Galin mis­tök kostuðu Bears væntan­lega leikinn

Carter var einn á auðum sjó rétt við endalínuna og í dauðafæri til að skora snertimark. En í stað þess að grípa boltann og hlaupa með hann gaf hann félögum sínum merki um að snerta boltann ekki og virðist hreinlega hafa gleymt að hugsa um það að grípa boltann sem skoppaði í jörðina og úr greipum hans.

Það var enginn liðsfélagi Carter nálægur til að berjast mögulega um boltann við hann sem gerir þessi mistök enn undarlegri og voru lýsendur leiksins gapandi hissa yfir þessu hugsunarleysi, eins og heyra má í klippunni hér að ofan.

Staðan í leiknum á þessum tímapunkti var 17-10, Vikings í vil, sem gerir mistökin enn grátlegri fyrir liðsmenn Bears, sem eru nú 24-10 undir þegar þetta er skrifað.