skilaboðin kalli á það hún biðji Dag afsökunar svarar Kristrún því neitandi. „Hann ákvað sjálfur að koma inn í þessu hlutverki. Þetta sýnir mikla auðmýkt hjá honum. Hann er ekki aðalleikarinn í þessu, ekki frekar en ég. Hann er ekki að sækjast eftir því að vera fremsti maður á blaði, ekki frekar en langflestir okkar frambjóðendur. Það sem skiptir mestu er að við erum með sameinaðan flokk.“ „Liggur beinast við að strika hann út“ Í skilaboðunum byrjar Kristrún á því að þakka íbúanum úr Grafarvogi fyrir að hafa samband. „Ég er formaður flokksins og stýri málefnaáherslum með stjórn flokksins. Dagur verður óbreyttur þingmaður, ekki ráðherra, hann situr ekki í stjórn flokksins og mun ekki sitja í ríkisstjórn. Í stórum breiðum flokki sem S er og þarf að vera til að leiða raunverulegar breytingar veljast alltaf inn einhverjir einstaklingar sem kjósendur hafa skiptar skoðanir á. Þannig hefur lýðræðið alltaf virkað,“ segir Kristrún. „En ég skil vel sjónarmið fólks sem vill ekki hafa hann og ef þú býrð og kýst í Reykjavíkur norður þar sem ég er oddviti og hann er í öðru sæti þá liggur beinast við að strika hann út í kjörklefanum. Ég bið þig að líta á heildarmyndina, áherslurnar sem ég hef barist fyrir undanfarin ár í húsnæðis-, efnahags- og heilbrigðismálum. Auðlindamálum. Það eru áherslurnar sem munu einkenna S í ríkisstjórn, ekki hvað borgin hefur gert. Dagur stýrir ekki S, ég geri það. Hann þarf að fylgja forystunni.“ „Hann er aukaleikari, ekki aðal“ Samfylkingin sé í dauðafæri til að leiða raunverulegar breytingar á samfélaginu. „Við megum ekki láta einn mann útiloka það - hann er aukaleikari, ekki aðal, í þessu verkefni. Staða hans á listanum breytir engu um áherslur S og þýðir ekki að ég sé samþykk öllu sem borgin hefur gert.“ Gífurleg endurnýjun hafi orðið á listum Samfylkingarinnar heilt yfir. „Nú reynir á okkur í S að sýna og sanna hvar við stöndum og við séum traustsins verð á næstu vikum. Hvet þig til að fylgjast með og gefa þessu tækifæri.“ Þjóðin fyrst og fremst í aðalhlutverki Spurð hvort að það orki tvímælis að vísa til frambjóðanda í öðru sæti á lista flokksins í Reykjavíkurkjördæmi norður sem aukaleikara sem muni ekki gegna ráðherraembætti, segir Kristrún í samtali við fréttastofu: „Hann hefur bara sjálfur lagt þetta til. Hann sækist eftir öðru sæti á listanum og er einmitt að koma inn sem stuðningsmaður. Við erum með fjöldann allan af fólki í aukahlutverki. Það er þjóðin fyrst og fremst sem er í aðalhlutverkinu. Þetta er allt eitthvað sem hann hefur sjálfur sagt í fjölmiðlum og sýnir að hann kemur inn á nýjan vettvang af ákveðinni auðmýkt. Ég er viss um að hann muni vera öflugur þingmaður fyrir Reykvíkinga og landið allt.“ Er ekki sérstakt að formaður flokksins beinlínis hvetji kjósendur til að strika fólk út? „Ef fólki líst vel á Samfylkinguna en ekki tiltekin frambjóðenda í sínu kjördæmi þá getur fólk kosið Samfylkinguna en strikað út frambjóðanda. Þannig eru reglurnar í okkar lýðræðislegum kosningum og það gildir um alla frambjóðendur og getur allt eins gilt um mig eins og hvern annan.“ Hún segir lykilatriðið vera að Samfylkingin sigri í komandi kosningum til að komast í stöðu til að leiða breytingar í landinu. Hún tekur fram að skoðanir fólks á einstökum frambjóðendum megi ekki trufla það verkefni. Skilaboðin í heild sinni Skilaboð Kristrúnar til stuðningsmanns má lesa í heild sinni hér fyrir neðan. Sæll og blessaður Tryggvi og takk fyrir að hafa samband Ég er formaður flokksins og stýri málefnaáherslum með stjórn flokksins. Dagur verður óbreyttur þingmaður, ekki ráðherra, hann situr ekki í stjórn flokksins og mun ekki sitja í ríkisstjórn. Í stórum breiðum flokki sem S er og þarf að vera til að leiða raunverulegar breytingar veljast alltaf inn einhverjir einstaklingar sem kjósendur hafa skiptar skoðanir á. Þannig hefur lýðræðið alltaf virkað. En ég skil vel sjónarmið fólks sem vill ekki hafa hann og ef þú býrð og kýst í Reykjavíkur norður þar sem ég er oddviti og hann er í öðru sæti þá liggur beinast við að strika hann út í kjörklefanum. Ég bið þig að líta á heildarmyndina, áherslurnar sem ég hef barist fyrir undanfarin ár í húsnæðis-, efnahags- og heilbrigðismálum. Auðlindamálum. Það eru áherslurnar sem munu einkenna S í ríkisstjórn, ekki hvað borgin hefur gert. Dagur stýrir ekki S, ég geri það. Hann þarf að fylgja forystunni. Við erum í dauðafæri til að leiða raunverulegar breytingar á samfélaginu. Við megum ekki láta einn mann útiloka það - hann er aukaleikari, ekki aðal, í þessu verkefni. Staða hans á listanum breytir engu um áherslur S og þýðir ekki að ég sé samþykk öllu sem borgin hefur gert. Það hefur orðið gífurleg endurnýjun á listum S heilt yfir! Nú reynir á okkur í S að sýna og sanna hvar við stöndum og við séum traustsins verð á næstu vikum. Hvet þig til að fylgjast með og gefa þessu tækifæri. Áfram gakk! Kristrún
Samfylkingin Alþingiskosningar 2024 Mest lesið Í blóma lífsins þegar hann lést í Fnjóská Innlent Þrír fluttir á sjúkrahús eftir þriggja bíla árekstur við álverið Innlent Líkamsleifar manns úr Sverris sögu frá 1197 fundnar Erlent Gömul sár opnuð á ný og stofnar stuðningshóp Innlent Kosningavaktin: Íslendingar ganga að kjörborðinu Innlent Orðljótir stuðningsmenn Trump létu gaminn geisa í New York Erlent Áslaug um fartölvuna: „Það er alltaf reynt að gera stórmál úr svona hlutum“ Innlent Sjá mikil batamerki eftir háþrýstimeðferð Innlent Einn fluttur á bráðamóttöku eftir slagsmál Innlent Aukin netöryggisógn, götulokanir og vopnuð lögregla á Íslandi næstu daga Innlent Fleiri fréttir Þrír fluttir á sjúkrahús eftir þriggja bíla árekstur við álverið Einn fluttur á bráðamóttöku eftir slagsmál Í blóma lífsins þegar hann lést í Fnjóská „Ef ég væri kóngur myndi ég heita Valtýr sautjándi“ Gömul sár opnuð á ný og stofnar stuðningshóp Aukin netöryggisógn, götulokanir og vopnuð lögregla á Íslandi næstu daga Reykvíkingur ársins leiðir listann ásamt Ragnari Sjá mikil batamerki eftir háþrýstimeðferð Treystir Bjarna betur en öðrum forystumönnum Undirbúningur fyrir Norðurlandaráðsþing og úrslitaleikur í Bestu deildinni Skólarnir eigi að hjálpa nemendum að ná árangri og vera jöfnunartæki Séra Davíð Þór leiðir Sósíalista í Suðvesturkjördæmi Áslaug um fartölvuna: „Það er alltaf reynt að gera stórmál úr svona hlutum“ Selenskí kemur til Íslands á morgun Brynjar fær þriðja sætið í Reykjavíkurkjördæmi norður Jón Pétur Zimsen í þriðja sæti Sjálfstæðismanna í Reykjavík suður Ekki beittur þrýstingi um að gefa eftir sæti Allt á floti á Auto í nótt Óheppilegt en ekki óvenjulegt Götulokanir og mikil öryggisgæsla vegna heimsóknar þjóðarleiðtoga Úthugsuð strategía eða alvarlegt reynsluleysi hjá Kristrúnu Bjarni Jónsson til liðs við Græningja Óheppileg birting einkaskilaboða og æsispennandi úrslitaleikur Ætluðu að hringsóla yfir Eyjar þegar flugvélarnar skullu saman Skólakerfið, pólitíkin, Bandaríkin og kílómetragjald Sigmundur og Þorgrímur leiða í Norðausturkjördæmi Neitaði að færa sig frá lögreglubíl Dagurinn þegar fyrsta þotan lenti í Reykjavík Botnar ekkert í hegðun Kristrúnar Skiltið í allt öðrum búningi en lagt var upp með Sjá meira