Erlent

Segir Rússa undir­búa lang­varandi á­tök við NATO

Samúel Karl Ólason skrifar
Mark Rutte, framkvæmdastjóri NATO, segir Rússa undirbúa langvarandi átök við Vesturlönd.
Mark Rutte, framkvæmdastjóri NATO, segir Rússa undirbúa langvarandi átök við Vesturlönd. AP/Virginia Mayo

Ríki Atlantshafsbandalagsins eru ekki undirbúin fyrir þá ógn sem stafar af Rússlandi til lengri tíma. Þörf er á breyttu hugarfari meðal ráðamanna í NATO og hækka þarf fjárútlát til varnarmála, því það væri eina leiðin til að koma í veg fyrir stríð.

Þetta sagði Mark Rutte, nýr framkvæmdastjóri NATO, í ræðu í Brussel í dag. Þar sagði hann að Rússar væru þegar byrjaðir að undirbúa langvarandi átök gegn Úkraínu og gegn NATO.

„Við erum ekki tilbúin fyrir það sem við munum standa frammi fyrir eftir fjögur til fimm ár.“

Meðal annars ræddi hann um fjölgun tölvuárása frá Rússlandi, banatilræðum og svokölluðum blönduðum hernaði, sem ætlað væri að grafa undan samstöðu á Vesturlöndum.

Rutte er ekki sá fyrsti sem varar við hættunni á blönduðum hernaði Rússa. Það gerði Bruno Kahl, yfirmaður einnar af leyniþjónustum Þýskalands, einnig nýverið.

Sjá einnig: Segir skemmdarverk Rússa í Evrópu geta leitt til átaka

Hann vísaði einnig til þess að ráðamenn í Kína virtust staðráðnir í því að byggja áfram upp hersveitir sínar og horfðu girndaraugum til Taívan, samkvæmt frétt Sky News.

Rutte sagði tíma til kominn að auka fjárveitingar til varnarmála og auka hergagnaframleiðslu. Einnig þyrfti fólk að breyta hugarfari þeirra. Öryggisástand heimsins hefði ekki verið eins slæmt á hans lífstíð.

Samhliða ræðu Rutte birti NATO meðfylgjandi myndband á samfélagsmiðlum Bandalagsins.

Innan NATO hefur verið sett sú stefna að öll aðildarríki eigi að verja að minnsta kosti tveimur prósentum af vergri landsframleiðslu til varnarmála á komandi árum. Búist er við því að 23 af 32 ríkjum NATO nái þessu markmiði á þessu ári.

Rutte sagði það ekki duga til.

Vísaði hann til þess að á tímum kalda stríðsins hafi þessi tala víðsvegar farið yfir þrjú prósent. Donald Trump, verðandi forseti Bandaríkjanna, hefur einnig kallað eftir því að bandamenn Bandaríkjanna verji þremur prósentum af landsframleiðslu til varnarmála.

Sjá einnig: „Dögun þriðju kjarnorkualdarinnar er í vændum“

Samkvæmt Reuters kallaði Rutte eftir því að ríkisstjórn aðildarríkja hættu reisa tálma í vegi hvors annars þegar kæmi að hergagnaframleiðslu og á öðrum sviðum. Þá hvatti hann forsvarsmenn fyrirtækja í hergagnaframleiðslu að taka áhættu og sýna frumkvæði.

NATO Hernaður Donald Trump Rússland Bandaríkin

Tengdar fréttir

Eldsprengjur GRU hefðu getað grandað flugvélum DHL

Myndir af eldsprengjum sem útsendarar leyniþjónustu rússneska hersins (GRU) eru grunaðir um að hafa sett um borð í flugvélar DHL, benda til þess að sprengjurnar hefðu getað grandað flugvélum. Vegna tafa kviknaði í sprengjunum á jörðu niðri en hefðu engar tafir orðið, hefur þær líklega sprungið um borð í flugvélum yfir Atlantshafinu.

Lík­legasta kanslara­efnið heimsótti Kænugarð

Friedrich Merz, leiðtogi Kristilegra demókrata, og líklegur eftirmaður Olafs Scholz sem kanslari Þýskalands, kom til Kænugarðs til þess að fullvissa úkraínska ráðamenn um áframhaldandi stuðning í morgun. Úkraínustríðið er efst á baugi í kosningabaráttunni í Þýskalandi.

Ógilda kosningar og endurtaka allt ferlið

Stjórnarskrárdómstóll Rúmeníu hefur ógilt niðurstöður fyrri umferðar forsetakosninganna nokkrum dögum áður en seinni umferðin átti að fara fram. Vegna ógildingarinnar þarf að hefja ferlið að nýju og velja nýjan dag fyrir kosningu fyrri umferðar. Það er á ábyrgð ríkisstjórnarinnar að gera það.

Njósnarar Rússa ræddu morð eða rán á blaða­manni

Hópur Búlgara sem bjó í Bretlandi njósnaði fyrir Rússa í tæp þrjú ár og á þeim tímabili er hópurinn sagður hafa sett líf margra í hættu. Hópurinn stundaði njósnir víðsvegar um Evrópu, þar sem fólkið safnaði upplýsingum um fólk fyrir Rússa og ræddi meðal annars að myrða búlgarskan blaðamann sem kom að því að svipta hulunni af banatilræði rússneskra útsendara á Sergei Skripal.

Danska leiðin vekur lukku meðal bakhjarla Úkraínu

Jonas Gahr Støre, forsætisráðherra Noregs, hefur tilkynnt að Norðmenn ætli sér að auka fjárhagslegan stuðning við Úkraínumenn á næsta ári, eftir að hafa ákveðið að draga töluvert úr honum. Í heildina stendur til að veita Úkraínumönnum að minnsta kosti þrjátíu milljarða norskra króna á næsta ári, eftir viðræður við stjórnarandstöðuna.

Mest lesið


Fleiri fréttir

Sjá meira


×

Mest lesið